唔想仔女讀直私，想留錢退休

littlefaith

花花之家 發表於 16-9-27 22:25
回覆 littlefaith 的帖子

我犬今天收到真道的offer,對真道的認識 , 可能有70-80 %來自little Faith　的文 ...

別客氣，只是將我所知分享。


暫時我女嗰級(DS5)家長們未有討論gap year，可能因為距離畢業時間尚遠。高年級有沒有討論或甚至流行gap year，就不得而知。我從學校得知，學生公開試後會如常直接升大學，少有提及gap year。

反而，聽過有家長說過，真道學生就算公開試考得不好，可以repeat，不會落後於人。（希望這不會成為學生懶惰的藉口，誠然，真道學生面對公開試仍然是很拼搏的。）

matsushima

littlefaith 發表於 16-9-27 19:26
神校賣名氣，受家長追捧，學費梗係收得貴，唔收貴啲不能顯出其神校氣派（其實最重要係個名值錢）。 ...

老師，有畤真不明白現今世代專稱一些學校為神校，如果是賣名氣， 津校也有很多好學校，為何硬要說某幾間為神校，到底神成點

retriever

matsushima 發表於 16-9-28 03:15
老師，有畤真不明白現今世代專稱一些學校為神校，如果是賣名氣， 津校也有很多好學校，為何硬要說某幾間為 ...

神校係通俗講法，一般唔會自稱。轉直資後，貴族化左，又要考唔人人可抽入，有距離感先神。

yourmobile

mama01 發表於 16-9-27 10:30
我知個個都話考到先諗喇！

但當一拎起計數機計，就想留d錢比自己退休，我覺得政府學校都唔差，連考都唔想 ...

Take care yourself could be the best gift to your offsprings in the future. Education could be the worst investment to parents; most of the offsprings cannot survive themselves even having a degree or postgrad, how can they return to you? The offsprings today are too busy to take care their own living, instead of returning to parents. In future, with higher elders to young people ratio, the situation will only be worse and worse.

retriever

yourmobile 發表於 16-9-28 07:54
Take care yourself could be the best gift to your offsprings in the future. Education could be the  ...

師兄你所講既絕對係事實，問題係條線係邊，即關顧到幾時。

現時既學位數，以教育界朋友所言，係將以前讀唔到書既人捧入大學，佢地苦不堪言，其實香港地正正常常入唔到U係好難。

如果以結果計(入U)  差唔多，咁睇下個過程有無分別，有幾重要。後階段重要，定基礎年重要？

唔係咁認同普通中產，都話要捧細路讀劍牛。。。

個人認為基礎年對價值觀，邏輯思維影響大過大學或以後。

964000

攪掂自己退休絕對係最重要，而家D人咁長命，你叫D後生養你三四十年，你養佢廿幾年都辛苦啦係咪？得閒去D年輕人吹水網看看，佢地自己都會呻，自己都養吾掂仲要養父母，好辛苦乜乜乜。旨意全民退保？到時又係自己D仔女再交多D稅，所以一定要靠自己。

gigiwin888

964000 發表於 16-9-28 09:25
攪掂自己退休絕對係最重要，而家D人咁長命，你叫D後生養你三四十年，你養佢廿幾年都辛苦啦係咪？得閒去D年 ...

如果甘唸，唔生小朋友係最好方法

miujoey

回覆 964000 的帖子

我想大部份父母都不會想子女有什麼回報給自己, 係自己範圍內給最好的俾子女, 他身體健康長大了不愁3餐, 我已好滿足.  

mama01

多謝大家積極回應，令我多角度再諗下，我發覺我可能計錯數，直私無我想像中咁大負擔，但我都想平衡育兒支出&自己退休，我係咩都預先計劃好既人，無打算要仔女養自己，所以開始諗埋退休。

siden

人人情況唔同，有人覺得60萬對退休用處有限，但對某些家庭，呢條已經係大數。當有人覺得60萬做不了什麼的同時，其實香港有唔少父母銀行連60萬都冇。

睇完呢條thread, 更加引證呢度留言者好多中產。

量力而為吧。

讀直私係父母用金錢去選擇一間有自己喜歡教學方式嘅學校。永遠都係付得起鈔票的多些選擇（唔計申請資助去讀）但，千祈唔好諗住死慳死抵慳埋讀直私，將來有更大回報可填補你失去的金錢。俾直私學費去買的，是某些學校用不同於傳統津校的方法，去培育小朋友，而家長認為呢種approach 對將來小朋友思考方式做事方法有益，所以甘願付錢去入讀。如果純粹以為付了錢讀直私，將來可以大機會入U或入神科之類，就係一廂情願。純粹要達到呢個目的，在有嚴謹學習風氣的學校再加小朋友努力已經可以辦到，唔使一定讀直私。

咁如果大抽獎派到宝校，父母慳一點讀backup果間私校也是可以理解。

宮二

得罪都要講句，新一代揾食一定會愈來愈難，如果自己退休都搞唔掂，還停留在「飬兒防老」的古老思維，實在唔應該生小朋友。

cmcchow

mama01 發表於 16-9-28 10:22
多謝大家積極回應，令我多角度再諗下，我發覺我可能計錯數，直私無我想像中咁大負擔，但我都想平衡育兒支出 ...

個人覺得養兒防老已out, 我就有養我倆老, 將來我仔女唔問我攞, 自已攪掂已ok

mama01

原帖由 cmcchow 於 16-09-28 發表
個人覺得養兒防老已out, 我就有養我倆老, 將來我仔女唔問我攞, 自已攪掂已ok ...

我以自打錯，再睇返自己寫既野：

但我都想平衡育兒支出&自己退休，我係咩都預先計劃好既人，無打算要仔女養自己，所以開始諗埋退休。


無打算要仔女養自己呀！！！

cmcchow

mama01 發表於 16-9-28 11:07
我以自打錯，再睇返自己寫既野：

但我都想平衡育兒支出&自己退休，我係咩都預先計劃好既人，無打算要仔女 ...

我只是同意你個 point

宮二

原帖由 mama01 於 16-09-28 發表
本帖最後由 mama01 於 16-9-28 11:08 編輯

樓主唔好嬲，唔係講你，呵番。
我只是在認同siden 說的「千祈唔好諗住死慳死抵慳埋讀直私，將來有更大回報可填補你失去的金錢。」

mama01

原帖由 宮二 於 16-09-28 發表
樓主唔好嬲，唔係講你，呵番。
我只是在認同siden 說的「千祈唔好諗住死慳死抵慳埋讀直私，將來有更大回報 ...

睇完d回應，養兒防女固然已out左好耐，我亦100%不認同要仔女養，但有點能力但唔幫仔女選直私，都似乎又係唔入流。

meowloo

量力而為，如財政緊拙、甚至要打多份工幫補才能勉強維持的話，就選津校

但我覺得國際/直私/官津校三者的教學模式不一樣，以致在學習氛圍和學生視野上也會稍有不同。

視乎你認同那種教育理念，無話入唔入流嘅，我覺得家庭支援才是最重要的。

lingan

對我而言，選校首要是適合自己仔女，也適合自己家庭，教法，語境，地點，有沒有中學各樣都是考慮因素，選擇後會發現一些直資私校能提供到的配套適合自己模式和仔女的發展，又能負擔，咁我會揀直私。如果津校教學能配合到仔女，自己覺得ok，咪揀津校。其實每個家庭情況不一樣，好難一概而論。如果開咗學覺得唔適合，也可以轉校的。

Mrs.Luckycat

mama01 發表於 16-9-28 11:42
睇完d回應，養兒防女固然已out左好耐，我亦100%不認同要仔女養，但有點能力但唔幫仔女選直私，都似乎又係唔 ...

"但有點能力但唔幫仔女選直私，都似乎又係唔入流。" ---- 不一定。


真實例子一 :
我好朋友在津校教書多年，她倆夫婦的收入絕不差，但她從來沒有想過為兩個孩子報直/私。
現在兩個孩子都讀津中，細女資質較好，相對亦有心機讀書，考到了一間不錯的津中。


真實例子二 :
我認識的家長亦有些選擇不考直/私的，但與經濟無關。


兩個例子的共同點 : 父母都緊長子女學業，但用愛心引導孩子、不盲目催谷。

retriever

cmcchow 發表於 16-9-28 10:57
個人覺得養兒防老已out, 我就有養我倆老, 將來我仔女唔問我攞, 自已攪掂已ok ...

你可以話養兒防老係out...


但如果你而家唔係講到好似"你第時兩老靠哂佢咁" 教導佢, 咁好大機會係第時係佢諗住靠番你轉頭...


呵呵....