學費加了15%.校巴加了20%

everytouch

原帖由 MissMusic 於 15-09-16 發表
第2項學校其實可以寫清楚d係乜野費用。

咁唔交會無左d乜野呢？ 小朋友會否無簿做功課?

雜費方便，其實九龍塘都差唔多。 巧立名目 當然有。 預留是"每年"15 % 學費與20%車費的升幅。 過到這個關口，雜費不算是什麼

noel2010

請問一年雜費及學費，不計校車，大約多少錢？是否沒有學券？

everytouch

學$ 今年 4380。 雜$4-5000/半年。
學$過去兩年 加15%/年。
校車 （自己開車4個字。 反學早1個鐘4個字。$1300/
有同學住九龍城早9個字上，放学要1個鐘3個字）$1000 。
校車每年加 20%

noel2010

回覆 everytouch 的帖子

Thank you。似乎很合理，九龍塘算平的。家人讀緊學費$9K 全日，仲有個細，下年都想試下考。

everytouch

你會看到他正在走向國際化的路線， 同約克比， 人地校園的環境， 雙語老師的數目， 贏一大截。 雖然巨聲清，明年有雙語班，但以他現在的人手， 根本配合不了， 先不論老師會否有走鬼的情況， 但是你小朋友如果報，將會是由新手的老師受教。 不會有點白老鼠的感覺嗎？ 新老師始終亦要適應期去過度，你亦不應用“平”來評論他，因為他每年15%學費加幅， 明年應該跟約克不相伯仲。 除非你說york都是平。

noel2010

回覆 everytouch 的帖子

其實我仔早年在此校畢業，在此讀到英文底子好好，小學考到陳守仁，中學去了英國留學。現他的表弟妹找幼稚園，我提議這間又平又抵讀，我仔的表哥表姐個個九龍塘區幼稚園出身，所以大概知樣樣要比錢，坐校車間間都要預多1小時車程，讀小學都是這樣。不過現在有學券，我們以前真金白銀付出的。

Monster18

以我所知，york嘅校車同一區，都差唔多時間到……樓主有無做吓功課？

siubibu

我仔上年york k1(2014-2015) 學費$4500,
今年L2 $4900 , 加9% 之前講明每年加幅系5-9%內，並不是你說上年$5400,不知你是否收錯消息，茶點二千幾/半年，我小朋友冇join, 知道都有半班冇join, 可自願選擇，
車費的確感覺加多了些，上年$11xx, 今年$13xx/月，地區是九龍範圍，本人是用家，just for reference,
因今年輪到第2位小朋友報讀k1 , 所以最近都多了來EK，剛路過這裹見到有數字不太正確，來更正一下
不過我覺得你地學費每年加$500都可以接受

Hayden0805

我小朋友在金巴倫只讀了K1,今年轉了另一學校，我對呢間幼稚園都覺得好不滿，手法商業，如
1）去年下學期雜費沒有break down條數，我照交雜費$2800，支票已過數，但有家長打去教育處投訴，可能係咁，學校再補派多次通告，係列出雜費包括什麼項目，但沒提出每項銀碼！通告左上角有寫明可按自己需要購買，由於當時剛巧有另一學校收了我的小朋友，我就申請退款及退學，但得來既通知話已經幫我地訂左，只退到其中一部分，$2800，只退了約三份一，可能你會話佢肯退已經好好，但我就覺得學校手法好有問題，講到歡迎家長選擇，其實冇得退足！仲要張票過左數先出breakdown!
2）菜姨姨去年學校開講座，只需家長出席，但每人有證書拎返走，不過學校寫左小朋友個名落張證書度，講到好似係我小朋友付出過所以有證書，我覺得手法非常有問題！
仲有好多好多問題，入得去，錢預左俾，真金白銀，冇問題，但以辦學來說，手法太唔光明磊落！

AJH

我小朋友之前都讀呢間，依稀記得通告上已經寫明雜費交咗係冇得退，其實你在決定唔讀轉校時就應該將呢個不可以退嘅錢計埋，退俾你係人情，唔退俾你係道理。我幫小朋友轉校都少過一個月通知，所以要俾多個月學費，但都係預咗，無謂要學校蝕錢吖，好嚟好去囉。雖然退咗學好耐，但我都認同學校是有heart辦好教育，是一所有愛心嘅學校。君子分手不出惡言。

JCMW

樓主，轉校啦

MissMusic

原帖由 AJH 於 15-10-28 發表
我小朋友之前都讀呢間，依稀記得通告上已經寫明雜費交咗係冇得退，其實你在決定唔讀轉校時就應該將呢個不可 ...

咁點解要轉校嘅?

Girly

其實睇晒所有post, 這位家長的確比人好仇恨金巴倫的感覺！説真的，評語的而且確不夠中肯，比人感覺太偏激了！説到敵眾我寡此方面，只不過是你設注意到自己的批評太偏激了吧！
確實，九龍塘幼稚園眾多，你如此不滿，何不為你囡囡轉讀你認為更好，收費又合理，又有net teacher, 功課又不是抄回來，校車又管理得完善，雜費又列得清清楚楚，總之一切做得你滿意，你又認為合理的幼稚園呢？
何必在此如此動氣！分享故意之是好事！但只怕你找不到知音人，你的怒氣解不了！似乎問題仍然解決不了啊！！！

cgjan

其實樓主係呢度開post你都應該預佐好多家長會支持學校架. 批評學校其實冇乜問題但都冇需要用到咁惡言評擊. 講到學校一文不值. 到家長出黎支持你又扮理牲討論,然後又話家長質數差.如果你留意自己用詞我唸大家都唔會咁大反應.本人小朋友現正K1返佐幾個月,小朋友好喜歡學校老師都好好人,每日都有功課但都好快可以完成小朋友都冇投訴.屋企我地好小講英文或國語但小朋友返到黎自己主動講英文同用國語背詩. 我小朋友K1末係印籍老師教英文但印籍老師教有乜問題呢,人地印籍人都可以廣東話報新聞.
讀九龍塘學校坐校車預佐要好多時間塞車,要明白校車要接成車學生點同自己車佢返學比? 校車姨姨同司機係目口目面的但so far 又冇乜問題小朋友話姨姨好好人
黎緊聖誕party老師講佐唔參加嘅小朋友都會一齊練.
SN始終都係小校有時未必可以同大校比,我唔太明樓主點解成日同SC/York比. 但最重要係人地收佐小朋友先再考慮吧. 可能當時樓主小朋友未入到?

Katharinethepig

咁即係幾錢學費同雜費

leiseefung

好趣怪既一個情況，
年年都有家長係呢度狂插呢間幼稚園，排隊攞表插、小朋友既食物吾掂又插、校巴年年都會插，雜費又係年年都插，聖誕party不值又插，NET老師又係年年都插吾係正統，又永遠都係同SC/York 比吾值云云，總之就係吾順吾就我就插。我好想講，點會有一間幼稚園可以事事稱心 ? 佢有一年因為遲報上教局所以學費無得加而凍結左一年，記得加得多係因為學校40週年大翻新後重新定位然後才加得多，當年重上左報紙重名列第一添，再黎係凍結左之後果一年又係加得較多。但在九龍塘區，你真係要預左最起碼收費，否則真係吾好入讀，有學卷比幾舊安安樂樂又一年。如好彩既入到TT國際班咁先可以兩者兼得，但可惜現在連TT都冇呢支歌仔唱。
講番SN，要好清楚佢定位先好入讀。並且希望了解到真實情況才決定是否比子女入讀。
1.        論校舍我覺得比同區果幾間有過而無不及，我識有幾位家長原本想轉但最終都係小朋友吾肯而選擇完成整個階段，這是校舍同環境氣氛比到小朋友親近、開心安全不無關係。
2.        校車情況是現實解決不到的老問題，它是細校，即使換那一間公司都係受制於九龍塘現場環境，第二區會好好多，況且成本人手樣樣都係問題，現在做校巴真的吾容易了，往往公開招標都無人落標。吾好下下推去副校果度啦。有自己接開小朋友就會知，而且學校都專登改上下課時間避左Y記。
3.        雜費多而貴好在乎自己點控制，有活動你都要預左比佢賺，好多雜費吾係迫人比，好自由。又有好多媽咪自製健康食物吾食學校果d又慳又好，但前提係你有無咁既恆心去做。
4.        最重要既係此校小朋友小一成績去向。此校在第一輪直私都有不錯成績(校長都會在講座講)，經自行既好在乎你夫婦二人以往出自何處，但佢張申請表好似冇要求你填你出自何小學。(現在有冇改我吾知) 最終一輪音樂椅後學生呢幾年都有好吾錯既成績，你可以話係父母功勞佔大多數，係的確係，但學校教到比小朋友既，對面試同行為表現都有幾大關係。這是小班教學的好處。

我小朋友已經係呢度完成左幼稚園階段，總體感覺係好吾錯，學校係有吾完善既地方，但係我又吾覺得要攞出黎討論咁緊要。今天我小朋友在小學讀得開心，喜愛上學不無關係，在他而言，已有一個比較係開心既幼稚園階段，而學術老本在今時今日都只係能夠勉強食到半年，叫做順利過渡，不太吃力。我打咁多字都係想比後來既家長一個用家既角度去睇呢間學校，客觀一點，寬容一點，好多問題其實真的不是什麼大問題來的。

kaitathk

個EVI未係父母做，所以我有2年無報,學校都無所為

Ethankaylie

Agree!明買明賣強制性雜費，冇選擇權！

ozduckie

原帖由 Ethankaylie 於 16-08-12 發表
Agree!明買明賣強制性雜費，冇選擇權！

有邊項雜費冇選擇權呢？

daisylhn

今年雜費全可以選要或不要，我覺得ok喎！比之前改善左好多