17個月擬似自閉，應該做私人評估、還是等ACA？

miss0101

bb 就17個月，想做私人評估睇下佢會唔會自閉，
但價錢好貴，同埋驚17個月唔準。

定係去健康院/兒科轉介至ACA好？



我BB情況如下：

唔識有意識講單字，識講：媽媽(但唔知邊個係媽媽)、得、曳曳

唔識手指指，只識用手指篤野，但唔係指野表達，

如果我羅住支奶，佢好想要，只係會喊、發皮氣，訓地，要我比佢，

佢一唔滿意只係喊、訓地下表達。

上playgroup，唔合作，成個過程多數喊，

會自轉，但好間唔中，

會腳尖行路，好間唔中幾步。

Sask999

眼神接觸如何？你叫佢名有沒有反應？有沒有特別喜歡玩車輪？

miss0101

Sask999 發表於 16-6-26 18:24
眼神接觸如何？你叫佢名有沒有反應？有沒有特別喜歡玩車輪？

眼神接觸：眼神接觸正常，但街外人望兩下人，又會望一望我地，好似好怕羞。

叫名：一時時應，10次4次應

車輪：有玩，但唔沈迷


不過佢去人去屋企，陌生地方，要隔30分鐘以上先開始慢慢唔驚，

陌生地方會痴住我，同抱住我隻腳。

其他人同佢玩，要隔1小時以上，先開始夠膽同人玩。

我必須要係佢視線範圍之內，唔係喊到癲左。

Tifftiff0115

其實差唔多歲半就做得評估架喇。
我阿仔2歲左右確診有傾向，我叫佢佢都會應我架，不過玩玩具就唔多理人。

Sask999

原帖由 miss0101 於 16-06-26 發表
本帖最後由 miss0101 於 16-6-26 19:12 編輯

你小朋友的確有些可能是，可以的話盡快去check.

Sask999

可以去健康院要求轉介CAC.

peonybibi

如歲半排cac,兩歲半評估，時間適合，的確較準，又唔駛俾六至八千私家評估，但到時至開始排，k1要自己搵學校。如現在去私家評，最大好處係可以盡早排位,k1應該可有政府位，但咁細做有機會評得嚴重咗。無論幾時評估，私家或政府都好，盡快加強訓練，可搵單對單特殊幼師，言語治療或者感統訓練，如有需要，兩歲左右上小組。而且媽媽爸爸要學點樣同佢玩同教佢，狂谷言語，認知，去公園訓練佢體能。

miss0101

peonybibi 發表於 16-6-27 12:26
如歲半排cac,兩歲半評估，時間適合，的確較準，又唔駛俾六至八千私家評估，但到時至開始排，k1要自己搵學校 ...

但我唔肯定我仔係咪有自閉症，
如現在評估，肯定左有問題先需要做訓練，

如排cac做完評估，先訓練？

定係，就算我未肯定佢係咪有自閉，先去私家訓練語言？

再同時間排cac?

定係而家即刻做評估，肯定有問題先開始訓練？

因為私家訓練都唔平。



不過我個仔，佢同人好有互動，識分享玩具，識模仿。
識整怪聲引我去望佢，成日引我注意佢，係好痴家人。




大部分指令都識，玩玩具又

miss0101

佢唯一係唔識手指指，說話慢，但又聽得明我地講野，

所以我都唔肯定係咪。

Sask999

可以去健康院排CAC, 因為仲細，6歳前都仲有時候排下先。

現在開始同佢多D講野，17個月真係細。

peonybibi

原帖由 miss0101 於 16-06-27 發表
本帖最後由 miss0101 於 16-6-27 14:27 編輯

識唔識喂公仔bb?問佢車車，波波識唔識指或攞俾你？唔識指又語言慢，雖不一定係自閉，但係好大警號，你歲半已留意到小朋友有咩發展唔妥，已經好叻，要把握歲半至兩歲黃金時間訓練佢，學多啲嘢個個小朋友都無壞ga,上下個別訓練，你可以學技巧點教佢。唔好等到評估後才唸訓練計劃，小朋友幾個月變化可以好大，早啲做嘢好啲，而且咩都要排，你排私家言語或幼師都要時間。

lbluebaby

以你所講的會同人互動同見到陌生人會望一望人再望一望你我覺得社會性都ok Ar~唔太似～～留意下平時玩玩具會唔會得閒望下你地表示佢開心或者做左d咩叻野會望人分享想人讚。仲細，多陪玩多同佢講野，會進步快。

miss0101

peonybibi 發表於 16-6-27 17:53
識唔識喂公仔bb?問佢車車，波波識唔識指或攞俾你？唔識指又語言慢，雖不一定係自閉，但係好大警號，你歲半 ...

識喂公仔，識喂大人，除左羅匙喂，仲識羅積木扮食物去喂大人，喂公仔。
識羅波波、公仔、等等，佢識分公仔既名，我講公仔名識羅比我。

識除襪、除鞋、除衫、褲
識自己抺咀，又識幫我抺咀，好多野教一、二次就識。

玩梗玩具開心，會望住我笑，之後計續玩，我感覺佢係分享緊。

但如果報，報語言班？

miss0101

lbluebaby 發表於 16-6-28 01:29
以你所講的會同人互動同見到陌生人會望一望人再望一望你我覺得社會性都ok Ar~唔太似～～留意下平時玩玩具會 ...

平時同佢玩玩具好多互動，成日要我陪佢玩，去邊都跟住晒，
開心會拍手，會望住我笑，


有時我用電腦，冇理佢一陣，佢就會係我背後ee哦哦，不停彈彈下，

引我注意，我唔望佢就ee哦哦越大聲，我一令過去，佢就笑。


佢都會同bb互動，但好慢熱，人地一大膽佢就驚。

同埋佢都唔算固執，我羅走佢玩緊既玩具，佢會有d不滿，唔會大發皮氣，

最鐘意有新玩具玩，好貪新鮮。


不過佢仲未手指拍，好膽心😥

crystal媽咪

負擔到去私人評，可能數個月已知有咩問題及開始排位(如i/e/s)。
如等健康院/CAC，見姑娘數個月，轉介比醫生又數月，有時見年紀細/獨生，
又會叫返左學睇下有無.改善。前前後後又浪費左時間,

gromityaya

lbluebaby 發表於 16-6-28 01:29
以你所講的會同人互動同見到陌生人會望一望人再望一望你我覺得社會性都ok Ar~唔太似～～留意下平時玩玩具會 ...

請問如果小朋友做咗叻野會望人，要人讚，代表咩？有自傾？我仔仔都係17個月

Yeahly_ly

太子朗研社...有普通playgroup或專業訓練....對呢方面都有經驗....我之前有懷疑我個囝.....都帶佢上去比個有經驗人仕望望...試下堂....睇下普通playgroup定有特別需要

miss0101

Yeahly_ly 發表於 16-7-1 13:26
太子朗研社...有普通playgroup或專業訓練....對呢方面都有經驗....我之前有懷疑我個囝.....都帶佢上去比個 ...

點解懷疑？我仔上左第二堂普通playgroup好左好多了，投入左，冇喊啦。
而家打算等到佢18個月，如果真咪唔識指，唔識講，先私人評估。

Yeahly_ly

原帖由 miss0101 於 16-07-01 發表
點解懷疑？我仔上左第二堂普通playgroup好左好多了，投入左，冇喊啦。
而家打算等到佢18個月，如果真咪唔識 ...

咁第二堂正常玩到都okay la...我之前覺得個囝(12-18M)有時有自閉特徵~如玩車碌,自言自語....但周圍既人覺得無野....但又唔想比咁貴去私人評估~有朋友介紹朗研社....有試堂就上去比有經驗人仕望望...

miss0101

Yeahly_ly 發表於 16-7-2 22:33
咁第二堂正常玩到都okay la...我之前覺得個囝(12-18M)有時有自閉特徵~如玩車碌,自言自語....但周圍既人覺得 ...

咁到最後佢地話你小朋友，有冇問題呀？
我仔係唔識指遠野、語言慢，但其他完全冇問題，

同家人互動好好架，唔理佢，佢都要我同佢玩，

我地講既指令，大多數都明。