兩手準備應對DSE結果（教達人）

elbar

經過一輪苦戰，相信各位DSE考生對自己的成績大概都心裏有數。在試後放鬆時，別忘記選科的最後限期將至，怎樣調整選科次序，讓自己成功抵壘是最關鍵的一步。

        教學生涯中，教達人見過不少學生對入大學抱「坐定粒六」態度，可是世事無絕對，高估成績例子比比皆是，年中也有不少幾科奪星，但「炒」中、英文的同學，最終與大學無緣。

        科目配搭不如預期也是常見的選科陷阱，有些同學矢志入「三大」（即港大、中大及科大），且非醫科、法律、環球商業等不讀。但專業上有「錢」途，並不等於每位同學都能發展出光明前途，不能單純為跨進三大而胡亂選科。

        記得曾有位對哲學毫無興趣的女生，因大學聯招中排名較先的科目均落空，為入港大，不理興趣，一頭栽進港大唸哲學，結果因為學習熱情低落，成績不濟，最後黯然退學重報聯招，雖考上另一間大學，但港大畢業夢碎，更賠上一年時間，可謂得不償失。

        即使你對入大學信心十足，也應有兩手準備，精心挑選學士課程之餘，不忘選定數科高級文憑課程，以防萬一聯招較首選的科目落空，也給自己多個選擇。反正時代已變，高級文憑課程質素已相當有保證，銜接亦見暢順，最重要是認清課程是否已獲學術評審認可和院校開辦課程經驗。

        以較實際的角度來看，修讀兩年高級文憑後再升讀學士課程三年級，所費的時間及學費差不多，卻換取到兩項學歷及學習經歷，加上高級文憑課程教授專業知識和實習並重，院校的僱主及市場網絡廣闊，有助畢業生日後投身職場。

        這兩周多間大學和大專院校都舉行選科策略資訊日及講座，教達人非常鼓勵同學參加，以收集更多情報，精明選科。


        （筆者從事專上教育數十年，對教育發展見解獨到，熱心分享培育年輕人的深切體會）

        教達人

快樂鳥

Thank You

ccysj01

Mayflowers

但我問亞仔那天是"選科的最後限期將至"時,他告訴我現在不許有任何改動,只可待放榜後指定的日子內更新。那麼"選科的最後限期將至"是指??

家庭主婦

原帖由 Mayflowers 於 15-05-04 發表
但我問亞仔那天是"選科的最後限期將至"時,他告訴我現在不許有任何改動,只可待放榜後指定的日子內更新。那麼 ...

我囝上星期在綱上更改左喎，但要收$80費用

wwyee

家庭主婦 發表於 15-5-5 10:48
我囝上星期在綱上更改左喎，但要收$80費用

其實喺呢個時期更改，係咪衹能對排band a能面試的，提供1個希望呀？而在放榜之後更改，係咪就對高分學生提升獲派嘅幫助？改左又會唔會有面試？

未考前信心係會比教大，但考完之後又覺得自己無可能，咁係咪倒轉將HD 同今年新加果1千個咩野SSS學位放喺band a增加入讀有資助嘅學位？改左又係咪會有面試？

其實我都未算攪得清楚，成日用左升中果個方向諗，唔知啱唔啱。

家庭主婦

原帖由 wwyee 於 15-05-05 發表
其實喺呢個時期更改，係咪衹能對排band a能面試的，提供1個希望呀？而在放榜之後更改，係咪就對高分學生提 ...

我囝考完先改，佢對今次Dse成績頗有信心，所以放榜前更改左，希望有機會面試

家庭主婦

原帖由 家庭主婦 於 15-05-05 發表
我囝考完先改，佢對今次Dse成績頗有信心，所以放榜前更改左，希望有機會面試



  ...

另外我囝今個星期會去CU面試

Mayflowers

回覆 家庭主婦 的帖子

IC. I think it is a right approach obtaining a higher chance on interview.

Ahling2004

我仔今日去C.U面試 (經EAPP報), IN完即場比左封信係CONDITION OFFER 讀副學士.

請問達人: 係唔係表示學校已收左佢? 當然都要等DSE成績.  讀副學士係唔係好過高級文憑?

wwyee

Ahling2004 發表於 15-5-6 17:28
我仔今日去C.U面試 (經EAPP報), IN完即場比左封信係CONDITION OFFER 讀副學士.

請問達人: 係唔係表示學校 ...

你仲擔心個仔，而家有副學士比，我個仔無報副學士呀

Ahling2004

回覆 wwyee 的帖子

唔知好定唔好, 只不過有條後路選下.
學費都幾貴下, 總要讀2年才知有無機會入大學. 但我個仔好受落咁.

Ahling2004

副學士即係要好勤力才可以入到U.  
我依家真係心大心細, 唔比佢讀一陣又好似抺殺左佢的機會, 比佢讀又怕白白浪費了2年時間. 唉.....

Yanamami

其实心裏有数係咪讀書材料同真係幾有心去讀，而唔係放唔低“大学生”个名，况且而家大学生出黎人工又唔係好高，如果唔係好有心机讀書，考个实用high dip仲实際。揾到份穩定工後再讀番个part time degree當upgrade自己仲好d.

wwyee

原帖由 Ahling2004 於 15-05-08 發表
副學士即係要好勤力才可以入到U.  
我依家真係心大心細, 唔比佢讀一陣又好似抺殺左佢的機會, 比佢讀又怕白 ...

我無報都係因為呢個原因，但問佢預期係點，佢又唔係好樂觀，衹係話得嘅應該到基本要求，又表示自己未係時候出黎做野，打算會繼續讀多幾年，所以先報vtc。
但睇番課程要求唔算高，14-15分就可以喇，咁如果17-19咁應該點選擇好呢？

wwyee

原帖由 Yanamami 於 15-05-08 發表
其实心裏有数係咪讀書材料同真係幾有心去讀，而唔係放唔低“大学生”个名，况且而家大学生出黎人工又唔係好 ...

其實咩野叫有無讀書嘅材料呢？
有中學讀得唔好，但讀副學士較受落果種方式讀書，打後讀得好好。
有人情願讀一年副學士都唔重考，佢地話重考都唔會高好多分，點解要辛苦多一年呢～
話讀副學士爆分比dse易d,咁又啱唔啱呢？

Yanamami

wwyee 發表於 15-5-8 12:01
其實咩野叫有無讀書嘅材料呢？
有中學讀得唔好，但讀副學士較受落果種方式讀書，打後讀得好好。
有人情願讀 ...

部份啱部份唔啱~~所以要睇人，有d人無考試运，有d遲左开竅。但要睇下个年青人係有心想讀，定係想逃避，唔想做野先揾d野讀住先；又或者只係為“副学士”个名好听d而讀｡如果个年青人F5/6都有好既讀書态度，禁都正面d。但如果到呢—刻佢都無目標，hea hea下禁唔鈡意讀書，我相信副学士係幫唔到佢入U，所以要睇人｡有d人小学讀得普普通通，上到中学又ok,有d人係hk讀得好差，但出国又另一片天，但有个共通点係佢自己想自己好，上進、有目標。家長都好易覌察到自己果个細路高中幾年既学习態度同动机，大概知道值唔值投資唔少既錢係副学士度

October.

wwyee 發表於 15-5-8 11:54
咁如果17-19咁應該點選擇好呢？

呢個分可以報讀恒生,舊年就一定入到, 今年就唔知.

有19分就可以報樹仁, 應該都有機會(睇讀咩科).

舊年阿囡有個同學, 20分都入到理工( 個別例子).

Jackieson

Ahling2004 發表於 15-5-8 10:26
副學士即係要好勤力才可以入到U.  
我依家真係心大心細, 唔比佢讀一陣又好似抺殺左佢的機會, 比佢讀又怕白 ...

以你仔的情況...你都守到而家，唔好打沉佢，可以既話報埋HD，因為HD>AD。大專課程同中學課程好唔同，可能令佢開竅呢! 讀咗先，如果唔可以升入U，都可以出黎做野，可讀top-up。

Ahling2004

回覆 Jackieson 的帖子

謝謝你的分柝.
我想我最後都會打算行呢條路, 比佢讀左先.  都係2年. 唔得就出來做野. 佢好似無報HD, 因為佢想讀多幾年書. 作為家長的我無的選擇, 事實都總係細, 或者係讀AD時開HILL明白自已想如何都沒定, 無人知.