真道和陳守仁

Skyhouse

如果2間都收，揀邊間好？

一間一條龍，一間呈分試

一間英文好，一間英文普通

請真道家長指教。

fishchow

真道是四點半後放學（宜家唔知仲係咪），如果住得遠，要認真考慮。語境亦是，係好唔同的，睇你要d物？

fineday

原帖由 fishchow 於 14-10-16 發表
真道是四點半後放學（宜家唔知仲係咪），如果住得遠，要認真考慮。語境亦是，係好唔同的，睇你要d物？



  ...

真道英文如何？

武航

抱歉也得說，為何還問這種問題？真會有一個家庭既有子女既讀a也讀b嗎？讀a 的家庭如何可得知讀b 的情況？那b 的情況還不是聽回來？那客觀嗎？
在a 的專欄問a好還是b 好，你期望甚麼的答案？

Skyhouse

我知道冇人兩間都讀過，但我想聽下各位分析，相信大家在選校路上也會曾經經歷過決擇，迷惘，也會調查，分析。希望大家可以分享意見。不然，我心中有難題，該如何處理？

hogmail

這是我的小小分享: 我的小朋友正在真道讀小一, 很開心從9月開始他不斷成長, 比起幼稚園時期更會自理. 開學時由我幫他執書包, 1星期後他自發要求自己去睇時間表, 排好次序去執. (嘩! 好驚呀!) 問佢小息玩咩? 佢話要準備下堂書本, 同埋睇圖書, 所以短既小息無去玩呀! (嘩! 變得咁大個?!玩喎! 咁吸引都唔去?) 佢話英文堂全英語對話, 仲叫我問佢問題(變得好有自信). 最神奇是科學堂, 相信沒有趣的事, 小朋友不會自發做. 他會要求我給他材料在家重做學校的小實驗, 然後講返比我聽係咩原理. 還有很多....... 真的感激他和真道有此”緣份”.

Skyhouse

多謝分享。

我想問真道算是比較顛覆的教育理念嗎？我很欣賞及嚮往真道的教育理念。但我從傳統教育出來，又未必有能力將來讓孩子去外國讀書。所以對新派教育理念感到冒險。又真道會否太自由，讓孩子太過寬鬆嗎？

暫時所見，真道家長對學校都是正面，想請問有負面意見嗎？

hogmail

回覆 Skyhouse 的帖子

顛覆的教育理念嗎？>> 顛覆? 不明白什麼意思. 我只知道年代不同了, 我們已經不可以將自己的"那些年"代入這個年代. 若果你仍然接受不了真道沒有校服. 真道絶對不是你杯茶, 不用再花時間去思前想後.

ozoz

原帖由 Skyhouse 於 14-10-17 發表
多謝分享。

我想問真道算是比較顛覆的教育理念嗎？我很欣賞及嚮往真道的教育理念。但我從傳統教育出來，又 ...

我又唔覺得太自由，老師對佢地有要求，開學時有同學擾亂上課秩序，叫極唔停，甚至被罸企。食完飯全部自己清理枱面地下。上課時總有時間比你討論，包保有機會問，喺學校學到識。老師主要用鼓勵方式引小朋友做多d,行多步。老師會話比小朋友知道d要求包括秩序要求，能完成，就有印仔，由於要佢地有團隊合作精神，組員犯規都會無印仔。我女兒返咗個幾月，主動咗。。。好多，每日諗明天點做好d，無話擔心明天返學有乜唔識會c。至於個教學成效，可以繼續留意公開試成績，口裨同學生質素係要經年累積，只要個教法有效，一定會有進步。另外，你大可以去中學部睇下放學同lunch d學生係點，在我黎講，成績其次，品德行先，我唔知自己個女將來係咪讀得成書，我其望係即使成績唔ok，都要知自己做乜，知自己想點，唔好失去信心，帶住正面嘅態度行出自己條路。

Skyhouse

非常多謝你的意見。我其實只係想了解多些。

我最怕家長問多兩句就叫你唔好揀。如果我冇校服都接受唔到，咁簡單的問題，唔需要問人，問我自己就得了。

MayBride

hogmail, 完全感受到你的驚訝，我都想阿囝係咁呀！ 咁係佢自己叫你唔洗執書包?

ozoz, 你係咪見過中學部的學生，品德及行為good?

braziljoe

Ozoz, 好多謝你既分享，真道係我首選，亦有幸收到offer. 我比較担心既係要做project搵資料呢類功課我唔識引導小朋友去做，而令佢學得少好多野。想問下係咪家長要係呢方面幫好多呢？定係學校會教曉小朋友搵資料？尤其是FS1, FS2呢個階段，家長幫唔到問題大嗎？

braziljoe

補充一句，我指既唔單止係搵資料，重有d啟發性要思考既功課

ozoz

原帖由 MayBride 於 14-10-17 發表
hogmail, 完全感受到你的驚訝，我都想阿囝係咁呀！ 咁係佢自己叫你唔洗執書包?

ozoz, 你係咪見過中學部的 ...

我無親身去中學部，我舅父以前喺Canada 教小提琴，教過幾個真道中學移民去嘅學生，佢評語係知自己做乜，有理想，態度正面，英文跟到，學生大力推介母校，極喜歡學校。舅父話其中一個入咗醫科，要造福人群，另外嘅雖然無入醫科呢d勁科，都係現今難得嘅正常青年，有能力獨立，好正面。我舅父同我講一定要去了解下呢間學校，所以我先開始留意。另外，我周圍打探，問下有冇人識中學部學生，極大部分都係好評，多數評語係活潑但唔壞。有聽過一個朋友嘅朋友個小朋友中一定中二，見到auntie 唔叫人，似乎無乜禮貌。不過我自問，中一二時，我見到阿媽d 朋友都麻麻想叫人。

ozoz

原帖由 braziljoe 於 14-10-17 發表
Ozoz, 好多謝你既分享，真道係我首選，亦有幸收到offer. 我比較担心既係要做project搵資料呢類功課我唔識引 ...

返咗個幾月，暫時都無做一d要我搜集資料嘅嘢。係有一次要帶佢去美術舘，之後佢寫感想，一句都得，貼張入場券，畫小小嘢。結局我女兒忍唔住自己自動再畫，放入自己本美術寶。我諗真道主張比d小朋友啱程度而有好輕微挑戰性嘅任務佢做，講真，比一份功課我太深奥，我見到都唔想做，爸媽自然會出手攪掂晒啦。功課方面，又唔覺有d好思考性功課，即使默書（溫固知新），每次都係練習幾隻字，識寫某幾個就可以，因為考運用，平時多睇書唔會唔識，平時無閱讀的話，你識默晒全個課文都未必有用。現階段，我學習緊多d聽佢講學校學咗乜理論，扮下唔識，向佢學習，佢又會捉妹妹比佢上課，自己做老師，我一邊煮飯一邊偷聽又會知佢學校入面發生乜事。而引導方面，我學緊點樣做一個coach 而非一個trainer, 仍然摸索中。

MayBride

Thanks ozoz

hogmail

頭一個星期我一路執一路教佢。第二個星期佢反客為主，話我知點執較好。現在他是自己動手執書包，見他不斷成長，變得上心，我都好開心好興奮。從學校派回來的堂課或功課得知，老師主張鼓勵讚賞學生，如功課答對大致都給予甲或A. 可能因為這樣，小朋友變得有自信。我也是ozoz fans, 幸好有她的分享，我對這校了解更多。在此多謝ozoz！

hogmail

回覆 Skyhouse 的帖子

不好意思! Skyhouse. 確實有家長執著於真道沒有校服, 而思前想後, 亦浪費了學校給他的second in. 有很多人等著這offer 呀!

ozoz

原帖由 Skyhouse 於 14-10-17 發表
我知道冇人兩間都讀過，但我想聽下各位分析，相信大家在選校路上也會曾經經歷過決擇，迷惘，也會調查，分析 ...

至於TSL, 都係好學校，各有特色，可惜我無讀過TSL比唔到資料你，你可以去TSL𠹭邊問下現任家長了解下，睇下邊間合適d。假如有幸2間都收，就可以快d決定，邊間都好，盡早放位，等其他有心人有機會入讀。

ozoz

原帖由 fishchow 於 14-10-16 發表
真道是四點半後放學（宜家唔知仲係咪），如果住得遠，要認真考慮。語境亦是，係好唔同的，睇你要d物？



  ...

真道放4點2，我硏究過，因為每堂有5min break,所以長d。我女返到屋企大約5點多d,不過似乎現階段無需要補習各科去保持卓越水準，我見同車同站師兄姐都無乜補習但又好ok, 日日笑住返學，等車時一係玩一係睇課外書。至於我女兒，放學後，我多花d時間比佢睇下書，整理下自己包括協助照顧妹妹，準備好第二日精精神神返學好好學習。可能有d家長會擔心同其他學校小朋友比較，會識小咗字，學術唔夠，不過當我女返㴝同我講黄金比例，平衡嘅概念，自動唸d加數組合，自動讀課文比我聽，要求我幫佢練習普通話發音，要明天d做好d好d再好d，我長遠睇，對佢整個人發展不錯呢。英文語境我係有擔心過，始終係本地學校，我都唔可以要求太多，上英文課全英對答，英文用外國小二書，鼓勵大量閱讀，其實都算不錯la。我暫時無去補英文，不過可能要加長屋企時d English time（我都好耐無長時間講英文，當練習返）, 再觀察下睇下點攪。每間學校各有特色各有所長，睇下邊間最合適自己小朋友就一定可以好好發揮小朋友潛能。