有無人可以指導下我

mamacc09

我女3歲2個月，番k1，佢比同齡女仔活躍，外向。。會周圍揾人講野，就算係第一次見既街外人，佢一好奇果樣野，就直接問人，例如：見人手到拎住紙袋，佢會直接問：「你去邊啊？買左d咩啊？」同佢講左好多次如果覺得好奇的話可以先問媽媽爸爸，但完全唔理。。。有次直接叫樓下個看更比佢睇下有幾多隻註牙我唔覺佢有咩特別叻或特別醒，要講最叻就係可以自己朗讀一本300頁既圖書，所以佢肯定唔係什麼資優。但最令我頭痛既係佢係學習上，佢明明識一樣野，但佢會故意扮唔識，再專登講好多錯既答案來問番你。完全係睇佢心情去決定答唔答你問題。就好似去學游水教練同佢練踢水，踢左15分鐘，佢突然講左句：我唔識。。。之後全程唔踢水，教練果堂就用左來氹佢。。。。我覺得佢好硬頸好固執，我成日好奇同齡小朋友會唔會有呢d問題，係咪我唔識教佢？佢會唔會有咩情緒問題？

scgift

3歲2個月可以自行朗讀一本300頁既書，咁都唔似資優？簡直係神童啦我個女3歲2個月只係認到幾個中文字

mamacc09

scgift 發表於 16-10-27 23:13
3歲2個月可以自行朗讀一本300頁既書，咁都唔似資優？簡直係神童啦我個女3歲2個月只係認到幾個中文字: ...

因為果本書，我地夜晚有拎來同佢講故事，大概都睇左果本書2個月，所以我覺得佢只係背左入腦。我不了解資優，但我係群到見到好多資優既自學能力好強，基本上都唔洗教會無師自通的，所以我不認為我女係資優。。。反而我比較擔心佢既好奇心，真係會令人地覺得佢無家教無禮貌，加上我係擔心佢果d睇心情來答問題既情緒會越來越過份，遲d就唔淨只係學習上既問題

yummivio

回覆 mamacc09 的帖子

你應該同小朋友去做評估

KUNG3388

mamacc09 發表於 16-10-26 23:06
我女3歲2個月，番k1，佢比同齡女仔活躍，外向。。會周圍揾人講野，就算係第一次見既街外人，佢一好奇果樣野 ...

我女而家2歲８個月,同你女行為一模一樣呀！而家等紧cac評估！