沙呂 vs 禮小 vs 真道

02413124

回覆 little_yolky 的帖子

AGREE 其實好多時唔係學校谷,係家長谷,係家長想小朋友考好D,名列前芧

littlefaith

hkpapa852 發表於 15-7-2 13:20
其實最好笑係, 有D成日話唔想學校咁谷咁多功課, 要多D時間俾小朋友..... 但跟住其實係要多D時間去俾佢將自 …

我哋呢啲一心一意為小朋友鬆綁嘅家長，反而俾人話我哋幫小朋友揀嘅學校hea，一盤冷水潑落嚟，真慘﹗
其實，真係唔好將真道同沙呂、禮小比，揀得真道嘅家長係追求小朋友自主學習、終生學習、做個有求知慾、有遠見嘅人，而唔係短視地只係睇DSE業績或入英中比率。唔該﹗

little_yolky

littlefaith 發表於 15-7-2 14:22
我哋呢啲一心一意為小朋友鬆綁嘅家長，反而俾人話我哋幫小朋友揀嘅學校hea，一盤冷水潑落嚟，真慘﹗
其實， ...

真道真係好好, 俾好多時間小朋友適應, 不過升到上去啲project都好嚇人, 我寧願操卷, 識可以做得快, 做project 真係好難做 老實講, 行得IB你想有幾hea? IB好講個小朋友自己, 唔係塞入腦就得。

不過, 我囡囡唔好彩, 阿爸阿媽唔爭氣 (其實我懷疑係阿爸), 2nd in止步

Cedric_mama

回覆 littlefaith 的帖子

支持可能我仔都係SECOND IN 止步

ozoz

原帖由 小曳人 於 15-07-01 發表
資料由—位安排孩子由神津轉去真道嘅家長分享嘅，佢事前問咗好多人，特别强調未行334之前真道已經係讀11年 ...

多謝你回應。我可以分享下自己小朋友喺真道情況，佢今年小一，學校培養閱讀同學習動機花咗好多心思。舉個例，我有朋友小朋友讀某沙田一缐津小小一，另一位讀九龍城區某受歡迎津小小一，某日，我地去圖書館遇見，原來大家大家喺𠹭段時間都學緊7大洋5大洲，我見朋友都神色凝重，不繼拎住地圖同小朋友重覆認，默字，記名。至於我女兒，輕輕鬆鬆就唸咗一首詩，好易已經指出所有名，當時我好感激老師咁有心，等佢可以省回時間，睇多本書。測考方面，朋友話佢地學校小一要求45分鐘3-4篇閱讀理解，每題都要要full sentence 答，所以佢比多d練習佢操練寫答案時要小心，小朋友一年之後答題係小咗'careless mistake',至於真道，小一閱讀理解唔要求條條full sentence ,可能每篇只有1-2條長答，其他係短答，但問題數量會多d,比較着重睇佢有幾理解。閱讀方面，我小朋友順利開始睇中英文chapter book，尤其喺一連串好玩嘅閲讀活動之後，睇得更多，一本rainbow magic初期要2日完成，現在已經唔駛一餐飯時間已經完成，而我津小嘅朋友仍然喜歡閱讀，只不過係無乜時間，佢地會拎返幼稚園睇開嘅睇，我介紹咗d 簡單 chapter book 比佢地，佢地仍然需要耐d時間先可以完成一本，有時間的話朋友都情願比佢做多2篇補充練習。寫作方面，logos小一一樣有寫句子等等，而一缐津小一樣有甚至寫段落，小朋友每次都好用心寫，數住字數夠唔夠。到下學期，當我有dd擔心真道會否太easy時，女兒有一份簡單project 需要寫一篇英文script，不限字數，但要求講1-2分鐘嘅script,我有同女兒傾下大約想講乜， 當我頭痛點教佢寫時，女兒自己拎入房寫咗十幾分鐘出黎，中途問我某些字串法，我數下原來超過110字，內容同文法當然有改善空間，但我係估唔到佢其實已經ready寫到d嘢出黎。至於數學，我只知我小朋友計得唔快但算好準確，佢好明白個概念。測考前，我女兒會跟老師指示收執工作紙，我係協助角色，大家望返平時邊d常錯唔熟，女兒會要求抽補充練習某d佢常錯問題練習下，至於我朋友，測考前當然係更努力做多d練習啦，重要精補各科保持實力。我觀察所得，logos同傳統學校做法不同，不過logos嘅方式並非能於初小見到效果，如果合適，都要要大個d先發輝出黎。至於hea唔hea,我唔覺得超hea,只係將操練時間用黎做其他嘢。我小朋友係咪好強自學我又唔覺，不過肯定一點係，有d同學自小操練慣eg 公x式，呢類同學會傾向抄同學堂課，遇到唔識可以抄就會抄，快d '植入'答案，亦有小部分同學屋企比較緊張學業，跟得好貼，呢類同學發揮亦無咁理想。我相信，選校時，家長除咗睇個理念係咪同自己小朋友夾之外，亦要睇自己家教係咪㚒得黎，加埋呢個因素會比較易選到間最合適嘅學校。

beautyhar

好徉细...讓對真道有興趣既家長更了解真道課程。
我仔仔都有考, 但first in後學校寄失2nd in封信,所以學校以為我地冇興趣 到我打去學校問時只安排waitting..白白失去一個機會。

ok3

beautyhar 發表於 15-7-2 23:58
好徉细...讓對真道有興趣既家長更了解真道課程。
我仔仔都有考, 但first in後學校寄失2nd in封信,所以學校 ...

寄失咗！？真係要睇實個郵箱，有咩衣郁即刻打电話去學校

koalacc

兩間要錢，一間唔駛錢，無乜好比較！相同條件，我一定揀沙吕，如果經濟能力許可，揀真道啦！入左真道先，入左先考慮叩唔叩沙呂，始終大抽獎入沙呂真係好渺茫！有個底再叩沙吕，叩唔到都無所謂，除非你入唔到真道啦！

little_yolky

koalacc 發表於 15-7-3 09:33
兩間要錢，一間唔駛錢，無乜好比較！相同條件，我一定揀沙吕，如果經濟能力許可，揀真道啦！入左真道先，入 ...

禮小可唔可以大抽奬? 咁可唔可以考禮小然後再大抽奬沙呂?

不過我覺得禮小係最難入, 得5分鐘interview, 又有幼稚園生優先(但唔係必收), 所以位相對好少。如果考真道, 家長記得自己預備下, 因為second in要見埋家長, 果日in完, 我差D想用把長柄遮响校門口打死C6 阿女儘晒力first in考筆試過關, 交足晒功課, 仲要係第一個batch, 可能係C6唔鐘意呢間, 故意倒米

little_yolky

hkpapa852  禮賢一向俾人抽獎  發表於 33 秒前


老實講, 如果我小朋友入到禮賢, 我唔會需要俾佢入沙呂。

hkpapa852

little_yolky 發表於 15-7-3 09:47
hkpapa852  禮賢一向俾人抽獎  發表於 33 秒前

你個情況唔同喎, 你D小朋友係女, 係禮賢讀日後就算考唔到直資中學留係SSP等派位, 女仔都係著數好多.

02413124

回覆 little_yolky 的帖子

真係各人有不同的想法,上年同學仔叩到紅馬,綠馬放棄禮賢我自己小朋友就直情冇考

little_yolky

hkpapa852 發表於 15-7-3 09:52
你個情況唔同喎, 你D小朋友係女, 係禮賢讀日後就算考唔到直資中學留係SSP等派位, 女仔都係著數好多.
...

係呀

不過係見到朋友讀呂小, 因為有兩間呂小同考一間呂中, 高小時真係競爭好激烈, 呂小適合戰鬥格既小朋友。

yunyuchan

我會選禮賢

02413124

回覆 little_yolky 的帖子

聽朋友講一呂較ACADEMIC

little_yolky

02413124 發表於 15-7-3 11:43
回覆 little_yolky 的帖子

聽朋友講一呂較ACADEMIC

一間沙呂一間一呂, 一間較academic, 派位亦較好, 但我唔知邊間, 只知係以前上午校果間。

myfamily1807

我聽好多人意見都覺沙呂係不錯的津校，而真道英文好好，係擔心小朋友太懶散唔能夠自學，唔係一條龍不用煩，禮賢確實女孩子比較好， SSP 中學比較合女生。

MrBeast

ozoz 發表於 15-7-2 15:21
多謝你回應。我可以分享下自己小朋友喺真道情況，佢今年小一，學校培養閱讀同學習動機花咗好多心思。舉個 ...

你咪就是a good eg of 懂得佩合學校的家長，我見過有些返到家只是狂操補充練習⋯

02413124

回覆 little_yolky 的帖子

上午校係一呂,較ACADEMIC,上呂中% 較多另一間係沙呂,較多活動,出區外% 較多

4

ozoz

原帖由 MrBeast 於 15-07-03 發表
你咪就是a good eg of 懂得佩合學校的家長，我見過有些返到家只是狂操補充練習⋯ ...

我都有見過呢類同學，家長唔開心，同小朋友日日為功課嘈交，總覺得學校唔夠又再加d，小朋友又唔開心因為日日比阿媽鬧，操完之後成績又未必會好好，操得又辛苦，何必呢。讀真道，家長係要學習點放手但並非由得佢自生自滅，都好爭扎𠺢，做到的話，會見到小朋友其實係有好大潛能，一年已經見到好大進步。我小朋友第一次考試時普通話部分緊緊合格好危，當我心入面諗緊好唔好summer報個普通話班補下漏水之時，阿女同我講放學要開電視睇etv尤其普通話，佢覺得睇下就得，如是者睇咗一排，學期尾普通話部分已經滿分，所以summer就唔駛學普通話，改為佢自選一個純玩嘅班。讀咗一年，我覺得真係唔駛咁早耗盡佢能力，條路重有好長，讀唔讀大學，到時候佢自己會安排，我係伴下跑而已，佢讀到書對我㴝講係bonus,我地無忘記駝住佢時期望佢身體健康，態度正面，知自己做緊乜。聽落好似好清高，但呢個係我一直堅持嘅睇法，呢年好多人對我潑冷水但誰會知道10年後我女兒會點呢。自私d去諗，其實我唔介意人地話真道唔好，小d人報，等我細女過2年易考d