保良局莊啟程預科書院交流區

MMChan

阿仔今年剛升上莊預中四，請大家交流分享！

yan98

請問有冇人知今天莊預DSE成績如何？

PMAN0917

讓大家認識多一點莊預

http://iknow.hkej.com/php/article.detail.php?aid=13875

yan98

阿女九月升S5, 學期尾班主任巳講左，你地預左S5要日日補課放6點

MMChan

yan98 發表於 15-8-11 18:37
阿女九月升S5, 學期尾班主任巳講左，你地預左S5要日日補課放6點

多謝各位分享!
想請問中四有冇補課?
學校有冇小班教學?
阿仔選了Chem, Physics, M1, 唔知讀書跟唔跟到? 師資如何?

yan98

阿女S4時，如學校衡量过学生成绩冇3322便要補課，星期一補中，星期二補英，星期三補數，星期四補LS, 星期五補選修科，另外逢星期六拔尖及學生自由參加補中文補課，此外如學生要求可找老師Group埋一齊補課，老師是很樂意的。

阿女果班mentor是教maths 及M1, 老師，中文都好好，此外英文科是外籍老師，如果意外，会跟足三年 (呢樣我最鍾意),阿女不是修你阿仔三科，所以提供不到意見。

yan98

英文有小班，如果跟吾上，升S5可以drop一科，阿女原本修bio ,hmsc, geog, 現已drop geog.   如果目標不是三大，主修二科巳經足夠。另外莊預maths是幾深多，中文科閱讀理解亦不淺。
希望這些資料可以幫到你

MMChan

yan98 發表於 15-8-13 08:52
英文有小班，如果跟吾上，升S5可以drop一科，阿女原本修bio ,hmsc, geog, 現已drop geog.   如果目標不是三 ...

多謝yan98

是否 A 班先有外藉老師教英文?
A班成績最好 ? 跟住是B 班?
怎樣同幾時評估3322?
中四是否要留校吃午餐?拔尖班是資優課程嗎?似乎比唐中更多補課!
9月有家長日嗎?

yan98

C班是精英班，其次是B, C (3選修科)/D(2選修科),
據我所知,上年有二個外藉老師是S4主科老師，起碼有二班是他們教。莊預資源不錯。3322怎麼評估我都吾知，你可咨詢mentor, 頭三個月可訂反或帶反，有微波爐，如表乘便可出街食反

今年就吾知

yan98

更正C, B , A/D

yan98

學校實行芬蘭式教育。 因阿女無份補底/拔尖，平時可自由參加補課。所以呢方面答不到你。我記得上年在開學初期 及考完第一次試取成績表時有家長日。

98730

回覆 yan98 的帖子

Hi;
     我仔都是升中五.多多指教

yan98

MMChan

yan98 發表於 15-8-14 08:45
更正C, B , A/D

今年中四得兩班㨂了三科electives, 是A班同B班，不過全級頭三名都係A班，但阿仔係B班！

yan98

其實唔緊要，仲有三年時間追，最重要努力讀書，考入大學。
我好希望各位莊預各同學仔能努力讀書考入大學，為母校爭光。

MMChan

yan98 發表於 15-8-14 08:52
學校實行芬蘭式教育。 因阿女無份補底/拔尖，平時可自由參加補課。所以呢方面答不到你。我記得上年在開學初 ...

請問芬蘭式教育是甚麼?
中四平均分是否計埋 electives?   毎個學生揀的科目都不同咁會有差別 !
高中平均分是否會低啲?
中四是否原班升上中五?會否轉班?
阿仔唔想食飯盒, 學校Canteen 有得食?
請指教

yan98

有關芬蘭教育的資料及考試計分方法你可問番學校。高中總分40%合格。S4升S5好似是原班升，因為未開學，所以不能肯定答你，況且下年可能会吾同。canteen好似得燒賣，麵。因為阿女係帶飯，好少幫襯canteen.

MMChan

yan98 發表於 15-8-16 16:34
有關芬蘭教育的資料及考試計分方法你可問番學校。高中總分40%合格。S4升S5好似是原班升，因為未開學，所以 ...

Thank You!

2kidsma

我仔今年S3, 聽說上到 S3 好深, 是嗎?   我擔心仔跟唔上.

yan98

S3課程真係吾易讀，又多科。作為家長只可作支援，始終是小朋友讀，好多同學都會在S3發力，因為S4選科。不用太擔心，只要小朋友肯努力讀書盡番做學生本份，另外最好keep住主科成績。