啱啱確診係自閉譜系，完全唔知應該點？

ahyu_0805

仔仔2歲十個月，二歲幾去幼稚園interview，校長問我小朋友有冇問題，懷疑有自閉。我一直都覺得仔仔好內向害羞，我估我真係好少帶佢出街，搞到佢好怕生。但冇諗過係自閉，聽個校長一講，我即刻好擔心。

果時就黎二歲半返健康院，我同姑娘講，佢叫我排尤德夫人體能智力中心。一直排到尋日，終於檢查咗兩個鐘，確診咗係自閉譜系！


問題就黎啦！我完全唔知跟住要做啲咩，完全一頭霧水冇概念⋯佢冇話有咩報告，屬於咩程度呀，邊方面好差呀咁，好似好簡單咁就咁話確診。淨係話中心會安排言語治療師，職業治療師，問卷講座跟進。但詳細係點，排幾耐，咩都冇講。跟住社工叫我揀E位定I位，我又唔係好知道仔仔屬於咩程度，我見佢九月都開學，就揀E位排。最後轉介去油麻地伊利沙伯睇兒童精神科，排到2017年12月。


我臨走拎住一疊紙，叫我周圍出去揾下啲咩機構資源咁，完全唔知當下應該要做啲乜幫到仔仔。我睇下啲機構，好多都好貴，自己一個根本負擔唔到，好無助好驚自己乜都唔識，累咗仔仔既黃金時間⋯

ahyu_0805

請問我依家應該要做啲咩？可唔可以拎資助報啲咩訓練？完全冇概念

小金魚魚

參加青蔥計劃（協康）
上網搵就有

ahyu_0805

原帖由 小金魚魚 於 16-08-27 發表
參加青蔥計劃（協康）
上網搵就有

但如果想申請關愛基金呢？我見關愛基金提供機構服務內面好似有協康？

lam133

原帖由 ahyu_0805 於 16-08-27 發表
本帖最後由 ahyu_0805 於 16-8-27 00:29 編輯

仔仔2歲十個月，二歲幾去幼稚園interview，校長問我小朋友 ...

明白你個種擔心，政府資源不足，
叫你出面搵。。。。資料。

除左咁，我仲等排政府同協康見評估，
之後找密集式俾仔。

我仔2歲半個月，未識講話，唔望人。。。

lkube

去協康會，佢地呢方面做得好好。。好似有服務可排。去睇下關愛基金（唔太清楚，所以答唔到你）。。。正苦俾啲堂冇咩用。。好耐先有一堂上，唔好錯過黃金期。。。加油

ahyu_0805

回覆 lam133 的帖子

請問政府邊到有報吿，健康院定都係尤德夫人果啲？我係尤德夫人果份好似好兒嬉，得幾行（言語理解，言語表達，體能發展，視覺，聽覺）咁剔正常定遲緩
其實果份係咪已經等於報告？定多數預你俾錢出去揾機構再做多次？

唉家庭關係又唔好，自己Ftm冇經濟能力，仲要確診埋，真係個腦一片空白

KCHK

原帖由 ahyu_0805 於 16-08-27 發表
回覆 lam133 的帖子

請問政府邊到有報吿，健康院定都係尤德夫人果啲？我係尤德夫人果份好似好兒嬉，得幾行 ...

樓主, 其實你已經在CAC 評估完, 這份就是報告, 你也已經refer 左見社工, 又refer 去排精神科。 雖然我唔知你份報告結果, 不過係I 同E 位選擇, 咁即係唔係好嚴重, 因為嚴重的一定係派S 位。如果你有讀開的學校, 返學校問老師需要到校服務, 這是政府新出的比需要等服務的過度期服務， 一派到E 位就會停, 另外你排的精神科(應該都要排好耐), 見完醫生之後, 醫生也會提供一d 堂比你上, 有些是家長堂, 有些是小朋友小組堂。關愛基金個d， 你找返你跟開的社工, 問下你可唔可以申請(學津），不過我唔知道學津同到校服務是否只可以選擇一個（呢兩個都係政府推出的過度期服務）, 非常明白你現在的情況, 因為我3年前都係咁, 都係周圍去問, 去找訓練, 然後又試過一有訓練就全都打比你話有位, 又要見精神科醫生, 又要返醫院上堂, 我試過忙過返工。

奀珠

唔知你財政狀況如何，可以上AP網頁，
http://www.apf.org.hk/en/what-we-do/children-service/1-month-intensive-treatment
有一對一ABA訓練給予低收入家庭。

lam133

原帖由 ahyu_0805 於 16-08-27 發表
回覆 lam133 的帖子

請問政府邊到有報吿，健康院定都係尤德夫人果啲？我係尤德夫人果份好似好兒嬉，得幾行 ...

樓下2位jm講得，政府份告可以參考，
我就覺政府幫得小半。
你問健康院都係答你，
叫你自己上網睇同協康，明愛。。。
為有自己夜晚做好收習資料。
你問關愛同低收入個D可唔可以申講先。
再一次去私家做評估同密集訓練呢。


家福會有時都搞，
會動小組睇下個，
期有咩岩小朋友上。

lam133

原帖由 ahyu_0805 於 16-08-27 發表
回覆 lam133 的帖子

請問政府邊到有報吿，健康院定都係尤德夫人果啲？我係尤德夫人果份好似好兒嬉，得幾行 ...

樓上2位jm講得，政府份告可以參考，
我就覺政府幫得小半。
你問健康院都係答你，
叫你自己上網睇同協康，明愛。。。
為有自己夜晚做好收習資料。
你問關愛同低收入個D可唔可以申講先。
再一次去私家做評估同密集訓練呢。


家福會有時都搞，
會動小組睇下個，
期有咩岩小朋友上。

Sarahroman

樓主聯絡下關愛基金 他們有個為輪候的小朋友提供津貼服務 如符合入息資格 他們會提供每個月有4次訓練 及3個月一次治療師跟進

yetinwo1213

真係好無助架，政府support好少。我只有多啲黎呢個group睇多啲資料。如果你低收入申請到關愛基金就會幫到好多因為出面啲training好貴。至於排E定i⋯⋯你係FTM，可以的話排E，學習咗啲技巧係屋企train呀仔會快好多。加油！

creamyXDD

我之前都有派去油麻地跟進，好少資源，好少堂，你唔好依靠佢地。若你經濟許可，好多機構包括Steps, Links, 協康，聖基道，聖雅各，明愛，全部都有提供小組同個別跟進。因為ASD小朋友一般都有其他問題，感統，言語困難之類，上左小組d姑娘會幫你。若你想對小朋友既情況有深入了解，可去私人做自閉症同能力評估，報告非常詳細，有30幾頁，心理學家都可做呢d報告。香港人仲未認識自閉症，正苦仲衰，若只等E位，會錯失小朋友冶療既黃金時期。

creamyXDD

仲有，我亦會同小朋友介糖，朱古力之類，有d人介埋奶同蛋，都係有幫助的。亦會食d特別既魚油，緩和情緒問題。最後，我同先生都上d講座，每日在家訓練，參觀不同學校，選擇包容性高既，亦每日同老師跟進在校表現。小朋友最後係會慢慢進步。

ahyu_0805

好多謝晒咁多位俾意見同有用既資料我，令我真係冇咁徬徨，開始摸索到應該點做。我會再打電話周圍問，希望可以排到啲冇咁貴既中心啦我尋日去樂富耀能問，一堂$840，八堂一期冇資助，我即刻沉一沉。

ahyu_0805

原帖由 creamyXDD 於 16-08-28 發表
仲有，我亦會同小朋友介糖，朱古力之類，有d人介埋奶同蛋，都係有幫助的。亦會食d特別既魚油，緩和情緒問題 ...

請問點解會介口既，因為敏感起疹？

Yukiruirui888

原帖由 ahyu_0805 於 16-08-28 發表
好多謝晒咁多位俾意見同有用既資料我，令我真係冇咁徬徨，開始摸索到應該點做。我會再打電話周圍問，希望可 ...

其實好多都係呢d價位 妳有無問耀能的親子小組班，平好多，妳一起上堂，學左返家訓練，都係有幫助的，我都係負擔唔到一對一的價位

lawwct

Yukiruirui888 發表於 16-8-29 00:04
其實好多都係呢d價位 妳有無問耀能的親子小組班，平好多，妳一起上堂，學左返家訓練，都係有幫助的 ...

耀能的親子小組班? 是不是家長資源中心開辦?

Yukiruirui888

原帖由 lawwct 於 16-08-29 發表
耀能的親子小組班? 是不是家長資源中心開辦?

係啊！新一期的報名就快截止