家長一口氣報11間私校

瑩瑩老豆

bobbob 發表於 14-9-2 09:13
近年出生率高企，加上越嚟越多人報直私，幾年前考報2、3間都總會有間收，家陣好多人驚考唔到咪報多幾間囉。 舊年我仔考咗1隻手掌咁多學校都比人話少，佢哋話起碼要報20間

報得多又如何? 唔通20間都係心儀, 任何一間收左都會入去讀?

bobbob

瑩瑩老豆 發表於 14-9-2 09:26
報得多又如何? 唔通20間都係心儀, 任何一間收左都會入去讀?

佢哋盤住多買多中、買得多賠得多嘅精神，覺得報多幾間無蝕底喎。有啲報嚟熱身，有啲興集郵，識得嘅通常唔止一間offer，梗係唔會間間去，有啲直頭講到明有offer都唔會讀，仲要係人面前踩間學校添

palmchristy

瑩瑩老豆 發表於 14-9-1 23:22
我只報左三間，咁咪好唔正常

當年我大女報4間, 細女報3間.

我地年代報3-4間就夠, 因為學位多. 今時唔同往日.

joyce10142003

回覆 瑩瑩老豆 的帖子

有時要港運氣, 上年報咗6間去咗5間全都唔收, 英普幼稚園有上面試班, 平時幾樣興趣班有小小獎, 祝你好運

hoihoima

瑩瑩老豆 發表於 14-9-1 23:22
我只報左三間，咁咪好唔正常

有無預面試撞期、生病等？是否已經有Plan B？

hoihoima

bobbob 發表於 14-9-2 09:13
近年出生率高企，加上越嚟越多人報直私，幾年前考報2、3間都總會有間收，家陣好多人驚考唔到咪報多幾間囉。 ...

1隻手掌咁多我都覺得少。不過20間又太多了，小朋友會太累了。

Ehyclhphth

報唔一定考，考唔一定收，收唔一定讀。今時唔同往日， 一路in一路睇情況，報多d穩陣d。

chanwendy

我只係報咗一間添咋, 唔收就可能讀返津校算喇.

sonkhl

回覆 palmchristy 的帖子

年代唔同,情況唔同,不能定好或不好,自己覺得需要便報.但報左便要計劃行動和排好喜愛之次序.

palmchristy

sonkhl 發表於 14-9-2 15:40
回覆 palmchristy 的帖子

年代唔同,情況唔同,不能定好或不好,自己覺得需要便報.但報左便要計劃行動和排好 ...

我當年選校很單向, 一定要學校升中理想.  沒有升中數據又或升中數據不理想的, 懶理佢教育理念有幾美好, 一律不選.

在升中數據理想的學校以外, 與我的教育理念不符的不選, 學校太遠(一來一回車程超過1.5小時)又不選. 精挑細選之下, 只報了三四間. 孩子對每一間學校印象都深刻, 而且都是從心底裡喜歡. 最後大女考四間全部收, 細女考三間有兩間收一間second in後waiting.

問心, 在十數間學校大包圍後, 某些次選學校收的話, 家長真的會讓孩子讀該學校嗎?

其實, 有不少優秀的官津校, 其畢業生有接近甚至超過一半升讀主收第一組別學生的中學, 此類官津校, 可能比一些直資私校的畢業生派位更好.  所以, 真的有需要報十多二十間直資/私校嗎?

利申: 大女今年升中

evacalbee

原帖由 palmchristy 於 14-09-02 發表
我當年選校很單向, 一定要學校升中理想.  沒有升中數據又或升中數據不理想的, 懶理佢教育理念有幾美好, 一 ...

說真的，今時今日，同當年你大女考小學真箇有天淵之別。人人考小學都想根據升中成績，考到先得㗎。仲要有些小朋友要warm up先知發生咩事，有些warm咗都唔知咩事。 如果我大女係你那年，我甚至覺得唔需要考，那些年選擇多的是。如今考了，起碼可以有選擇；唔考，就只有靠幸運大抽獎。誰願將孩子托附比三寶？唯有靠自己。

winnietingting

原帖由 palmchristy 於 14-09-02 發表
我當年選校很單向, 一定要學校升中理想.  沒有升中數據又或升中數據不理想的, 懶理佢教育理念有幾美好, 一 ...

agree。

茄子

原帖由 evacalbee 於 14-09-02 發表
說真的，今時今日，同當年你大女考小學真箇有天淵之別。人人考小學都想根據升中成績，考到先得㗎。仲要有些 ...

同意，今時唔同往曰。係人都想唔使錢入好官津小，但得15分，只得抽，抽唔到要食三寶河，咁就要考直、私做backup。而家間間直、私都有幾千人報，每間收幾十至百幾人，競爭大，報10間8間只係想多個機會啫！最緊要排好次序，唔hold位。

catcc2000

原帖由 palmchristy 於 14-09-02 發表
我當年選校很單向, 一定要學校升中理想.  沒有升中數據又或升中數據不理想的, 懶理佢教育理念有幾美好, 一 ...

如果我係你當年，我可能一間都唔報，自行已玩完。去年我自行20分唔入，母校係第一年20分要抽，以為自己好叻，報定4間backup，全部冇offer 冇waiting，再來自己12網，實冇死，統一送我四寶一件要扣門先有間私校收。唔係我想報得多，係我根本冇得簡，除非我連四寶都冇要求。當年聖雅各第5都入到，依家唔係1-1-1都唔使扣，玩法完全唔同

palmchristy

evacalbee 發表於 14-9-2 19:30
說真的，今時今日，同當年你大女考小學真箇有天淵之別。人人考小學都想根據升中成績，考到先得㗎。仲要有些 ...

我明白考直資私小是難. 當年大女考某校, 是2000選100 (不是不用考); 到細女考同一校, 已是4000選100. 現在可能是6000選100吧.  學位沒減少, 適齡學生多了是一個原因, 考生考太多學校可能又是另一個原因.  當家長們也不以為這是問題時, 可以預計將來學校只會更難考.

我想說的是為了要增加入學機會, 未必是要增加報讀學校的數目, 而應該是好好裝備孩子,在閱讀、中文、英文、數學、常識、禮貌和應對方面下功夫.  孩子如果要warm up, 或者是因為事先心理準備不足或模擬面試不夠.

對學童本身來說, 增加報讀學校的數目, 可能令其壓力增加, 卻未必能增加入讀機會.

其實, 有足夠家長支援而又準備充足以致得到學位的, 來來去去都是同一群學生. 劇烈競爭的現象, 是因為學位不足, 還是家長選擇報讀太多學校呢? 值得反思.

cream997

原帖由 palmchristy 於 14-09-02 發表
我當年選校很單向, 一定要學校升中理想.  沒有升中數據又或升中數據不理想的, 懶理佢教育理念有幾美好, 一 ...

律小有中學係人都想要，但唔係個個都住果區架，甲想抽中機會好底，乙唔係果區已經抽唔到。所以千其唔好等運到，如果到時抽唔到咁點，派到唔如意既學校，叩門又唔收。唔報定啲直私，到時後悔已太遲啦，世事冇完美，留一線機會比個小朋友。報多啲直私面試都係當做下熱身。

不過... 有啲直私註册左就冇大抽獎。就有難題了。

evacalbee

原帖由 palmchristy 於 14-09-02 發表
我明白考直資私小是難. 當年大女考某校, 是2000選100 (不是不用考); 到細女考同一校, 已是4000選100. 現在 ...

「 其實, 有足夠家長支援而又準備充足以致得到學位的, 來來去去都是同一群學生. 劇烈競爭的現象, 是因為學位不足, 還是家長選擇報讀太多學校呢? 值得反思.」
-------------------
準備充足還是要睇資質性格，至於準備充足，孩子聰明還可以，如果唔係，又是345歲人仔補習和比賽？ 劇烈競爭的現象，絕對不是學位不足，好大機會是來自家長hold位多於報太多。就算報多，如你所說，來來去去都是同一群學生唔放位。其他的waiting等等等，hold位的家長值得反思。

hkpapa852

palmchristy 發表於 14-9-2 17:51
我當年選校很單向, 一定要學校升中理想.  沒有升中數據又或升中數據不理想的, 懶理佢教育理念有幾美好, 一 ...

你都識講, 你阿女當年適齡學童人數少, 學位多; 小學早幾年要殺校縮班, 適齡學童人數又不斷增加, 每間直資私考去考既人數已經變到由2000人起, 報多幾間都好合理.

其實大家知道依家入到非心儀官津校既機會遠遠大過心儀學校, 先開始大包圍, 都係希望盡量攞番個將升學選擇權啫.

最後我都又想問下, 大家成日話邊間學校"適合"自己個仔女, 咁其實你真係做過D咩去衡量?
適合與唔適合個小朋友, 係咪只由作為父母的你/妳去衡量係足夠?
呢個又係咪"適合"既方式?

palmchristy

cream997 發表於 14-9-3 02:08
律小有中學係人都想要，但唔係個個都住果區架，甲想抽中機會好底，乙唔係果區已經抽唔到。所以千其唔好等運 ...

所以我係同意要報幾間合適而又會讀的直資私校, 多報一兩間是可以為孩子爭取一些面試經驗. 只是報十多間的, 就不是熱身了. 個人認為選報過多學校會有以下問題:

1. 面試太多, 孩子辛苦, 並因厭倦面試而影響中後期的面試表現
2. 每間學校要求不同, 孩子預備面試會有困難, 但不預備又怕影響表現
3. 面試撞期
4. 被reject太多而影響孩子和家長的信心

一些本身預備得很好的同學, 會發現被個別二線直資拒於門外, 這會影響了小朋友和大人的信心. 其實, 學術水平高並且應對得宜的學生, 二線學校知道是"留不住"的, 所以反而不獲取錄.  這是配對出了問題, 也和家長選校有關.