性格慢熱的小朋友在選校方面的建議

Mobedon

囡囡今年k2，她喜歡閱讀，有禮貎，受教，有良好專注力，現就讀學術型幼稚園，十分喜歡返學，做功課也很主動。但性格比較被動慢熱，說話總是細細聲的，相信interview 比較輸蝕，因為唔會等佢warm up。 請問以大家經驗，什麼學校的面試形式會比較有把握有offer? 慢熱型小朋友通常有什麼學校offer呢？

gglover

回覆 Mobedon 的帖子

我都想知, similar case here.

five555

多報幾所小學當練習，賣旗，做義工，幫人之餘又幫到小朋友練大膽。
不要只報熱門學校，二，三線也報吓。

HK-MAN

Mobedon 發表於 15-11-30 10:32
囡囡今年k2，她喜歡閱讀，有禮貎，受教，有良好專注力，現就讀學術型幼稚園，十分喜歡返學，做功課也很主動 ...

大部份小用友都慢熱,...家長們自我檢討下,大部份係家長引致的.

frogbobo

HK-MAN 發表於 15-11-30 11:25
大部份小用友都慢熱,...家長們自我檢討下,大部份係家長引致的.

小用友慢熱有什麼問題? 有什麼需要檢討? 小朋友是否只能夠主動? 快搶搭? 對任何陌生人都熱情回應?

主流收生價值是否所有小朋友都要跟? 家長自己諗清楚, 自己想要點樣既小朋友, 定係要 provide 一個人地想要既小朋友。

loveDD

選思考學術題多，例如SFA，還有叩門時應該會有利。現實上樓主小朋友的性格也是很多香港小女孩的性格，要在直私小一面試時突出，也許需要找一項「專長」從而多加培訓去幫助。

HK-MAN

frogbobo 發表於 15-11-30 11:42
小用友慢熱有什麼問題? 有什麼需要檢討? 小朋友是否只能夠主動? 快搶搭? 對任何陌生人都熱情回應?

主流收 ...

小朋友慢熱真係冇問題的,這我亦認同! 但有家長話自己小朋友慢熱既話,有冇方法去改變,咪要自我檢討下囉!

ozduckie

我仔都是超級慢熱，但學術很好，聽教。k2時校長已經嚴重警告話真係要佢開金口先得。我花左好長時間要阿仔明白，面試時一定要主動同老師打招呼，一定問老師問題。然後我報左好多間學校面試當練習，等佢知道面試並不可怕。結果今年k3戰果尚算不錯，現有SFA 等幾個offer。雖然佢都仲係慢熱，但起碼佢知面試時應該點做，所以要小朋友自己明白適當時候做什麼係好緊要！

gglover

回覆 Mobedon 的帖子

其實我真係想講, 而家d面試模式搞到慢熱型小朋友好慘, 慢熱又唔係罪, 又唔係缺點, 但現存面試模式令到慢熱變左缺陷咁樣。那些賣旗、做義工、多打招呼、多群體活動, 有好多都試過, 未試過的都準備會做, 但我發現小女就是不enjoy, 就像迫隻野兔不準跳, 要雙腿跑一樣, 雙腿跑一定快d嗎? 不一定呀! 你捉隻野兔黎睇睇!

慢熱型在很多層面有好處呀! 我發現我女兒的慢熱就是因愛觀察, 對人對事都非常細心, 極少做錯事, 學習亦迅速。可是, 就是在現存的面試當中很蝕底, 我真係覺得好陰功。

老老實實, 就算將來出社會做事, 慢熱也不吃虧呀! 做生意、做sales就話熱情會好d啫! 其餘咪一樣! 今年新鮮滾熱辣出爐港姐都係女拔出身, 慢熱寡言果個冠軍, 熱情多言果個亞軍呀! 最終又係真才藝真實力決勝負。

見到個女現在要不停改變本性來迎合出年的面試, 我真係好心傷, 但我又深深知道, 個個小一面試都係在短時間内分高下, 唉......

retriever

回覆 Mobedon 的帖子

救恩

RRRRGGGG

原帖由 gglover 於 15-11-30 發表
回覆 Mobedon 的帖子

其實我真係想講, 而家d面試模式搞到慢熱型小朋友好慘, 慢熱又唔係罪, 又唔係缺點, 但 ...

totally agree!

hoihoima

Mobedon 發表於 15-11-30 10:32
囡囡今年k2，她喜歡閱讀，有禮貎，受教，有良好專注力，現就讀學術型幼稚園，十分喜歡返學，做功課也很主動 ...

我俾我的慢熱仔學下朗誦，等佢練大個膽。面試練習是重要的，在家也會同佢練

fishchow

1st in 多數 group in, 10 揀1、2個入 2 nd in. 考快而準，有反應。我女一年前，不單慢熱，也缺乏自信。我冇理人話我是否怪獸，連學校面試班都冇上，出去 Train 足9個月，一星期一堂，偱序漸進。女女自己也很努力，目前有幾個 二缐 offer, 滿足了！

fishchow

我都有出面 train 朗誦。但獨自練的時間多至2個月，上場只是出2分鐘。如真系練口才，去 故事班實際d。

Mobedon

回覆 gglover 的帖子

Totally agree! 其實囡囡都有上緊故事班和Drama, 老師都說她其實warm up 了都肯參與和活潑，但我擔心interview唔會夠時間warm up.  對慢熱小朋友真的很慘！

Mobedon

多謝大家答覆及意見！

Happy_funny

找些多問學術的學校如 sfa tsl, 試下上短期面試班 讓小孩熟習模式

retriever

唔好花錢上什麼班， 去多d 見下人，社會服務…

muimui2

首先，慢熱不是罪。樓上有人話咩多數係家長做成，我諗只係你小朋友唔係呢類型，要明白呢個係性格，就等於唔係個個人都鍾意一輪咀同陌生人傾偈咁，唔係咩大不了。

我小朋友都係呢類型，到而家佢都有幾個offer, 雖然唔係咩一線名校，但係係適合佢嘅。我經驗係:
- 唔係間間學校都要揀好鍾意講嘢嘅小朋友，慢熱嘅小朋友反而相對比較守規矩，喺group in 會表現得聽教，都有學校喜歡嘅
- 如果女女學術好，更加唔駛驚，有一批學校單考學術，慢熱小朋友都無問題
- 太活動嘅學校自然會reject, 我又覺得無壞，因為真係mismatch。 但一啲傳統啲又或者新派啲嘅直資都ok, 要睇緣份

最後，幫小朋友報多幾間，其實面試好多都係玩，佢哋開心嘅，試多啲就唔驚。

蕃薯仔媽媽

原帖由 frogbobo 於 15-11-30 發表
小用友慢熱有什麼問題? 有什麼需要檢討? 小朋友是否只能夠主動? 快搶搭? 對任何陌生人都熱情回應?

主流收 ...

不得不比個讚你