【注意】為子女揀學校，家長不能偷懶！

Mama5K

近日分別和幾位都有高小生子女的同事、親友和孩子的同學家長閒聊，談及孩子呈分試及升中選校的非人生活點滴，當中原來有數位都有上來教育王國收料，大家少不免會互相「八卦」彼此身份及收到甚麼猛料。


一提到「猛料」，原來有兩位親友同事都收到熱心報料人的pm，對方主動私下教路應該自行或大抽獎可以選哪些學校，我厚多士了解了解，發現報料人的資料實在令我嚇一跳，教人(band2生)大抽獎頭3志願選某band 1並有直屬小學的中學；教band 1邊緣人選band2c 學校......幸好幾位親友同事不會收收埋埋，願意講出來。


兩位親友同事互不認識，可是當我問到報料人是誰，竟發現原來都是同一人！



我自己沒有收過pm，亦不知其他會員是否曾收過那人的「山埃貼士」，又或者碰巧那位報料人發pm給我兩位親友同事時一時失準，所以縱使我100%相信他們不會對我講謊話，我不會在此公開報料人名字，亦不會pm透露，旨在提示大家注意。


我只想在此提提各位家長，最了解自己子女的一切一定是養育他們的父母，選校實不能馬虎，上來收料亦應該先做功課，瀏覽學校官網，帶子女參觀學校，分析各校不同階段的收生人數、高中科目選擇、DSE成績......等等，這些事前準備實在不可偷懶，不應假手於人。


雖然我在教育王國數年來多看少講，但都知升中選校每年都有不同策略，歷年來亦曾傳有人刻意報流料，希望可提高孩子大抽獎抽中自己心儀學校的機會，在此我不想將這些人性陰暗處再放大了。


切記，做家長的，為子女選校不能偷懶啊！

selina1109

原帖由 Mama5K 於 14-12-17 發表
本帖最後由 mama5k 於 14-12-17 18:48 編輯

近日分別和幾位都有高小生子女的同事、親友和孩子的同學家長 ...

miriam

Mama5K 發表於 14-12-17 18:45
近日分別和幾位都有高小生子女的同事、親友和孩子的同學家長閒聊，談及孩子呈分試及升中選校的非人生活點滴 ...

我囡今年都要為選校煩惱, 我都唔敢開帖問意見, 情願自己做資料搜集, 睇返以前既舊帖參考.

你留意到提醒各位係好事, 以免有會員中招選錯校.

qwop

無收過呢個,自己已有心水。堅定不疑。

beaclem

其實要送幾多流料先至可以將自己仔女安全送入心儀學校？與其花咁多時間送流料，不如實際D，叫仔女考好呈分試好過啦！！

beaclem

原帖由 beaclem 於 14-12-17 發表
其實要送幾多流料先至可以將自己仔女安全送入心儀學校？與其花咁多時間送流料，不如實際D，叫仔女考好呈分 ...

利申： 大女已讀大學，細仔中二

素兒

十分同意。

kachunpapa

王家爸爸

所以，我一直認為，不能偷懶，要去收生講座，同時在收生講座時襯機會找幾個學生問下意見。

召藥師

同意，一定要做足功課，另外亦都要同仔女商量，因為仔女開始有主見，朋友影響力都唔細，揀學校一定要一齊傾掂數，搵間最適合佢地嘅學校。

BK有好多高人同過來人，一直都0係版面無私分享好多資訊同經驗，我都獲益良多。如果個個都收收埋埋，就會失去討論區嘅意義

月希

咁其實上黎問...又未必係偷懶....有時想知有冇過來人經驗...理想學校師兄/姐家長對學校的感想...依D都唔係勤力睇校網就搵到的資料...

我覺得依度大多數的JM都好幫手...真心解答問題...

不過如果有你所講的人...佢都真係係佢資料不足?還是有心亂點人?

yekat169

如果係B1尾,最多第一志願揀B1,第二志願就要保險,揀 B2A都不為過, 因為無人會知實在Banding, 萬一計算錯左, 抽獎派去b2C都唔出奇

Cecily

選中學真的好頭痛，要選一間最合適自己子女，事前的準備功夫一定不可少，除了上網取料，數據分析Banding等等。真的要多謝各家長無私的分析和報料。

最重要是親身接觸該校校長，老師和學生，參加簡介會，睇學校網頁，大概會知學校的教學理念和方針，另外就是聽多幾個該校家長對學校的口碑。最後就是子女都喜歡讀的，經歷了去年不停看學校簡介會的日子，阿仔今年順利派到心儀中學，祝願大家都得償所願。

miriam

我好開心就係有位囝囝係我囡心儀中學就讀既家長係 pm 同我無私分享

penpen

咁奇怪咁樣教人揀學校嘅

IwanBB

最近我都遇到位唔識既jm主動pm我, 不過覺得好怪, 無回應佢.

其實唔係個個咁, 過去我都會pm問d有經驗既jm, 佢地都好好幫我解決問題, 最緊要自己分辯.

austism

哇！邊個咁衰㗎，誤人姐弟cheap 爆