(更新 for 2016-2017) 較易在自行階段入的非大熱小學

hkpapa852

有D地區2/3線或次熱學校, 升中成績都唔係差, 甚至有聯繫一線中學, 過去自行階段都收唔足人, 大家睇下有冇興趣:

11網: 李陞小學 (聯繫一線中學有英皇同BPS, 至少有4成學生升讀一線中學)
16網: 筲箕灣官立小學 (參考校務報告資料, 升讀一線中學比例估計3X%, 聯繫一線中學有筲箕灣官中, 金文泰中學)
32網: 路德會沙崙學校 (啱啱發現, 呢間小學2012/2104年度估計有~45%學生升讀一線中學, 絕對諗得過; 不過, 建議睇多兩三年派位表現再決定)
32網: 塘尾道官立小學 (參考校務報告資料, 過去三年升讀一線中學比例都在25%-30%之間, 有聯繫一線中學伊利沙伯)
40網: 香港四邑商工總會新會商會學校 (聯繫一線中學香港四邑商工總會黃棣珊紀念中學)
45網: 慈雲山聖文德天主教小學 (參考兩三年前公佈過既升中資料, 升讀一線中學比例約3X%, 聯繫二線中學聖文德書院)
45網: 保良局陳南昌夫人小學 (聯繫一線中學有保良局第一張永慶中學)
95網: 將軍澳官立小學 (聯繫一線中學有將軍澳官立中學, 二線頭有何文田官文中學)

其它得15分都有機會入既2/3線學校:
12網: 東華三院李賜豪小學 (約3成半學生升讀一線一線中學, 有一間直屬二線中學)
16網: 愛秩序灣官立小學 (約有35%B1學生, 聯繫一線中學QC, 筲箕灣官中和金文泰中學)
40網: 聖紀文
43網: 天主教伍華小學 (估計約3成B1學生, 有一間直屬二線男子中學)
95網: 仁愛堂田家炳小學 (估計約3成B1學生)
95網: 順德聯誼總會梁潔華小學 (約3成半學生升讀一線中學, 有一間一條龍二線中學, 聽聞於2016-2017年度與中學脫龍)
95網: 王余家潔 (約3成半學生升讀一線中學)
95網: 聖安德肋小學

其它得15分都有機會入既1線學校:
14網: 北角官立 (英皇道)
14網: 滬江
40網: 旅港開平
43網: 嘉諾撒小學 (呢間係地區一線, 有~45%學生升讀一線中學, 但上年有EK會員話15分都有人入到, 可參考下呢個帖)

niclicma

Thx,好有心呀～

CatEgg

雖然知道小孩有無限潛能，但更知道二、三線小學憑直屬學校關係而去一線中學，學習情況會相當吃力，家長要慎思。

sissysze

係呢啲2/3 線學校，無全級頭十都唔好唸乜唸聯繫中學，同埋你覺得要6年都做到全級頭十甘易呀.....

sissysze

重有2/3 線學校啲小朋友質素較參差，學校偏向跟教署指引教書，即係無教深，真係比你上到band1 中學都要唸下跟唔跟到，上到中學先唸無哂信心跟唔上就出哂事

wing_tsangky

但上到一線學校，都唔代表個個有能力上到1線中學（成績），2線上得到1線中學就一定代表成績唔會差得去邊

Charlotte_mom

李賜豪同筲官都唔係讀得輕鬆架

siukwan512

其實甘樣公開左, 明明較易都會變左難我估有好多人都想穩陣LOR
利申﹕我不在那些校網之內

mcl203

CatEgg 發表於 14-9-16 15:54
雖然知道小孩有無限潛能，但更知道二、三線小學憑直屬學校關係而去一線中學，學習情況會相當吃力，家長要慎 ...

關係 係指直屬小學......定聯繫小學 ??

爸爸愛您

CathyChan1126

有無48網

Jessica_chung

hkpapa852

暫時我有留意而又比較有認識的只有呢D

Charlotte_mom

siukwan512 發表於 14-9-16 16:57
其實甘樣公開左, 明明較易都會變左難我估有好多人都想穩陣LOR
利申﹕我不在那些校網之內
...

放心, 好多家長係"唔賭唔知時運高"心態, 一定搏到盡

lala229

lawmanx

易入唔等於想入，而且"自行"入咗就冇得抽獎。
易入既基本上都係易抽，我估計就算放乙２／３都入到。
所以"自行"填咗入咗，值唔值真係一個好個人的決定。

bobo101^*^

原帖由 wing_tsangky 於 14-09-16 發表
但上到一線學校，都唔代表個個有能力上到1線中學（成績），2線上得到1線中學就一定代表成績唔會差得去邊



  ...

agree

sissysze

係度甘講一講，個個去揀呢啲有把握學校，甘咪漁人得利囉

hkpapa852

呢D學校只係我個人覺得都讀得過(應該比寶校好), 如果無野心又想自行一take過攪掂, 可以留意下; 另外當然亦可作為日後大抽獎的保險線參考