大埔健康院，18個月話等到24個月，而家都仲未可以排CAC

ET19

純呻，堅嬲。
話說仔仔18個月返健康院，唔達標。問左要唔要排粉嶺，話睇下先。24個月都未得就排。

到了21個月左右，我自己排了協康私人評估。9月評估左自閉傾向，言語遲緩。果度CP都問點解未排CAC，建議有需要就自己搵兒科寫去。

當時心諗，而家已經有結果，可以排E位。啲假留黎搵服務，帶仔仔出去training 好過。

之後的日子，慳住半日半日咁拎假。都使得7788。
現時剛滿24個月，搞左一輪，已經有e位no.，剛開始上言語治療，同每星期返2日密集。

好啦，今日返健康院，一心諗住要去埋粉嶺，請全日假。點知約11點半，12點半先見。
個護士長，好明顯趕1點放飯。

第1句問而家講野有無進步，第2句拎本書叫仔仔指野，仔仔一啲都唔合作。我話仔仔好唔鍾意睇書，會合埋本書。到第3句已經話，我同妳約返黎見兒科啦。

我問唔係轉介排粉嶺咩，她話要見佢地個兒科先。一個月得一日黎。最快下星期，我話果日請唔到假，想打比婆婆問，跟手佢已經諗住直接約到12月

問佢地個兒科係咪可以轉介e位，她話要見完，有需要轉介粉嶺，果邊都覺得有需要先會幫妳做。。。

忍唔住串她，上次18個月已經問左排粉嶺，我以為今次直接可以排添。護士長果然係護士長，話個個小朋友唔同，可能有人語言大爆發呢。仲話，一係妳搵私家排啦。

我頂呀~ 政府野靠唔住。好在我有能力使左錢自己搞掂~ 唔係咁樣排法真係我急妳唔急。
嬲到要婆婆安慰返我，排咪排囉，反正又唔係旨意佢地啲咩。
又係既，仔仔啲野都搞掂左，而家係想遲下轉返黎政府呢邊,排到當review又好，又多個source。

唉。如果有大埔，北區的jm。 唔好旨意健康院了，自己搵兒科寫CAC吧。或者有能力的話，搵私家好了。

peonybibi

其實唔咪大埔，北區至係咁，健康院程序係咁，轉介咗cac,要排多一年評估至有得排位，政府嘅工作指標，係三歲俾你開始排位。兩歲前嘅健康院檢查，盡量拖延，等好彩嘅自己發展跟上，有問題嘅遲啲至排，條龍唔好咁長。你嘅憤怒，我哋呢度jm都好明白。見完兒科醫生，你仲要攞多半日假去cac見姑娘，有定心理準備又浪費多次假，程序係咁

ET19

peonybibi 發表於 16-10-27 15:36
其實唔咪大埔，北區至係咁，健康院程序係咁，轉介咗cac,要排多一年評估至有得排位，政府嘅工作指標，係三歲 ...

謝謝妳睇晒我篇野，同埋回覆安慰我

連仔仔早幾日生日正日我都唔敢拎假，咁就比她浪費了一日，仲要hea成咁

我份工講就多假，但唔夠人做野，年年老細都叫我們賣緊一半假去，賣完只係比人地7日大假果啲多一兩日。。。何況係你的就係你的，啲野都係留返自己做。
呢排多左請假，成日都有說話聽，老細話幾次都搵唔到我，好有壓力。

peonybibi

政府邊去見埋cac姑娘，就等排一年先有得做評估，期間仲有聽力測試，咁就無咩嘢要做。如果私家training，有屋企人或者工人帶佢去，你都唔駛請假。

ET19

peonybibi 發表於 16-10-28 08:32
政府邊去見埋cac姑娘，就等排一年先有得做評估，期間仲有聽力測試，咁就無咩嘢要做。如果私家training， ...

謝謝妳

我情願將啲假，用黎帶仔仔上training,起碼一兩個月左右自己帶一次都好。都唔想再浪費在政府呢啲架屋疊樑的手續上
希望下星期返完健康院，直接去排CAC啦~

peonybibi

雖然係煩，但排埋政府會有多啲資源幫啊仔，到一年後cac做多次評估，可以睇佢有無進步，你仔現在始終好細，隨住訓練同佢自己成長，一年後會好唔同，所以你現在付出去見政府嘅時間都唔會白費嘅。見完健康院醫生，仲要見一次cac姑娘先有得排