時光倒流 - 細B (9月至12月的男孩子)

gino123

Hell8, my boy is also nov bb, could u plz advise which k3 ur boy is studying? Thx !

lambeanmama

好想聽聽今年的媽媽們點睇

picture

原帖由 camomile00 於 14-05-09 發表
唔會 - 11月尾男仔。
K3幫呀仔轉去間有小學back up又有得大抽獎o既學校，同埋搬去好o既校網。而家，心情輕 ...

醒目喎

Josephine816

我囡係2011年10月兔B，上年考K1時也有不錯offer ，有幾間熱門學校都收, 但不算top 的幼稚園, 最後為她選了間happy school 但有100%直上小學的二缐龍校給她，因她很outgoing , 不怕生，喜歡表演，但學術上只是一般，不想她跟得辛苦而失去學習的樂趣.......K1 畢業了，我最怕她學習上跟不上，但老師說完全沒問題，她不是全班top 的幾個，但一定是中上的一批，所以我也放心了⋯⋯

阿囡今年以超大B的身分考到了一間港島top龍校，可repeat 1年，但最後決定不repeat k1 了，忍痛放棄offer ........

做大細B其實好睇家長心態同小朋友性格能力，說實在做大B較容易考到很好的學校，但我唔一定要所謂神級學校，佢做細B讀的學校我已收貨，佢又讀得開心冇壓力，我就ok....... 另外其實好多top的學校已列明不收細B了, 如你要求高那做大B吧，做細B你的要求他可能要較辛苦同谷去達到

ylmanhk

原帖由 Josephine816 於 15-08-07 發表
本帖最後由 Josephine816 於 15-8-7 10:28 編輯

我囡係2011年10月兔B，上年考K1時也有不錯offer ，有幾 ...

最緊要讀得開心⋯

Isaacmommy

原帖由 0909MAMI 於 14-05-08 發表
時光倒流

家長們，你們會選擇做繼續做『細B』 OR REPEAT K1 做『大B』呢？

繼續做細 B , 因小朋友除自理和美勞差少少外，學術上無問題。小朋友屬早說話， 未到兩歲讀 PN 已好多野講，人人以为係大仔，所以無揀 repeat。現在高小， 非常高大，真不能想像他讀低一年！

lambeanmama

原帖由 Isaacmommy 於 15-08-08 發表
繼續做細 B , 因小朋友除自理和美勞差少少外，學術上無問題。小朋友屬早說話， 未到兩歲讀 PN 已好多野講， ...

我個仔都係睇落似大b嘅細B, 生得高大，講野大小肌都好。但不少朋友建議做大仔，所以有少少困惑。

happyapple

做大還是細，我認為除了考慮小朋友的能力之外，另亦看家長會否以直資私小為目標。如果一心派位，大細機會係均等，當然讀上去是否吃力就是能力問題。但無何否認，大B考直資私小係著數d，機會大d，見d直資私小係有收细b，但比例上一定比大d少。

karen55407

我會選擇做大B，最好直接遲一年才讀幼稚園，唔使重讀，就算唔係為咗考學校，學習上也會掌握得好啲！

Andrewbaby

我個仔同個朋友個仔都係9月尾，當年都有人叫我repeat，好彩冇聽。宜家兩個p1都考全級頭十。

karen55407

chick1stbb

看了好幾年EK，從來沒有貢獻，只看沒有留言。見到成日有人話EK變了，沒有人分享，心想自己也是，也反省我應該正面地出一分力。

我囝囝是11月尾B，細仔，升小二，在港島一間出名”辣”同”多功課’的男津校讀。

我囝囝是慢熱兼說話能力偏慢，學習能力正常，一定唔係叻，少少叻都唔係。幼稚園三年，佢都係班上隱形個批，唔叻但冇跟唔上，不過不失，但社交能力比其他人係慢。
我有想過比佢做大B，但我諗深一層，佢只係慢，但冇跟唔上，成績係冇人地咁好，但我覺得0.1分的進步都係進步，我不用急著要一個幾歲人仔有哂自信、班上領先，又或其他，我只想佢在佢在自己的步伐上繼續摸索。在教育路途上，沒有急事的。如果更阿Q咁諗，唔做大B，他日真係留班，都唔會大其他同學好多。

另外，係佢小一生活，我覺得作為細B嘅佢係有足夠能力適應，如果普通B平均用2個月去適應小一生活，我覺得我個囝用左4個月。適應我係指同人交往，反應快慢同聽到明老師指令。佢個間係男校，當然有不少男仔係話頭醒尾，而個囝係絕對跟人衫尾個批。對我，呢個絕對不是問題，就算大B，呢個適應問題也可能存在。我覺得好多問題係家長的心結或取態，做大B做小B其實有些少關乎起跑線的問題。你想佢自理好、自信好、領先一點，做大B也是一個好選擇。不過，我覺得真的不用以月份去一刀切肯定。

好啦，要講最現實的學業問題。我個囝並冇返補習班，一星期只上一個小時英文班，亦無其他班上（由幼稚園開始都係咁安排）。上小一，中文科對佢最難，因為中文字太多筆畫，而且佢間學校的中文亦非常”哽”。佢學業成績係一般，即一班30人佢考15名，我非常收貨。我認為細B在學習上許多都能夠跟得上，當然要考得前，可能要加把勁，但學習差異並不是我們想像中咁 大。反而，一個小朋友是否能否坐定定在傳統學校中學習是一個重要關鍵，因為很多傳統學校的要求是坐定定學習。當然如果你選的學校不是傳統學校，這個可能不是一個問題，因為佢地包容性更大更高。我個囝的學校，我覺得是非常傳統的。幸運地，我個囝因為人比較笨，所以佢係能夠用到坐定定學習，亦對功課不抗拒（當然不是好喜歡啦）。

而到了一年級後期，我覺得本來說話能力同社交能力差的囝囝比一年前的佢進步了不少，如果以百分比去講，一年前的佢同普通B有70分之差，一年後，我覺得距離收窄到30分。經過一年男校生活，他學懂在群體中自我調節。我覺得我以前的憂慮是多心的，我們的小朋友是會一天一天的成長的。步伐很大可能同別人不同，但是我們其實是不用那麼急的，對嗎？

以本人愚見，如果小朋友在幼稚園沒有出現重大情緒或學習上問題，其實真的不用刻意做大B。當然，如果考到龍校，那又是另一個策略問題。

MrBeast

Andrewbaby 發表於 15-8-10 12:56
我個仔同個朋友個仔都係9月尾，當年都有人叫我repeat，好彩冇聽。宜家兩個p1都考全級頭十。 ...

咁可能若repeat 左會考第一then open other opportunities lei
Anyway, 細又好大又好，最重要係work for u n dont look back.

karen55407

回覆 chick1stbb 的帖子

一般家長會對細B比較包容，低線會set得低啲，老師都一樣。試想象，如果細B一年後在同一情況下，他的表現同依家比，會是不一樣的嗎？

chick1stbb

回覆 karen55407 的帖子

對呀！我對細仔要求不高，但我不知道小學老師有沒有同樣降低要求，但有一樣很現實的事情是大細B同時間面對，就是學業成績。而呢一點係很多家長的心結。成績好，自信便好，很多人相信亦非常重視由成績建立而來的自信。我同時有個大女在另一間學校度讀，非大非小的中女。

過去幾年觀察，小朋友的自信心建立可以很多方面，像交朋友、課外活動又或簡單如在學午飯和做行長，但可惜是大部分家長看重以成績（或識得多唔多嘢）去幫助建立小朋友的自信。其實，我覺得呢種方法是很狹義的。

至於，推遲入學，我覺得比重讀好得多，小朋友跟同班同學一齊升級已經是一個難得的回憶。一起學習、一起長大，這是我比較推崇的學習之路。而你說押後一年後先入讀，我想是回到我說的起跑線問題。


對我，無論我個囡囡定囝囝，他們能夠在良好的心理情緒下適應初小生活是最重要。至於，其他學習上的問題，我想我是比較看得開的家長。他們叻還是不叻，我也會欣賞他們的努力呀！

chick1stbb

忘了說當年我個囝囝考K1時，考左10間8間，冇間收，家姐讀緊個間都不收，最後要寫信先有一間後補收，考P1, 當然又係冇間收，又係考10間8間，有2-3間仲一粒聲唔出⋯⋯唉。佢而家9月升小二，多左野講，亦開始識同人搭咀。俾多少少時間同耐性，細B會成長架。

karen55407

「成績好，自信就好！」這並不然。碰巧我家也有一大女兒，她從少便自信心爆栅，但她成績麻麻。相反，小兒子成績名列前予，卻單單欠缺自信。小朋友究竟有沒有自信，源於性格主導，和自信培養亦由家庭教育輔佐，價值觀纏在學業成績上的話，才會「成績好，自信就好」吧！

lambeanmama

原帖由 chick1stbb 於 15-08-10 發表
看了好幾年EK，從來沒有貢獻，只看沒有留言。見到成日有人話EK變了，沒有人分享，心想自己也是，也反省我應 ...

感謝你，你說到我心坎中。我的想法是一樣的。不過，現實的問題亦要面對。我非常認同你所說學葉不是，亦不應是建立自信的主因，家長必須從多方面協助孩子。不過，在現今世代，要堅持想法實不容易。

MrBeast

karen55407 發表於 15-8-11 07:52
「成績好，自信就好！」這並不然。碰巧我家也有一大女兒，她從少便自信心爆栅，但她成績麻麻。相反，小兒子 ...

雖然必有例外，但都不是沒道理，尤其在傳統學校，成績好自然得到老師認同和肯定，知道自己有能力做到，自信便會慢慢build up.
For the same argument, most 細B在學前階段比同班大同學disadvantage, 人地做到自己做不到， 對自信心／self esteem 唔多唔少會有影響，當然性格也是一major factor.

lovebb2

原帖由 karen55407 於 15-08-11 發表
「成績好，自信就好！」這並不然。碰巧我家也有一大女兒，她從少便自信心爆栅，但她成績麻麻。相反，小兒子 ...

( 碰巧我家也有一大女兒，她從少便自信心爆栅，但她成績麻麻。)我囡都是這樣，哈哈