請問我可以點做，急急！！

HWh0229

        我仔2歲10個月大，讀主流學校K1。剛剛翻學個月，學校老師觀察到小朋友有以下症狀：經常模仿別人說話，未能回應到老師的答問，有時會自言自語（講一些跟當時做的東西沒關的話），喜歡獨自一個人玩，性格比較固執，情緒有時都會大起大落。老師話：我兒子有自閉症傾向，建議帶他去健康院評估。
       之後我約期帶兒子去了健康院見醫生，醫生跟他做了一輪測試之後話：他有學習能力，有認知能力，有理解能力，有溝通能力，不似系有自閉症，唔洗複診，沒任何報告，就叫我們再多點觀察，如果有什麼問題再轉介翻去見醫生。
        我好心急啊，請問大家我仔見果個醫生系唔系就已經系大家說的CAC評估？（母嬰健康院醫生）

legolas625

唔係ＣＡＣ。

wendysnoopy

回覆 HWh0229 的帖子

去CAC評估,係要經健康院醫生寫信轉介,如你話學校老師發現此問題,建議問學校可否寫信給你到健康院再經健康院轉介,或直接打去CAC度問你咁的情況可以點做,因排CAC起碼要6-9個月時間先可見CAC醫生去診斷,所以你最好盡快問清楚情況.

HWh0229

回覆 wendysnoopy 的帖子

系老師寫轉介信俾我去健康院見醫生，但見完健康院醫生話唔洗轉介去評估，只系叫我地再觀察，又沒話唔系自閉症。甘我可以點做啊？有經驗的JM請指教，謝謝！

T96

回覆 HWh0229 的帖子

http://www.dhcas.gov.hk/tc_chi/centre_info/centre_info.html

打去問下

http://www.dhcas.gov.hk/tc_chi/information_nr/information_nr.html

Hermitage

健康院好求其

Y123

HWh0229 發表於 16-10-24 14:08
回覆 wendysnoopy 的帖子

系老師寫轉介信俾我去健康院見醫生，但見完健康院醫生話唔洗轉介去評估，只系叫 ...

似係邊緣，唔使太擔心，報下d興趣班，玩多d

chowqv

到睇開既家庭醫生，即係註冊西醫講，寫轉介信，可以去排CAC

HWh0229

回覆 chowqv 的帖子

請問系唔系先去私家註冊西醫度寫轉介信，然後拿住轉介信去CAC中心排期？CAC會唔會話都要安排見醫生先俾排期？有人建議話去協康，小童群益會等等做測試會快的，但評估費用好貴

katy211

健康院醫生的說話不用理會,佢地不是精神科又不是心理學家,未必清楚答到你
搵個註冊西醫(家庭醫生都可以)寫封轉介信去排CAC,
CAC會安排先見一次姑娘,然後會開始排做評估

chowqv

HWh0229 發表於 16-10-26 13:10
回覆 chowqv 的帖子

請問系唔系先去私家註冊西醫度寫轉介信，然後拿住轉介信去CAC中心排期？CAC會唔會話都 ...

你拎到轉介信，可以打電話去預約；佢地先俾個日子你，第一次係見姑娘，會幫你做各樣測試（當日你要預留半日，小朋友要夠訓，帶齊小食，奶，外套），跟住姑娘會俾個期你見醫生。
有人話前後大約6-9個月。當年阿仔等咗3個月，攝到快期。

Candygo

katy211 發表於 16-10-26 17:20
健康院醫生的說話不用理會,佢地不是精神科又不是心理學家,未必清楚答到你
搵個註冊西醫(家庭醫生都可以)寫 ...

請問見完姑娘,排做評估要等多久？

vivilala1025

HWh0229 發表於 16-10-24 11:58
我仔2歲10個月大，讀主流學校K1。剛剛翻學個月，學校老師觀察到小朋友有以下症狀：經常模仿別人說 ...

情況同我仔好類同,我仔亦都係2歲10個月大, 但讀N。嬰院時老師覺佢偏中意圓形或會轉既野，對英文及數字敏感。現在無偏向中意圓形或會轉既野, 但現在會自言自語(BB外星話)中間夾一兩個英文詞。有時自問自答用英文但同當時做既野係相關既...從小都較多喜歡獨自玩, 嬰院後期開始有社交, 會主動搵朋友一齊玩, 性格固執:要既野要即刻要, 要走要即刻走。同大人無轉彎餘地, 一唔如意大喊大叫。情緒由嬰院時會大上大落, 一喊可以喊兩個鐘...最後我去協康評估同時排CAC, 當時27個月大, 協康出黎結果仔有整體發展遲緩加懷疑自閉普系傾向..


媽媽啊, 我都擔心過...不安過...但自閉普系個範圍好廣, 所以大人自已唔好太負面先。你先去安排評估, 負擔到先去私家先, 先要知道問題向邊, 再好似執藥咁針對幫小朋友補習。

你仔識講野未？我仔仲停留向鸚鵡學舌階段, 偶爾自發地有二詞組(主語+動詞 / 動詞+物件/地方) 或 三詞組(主語+動詞+地方/ 主語+動詞+物件)...有時亦要大人提先講到。

我發覺言語會影響到佢情緒及認知...當佢識講/表達,自然佢情緒會容易控制好多...

先你不要擔心, 或者你仔純粹言語遲啫...帶去評估, 同時多帶去公園及上言語治療;)

katy211

Candygo 發表於 16-10-27 12:38
請問見完姑娘,排做評估要等多久？

CAC多數排半年左右,好彩的話會有快期既。

ET19

HWh0229 發表於 16-10-24 11:58
我仔2歲10個月大，讀主流學校K1。剛剛翻學個月，學校老師觀察到小朋友有以下症狀：經常模仿別人說 ...

健康院真係好求其，JM妳仲有擔心的自己搵個西醫轉介去CAC吧~
負擔到先再考慮私家。
今朝我都比健康院激死左，剛剛先出Post

HWh0229

回覆 vivilala1025 的帖子

小朋友可以講到短句子：我要尿尿，媽咪我要飲奶奶，睇爸爸炒菜時可以形容到“爸爸炒菜會加點油炒阿炒，吃薄荷糖，“會話糖糖好辣，無舒服”，謝謝各位，已經同家人商量，先搵私家醫生寫紙轉介去CAC排期

HWh0229

回覆 ET19 的帖子

我都覺得健康院真系好求奇

HWh0229

回覆 vivilala1025 的帖子

老師話倨系學校多數系獨自一個玩，玩檯面玩具時都是鐘意拿住個玩具系課室走來走去，間吾中又會講下野（類似會講挖泥機挖泥沙啊（挖泥機系他在家裡經常玩的玩具），脾氣都系好大好固執，想要的東西就要到，吾系就拼命哭鬧