2015年DSE疑問

Ahling2004

如題.
請問各位出年仔女考DSE媽咪, 你們的學校己派左報左考DSE的申請表格沒?  JUPAS 是否也開始申請? 如果明知成績唔達標都可以申請JUPAS嗎?
家中小兒咩都講的唔清唔楚, 問佢都答話沒OK. 再問有咩要準備, 又話沒得住.  再問以防萬一滑鐵盧準備下其他, 又話沒想到. 總之問親佢的答案都好飄忽不定, 或者佢唔想我地幫佢起主意. 但我地心中真係有底, 佢咁的成績及學習態度一定入唔到大學, 而佢自已成日話想考大學, 點解唔面對現實, 好好同我地商量下將來出路呢? 唉....

wwyee

你嘅問題我都想問，係咪即等同升中志願咁排呢？

tangko

回覆 Ahling2004 的帖子

學校會為校內各中六學生按其選修科目向考試局報考DSE，經覆核後學校會派回繳費通知書予學生自行繳費，費用按不同科目及修讀科數收取，到時可按指定方法或網上繳交便可。

至於JUPAS，則要學生自行於JUPAS網頁開設使用者賬戶，填好個人資料並繳付HK$420後(可即時以信用卡繳付)，開立使用者賬戶便完成。日後只要再次登入JUPAS網頁內的使用者賬戶，便可填報自己的20個大學選科項目及提交PERSONAL STATEMENT或其他OLE資料。

因昨天剛和女兒一起創建了JUPAS的使用者賬戶，所以有這樣的概念，有錯請指正，謝謝!

Ahling2004

回覆 tangko 的帖子

非常謝謝你的幫忙!

moon88

記得 16 Oct 前先交考試費。

Betty媽咪

DSE 是由學校負責報名, 但考試費是學生負責去交, 避免過期付加費, 16號前要憑單繳交, 好方便, 7仔交亦可, 亦可用繳費靈.

JUPAS 學生要自行開啟帳戶, 報名費亦可經網上繳交. 交費最後限期為12月2日.

Ahling2004

過去一週, 學校已通知自行交DSE的報名費, 我已交左.  
JUPAS的帳戶都已開左, 交埋費用. 咁請問要在幾時之前要上綱填20個自願?
以上2樣做齊, 暫時係唔係無咩要急需辦理啦?

個仔到依家都沒清晰自已條路點行, IVE又話唔去, 自資又話唔想, 反而想副學位, 但讀副學士,好多家長都唔支持, 點解呢? . 想問: 除非係好勤力讀, 如果唔係就會浪費時間呢個原因?

謝謝幫忙!

wwyee

我嘅想法係有動搖，我參考過一D資料，唔知對你有無幫助。
做晒你所講嘅兩樣之後，就等到12月選排位，而諗住聯招信心唔大嘅，差唔多12月有好多自資嘅學士，副學士，高級文憑嘅學院開始招生，睇下有無邊間有科目有興趣，去報名，面試，算係買個保障（留位費5千），如果好彩聯招收，咁可以返去自資度，扣除行政費可以攞返留位費，如果唔收（係無得退返），就疊埋心水返去自資。
而副學士所讀年期要4年（1年約5萬或以上），如果讀得成績來上埋大學又幾年，銀彈係要必須充裕先考慮，小朋友心智唔喺太成熟，我會考慮打算比佢讀。而我小朋友上年做過暑假工，大約知道要面對嘅壓力，亦會考慮搵有機構實習嘅高級文憑讀，希望學以致用，唔駛咩都唔識就出黎社會。
以上係我呢排對佢地升學初步認識嘅概念，唔知有無咩野，我誤解左，如果有請過來人指點指點。

Ahling2004

回覆 ryanhowh 的帖子

THANKS

Ahling2004

回覆 wwyee 的帖子

我打算好似你咁安排, 買個保障.

wwyee

副學士係兩年，多謝提點。那若成績許可升上大學，那究竟應該讀幾多年先可成位學士？

toyotacar2

想問如果想報   自資 / 高級文憑 招生  可以在那裡找到資料？                                                                  我問个仔  佢就セ都唔知 ，一点也不緊張，俾佢激死

Ahling2004

上E-PPA 系統找下.
我那個都係懶到好似蛇咁, 你急佢唔急, 有時真係無心情幫佢找哂資料.

shshwby

http://www.ipass.gov.hk/edb/index.php/ch/home

在以上網頁可查閱有關政府及非政府資助的學士/副學位等課程