呀仔課外活動是否太多?

KirryLai

我已編排好大仔的課外活動時間表, 有朋友話太多, 但我唔多覺, 因為星期六早上在學校上興趣班只是當作托管而已, 那我便有時間照顧細仔及打理家務, 因我本身是要工作, 只有星期六, 日在家照顧, 他們平日放學去功課輔導班完成功課, 我放工去接他們, 家中並沒有請姐姐幫手, 想問這些課外活動安排是否太多?

星期一	3:15 - 5:15	劍擊 (學校)
	5:30 - 6:30	功課輔導班
星期二	5:00 - 6:30	功課輔導班
星期三	3:15 - 5.15	劍擊 (學校)
	5:30 - 6:30	功課輔導班
星期四	5:00 - 6:30	功課輔導班
星期五	5:00 - 6:30	功課輔導班
星期六	8:15 - 9:15	學校會話班 (only 12 lessons)
	9:30 - 10:30	學校水墨畫班 (only 12 lessons)
	10:45 - 11:45	學校奧數班 (only 12 lessons)
	1:00 - 2:15	中文, 英文專科班 (上門)
	5:15 - 5:45	鋼琴
星期日	家庭日

Jane1983

你仔覺得點樣？幾年班？成績好吾好？夠吾夠訓？

你要返工，無姐姐照顧，如果吾係咁安排，佢地早咗放學返屋企點算？

KirryLai

回覆 Jane1983 的帖子

呀仔而家P.2, 佢又冇話太多, 覺得可以接受, 佢而家默書平均有90分內(110滿分, 其中10分是課外讀點), P.2仲未考試, 上年四次考試平均考72名(全級155人), 平日返學9:30訓, 早上6:50起床, 訓覺時間都有9小時左右, 應該夠訓.
可是最近上堂經常心不在焉, 間中漏寫功課記錄而欠交功課, 有一次仲冇記底默書範圍, 所以想: 是否安排過多給他?
如果萬一學校放假或早放, 有鄰居幫我睇住, 如果長假期, 會過去婆婆到住宿.

Jane1983

回覆 KirryLai 的帖子

甘睇又ok，佢吾嫌多，又够時間休息。問吓佢點解心不在焉，提吓佢小心d，細路哥有時甩漏都好正常。

KirryLai

回覆 hildakiu 的帖子

其實咁多group在星期六上, 係因為星期日想一家四口出外玩玩, relax 下, 唔想佢星期日都上興趣班.

KirryLai

回覆 Jane1983 的帖子

Thanks! 我問過佢點解心不在焉, 佢話忘記左, 又或者聽唔到, 比佢激死. 上星期五又忘記拎手冊返黎, 好彩有同學仔同一間補習社, 可以抄返佢同學仔手冊有D乜野功課, 已經小二喇, 咁都可以忘記呢樣忘記果樣.

longlokma

原帖由 KirryLai 於 14-10-13 發表
回覆 Jane1983 的帖子

Thanks! 我問過佢點解心不在焉, 佢話忘記左, 又或者聽唔到, 比佢激死. 上星期五又忘 ...

提佢放学離開班房前要習慣看一看櫃樋，这可避免遗漏任何功課文件

KirryLai

回覆 longlokma 的帖子

Thanks! 尋日已提他, 希逞佢有改善.

anancaca

平日功課輔導班之後做咩野?有無休憩或自由時間呢?

aminafy

星期六嗰3樣連續咁上，無得回氣， 我個人覺得密左D。另外，佢幾時溫書？6：30 先放功課輔導班，返到屋企，食飯沖涼，休息一陣，9：30訓，可行嗎？

KirryLai

回覆 anancaca 的帖子

平日功課輔導班之後回家, 一般功課輔導班已幫我對好功課, 溫好默書, 回到家歇一會便沖涼, 執書包, 準備7:45pm吃飯, 佢食飯要40min, 比較耐, 8:30pm前食完, 剩餘時間, 如果學校有網上功課, 會做下, 或溫返補習時默書錯左既字. 一段30min完成, 如有時間, 比佢看電視, 到9:30叫佢刷牙訓覺.

KirryLai

回覆 aminafy 的帖子

多謝你的意見, 等下學期幫佢減少一樣, 佢平時靠功課輔導班老師幫佢溫默書, 如果有測驗考試, 輔導班老師會比鍊習佢做, 平日吃完飯沖涼後都有半小時休息比佢自己做自己喜歡的事, 例如看電視.

aminafy

咁佢都好手快喎！功課輔導班都勁！1小時又功課又溫書！

KirryLai

回覆 aminafy 的帖子

係一小時半, 星期一同星期三因為呀仔參加學校劍擊班導致5:30才補習, 所以星期一同星期三, 補習社有時要搞到7:00先放人.

LYM2648

功課輔導班就唔算課外活動既,就甘睇星期六好似密左d,不過小朋友覺得ok既咪繼續,當然媽咪要留意下佢(精神,行為上),因為有時小朋友話ok其實有一半半係唔想媽咪唔開心

ivanmum

If you find your kids always feel sleepy, you have to re schedule the programs.

torunpoland

回覆 KirryLai 的帖子

其實佢有冇自己的FREE TIME 及閱讀時間?

lanjarbi

星期六都要8am返到學校早咗D噃！其實星期六學2樣嘢留番半日比佢玩下，親子下仲好啦！