學費加得好金,值唔值, 睇你點睇?

jamlee309

學校加學費，其實用去邊一部分呢?

小豆媽

原帖由 jamlee309 於 16-04-24 發表
學校加學費，其實用去邊一部分呢?

你咁問......
似乎唔係本校家長，亦非potential家長喎。

jamlee309

原帖由 小豆媽 於 16-04-26 發表
你咁問......
似乎唔係本校家長，亦非potential家長喎。

而家唔係，將來唔知!收集緊各方面意見，有幾個朋友個仔女讀緊，意見有好又有唔好

小豆媽

原帖由 jamlee309 於 16-04-26 發表
而家唔係，將來唔知!收集緊各方面意見，有幾個朋友個仔女讀緊，意見有好又有唔好



  ...

學校每年加學費都會出中英對照3頁紙e notice。
當然唔係個個家長會睇晒啦。只可以講，家長自己跟得足，就唔會乜都唔知，家長自己跟得足，細路先可benefit 到IB教學的精髓。
Sure, this rule apply to all schools and all parents。
冇付出冇收穫。

donaldjack

想問學費是否小一入學,系幾多就幾多,直到P6?thx

hp001

原帖由 hp001 於 16-04-24 發表
無錯, 一條龍學校唔公開升中同學去向一d都唔奇, 我亦唔係怨佢唔公開。

真心希望學校比心機做好, 加多兩錢 ...

只可惜, 現實係唔想煩都要煩

hp001

原帖由 小豆媽 於 16-04-26 發表
學校每年加學費都會出中英對照3頁紙e notice。
當然唔係個個家長會睇晒啦。只可以講，家長自己跟得足，就唔 ...

所謂IB精髓, 似乎學校本身都仲係揣摩緊。

jamlee309

我分別去了宏信兩次觀校及聽取現讀家長意見，我感覺學生英文語言好，但中文及普通話就未必太好，而數學教得比津校較慢，到現在小一生都未識進位數，都係數格仔！

小息學生非常活躍，小一生在運動場狂跑數圈追逐，滿頭大汗，簡直係力的表現！從返學放學觀察，女中學生超短裙，戴手鈪，睇到我眼凸凸！學校紀律如何？真係可以咁著！

現朋友家長講述，他的小二兒子，一邊帶耳機聽韓歌，一邊做功課。家長叫他唔好咁做，他說同學仔都係咁既啦！

hp001

原帖由 jamlee309 於 16-04-27 發表
我分別去了宏信兩次觀校及聽取現讀家長意見，我感覺學生英文語言好，但中文及普通話就未必太好，而數學教得 ...

小朋友小息跑下本來唔係問題, 但狂奔到亂撞旁人, 就係問題。仲有打交、 掟水樽、 三五成群周圍去蝦人、搶人嘢, 似乎都係唔少人嘅小息娛樂。 學校同埋一d die hard fans一直唔正視問題, 成日話“IB學生活潑啫, d 人傳統睇唔慣啫”嚟做掩飾 。 有家長點教？細路會話“學校好多人都係咁玩啦！”幾時IB=放任?

jamlee309

我覺得基本紀律一定要有，太過放肆好難收回

hp001

原帖由 小豆媽 於 16-04-26 發表
學校每年加學費都會出中英對照3頁紙e notice。
當然唔係個個家長會睇晒啦。只可以講，家長自己跟得足，就唔 ...

中英對照三頁紙, 但無預算/實際數字, 任佢講。

jamlee309

其實每間直資私校都會加學費，之不過係加得多與少的問題，之不過 LA加幅突然多，小朋友讀了宏信小一，自然會讀埋小二或繼續讀落去，所以學校加幅家長都焗住都比小朋友讀LA, 如果想轉校很難，很難追回課程！除非選回其他IB學校

cindy1227

每間學校也有不同的小朋友，我相信好壞一定有，除學校外還要家長身教。既然宏信不是你抔茶就放棄吧！免得將來後悔。

jamlee309

就係要了解學校先知道啱唔啱自己小朋友！所以不斷收取朋友家長意見，更親自在返學放學觀察學生表現，參加學校內講座留意學生在學校內情況及活動！但比想像及觀察中…………

希望宏信有代改善

小豆媽

原帖由 jamlee309 於 16-04-29 發表
就係要了解學校先知道啱唔啱自己小朋友！所以不斷收取朋友家長意見，更親自在返學放學觀察學生表現，參加學 ...

只可以講.....間間學校都有改善空間。相比同區(天水圍)直資，LA一點也不會“執輸”，有自己賣點。事實証明亦唔會轉唔番出去，亦冇同學係要留班地轉校(即係路會銜接唔到)。

試舉以下例子 : 去年第1屆畢業生都有去考吓同區直資中學(李xx)試實力，結果是第1輪2次面試後全部有正選offer，反而同區直資小學(李xx)是很多人要waiting。學校的PYP學生都得到其他中學認同，感恩。最後不註冊是學生自己選擇留LA。(只是實例，無意說別的學校什麼)


學費加幅是Y1入讀到Y6都同一個價錢。所謂別人說“年年加12%”，其實係每年2%加幅。
與其年年加你2% or uncertain，不如由Y1一入學話你知6千就6千，7千就7千。岩嘅就註冊唔岩嘅咪去搵你心水的 prefect school。

Karenauyeun

小朋友讀緊傳統津貼小學，如果考插班有冇機會，有冇位呢？

tomisll

小學6年不加學值得讚賞嗎？我有疑惑的，1.我們一入小一就用了6年加2％的學費，用最高的學費去交6年小學了。
2.中一仍然在加學費中，每年加12％，這十分影響原校升學的壓力，今年入學的話，6年後升中就面對過萬的學費了，這是每月呀！
3.如改為每年加2％或3％的話，反而升中的學的學費只是大約7仟左右（如果今年入學$6000再加6年加學費3％後），分別太大了，學校應該考慮一下大家的承受能力呀，這是一所直資不是私校。

現在加學費的方法只是希望減少家長對加學費的反對，因只在小一，中一，中五每年加大約8％至12％，小一家長心底裏覺貴，但好希望入一間IB學校就好易就範了，中一家長就好大可能想跳船，學費已加到跟出面的國際學差不多了，叻的學生可能走向更有名氣的學校(你可能會説叻的一批無論如何都look for 更好學校的，不關學費事）可能吧！能力中等及一般的就只有硬食了，中五更不用説了，都最後階段了，還要再考慮學費這次要的問題嗎？盡心 盡力追成績好了。
學校的學費加幅及方式都好有改善需要的，不至於流失了自己本校栽培了6年的學生，咁好可惜，學校任何一方都追不到全港學校的前茅前就已經成功地成為全港直資的第一了（學費上）

hp001

原帖由 小豆媽 於 16-05-04 發表
只可以講.....間間學校都有改善空間。相比同區(天水圍)直資，LA一點也不會“執輸”，有自己賣點。事實証明 ...

無人話要PERfect school。明白忠言逆耳。
請你運用你嘅地位同影響力, 推動下學校實事求是。 要辦好一間學校而唔係唱好一間學校。有麝自然香。 多口一問, 請到新校長未?呢個都係好多人關注嘅問題。

jamlee309

原帖由 tomisll 於 16-05-05 發表
小學6年不加學值得讚賞嗎？我有疑惑的，1.我們一入小一就用了6年加2％的學費，用最高的學費去交6年小學了。 ...

同意你的講法，學費上加幅及學費貴係全港第一！LA努力追上……


如LA能在學校行政方面及改善空間，都好像學費加幅一樣快而多就好啦!咁LA各方面都有大進步

潼潼妹

原帖由 tomisll 於 16-05-05 發表
小學6年不加學值得讚賞嗎？我有疑惑的，1.我們一入小一就用了6年加2％的學費，用最高的學費去交6年小學了。 ...

很同意你的分析，有冇人同學校反映過?