讀緊國際學校補英文？ - 國際學校

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 國際學校 › 讀緊國際學校補英文？

查看: 4351\|回覆: 12	go 讀緊國際學校補英文？ [複製鏈接]

phoebechong1111

複式洋房

Rank: 3 Rank: 3


	178

1^#

發表於 17-1-9 10:06 |只看該作者 |倒序瀏覽 |打印

眼見身邊其他家長帶小朋友出外補phonics, 其實國際學校全英語授課，點解仲要出外補？諗住比小朋友讀國際學校的其中一個原因就是不想好似local school的小朋友課後還要補咁多習，但好多國際學校d家長都好谷。

6 0 0 0

返回頂部

elmostoney

男爵府

Rank: 6 Rank: 6


	5702

2^#

發表於 17-1-9 10:34 |只看該作者

本帖最後由 elmostoney 於 17-1-9 10:41 編輯

唔洗補. 如小朋友跟唔上, 可係屋企同佢跟住學校的要求, 讀下書就得. 以前我個女都係咁, 係班上大落後, 我自己係屋企同佢讀下, 當然佢本身又對閱讀好有興趣, 過左四五個月左右就冇問題了. 不竟出去補, 一星期補得幾多日, 不如自己係屋企同佢做, 起碼一星期讀到四五日, 效果好好多, 只要有適當教材即可.

另外我想指出不是嬴在起跑線上的, 有我個女的經驗, 我提早教我個仔phonics, 我個女成五歲半我先同佢讀書(之前讀比佢聽), 我個仔四歲我就教 (我2個都冇出去學的). 結果因人而異, 我個女係書迷, 我個仔麻麻地鍾意睇, 即使以年齡論, 學識拼讀比家姐早, 幾年下來後, 以同齡計, 程度同家姐差好遠. 家姐高小了, 閱讀能力比同齡孩子平均快上兩三年, 呢d都係日積月累的. 好多時, 唔到家長話事, 所以唔洗理其他人補唔補, 早一兩年識睇書或遲一兩年其實係完全冇影響的, 反而增加孩子不必要的壓力.

返回頂部

phoebechong1111

複式洋房

Rank: 3 Rank: 3


	178

3^#

發表於 17-1-9 11:20 |只看該作者

elmostoney 發表於 17-1-9 10:34
唔洗補. 如小朋友跟唔上, 可係屋企同佢跟住學校的要求, 讀下書就得. 以前我個女都係咁, 係班上大落後, 我 ...

非常同意(emoji)(emoji)(emoji)(emoji)(emoji)(emoji)多謝你分享經驗！

返回頂部

964000

伯爵府

Rank: 8 Rank: 8


	15712

4^#

發表於 17-1-9 19:27 |只看該作者

elmostoney 發表於 17-1-9 10:34
唔洗補. 如小朋友跟唔上, 可係屋企同佢跟住學校的要求, 讀下書就得. 以前我個女都係咁, 係班上大落後, 我 ...

Well said

返回頂部

858

複式洋房

Rank: 3 Rank: 3


	464

5^#

發表於 17-1-9 23:58 |只看該作者

本帖最後由 858 於 17-1-10 00:09 編輯

我個仔讀IS K2, 有幫佢請返IS老師英文私補，一星期兩至三堂，每堂個半鐘，主要原因係佢未識字睇書，同埋我覺得老師受過專業訓練，了解幼兒行為、反應來施教，效果比較事半功倍。每堂老師會講故事書，小朋友畫圖畫然後再解釋返意思、玩小遊戲訓練思考和大小肌肉。另外有廣東話老師一星期來一次講故事同每次教佢寫一個單字。補習都可以好輕鬆的，仔仔好期待每一次補習。但補習班我麻麻地，始終一對一好好多。

返回頂部

elmostoney

男爵府

Rank: 6 Rank: 6


	5702

6^#

發表於 17-1-10 10:59 |只看該作者

本帖最後由 elmostoney 於 17-1-10 11:05 編輯

當年我用兩套教材, Peter and Jane 和以下這本. 有人比過Jolly Phonics 我, 但我覺得未必一定有需要某套教材. 兩套加係來唔洗一千蚊. 最重要係有恆心, 唔好讀一日又歇幾日咁. 每日小小就得. Usborne有套fat cat on the mat什麼的, 我也有, 亦可輔助. 其餘就係讀下故事書比佢聽. 如果時間同能力許可, 自己教是最貼心的. 學中文咁, 我一直都有請家教, 高峰期試過一星期4堂. 唔係話家教唔好, 寫作修辭比老師教更好, 但我發覺認字自己教最有效率, 除非你個小朋友好似我個女咁抗拒中文, 我教佢唔掂. 因上年年頭走左個家教, 我自己pick up教阿仔, 決定以認字為主, 以便自主閱讀, 一年下來, 認左1000字 (加埋之前多年積存左700字左右), 比家教教多好多, 主要係我一星期起碼同佢讀5日, 家教都係來一兩日, 做唔到同樣效果. 我而定只叫家教同佢集中作文, 寫下字, 讀下故事. 而家我個仔基本上可自行讀到"米小圈"呢套書, 希望再多一年, 認多800字, 基本上就真的可以自主閱讀大部份童書.

https://www.amazon.com/Reading-L ... onics+in+20+lessons

返回頂部

elmostoney

男爵府

Rank: 6 Rank: 6


	5702

7^#

發表於 17-1-10 11:15 |只看該作者

另外我想指出唔洗追求程度. 以前我d細路係初小, 見到有同學仔Y1就話睇Narnia, 六歲睇Harry Potter, 心裡真係又佩服又羨慕架. 而家我個女高小了, 睇返轉頭, 唔係佢而家睇到物野level的書, 而係佢睇書之後對文筆寫作, 故事內容體會, 知識上得著等好廣泛的層面. 五六歲睇, 即使佢follow到個故事, 其實對好多細節都未必get 到, 睇書唔係要話比人聽可以睇到幾深, 而家自己從中得到幾多, 呢樣我係我個女身上有好大體會, 不竟佢Y1 時曾被老師懷疑過有ADD添. Just give the child time to develop. Don't set a pace. That's why you choose IS instead of LS. As long as you child doesn't have developmental issues, they may start off a bit slower than other kids, but they will be fine.

返回頂部

何B仔Adrian

大宅

Rank: 5 Rank: 5


	3193

8^#

發表於 17-1-10 12:08 |只看該作者

elmostoney 發表於 17-1-10 11:15
另外我想指出唔洗追求程度. 以前我d細路係初小, 見到有同學仔Y1就話睇Narnia, 六歲睇Harry Potter, 心裡真 ...

這給我很大的鼓勵, 我小朋友剛滿四歲, K2, 我覺得佢比同齡小朋友慢, 無論認知方面同語言能力方面, 老師亦懷疑佢有問題並提議出外找專家作評估. 既傷心又擔心, 我唔係唔接受現實, 但有時老師既意見未必一定係真理, 由於佢在班內屬細B (12月B), 佢跟不上班上進度, 不是個個老師都有耐性, 而學校Policy不許defer一年做大B, 我唔想一早certify佢有問題, 據我觀察, 我小朋友唔係什麼障礙, 佢都外向愛說話, 但只限於簡單句子(中英文如是), 而係我又唔係太愛說話且忙, 少跟佢說話及教佢. 這兩個月來, 我在家努力同佢講故事, 劃下畫, 寫下自己名字, 見佢開始有進步. 有時我對自己這樣的方法有所懷疑, 我問自己是否太遲起步, 用既方法是否適宜, 應否外判讓專業教... 等等問題....