有無機會 3 升到 4

moon88

DSE 預計全 3, 有無可能在這 4 個月可升到 4 ?

dsedse

不如積極地做檢討，睇下唔夠好既地方係边？(唔止係分数，仲有温書方法、作息時间、測考準備、答題技巧……定要做下多d練习呀pastpaper呀之類)。話佢知終点係DSE,仲有好多時间加油｡ (from Yanamami )

moon88

老師話只有4 個月時間很難升 1-2 個 grade

dsedse

只作參考,因幾年前的討論:                             DSE 數學科最後衝刺升grade建議3點

數學科係黎緊禮拜一就開考啦！各同學準備好哂未呢？做哂 pastpaper 未呀？

最後一刻要特別注意（但係又成忽略左）嘅地方啦。


1）必須要做齊考試局出嘅2份練習巻（下面有link）！

其實，好多同學都未必為意你地係第一屆黎架！猛做會考嘅 pastpaper，但其實，syllabus加左嘢啦，亦都改左問法，只係狂做會考巻你肯定會"miss something"！所以一定要做考試局份 Sample Paper (答案) 同 Practice Paper(mock) (答案)！一定要做足兩份！因為估計真正巻形式會好似！



2）計算考試每Section時間分配（睇錶做人）
好多人話 「Section A 嘅問題要做快啲，留時間做 Section B」。筆者恕不同意，因為我覺得你應該對熟識嘅問題去打「穩陣波」！唔好明明識嘅但心急計錯！根據筆者本人公開考試經驗（會考2A3B3C，高考ABCD），跟分數預時間係最好分配時間嘅「黃金定律」！因為考試局定分數係唔會死錯人嘅，仲有，即使係 Section B 都唔代表一定諗唔掂。

咁即係話，應該用：

巻1 每Section (A1,A2,B) 各用45分鐘做（我唔建議留時間覆巻，咁易自己覆到的，你就冇乜理由最初會錯丫！），做快左就梗係最好啦。

巻2 每15題用25分鐘做。

因為都係將時間分3等份，所以比較容易處理。你應該一開考就寫低以下 3個 critical time 落去答題薄封面度，每做完一 part check 下。

巻1  9:15(完成A1),10:00(完成A2)
巻2  11:55(15條完成), 12:20(30條完成)


3）執齊數學文房三寶（間尺、量角器、圓規）；一開考就舉手問攞紙

一定要帶齊！用黎係啲唔識做嘅問題度做量度！但唔好直接用試題簿的圖，一定要先 check 其是否 "draw to scale" 先（大部分都不是）。若不 draw to scale，自己另外劃！所以可以的話，一開考就舉手問攞紙！

dsedse

只作參考,因幾年前的討論:                             只有四個月的時間中文閱讀由1升至4,做左大約45個坊間閱讀卷(450篇章),再補下習拿閱讀技巧.不斷係錯誤中學習,自然就能夠掌握到閱讀技巧.補習能令你短時間掌握到閱讀技巧.而文言文方面,我個人來說,不用特別背某字句,因為你係做閱讀卷,你的語文能力及句字結構已經大有進步,好容易做到文言文.你越做越多,才發覺只要抓對段落及中心思想,長問答其實唔難.而最難係mc,不停轉模式,好難捉摸.至於卷五,你要睇返四大支柱,邊個比較弱,我自己係整合拓展及見解論證,見解論證pt其實可以係錄音帶及資料中看到線索.整合唔係問題,拓展把資料延伸出去(通常圍繞住寫作目的拓展),而拓展有分低+中+高三個等級,高等級要包括埋低+中的拓荒者,你一定要睇返今年中文科的詳細評分準則,明白點樣攞分.做完卷五,一定一定要搵叻人幫人改,先知道自己錯邊.中文聆聽不用放太多時間,佔分少,而且升grade慢,而說話係最易up grade,臨考試前2-3個月同朋友練下,搵師兄師姐俾意,升一個grade,中文說話好重要.關於作文,要掌握題目的重點,超多修辭都係得level 4,要有level 5以上,中心思想結構非常重要,通常不同的層面...................祝各位考試順利！

moon88

謝謝分享

khmama

原帖由 moon88 於 14-12-13 發表
DSE 預計全 3, 有無可能在這 4 個月可升到 4 ?

即使全3升去全4都係得20分，入八大degree機會得50/50. 所以最好先作最壞打算，訂立plan ABCDE.

October.

俾心機操多d卷, 3升4機會係有既, 4升5會難好多.

ppmmbb

操卷啦!
升一個grade絕對得(中英除外)。

nerolibaby

原帖由 moon88 於 14-12-13 發表
DSE 預計全 3, 有無可能在這 4 個月可升到 4 ?

當年我地會考前最後一日返學，老師講左句：只要肯努力，歷史一定會改寫。最後我生物科真係有個“良”

王家爸爸

moon88 發表於 14-12-13 21:32
老師話只有4 個月時間很難升 1-2 個 grade

與你分享我的經驗：會考年代，我和一個同學F5先決定加科，我加EPA，他加中國歷史，九月開始從頭自修（讀理科，無文科選擇，學校只代報，無教），用半年的時間，結果我得C，他得A。

Silm0818

中英文好難搞架啦！
建議中英保3 認識基本答題技巧
其他谷5/5*
仲有時間的！

brother4

就算全4，入大學如三大機會微，順其自然，另一方面知孩子興趣，如律師，留意相課程，由律爺上律師不難。

moon88

5/5*仲難， 都係睇定副學士

dubbies

想入就要拼命，難唔通唔試咩？通常想保3最後會得2，因為有班人會發力

王家爸爸

Silm0818 發表於 14-12-18 01:22
中英文好難搞架啦！
建議中英保3 認識基本答題技巧
其他谷5/5*

中英通5的比例約8％，數學約12％。唔易。

cckalex

從這三年dse的結果,就算係band a 學生取得一科5**的學生亦小於10個人之內,
5*亦不多,大部份取得5,已係正常結果,除非神級名校.

sally2002hk01

難係難,但花多少少時間會做得到

Seulement

做多D Pastpapers, 同同學一齊開個study group, 一齊溫一定Up到grade