諗唔掂，求救!

piglet1212

中西區英皇書院同學會小學二校(津校) vs 天水圍和富基金李宗德小學(直資)
英皇書院同學會小學二校，手執20分，無宗教，好大機會入，升中校網較佳，免學費
如果讀就要搬屋，有親戚住附近；李宗德小學已取錄，家住元朗，學費12000/年，無弟弟妹妹跟住，學校資源較豐富
求教各位意見

boboapril

鄧你頭痛，有無其他私小叫緊糊？願意冒風險先放棄呢間直資？

piglet1212

仲有三間未出result，不過機會不大，有一間waiting 緊，不過都係九龍

snow228

緊係英皇啦！

virgokaren

睇你想吾想搬屋啦！
元朗可能住得舒適Ｄ，小朋友活動空間大Ｄ。
两間都冇中學，又要睇你小朋友能否持久戰。
我會以居住環境行先！

piglet1212

我就唔想搬，中西區租貴又面積細，但本身都係港島南區返工，老公覺得如果搬去讀中西區，我返工又方便左，仲可以快d返到屋企睇功課，而家住得好，租又平面積又大，仲有隻狗，真係好難諗

nkf

piglet1212 發表於 14-10-22 08:33
中西區英皇書院同學會小學二校(津校) vs 天水圍和富基金李宗德小學(直資)
英皇書院同學會小學二校，手執20 ...

我覺得讀李宗德會較好。

要考慮:
要搬到中西區，同親戚同住定分開住? 親戚代照顧小朋友?
同住-->相見好，同住難...你明啦;
唔同住-->租樓，一個月租金差唔多/超過成年李宗德學費; 買樓，樓價貴，面積細，大把錢另計。

講學校環境資源比較
中西區，普遍校舍較舊較細，英二算係較好，我估點都唔及天水圍呢啲新區好。津校資源一定唔及直資。

講學術比較
我諗兩間差唔多，唔會有天與地分別卦，些微差別就ignore佢算。其實，如果讀得好，可以跨區去邊度都可以，屯門/元朗都有好多好中學。讀得唔好，係英二都無作為。

piglet1212

可唔可以講吓點解呀？

奥脫福

一位曾放棄過李宗德的家長，即係我，曰：「必選英皇！」

元朗升中校網十分麻麻。

piglet1212

好多謝你嘅意見，可以幫手嘅親戚唔會同住，只係住附近而兩個仔都大晒唔需要照顧，另外奶奶都可以有限度幫忙，但奶奶住九龍，我本身就港島南區工作，要輪班工作的

momama

搬！上到小一返全日，返到屋企都冇乜時間，居住環境幾好都冇日。搬近學校，若星期一至五多咗時間勤力d，星期六日任你玩。

cwkkbb

當年我也是算李宗徳，註冊了，有個安心，等6月叩門。結果叩到津小。校綱也有很多英中比元朗區為多。

piglet1212

小朋友本身英語理解及運用較中文好好多，而且認讀能力强，好驚幫佢揀錯

piglet1212

小朋友而家幼稚園都係返全日班，但係小功課

sheffield

其實邊到都有好學校，元朗也有好中學呀！但如真的不介意搬，我會搬出去香港區，一來近你放工可早點回家下睇功課，二來見識和朋輩影響都好重要…我是元朗長大的，我現住九龍，孩子在中西區上學，有機會看到不同地區的人的素質…不敢說那裡一定好或不好，但in general，確實有不同…
不好意思，我無心冒犯個別區的人，但我只想說出我的考慮。不喜勿插

piglet1212

好多謝你嘅意見呀，會參考參考

nkf

piglet1212 發表於 14-10-22 09:46
好多謝你嘅意見，可以幫手嘅親戚唔會同住，只係住附近而兩個仔都大晒唔需要照顧，另外奶奶都可以有限度幫忙 ...

之前無睇到，"我本身就港島南區工作，要輪班工作的" 呢個point 都幾關鍵。

媽媽一般都緊張小朋友功課溫習，就算爸爸睇，媽媽都會唔滿意/唔啱心水，想自己睇番，再鬧爸爸。

元朗<->港島南區+輪班，你會變得無時間。小朋友升小一，甩甩漏漏一定有，你只會心掛掛。
你老公講得啱，"快d返到屋企睇功課"，可能變得好緊要，冚過哂住屋問題。

piglet1212

我無同小朋友報讀面試班，亦無操題目，取錄是全靠小朋友嘅努力，如果放棄好似抹煞左佢嘅努力，但又好難放棄中西區嘅校網，亦唔知單靠計分嘅選擇的學校是否適合他

piglet1212

我都知道呢個point好重要

pomanlife

piglet1212 發表於 14-10-22 08:33
中西區英皇書院同學會小學二校(津校) vs 天水圍和富基金李宗德小學(直資)
英皇書院同學會小學二校，手執20 ...

咁你自行交左表去英二未架