係咪一定要去外國讀書？

ruby001234

我個小朋友今年中六，準備緊考dse
讀緊band2中學
成績一般，pre mock得11,12分
屋企唔係幾百萬開頭，真係負擔唔到去外國讀書
有想過去台灣讀書，但自己又咩都唔識唔熟
有咩途徑可以入到幫佢想讀嘅科同學校呀？
佢自己想讀時裝設計/產品設計/數位設計類嘅有無咩讀藝術出名嘅大學？
我驚佢dse唔夠分去讀，又驚台灣學歷香港唔認可
有無人有相關資訊可以分享下？
唔該曬各位

brother4

考慮理大轄下香港專上學院有設計，考得好希望入理大

NoahArk

點解一定要讀大專？有上進心幾時都緊要過學歷。睇下新裝如初個設計師/老闆娘嘅經歷。

vcom

回覆 ruby001234 的帖子

可以試下歐洲國家,例如法國、德國、意大利等。德國傾向高科技,法國、意大利傾向美術、音樂、時裝等…以上國家,只要考到當地的政府學院,多數不用交學費,每年交一次註冊費大約一萬多D港元,另加宿舍同生活費大約每月六千至七千多港元就 OK,平過香港讀大學!
但首先要學它們的語文,去法國就要學法文,去德國就要學德文先。好多香港學生由細到大只有學中文、英文而唔願意學其他外語。
你可以留意每年三月,在中央圖書館有歐洲教育展,可以看看。我同小兒2013年去過,同年小兒有幸就去左意大利讀音樂。

alex_chi

回覆 ruby001234 的帖子

如果以經濟同負擔能力去諗, 去台灣讀大學係唔錯嘅選擇, 大學排名同實力, 比起好多本地大學仲要高, 學費生活費平一大截, 就算去私立大學, 都係兩萬蚊左右一年, 國立一萬左右。而且好多時大三嗰年, 學校會安排你去大企業到實習, 一畢業已經有晒大公司嘅工作經驗, 好吃香。識好多喺中資銀行嘅朋友話, 其實公司請好多台灣畢業生, 貪佢地國語好, 同大陸客溝通方便好多。

據我所知, 報讀嘅話可以經海聯(考聯招試)或者向大學單招直接報讀。

好多人都因為政治或歷史原因而誤解台灣嘅大學出到嚟, 返到香港搵工驚唔承認學歷 ….除非你諗住打政府工, 其實好多大公司都唔使做資歷評審, 就算要, 以我朋友個仔為例, 啱啱今年畢業返嚟去考評局做一個資歷認證, 兩個禮拜搞掂，手續嘢, 好似入台證咁, 實批。

Sor 長氣咗, 希望幫到你

ruby001234

回覆 brother4 的帖子

我自己又唔係好想佢讀大專，駁來駁去一陣都唔知讀唔讀得返大學。
我想佢最起碼大學畢業囉，唔係唔夠人爭，而家通街都係大學生。

ruby001234

回覆 vcom 的帖子

當地的政府學院會唔會好難考？
聽講佢地多數都係俾本地citizen入番，外國學生會唔會好少位？
我驚佢禁嘅成績真係難d……
外國嘅話又唔想入左d野雞大學
同埋佢語文方面好差，我驚佢未必應付到。
加上台灣近d，我自己都放心d，有咩事都可以去了解下。

ruby001234

回覆 alex_chi 的帖子

海聯果邊係咪同香港jupas考dse一樣？
單招又係咩？我未聽過……
海聯果邊又要考試……佢一考試就死得
個人緊張，寫字又慢，真係俾香港教育制度玩死
有幾多有其他才華嘅學生都係因為成績問題就要駁來駁去，最後讀埋d無用野
唉，搞到我都灰左

mannewliv

ruby001234 發表於 16-11-1 16:33
回覆 brother4 的帖子

我自己又唔係好想佢讀大專，駁來駁去一陣都唔知讀唔讀得返大學。

好老實，希望你唔好介意，既然仔仔唔係讀書材料，就唔好逼佢一定要大學畢業，呢d野逼唔黎，勉強無幸福，最緊要佢要明白自己想要乜，同埋將來想向邊方面發展。

lijacq

ruby001234 發表於 16-10-31 18:33
我個小朋友今年中六，準備緊考dse
讀緊band2中學
成績一般，pre mock得11,12分

可以睇下 SCAD, 在美國的設計學院，在香港有分校，是不錯的選擇。

vcom

回覆 ruby001234 的帖子

免學費的,當然唔容易。但又唔係絕對!本人親身經歷,三十年前,會考成績普通的,自己一個人去左法國學畫畫,相信自己唔差的,只是唔歡喜讀中英數呢!結果考到當地的美術學院,又係免學費的。佢地唔係要你中英數要好高分,係要你學畫畫要有畫底,學音樂要有音樂底。所以如果能力做到,點解唔試下呢?
再者,歐洲人的觀念比較公平,你表現好,佢地唔會唔收的。

jenniferK

ruby001234 發表於 16-11-1 16:33
回覆 brother4 的帖子

我自己又唔係好想佢讀大專，駁來駁去一陣都唔知讀唔讀得返大學。

勉強讀大學，不如早些出來做事。除非有些資歷必須讀大學才可考牌，否則學歷只對頭幾年工作有優勢，之後人地只睇工作經驗和語言水平。

用五六年去考個學位，點都唔夠有五六年工作經驗相比。學位這事兒不用太執著。

Cara2006

lijacq 發表於 16-11-1 21:57
可以睇下 SCAD, 在美國的設計學院，在香港有分校，是不錯的選擇。

SCAD HK 學費和美國分校差不多，樓主應該覺得貴。

Cara2006

ruby001234 發表於 16-11-1 16:33
回覆 brother4 的帖子

我自己又唔係好想佢讀大專，駁來駁去一陣都唔知讀唔讀得返大學。

To be honest, if he does not have good grades, then he should be happy if there are 大專 that give him offers.

elbar

ruby001234 發表於 16-10-31 18:33
我個小朋友今年中六，準備緊考dse
讀緊band2中學
成績一般，pre mock得11,12分

國立臺灣科技大學工商業設計系水準不錯