放完假收拾心情，準備第一次呈分試了，大家分享一下

洋蔥頭媽咪

原帖由 anthony8899 於 16-04-24 發表
六月呈一, 只剰一個月, 請問一個月可以怎樣操?
報讀操卷班有沒有作用呢?
大家可分亨下嗎?

操卷對長遠學習幫助不大，但對應付考試都會有啲幫助，情形等同家長自制補充練習比小朋友操一樣，分別係比人操定自己操，如成績弱就去操下啦，操英/數作用應該比較大。

sammag

Yanamami 發表於 16-4-5 21:16
我只提阿女係鬥小心，只要唔好有careless mistake就可以了，反正平曰唔累積d唔識既野，明哂識哂就得~平曰識 ...

同意呀, careless mistake 真係死症，我個係仔，更加粗心大意，
都唔知點幫佢好~

anthony8899

對呀, 平時問課本時, 都有反應, 但到考試成績就有很大落差, 相信是小朋友的careless mistake多。他們一做完就放下筆，永遠都唔會去查看。 這點最頭痛, 不知怎樣去改掉這壞習慣。

little_yolky

3excellent 發表於 16-4-27 14:17
仲有, 你小朋友嘅同學已經係競爭對手, 說話要小心.

學校都有佢立場, 你要自己好清晰 ...

但問題係, 你見到好多帖, 家長到要交表一刻, 都好似仲未了解遊戲規則, 咁.........可以有幾清晰?

sammag

3excellent 發表於 16-4-27 15:04
永遠都係當局者迷, 我都會...
特別係在極大壓力下~

我想請教，不知自己既幾多%內是因為學校沒有公佈名次嗎?

我最困惑是即使知道自己學校級名次三甲內，以為一定是B1A，但全港排名卻跌出B1A，會更失落~

little_yolky

sammag 發表於 16-4-27 15:23
我想請教，不知自己既幾多%內是因為學校沒有公佈名次嗎?

我最困惑是即使知道自己學校級名次三甲內，以為 ...

放心, 你唔會失落的, 因為你永遠唔會知道自己既全港排名！

little_yolky

3excellent  講得啱, 大家都係斷估. 其實點解唔公報, 根住排名輪隊選校?! 應該更公平.  發表於 23 分鐘前


因為香港係行普及教育, 唔係精英教育, 所以等D家長估估吓, 估錯band, 或驚估錯band, 神早放B2, 咁至可以將每間學校有好的又有稍遜的同學, 拉近距離丫嘛。

mcl203

3excellent 發表於 16-4-27 15:04
永遠都係當局者迷, 我都會...
特別係在極大壓力下~

但當你小朋友平均分9X....入到頭30%....都可能只係同門較量
當行出門口...仲未肯定到自己係咪大隻仔呢

Eat_Sleep_Play

Yanamami 發表於 16-4-25 08:08
其实我幾反对上操卷班，操熟答題技巧同速度，唔等同掌握学科知識同能力，得到好成績係假象，上到中学原形 ...

我都明，但乜方法試過都唔得嘅時候，"操卷班"呢幾個字不其然浮咗出嚟

mcl203

Eat_Sleep_Play 發表於 16-4-28 19:11
我都明，但乜方法試過都唔得嘅時候，"操卷班"呢幾個字不其然浮咗出嚟 ...

我小朋友前小學校長分享P6考試心得....對於D成績一般既
到宜家乜都唔好搞啦...唔好諗邊到可以改善
係現在得既能力範圍內全力做...要改善之後大把時間做...包括興題項目

irenenursing

原帖由 Eat_Sleep_Play 於 16-04-28 發表
我都明，但乜方法試過都唔得嘅時候，"操卷班"呢幾個字不其然浮咗出嚟 ...

我自己就堅持無送個仔去操卷班，因為覺得佢返完全日學，仲要去補習社，之後回家仲要做功課，真係好慘……
我寧願辛苦啲，上學嘅日子每日幫佢跟功課，睇佢有咩唔識，即時教番佢，到星期六/日比中，英，數練習佢做，並同佢一齊對答案，一齊分析題目，四年級暑假開始，每天出時間表比佢天天做中，英，數練習各一個單元，日子有功，成績突飛猛進，根本不用去操卷，他現在語文和數理的基礎紮實了很多，應付考試也沒有從前吃力。

mcl203

irenenursing 發表於 16-4-28 23:23
我自己就堅持無送個仔去操卷班，因為覺得佢返完全日學，仲要去補習社，之後回家仲要做功課，真係好慘……
...

似乎同操卷班分別唔大 ~~~

irenenursing

我只讓他在學校假期時天天做中，英，數練習，上學的日子不用做。

siden

原帖由 little_yolky 於 16-04-06 發表
好似聽過D唔知乜乜專家話, 呢D叫做暗示, 即你叫小朋友小心唔好跌到, 佢腦裡面會諗住跌倒, 所以會即刻跌倒。 ...

家長惡夢，防不勝防

Eat_Sleep_Play

今日學校停課，普通話改下禮拜一考，你哋普通話筆試計唔計入呈分？

gracelam

原帖由 Eat_Sleep_Play 於 16-05-10 發表
今日學校停課，普通話改下禮拜一考，你哋普通話筆試計唔計入呈分？

我地普通話口試同筆試都唔計呈分，但成績會登落成績表。

洋蔥頭媽咪

原帖由 mcl203 於 16-04-28 發表
似乎同操卷班分別唔大 ~~~

其實响屋企家長自己操跟報操卷班情況近似，只係有部份家長唔識/冇時間自己操，自己選題比小朋友做，咪直接去操卷囉，所以都不用介意有些家長話自己冇送小朋友去操卷。正如有家長好喜歡話小朋友冇補習架，家長自己督住自己教，其實嚴格黎講咪一樣係有，只不過補習老師變了家長吧 ! 所以都唔駛太理會有冇補習/有冇操卷一詞，最重要係個結果，想小朋友呈分試考得好，操卷對短暫衝線相信絕對有幫助。