村校女孩考小一

Mrs.Luckycat

原帖由 明天更好！ 於 16-08-30 發表
我只是想記錄一下，村校冇外補孩子，考小一的過程，同路人可共勉之，絕無惡意，請見諒。



  ...

其實我非常好奇，妳成日強調女兒係村校.....即係村成點？

Mrs.Luckycat

原帖由 明天更好！ 於 16-08-30 發表
完全不出名的，但老師很有心教，同學中，有很多家長是完全不打算參加直私遊戲，也有一些，連直私是什麼也不 ...

萬事放鬆啲啦，而且，就算直/私畢業但在職場上唔識做人一樣無運行。妳懂的。

yukisch

我由post 1開始睇故仔，我女同你一樣今年考，都係村校，不過我只係在facebook開一個相簿(唔公開)去紀錄

man811231

agree

man811231

原帖由 hha 於 16-08-30 發表
睇咗咁多頁，見有好多jm好言相勸，亦有好多真心分享，但見樓主都打算一意孤行，目的無非只係想集郵證明其女 ...

不如 留番畀樓主自己做記錄啦 其他人真係唔需要太多回應

mimi66

你用中文定英文填？

雲牛

呢個係forum 喎，唔回應點解開post?

crystalwsm

hha 發表於 16-8-30 14:37
睇咗咁多頁，見有好多jm好言相勸，亦有好多真心分享，但見樓主都打算一意孤行，目的無非只係想集郵證明其女 ...

我都有咁嘅感覺，感覺樓主是一意孤行，其他JM講話唔好考太多，難為了小朋友、要衡量自己經濟、唔好做part time，應該用多D時間陪小朋友，直私唔一定係好、津小唔一定係差，問樓主咩嘢校網想幫樓主分折下有咩好津小，樓主又唔答人，大家比咗成26版意見，樓主都聽唔入耳，只是不斷自顧自的說，考完呢間就考果間，考完果間就再考下一間，不斷推post，其實想做紀錄也可以自己私下做，你咁公開無非都係想攞多D意見，但人哋意見你又完全聽唔入耳，咁其實不斷推post嘅目的係咩呢？想多D人同情你？想比多D人知道一個無外補的村校女孩最終都可以考到多間直私？其實我都唔係好明......

我絶對沒有歧視樓主，小女也是村校女孩，讀幼兒學校(唔係幼稚園)，幼兒學校程度有幾高大家也心知，當年抱著一試無妨而又無外補之下考到九龍塘兩間私小，而家在其中一間就讀出年也升中，所以沒有不可能。不過讀直私財政開支係大，現在每月學費$4,800，開學初期要帶住支票薄返學，因為所有書薄費、乜費物費，課外活動費用，日日都要開cheque，仲有學校嘅音樂培訓班及體育培訓班，大部分同學都會上，然後小二時再主攻一體一藝，這些培訓班每期學費也要二仟幾蚊(我當年係，而家一定加咗但唔知加咗幾多？)，上小三小四入了校隊後再要跟教練學私鐘，也是很大的開支，所以其他JM話除學費外還有不少支出係真嘅⋯⋯

我唔係想打沉你亦無此打算，因為你有你想法，其他人比咗咁多意見也從來無動搖過你，都係果句：考到先至算吧，其他JM講乜，其實都無乜用。

另外有JM講過，有D學校唔收最叻嘅學生，這個是真的，因為我親耳聽負責面試嘅老師講過，是真有其事，因為收咗最終都會因為考到其他更好的學校而走，然後學校又要辦退學手續、call waiting、又再辦理入學手續攪一大輪行政工作，所以有D學校會收一D表現中庸的學生，但我並非想講樓主嘅女唔叻，只是想講出其他JM提及過的疑問，謹此而矣！

最後，祝樓主成功！

retriever

回覆 crystalwsm 的帖子

"校隊後再要跟教練學私鐘"

入左校隊有教授教, 點解仲要搵佢學私鐘?


憧憬有著數乎?

retriever

回覆 tantanmama 的帖子


"tantanmama  有能力入校隊, 想更上層樓都好正常啫"


嗯..


記得同事跟我分享, 當年佢孩子入左間極具競爭昇中既小學...


為左昇中有野揸係手, 到時求人都有D 野...


搵樣野學易D 入樂團... (某管樂)


結果而家昇左中啦...


我問: 點解昇左中到而家仲學...


同事話: 學到6級, 呀媽話, 更上一層樓, 不如考到8級啦...




結果, 佢考完7級後, 死都唔肯考...




因為大個了... 可以不聽父母點..


其實佢從來都唔鍾意學樂器...

tantanmama

retriever 發表於 16-8-31 15:20
回覆 tantanmama 的帖子

我的朋友個女是相反. 佢好鍾意某項球類活動, 入咗校隊, 想打得再好D, 所以求媽咪幫佢搵私人教練教.

Dolphinmom

一直有跟呢個post，樓主我支恃你，考小一入名小從來不易，但作為家長，真係乜都要俾個小孩試下，因為考小一運氣和實力一樣重要。報10間唔算多，祝你有幾個offer慢慢揀。

crystalwsm

retriever 發表於 16-8-31 13:44
回覆 crystalwsm 的帖子

"校隊後再要跟教練學私鐘"

入咗校隊都係一個教練對住一大班人一齊訓練，成效係有，但不及跟私鐘單對單顯著，跟私鐘無任何著數，我哋學校專項運動多數已外判咗比出面嘅教練負責，所以跟私鐘的教練都係外人，唔會係自己學校體育老師，通常打到咁上下想出比賽攞成績，就會開始跟私鐘，但多數係個人項目，例如乒乓球、羽毛球之類，以前係小三開始，但近幾年D同學進取咗，小二甚至小一已經打私鐘，再跟學校校隊每星期兩日訓練，再跟私鐘教練打埋球會，一個星期起碼打四日，成績有乜可能唔好？只係睇你是否願意付出金錢同時間，因為學私鐘一D都唔平，當年我女學羽毛球私鐘就要$400一個鐘(而家加咗價唔知幾錢)，有時仲要一學學兩個鐘。雖然貴，但教練是前港隊成員，跟佢打嘅同學好多時都贏到全港性比賽，所以我哋學校同學跟私鐘嘅情況係幾普遍，去到小四小五就開始有成績，也有一技在手in中學