可以用物質鼓勵孩子讀書嗎？

LeeCC

我會讃許他付出的努力和忍耐，跟住一起去玩，去吃，話系放鬆下

mypineapple

最近我試用奬佢同佢玩

ABC-DAD

       或自己做法，假如係小朋友自己提出，和學業相關嘅獎勵，買書，益智學習軟或件學某些課程之類，那可考慮，但用成綪去交換電玩手機之類，容易帶出偏差的價值觀。
       記憶中小學階段，每次測考完，都接兩兄妹吃去喜歡的甜品店開懷吃喝，耹聽兩兄妹高談闊論，以示獎勵認真對待考試，不論成績好壞。要電玩？我的做法是不跟成績掛鈎，我要求跟身高掛鈎，心底話是不希望太早有電玩對沖求學的內在自我滿足感，要等長大到某階段，對電玩的魔力有一定抗體才放行。

wan_sosin

MNIF 發表於 17-1-11 21:11
我理解在於「學習」與「訓練」是兩回事。要讓一個小朋友自主學習，真係好困難。反之佢有興趣果樣嘢就易攪啲 ...

所以教小朋友，都要找幾套方法，獎勵只係其中一樣。動機不一定要來自獎品，有鬥心想自己有進步都可以是動力。其實小朋友本性都喜歡學習，很多小朋友幼稚園階段都會每事問，只不過教育制度很快也很易磨滅小朋友的好奇心和興趣。家長惟有盡辦法力挽狂瀾!

MrBeast

wan_sosin 發表於 17-1-11 22:02
所以教小朋友，都要找幾套方法，獎勵只係其中一樣。動機不一定要來自獎品，有鬥心想自己有進步都可以是動 ...

有時真無奈，就算父母自己肯做多些啟發，小朋友又會投訴返學上堂悶

wan_sosin

MrBeast 發表於 17-1-11 23:14
有時真無奈，就算父母自己肯做多些啟發，小朋友又會投訴返學上堂悶

上一堂隨時用了半堂罵學生,不是罵功課做錯,就是罵上堂不留心!

我個仔返屋企學英文老師鬧人的口頭禪"真係離晒譜呀!",不過"離晒譜老師"其實幾緊張學生,都想教好學生,只係忍唔到度火!

1998Ruby1998

回覆 wan_sosin 的帖子

用半堂鬧人呢家嘢真係食生菜，日日發生。
試過因為個同學帶漏書，個老師用連堂鬧個學生。其他學生緊係開心啦，突如其來的兩個空堂，無論個班房點嘈老師都唔理，淨係掛住鬧個同學。到中學都仲有咁樣的情況出現。
班老師完全焦點錯曬，上堂就上堂，冇帶書就叫隔離同學睇住先，落堂再鬧都未遲啦。同埋冇帶書，係洗唔洗鬧兩堂？

S-Kwok

對任何事、任何人，都唔會一種方法行得通。如果可以，人類就無咁多煩惱

其實一直以來我都好矛盾，明知有bonus孩子會好有動力，但又孩子習慣了，無咗bonus會失去動力。 如果孩子能夠因joyful而努力，而完全唔需要外在獎勵就梗係好啦，但問心嗰句，如果你老闆話bonus比你，我地都落力啲啦！
直至今日，我會同時用幾套方法：
1）印仔換獎品： 針對孩子嘅科目而設定印仔（作文是我仔弱點，不過如果用心去做，都可以做得好好，但有時會作到一pet屎咁，所以如果內容老師評為就有15個印仔，其他如reading 有A就5個印，我會對仔講因為你有用心、小心去做reading，所以我是獎勵你的用心、小心、認真）。
2）平常多讚賞他的努力
3）如果成績好，將努力、用心、小心、認真跟成果掛鉤

MrBeast

IloveJJ 發表於 17-1-12 08:04
所以獎勵只是其一，還要很多其他。
咁你話，咁我剩係其他得唔得呀？當然得，唔係點會有人做義工呢？但細路 ...

是的，幼兒至初小，要培養小朋友自理，deferred gratification 、 責任心、正確價值觀，3歳定80，之後好難搞

scgift

原帖由 wan_sosin 於 17-01-11 發表
我屋企有隻葵鼠，最初養佢時仲係BB,為想教佢企起身(是本身有的一種能力), 我要佢企起身先比食物佢，後來當 ...

是的，我曾經有一個補習學生(由小三補到小四)，底子差，成績一向唔好，家長習慣用物質獎勵去"鼓勵"佢努力。最初小三都幾乖真係有明顯進步，但一到小四就開始"講數"，開到聲要爸爸買XX同XX或價值超過$1000的禮物，仲要爸爸做左承諾後，佢才肯稍為用心補習温習。如果家長唔妥協，話要佢成績理想才有禮物，佢就會發脾氣，自我放棄，連功課都唔願做。到小四下學期開始，更加玩埋自殺(成日提住要去死，但冇實行)，又試過補補下習去廚房攞把菜刀出來亂咁劈，要脅家長/補習老師/學校社工去滿足佢既要求。

mypineapple

scgift 發表於 17-1-12 09:22
是的，我曾經有一個補習學生(由小三補到小四)，底子差，成績一向唔好，家長習慣用物質獎勵去"鼓勵"佢努力。 ...

咁極端？

mypineapple

有網友話， 如果小朋友已經盡了力去溫習， 但分數仍然強差人意， 都應獲得獎勵

wan_sosin

scgift 發表於 17-1-12 09:22
是的，我曾經有一個補習學生(由小三補到小四)，底子差，成績一向唔好，家長習慣用物質獎勵去"鼓勵"佢努力。 ...

好可怕的例子！父母太濫用獎勵。
小朋友如果本身道德價值觀同品格建立得唔好，加上反過來掌握到大人心理，父母真係輸晒！關係只剩下買賣！
永遠品格比成績重要，一個有責任心的小朋友，多少自己都會負上學校功課溫習的學生本份，唔會差得太緊要！

haihaimom

mypineapple 發表於 17-1-12 09:45
有網友話， 如果小朋友已經盡了力去溫習， 但分數仍然強差人意， 都應獲得獎勵
...

我一向會用書做獎勵，係獎個態度，只要有認真努力温習，考完試一定買本佢喜歡既書俾佢做獎勵。

LeeCC

mypineapple 發表於 17-1-12 09:45
有網友話， 如果小朋友已經盡了力去溫習， 但分數仍然強差人意， 都應獲得獎勵
...

能力所限，已盡力做，達到他能力以內的目標 ，我會讃和欣賞他的努力