教育王國

標題: 留班問題 [打印本頁]

作者: ming2006 時間: 14-6-30 15:08 標題: 留班問題

小女小一，剛收老師電話，因為數學不合格，所以要留一年級，大家點睇？現在好難找津校二年級。究竟如何取捨？

作者: Victorwongyk 時間: 14-7-2 22:31

本帖最後由 Victorwongyk 於 14-7-2 22:33 編輯

小女都是讀德雅今年升小三，其實如果經濟可以的話，留一年重讀都不是一件壞事，我見亞女在班中的重讀生，第二年的成績已經追得上，測驗時還能取得高分數，而且老師也會特別照顧這類的同學，不斷鼓勵和另她們增加自信心，所以不用太擔心。

作者: GLAU530 時間: 14-7-2 23:28 標題: 回覆：Victorwongyk 的帖子

1課不合格就留班，咁嚴重？

作者: bryan_csy 時間: 14-7-3 18:55 標題: 引用：1課不合格就留班，咁嚴重？ +

原帖由 GLAU530 於 14-07-02 發表
1課不合格就留班，咁嚴重？

所有直資或私校都係，只要中英數常其中一科唔合格都要留班

作者: ming2006 時間: 14-7-7 17:48 標題: 引用：+本帖最後由+Victorwongyk+於+14-7-2+22:33

原帖由 Victorwongyk 於 14-07-02 發表
本帖最後由 Victorwongyk 於 14-7-2 22:33 編輯

小女都是讀德雅今年升小三，其實如果經濟可以的話，留一 ...

怕影響她日後發展，最後都轉了津校。亦考慮這一屆收生方面的確出了問題，預期一直七班去到小六，資源嚴重不足，都係放棄。

只是一科不合格就留班。

作者: dollycamcam 時間: 14-7-7 22:22 標題: 回覆：ming2006 的帖子

資源不足? 可以講多少少比我地聽?因為覺得小班教學應該資源上會好....謝分享

作者: poksi 時間: 14-7-7 22:50 標題: 回覆：留班問題

我有聽聞過去了七班小一是超額收了，但資源有限，所以七班不可以上到小六，一路篩走，吾知真/假呢

作者: bryan_csy 時間: 14-7-7 23:44 標題: 引用：我有聽聞過去了七班小一是超額收了，但資源

原帖由 poksi 於 14-07-07 發表
我有聽聞過去了七班小一是超額收了，但資源有限，所以七班不可以上到小六，一路篩走，吾知真/假呢

...

我當日有問過學校，她們回答:跟得上的，一定不會篩走

作者: eunshe 時間: 14-7-8 10:18 標題: 回覆：poksi 的帖子

基本上 :
1)上年間間私校都超收生(豬年出生嘛)

2)開學時的家長曰，校長巳講過—科唔合格都要留班呀！(同意上位所講，間間私校如此)津校就會升,因為寧願留個位比叩門收叻人

3)不知所指資源是什麽,我見仍是—班有兩位老師處理事項, 考完試由老師带d小朋友去Pizza Hut整Pizza,照舊有步行,探訪老人…

4)如果所指是硬件的話，學校有幾大, 大家都知有眼睇呀！

5)記得開學時副校講過，學校本身没有講過少班教學,只是有d人覺得20多人—班就定為少班吧!德雅有五十年歷史,以前都是三四十人一班。

6)如要一體—藝及多元化就Sorry
如要教乖、纯品、心地善良而有—定嘅學術水平绝對可以！

作者: bryan_csy 時間: 14-7-8 11:02 標題: 引用：基本上+:+ 1)上年間間私校都超收生(豬年出

原帖由 eunshe 於 14-07-08 發表
基本上 :
1)上年間間私校都超收生(豬年出生嘛)

全中

作者: Kwan 時間: 14-7-8 11:04

德雅一向都係中英數常任何一科不合格就要留班, 從來冇改變過, 我囡升小六啦, 我相信學校唔會因為資源唔夠就篩走學生喎, 過慮了

作者: eunshe 時間: 14-7-8 11:38 標題: 回覆：Kwan 的帖子

校長話過只要四科合格都—定升到班！

作者: ming2006 時間: 14-7-10 17:40 標題: 引用：Quote:原帖由+poksi+於+14-07-07+發表我有

原帖由 bryan_csy 於 14-07-07 發表
我當日有問過學校，她們回答:跟得上的，一定不會篩走

逐年籂走，甘對學生好唔公平。今年聽講每班都籂幾件，加自動退學，估計有成一班被cut.

我見其他私校都跟平時一樣甘多班，無超收。

作者: ming2006 時間: 14-7-10 17:46 標題: 引用：校長話過只要四科合格都—定升到班！ +

原帖由 eunshe 於 14-07-08 發表
校長話過只要四科合格都—定升到班！

我問差幾多分才合格，他們不講，只話唔合格。我估計應該係幾分之差，好唔透明，一句話留班就留班，任佢嗡，呢個係我個人感覺。

作者: bryan_csy 時間: 14-7-10 18:52 標題: 引用：Quote:原帖由+bryan_csy+於+14-07-07+發表

原帖由 ming2006 於 14-07-10 發表
逐年籂走，甘對學生好唔公平。今年聽講每班都籂幾件，加自動退學，估計有成一班被cut.

我見其他私校都跟平 ...

差不多全部直資/私校都係唔合格留班，無話公不公平……
SFA 45人一班妳話有冇超收，培僑上年也超收，唔通唔開7班開5班，但45人一班，大家會好高興？

作者: bryan_csy 時間: 14-7-10 18:57 標題: 引用：Quote:原帖由+eunshe+於+14-07-08+發表校長

原帖由 ming2006 於 14-07-10 發表
我問差幾多分才合格，他們不講，只話唔合格。我估計應該係幾分之差，好唔透明，一句話留班就留班，任佢嗡， ...

手冊上寫低哂每科幾分喎？加上學生自己對卷時份卷寫哂幾多分……點會唔知差幾多分唔合格？

作者: maniris 時間: 14-7-10 20:16 標題: 回覆：bryan_csy 的帖子

係囉，基本上考完試後隔兩天已對卷，卷上有分數架，小朋友本身都知啦！

作者: eunshe 時間: 14-7-10 20:37 標題: 回覆：ming2006 的帖子

以我所知，好多私都超收啦！宣小—响是40人一班，但朋友話上年45人—班喎！莫講較多人識嘅私校，連較唔系噤多人討論嘅聖三—都由兩班開至四班啦!

Anyway，小朋友找到適合嘅学校才是最好的選擇。

凡事正面及態度向善對父母及小朋友都好重要，話晒只是小一吧!

作者: Krissi 時間: 14-7-10 22:48

其實可以去信查卷, 我認識的家長係咁做. 不過既然選擇離開, 就作罷了! 最重要是小朋友讀書開心!

作者: Kwan 時間: 14-7-11 12:17

本帖最後由 Kwan 於 14-7-11 12:21 編輯

MING2006
咁奇, 我讀左五年, 分數好透明架喎, 我情況同之前家長一樣, 小朋友會在手冊通知欄寫晒分數比家長睇, 點解你會咁我都好唔明, 好奇怪, 我打去問老師個囡做份卷那PART最弱, 直情講比你聽邊PART 扣左幾多分, 仲話比你知邊度要留意

問題係我讀左五年, 唔係一個老師係會咁答我, 我都係緊張型媽咪, 我好多時都咁問, D 老師們都會答得我好清楚, 我真係咁多年都未遇過你的問題呀

作者: manctai 時間: 14-7-11 12:36 標題: 回覆：留班問題

我覺得學校透明度都OK.雖然唔派卷，但老師有打比我，同我逐份卷，逐part講，提點我女兒嘅強弱項。而每次考試後都好快喺手冊度通知我哋分數，唔會唔知喎。

作者: maniris 時間: 14-7-11 18:42 標題: 回覆：ming2006 的帖子

不管成績好壞，對小一生來説，父母一定要跟他們的學業，因此父母除了要支持外及某程度都要自我反醒及檢討

作者: eunshe 時間: 14-7-11 18:46 標題: 回覆：maniris 的帖子

同意，絶不能輸打贏要。

作者: eunshe 時間: 14-7-12 08:41 標題: 回覆：ming2006 的帖子

6月30日，閣下post[剛收到电話，話老師通知小朋友要留班，問点算]

但7月1日，閣下post[出售夏季校服]

我唸無乜理由可在24小時内，已經到其他學校面試兼收埋小朋友呱！！

因此，我估計樓主其實—早已經心中有数及已决定不留班要走的决定。{—般考計插班要五六月時進行}！

其實用意何在！！！，難道目的是想在此發放個人所謂的篩走言論，破壞學校聲譽

歡迎光臨教育王國 (/)