亞氏保加症小朋友，其實適合傳統名校嗎？

Happy_Charles

如上

siden

要睇個別小朋友程度。

Asperger 通常 high function, 好多純講學業唔會跟唔上。有人入咗DBS、沙田一線名津添(入果刻學校不知情)。

問題往往在於與同學及老師相處。家長老師要花唔少時間跟進處理社交情緒問題，不能好似其他同學仔全程投入狂谷。傳統名校老師對此包容度比較有限。他們智力多冇問題甚至好鬼醒，但佢俾唔俾你谷係一個問題。

真係個個唔同，有些只有少問題近正常，有些淨搞社交情緒都煩死，建議你同跟開佢case嘅therapist商量，其實，你自己也心中有数。

Bigpig_2007

原帖由 siden 於 15-07-05 發表
要睇個別小朋友程度。

Asperger 通常 high function, 好多純講學業唔會跟唔上。有人入咗DBS、沙田一線名津 ...

認同~！ 諗清楚小朋友學術，情緒上等等的需求。一間有愛心的學校，能在有需要時提供支援，絕對比純講學術的更適合這類小朋友。加油！

Charlotte_mom

我仔就係人辦，社交問題比學業問題煩100倍。如果老師懶得處理/唔想花時間包容，小朋友同家長都會好難過

siden

原帖由 Charlotte_mom 於 15-07-05 發表
我仔就係人辦，社交問題比學業問題煩100倍。如果老師懶得處理/唔想花時間包容，小朋友同家長都會好難過



  ...

基本上，難搞果批精神花在搞社交融合，父母及孩子唔會再有多餘心力谷學術。坦白說傳統名校對這類孩子包容度多数不高。

情況輕微又唔抗拒被谷果批係ok的，頂多少啲朋友，耐不耐被老師同學投訴下無禮貌硬頸等等。係可以在傳統名校生存的，甚至上埋band 1中學。只是，不要期待操行攞A，keep到B就ok。多啲埋家長堆與其他同學仔混熟也對佢學校生活有好處。仲有，儘量避開大班的傳統名校，最好小班。

LeeCC

小班比較好，我仔都系社交問題和固執行為，因為是小班，老師能關顧多些，易留意他幾時出問題，還有每班同學人數少些，較容易融入同學中，關系也密切些

另外，也要看學校是否能夠提供他需要的支援例如言語治療，傳統名校因為sen較少，支援較少，處理行為情緒經驗也少，包容也少

同學都比較企理，其他家長要求也高，如果班中有小朋友行為有問題，他們未必會包容，小朋友在學校的日子都不好過，這是一個家有一個智商超過140但有行為問題的孩子的媽媽在傳統名校的經驗

Charlotte_mom

siden 發表於 15-7-5 17:16
基本上，難搞果批精神花在搞社交融合，父母及孩子唔會再有多餘心力谷學術。坦白說傳統名校對這類孩子包容度 ...

身邊朋友真係case
傳統名男校, 操行麻麻, 成績平平, 學校講明操行唔會俾得好, 自己學校成績唔夠人爭, 出去自行凍過水, 今次真係等派位

siden

原帖由 Charlotte_mom 於 15-07-05 發表
身邊朋友真係case
傳統名男校, 操行麻麻, 成績平平, 學校講明操行唔會俾得好, 自己學校成績唔夠人爭, 出去 ...

Yes

所以有朋友一早揀定好似令公子果類學校

朋友態度係品行社交行先，學業催谷次要，深知佢仔雖然好醒，樣樣一教就明但情緒上完全逼唔到去谷

早早訂下目標，小孩偶爾被投訴但起碼老師包容又唔使「臘竹」(sorry唔識寫)兩頭燒再煩學術

SWT

我傾向幫仔揀名小學，唔試下又怎心息。亞氏仔確實可以好叻，仔屬偏高智能差小小到資優，仔最大問題確實是情緒及社交，但我揀得主流俾仔，希望他能溶入主流中，用能力去識應社會，並非希望他常常被各界包容，到大了，誰會去包容他，早早接受現實去令仔適應呢個社會方為上策，若最後都是行不通，再諗出路。今天九月仔升p1 ,相信對一般小朋友亦是一個大轉，更何況是亞氏仔呢。

HaYi

我覺得阿氏仔因為不懂社交, 在不論咩學校都會有社交的問題, 最好的當然是選人少較包容的學校, 家長不會太辛苦日日接投訴電話.  如果選了名校又不包容的學校, 家長唯有一邊預接電話, 一邊在外找支援,  我識幾個阿氏家長都是很盡心在家跟專家提議做訓練, 他們不會期望學校有大支援.  

LeeCC

如果小朋友學習能力高，不妨試下傳統名校，因為去邊間學校都有社交問題，學術高的學校可以滿足小朋友對學習的需求

我仔學術能力一般，甚至有些個別科目有困難，但強項是術科，這種情況在傳統學校好難讀上去，再加上社交問題，更難搞，所以我選了小班二線包容有支援的學校

現實d講，能力高的小朋友，學校要靠他食糊，待遇都好些，我識一個數學天才，有行為問題，但他代表學校拿了好多數學獎，學校對他包容和支援連媽媽都說有點不好意思，有點愧對其他sen同學。

Happy_Charles

多謝各位意見，其實我都唔係好肯定係咪A仔，阿囡係學習能力算高，記性特別好，同同齡無問題，但問題在於同老師或成人，如唔聽指令、唔打招呼，加上係學校唔係好坐得定同企定，而且加上都好固執，自己有自己的思維方法。

四隻貓

Happy_Charles 發表於 15-7-6 10:50
多謝各位意見，其實我都唔係好肯定係咪A仔，阿囡係學習能力算高，記性特別好，同同齡無問題，但問題在於同 ...

朋友女女都有一樣情況, 唔聽指令, 好固執,上小一後因數學能力好, 一開學已經自己做晒數學書既所有題目, 之後上堂便覺得悶, 會做自己的事, 引起老師不滿. 固執亦令老師覺得佢唔受教.
朋友經常收到老師投訴電話, 朋友話每次聽到電話嚮就好驚, 果日無電話就好開心. 佢都想轉去支援較大既直資或津校, 但考插班唔係易事.

我仔唔係A仔, 但有此傾向, 固執硬頸,EQ低,  學習能力高, 記性特別好, 人事既理解力比較差. 朋友建議係: 一係讀傳統就找間學術深既學校( SFA, KTS), 起碼學術上滿足到佢, 佢上堂會有心機合作些. 一係就揀間有支援同包容既學校, 起碼學校唔會打投訴電話, 家長小朋友都愉快些.

我仔最後考到間包容, 活動教學而學術又有一定程度既私校. 希望一切順利啦.

Cowbit

原帖由 Charlotte_mom 於 15-07-05 發表
身邊朋友真係case
傳統名男校, 操行麻麻, 成績平平, 學校講明操行唔會俾得好, 自己學校成績唔夠人爭, 出去 ...

呢d case揾一條龍學校又會唔會好d? 最起碼達標就可上中學。

四隻貓

siden 發表於 15-7-5 19:39
Yes

所以有朋友一早揀定好似令公子果類學校

係呀, 其實佢地學野係好快, 但唔係我地想點佢就肯點.
最慘係其他人成日以為係家長縱到佢地0甘, 其實家長係又軟又硬方法出盡...佢地既硬頸, 誇張d講, 係打死佢都一樣硬頸.

有經驗家長分享時都係0甘講:品行最緊要, 因為佢地聰明又固執, 學壞左就好難改. 品行態度好, 學業自然唔會差.

siden

原帖由 四隻貓 於 15-07-06 發表
係呀, 其實佢地學野係好快, 但唔係我地想點佢就肯點.
最慘係其他人成日以為係家長縱到佢地0甘, 其實家長 ...

係，出到街，朋友真係被人指住話個仔冇家教，但個friend已經教到嘔

corylai

由於阿仔太固執，我也試過出街比人話，其實外人不知以為是沒家教

kmmum

回覆 Happy_Charles 的帖子

上到小學,你會好快知阿囡係咪A.  我囡就是一個典型A女, 幼稚園時,多舉手多發問,老師會讚賞
小學, 有班規有校規. 我囡堂堂數學堂舉手答問題, 但老師唔係次次叫佢, 阿囡挑戰老師, 說她[不公平,偏心]
試過老師答應了她的事情而無做, 便大發脾氣, 說[老師講大話, 欺騙她]
不喜歡中文堂,偏要搗蛋,離開座位, 再藉機去搵輔導主任玩,
主任忙碌,便自顧拿字典出來抄,  
英文堂,給老師責備.  默書交白卷. [拒絕合作],  成績像過山車般,時高時低.

最好笑是, 某些老師聽到囡囡是ASD 時,說[無可能!她對老師舉理力爭時,眼神堅定,詞鋒銳利]

唉, 作為家長,已經不理會成績, 處理社交/情緒行為比一齊重要.

Happy_Charles

但阿囡同同齡有無問題嗎？

Happy_Charles

不過我囡對老師的唔合作，係有時係不由自主，我有次同佢傾佢點解唔坐定，佢話我都唔想，我覺得好難。