初小的成績

miujoey

我囡小一, 請問小學測驗考試70幾, 80幾 分, 係未好低分? 聽聞有學校70幾分已經收電話?      

kanhan

算幾低，小一，8O幾都已低。

day_bo

miujoey 發表於 16-12-21 12:05
我囡小一, 請問小學測驗考試70幾, 80幾 分, 係未好低分? 聽聞有學校70幾分已經收電話?       ...

如津校小一，學生質素較參差，有部份學生70幾分唔奇，如來自私幼，通常有90分以上。

miujoey

我囡不是私幼, happy school 幼稚園, 眼見其它來自私幼的都幾高, 有90分以上.

brother4

咁正常，因目標性幼兒園早3年操小朋友，而活動性順其自然，一般小四大家分別不大

Haz-mama

現在只是小一，還有時間慢慢追番d成績，不用過份擔心。除非樓主嗰間是名小

CALVEN

坦白講算低，，剛小一，如果無早教，可能以後會高返

miujoey

不是名小, 只是一條龍直資, 我不知其它小朋友的平均成續, 因我地家長群組是不討論成續的, 所以只是問下個囡其它同學幾多分, 佢就話多數80,90幾. 因大多來自名幼

說真是有d擔心, 佢是讀得好輕鬆的,  都掙扎緊不如谷下啦.  

miujoey

回覆 Haz-mama 的帖子

名小可能一早比人照左肺

babywoman

一條龍，仲要谷?
到小四再睇下啦。

靚靚C9

算低

Tintin926

冇得咁計，不同學校程度可以差別好大

miujoey

成績低, 奈何平日無多餘時間溫習, 又要閱讀, 邊有咁多間間溫習, 放假星期六又要補英文, 又要phonics , 又無時間, 剩餘星期日都帶佢去玩relex , 更加唔想唯一放假都溫書.

但有時都不自覺比壓力自己, 會唔會太hea呢 . 內心不斷掙扎.

b3410

小學低年級應該以養成良好學習習慣為主，不必太介意成績。不過都值得回顧一下，成績低的原因。唔識做？ 唔識讀題？唔明考試係點？唔使太大壓力，轉向谷的方向。不過適當的每科做一兩份卷，家長望住一起做（平心靜氣地），應當可以發現原因，之後不難處理。

b3410

其實考試唔係為分數，係一個定時檢測自己，調整方向的tools。發現問題及早改善，好過一下子爆嗮出來。

miujoey

好多謝各位有用的意見, 成績低原因我大概知道, 因小囡記憶不錯, 默書就好高分,  但性格自以為事, 成日以為自己識曬, 做事又求其大意,  做親卷就唔認真, 好快就做完, 之後問番佢錯咩佢又好似明白, 我都攪不清佢係大意定唔識, 不過在平時做家課時大致都明白的,.

5tgb

其實你已又補習，又 phonics, 已經唔算 hea, 成績不是一切，到老師比電話，才與老師商討都未遲。如果有家長會，也可問下，因為最清楚你女兒的，不是論譠之友，是老師呀！

miujoey

回覆 5tgb 的帖子

明白的. 謝謝

山海兒女

回覆 miujoey 的帖子

其實，你需要改善的，是她的學習態度，而唔係成績和分數。
小一至小三，我從來只著眼她識定唔識，識但低分就和她一起找原因。

小女初其識但唔肯定也會留空，我就同佢講下次唔準有空格，有空格高分都唔會有獎。

又有一次佢差D唔合格，佢好驚咁同我講因為唔小心夾著兩頁冇睇，所以文章一對文章二的問題，令佢唔識做四頁。

我又冇鬧佢，只叫佢下次小心D，仲安慰佢好彩仲合格。

初小就是要她學習從錯誤中成長。