有冇只靠校內學業成績好, 冇活動獎項, 都入到 B1 學校?

可樂~

有冇只靠校內學業成績好, 冇活動獎項, 都入到 B1 學校?

grace_xian

抽獎够運就可以

donald63

统一派位有機會

懶羊羊

原帖由 可樂~ 於 14-07-09 發表
有冇只靠校內學業成績好, 冇活動獎項, 都入到 B1 學校?

地區band1學校重成績，成績好就有機會in。

名校/神校咁多超班馬爭，只有成績機會梗係細D。

我囝都係只有成績，我都煩緊點選校好。

可樂~

我既target沒有那麼高, 名校/神校唔會揀, 只望入到地區band 1好中學

SONIALAI

絕對有, 而且不少, 自己認為成績最緊要, 校內的比賽作用不大, 全港性獎項才有大幫助

懶羊羊

原帖由 可樂~ 於 14-07-09 發表
我既target沒有那麼高, 名校/神校唔會揀, 只望入到地區band 1好中學

咁你自行跟成績選校就得。

我囝唐兄3年前升中，成績b1a，無任何獎/活動，自行沙曾同lkm都有得in，最後入lkm.

austism

成績好，邊到都收，本人愚見要好top既名次，即頭10內，先有機見神校，仲要小學本身唔太差。

有應受性嘅課外獎係錦上添花，但有d神校如果欠某種樂器，你又有咁上下級數，小朋友就算是b1c, 佢都會係自行收你先，我識2-3個朋友個仔係咁入傳統名校，成績比佢前10名，自行 in 都冇得 in

可樂~

我地住新界西, 都唔想咁遠出九龍, 而且神校真係讀唔起 > <   都係諗住元朗屯門區學校, 如果阿仔呈分時keep到依家既頭3名成績, 希望會順利d, 但阿仔冇咩專長技能, 我問佢有咩? 佢答我睇書快 > <

goodenough

世事無絕對。個遊戲玩法係不停互相比較.當有人的成績跟你一樣時，其他方面的獎項會成為關鍵。唯有多些留意學校的收生標準，找一些活動獎項分佔的比例較小的。

hugub

我朋友囡囡成績好但冇獎項... 自行油真收左.... 因她是觀塘區所以估自行收

Johnnylaisma

有, 我舊同事兒子一例: 全級考非一則二, 家境清貧, 0 課外活動獎項。大抽獎入B1a, 今年在港大升三年級了。

hkflyer

最重要始终都係睇成績，除非運動好到可以代表香港

王家爸爸

johnnywalker 發表於 14-7-9 19:38
其實一d都唔出奇，派位機制根本只睇成績

即使不是只睇成績，也是先睇成績。 成績好的可以加入戰場，成績不好的參戰機會也沒有。

jc_mom

我個囡都只係靠成績在自行時入band 1中學，佢都只有校內獎項，冇勁嘅校際獎項。

hayamama

(舉手)我！ 小女，屋苑小學，小二至小六，全級之首，但獎牌欠奉！去年跨區往九龍城，派旅港。但甲部為石硤尾B1，藍田B1，何文田B1，派位後即日，拿著3A+A去叩門，全部都收，結果當然入甲一那間！

shma1978

hayamama 發表於 14-7-9 21:49
(舉手)我！ 小女，屋苑小學，小二至小六，全級之首，但獎牌欠奉！去年跨區往九龍城，派旅港。但甲部為石硤 ...

你好呀！想問問有冇自行考過瑪利諾修院同協恩呢？我個女都係普通小學，學業成績突出，但冇乜其他方面的奬項！唔知考呢類名牌學校，特別在九龍呢邊，係咪冇乜機會？Thx.

echowwj

我小朋友完全沒有特長，叫做有滴數學，作文，視覺藝術的獎狀，不過都不是標青果種，今年入到元朗鄉中。所以我覺得學校應該主要看成績，同時小朋友顯示都多方面興趣，唔係死讀書，應該就都OK。