好灰⋯⋯開始覺得報名私小直資令人好大打擊

期雨

好幾次見到女兒跟著大隊進去面試，看見她小小的背影消失在視線內，眼淚都是忍不住在打轉的，幸好面試潮已過。

yukisch

期雨 發表於 16-11-19 00:32
好幾次見到女兒跟著大隊進去面試，看見她小小的背影消失在視線內，眼淚都是忍不住在打轉的，幸好面試潮已過 ...

所以我覺得我女好叻好叻，每次都笑住行入去，笑住跳出來，從來無扭計，只係5歲人仔，已經好超額完成，考唔到又唔係佢想，反正唔會無書讀，大家都唔好咁大壓力

edniebridge

msyoyolam 發表於 16-11-18 23:25
我諗每個小朋友性格也不同，我見過一d真係會怕面試，害怕自己答得不好的，甚至之前會緊張失眠！但我嗰個呢 ...

睇得出你付出好多努力同心機，所以特別失望，我諗都係人之常情。但，樓主提到日教夜教都唔聽時，可能要退一步反思，是否孩子需要另一套方法去教？不受教的原因又是什麼？呢樣嘢真係人人不同。不聽媽媽話只是一個行為，是表徵，但內裡可以有很多不同的原因，如果不是針對返個原因，就好難去改。

例如寒背，可能有生理上或習慣上的原因，有無可能是他肌肉張力或力度不足問題？自信心問題？

有個教育家講過一句說話，If they can't learn the way we teach, we teach the way they learn (O Ivan Lovaas). 雖然這位教育家是針對自閉的孩子而言，但我覺得每個孩子也是適用的。

有時我也會嬲孩子，為什麼你咁咁咁，老公就走來同我講，其實她也咁咁咁，不過你無留意到，我頓時就開竅了。有時過於著眼睇唔順眼的地方，就變成睇唔到全景的圖畫了。之後我睇返多些孩子的長處，多去欣賞同鼓勵她，改需下我說話的方法，之後她整體的表現都提升了。

祝樓主也早日找到和小朋友溝通的鑰匙！！

16-11-19 08:12 上傳

下載附件 (40.56 KB)

期雨

原帖由 yukisch 於 16-11-19 發表
所以我覺得我女好叻好叻，每次都笑住行入去，笑住跳出來，從來無扭計，只係5歲人仔，已經好超額完成，考唔 ...

眼淚打轉的人是我

Avig

樓主,請不要放棄.你堅持足一年,一定有學校收. 每次面試後.請嘗試改善下一次.其實不同學校來來去去都係考類似嘅small tasks.只要你掌握小技巧.已經可以過得一關得一關.

就算只有<1%機會,你都要同你小朋友一齊fight 到最後一刻.

meowloo

retriever 發表於 16-11-18 23:40
"那含淚播種的人，必含笑獲享收成"

現在才剛起步，一切言之尚早，期待這一天來臨！共勉之～

Chirley

AnnieSammy 發表於 16-11-19 09:49
好多家長當啲學校係模擬面試場，怎有感覺呢？ otherwise,  how come every school has few thousands appl ...

咁只能講, 小朋友同大人同辛苦了

yubaba

原帖由 msyoyolam 於 16-11-18 發表
我識成手offer 嗰d，並唔係日操夜操冇得玩，反而係玩得又讀得既多。我地一班父母由pn識到而家，大家一齊作 ...

同感!我女當年考N，除一兩間好神的唔中，基本上任揀。同一班N班同學一齊考K，我女除一間最心儀的入唔到，其他都有得揀，比起佢其他同學好好多。但三年過去，我女一個offer都無，反而當年考K麻麻的同學仔，就有很多offers喺手。

hkpapa852

其實香港每年最後都有只少70%小朋友係讀官津小學，入唔到直資/私立小學其實無乜大不了。
而且，根本亦沒有任何一間學校係非讀不可 ，只係近年太多人神化咗直資/私立小學既能力。

day_bo

siden 發表於 16-11-18 23:32
完全同情。

以前後生未有小朋友，見到頑劣小孩會心諗咁「冇家教」。

完全明白你感受，因我家有這樣的孩子，不斷試不同方法教佢，盡了力.....只有c6、工人姐姐最明白，我們也不太跟朋友深入討論我仔性格，他們不會明，除非有同類孩子。

mamameowmeow

原帖由 day_bo 於 16-11-19 發表
完全明白你感受，因我家有這樣的孩子，不斷試不同方法教佢，盡了力.....只有c6、工人姐姐最明白，我們也不 ...

同路人! 希望小朋友早日開竅, 加油!

dwklau

我已經好少入來, 因為今日放榜, 入來八卦下。見到樓主咁灰心, 好想安慰下你。其實, 小朋友仲細, 佢地既潛力仲未發揮出來, 唔好咁快就被INTERVIEW既結果打擊自己的信心, 唔好去質疑佢地既能力。

我既小朋友小一叩門全軍覆沒, 我都好懷疑佢係咪真係咁差呢。結果, 我們用了一年時間去準備小二插班。之後, 當年唔收我地既學校都收番我地, 我們最終仲入了最心儀既一條龍學校。當然, 小一時候付出了不少汗水, 不過我們最終還是如願以償了。

真係唔好咁快灰心, 你要知道你做為父母, 只有你可以幫你既小朋友。我而家都只會同囡囡講, 媽媽為你鋪好路, 但最終如何走完, 就看你自己了。

Fighting!

coolnestea

原帖由 期雨 於 16-11-19 發表
好幾次見到女兒跟著大隊進去面試，看見她小小的背影消失在視線內，眼淚都是忍不住在打轉的，幸好面試潮已過 ...

好有同感。感恩我嘅小朋友有一間offer(雖不是最心儀)，而嚟緊仲有學校要in。心儀嗰間我同老公一齊跟小朋友入去面見，結過雖然難過，但我哋覺得佢有份被邀第二次面見，已很開心。過程中亦見小朋友有努力，5歲人仔要經歷這些面試實在不易。
老公提醒我，小朋友嘅健康同快樂係最重要。小學不是一切，第時可出國，甚至乎出嚟社會做事又係另一樣嘢。
大家一齊努力，跟孩子開開心心

Catkung

多謝各位分享和鼓勵，今天自行放榜派到心儀小學，真的好開心！！

trendyhlgs

學費稍貴既直私一定有人放位，會比所謂一線既放位多既。