北區家長, 你們的選擇是?

95235947

謝謝寶貴意見，恭喜女兒考獲佳績！

tht125

咁請問北區英中排名是否如下？
鄧顯  甲寅年  呢兩一樣1頭
陳融  李家誠   1中
田家炳   1尾
是嗎？有錯請指教

maypa

tht125 發表於 14-7-31 20:37
咁請問北區英中排名是否如下？
鄧顯  甲寅年  呢兩一樣1頭
陳融  李家誠   1中

田家炳高過陳融李家誠

小時了了

little_yolky 發表於 14-7-31 12:53
唔好亂嚟呀, 兩年後細路多, 學位相對較少, 慎重啲好。

唉! little_yolky 老友, 我都有啲感歎! 之前今年升中派位時聽新聞講, 今年之後幾年都升中人數持續下降, 而今年升中派得好好, 我仲諗住今年升小四嘅女會係浪尾, 受益於升中學位多過學生. 點知睇呢個帖
http://www.edu-kingdom.com/forum.php?mod=viewthread&tid=2865083&extra=page%3D2&page=2
先至知阿女三年後升中人數又回升, 無奈!!!!

年份              人數

2000            53,720
2001            49,144
2002            48,119 (今年升中人數)
2003            47,687 (出年升中人數)
2004            48,914 (後年升中人數)
2005            57,124 (三年後升中人數又回升, 我阿女係呢年啊!)
2006            65,195
2007            70,394
2008            78,751

呢幾日我狂追這去年派位舊帖 "阿仔BAND2 頭,而家派左BAND3尾,呆左" http://www.edu-kingdom.com/forum.php?mod=viewthread&tid=2616040 坦白講, 睇到我心都實埋, 真係流了幾次淚, 網友 cheukmanlai 係另一帖回應想今年阿仔升中二轉校轉再好一啲中學 http://www.edu-kingdom.com/forum.php?mod=viewthread&tid=2858249&extra=page%3D1&page=1 係EK 不斷遊走, 如果認得網友名, 真係好似同佢地一齊經歷, 一齊喊, 一齊笑, 我個心亦會起起跌跌!

原本我打算不報直資, 博大抽獎, 依家又再積極考慮考直資, 我怕自己同埋阿女面對派得唔好的苦楚及扣門的煎熬

tht125

maypa 發表於 14-7-31 23:40
田家炳高過陳融李家誠

唔該，咁問多少少，如自行第一志願選甲寅年，那第二志願是否不應選同level的(例如鄧顯)?
其實我心儀甲寅年同埋大埔迦密柏雨的

lu-ka

原帖由 小時了了 於 14-08-01 發表
本帖最後由 小時了了 於 14-8-1 10:27 編輯

冇錯，我都係選擇咗直資，考自己實力好過大抽獎，我仔一向冇抽獎運，一個唔覺意入咗b3，你叫我点好……

maypa

tht125 發表於 14-8-1 17:29
唔該，咁問多少少，如自行第一志願選甲寅年，那第二志願是否不應選同level的(例如鄧顯)?
其實我心儀甲寅年 ...

第二志願選鄧顯, 等於自動放棄第二志願

mrs.so

上年2013年大埔絕對足夠學位，尤其band two生為主既學校。

2014年有幾間中學依然有餘位多出

mrs.so

我都有同感，幾年前開始準備大仔升中，EK會員互相扶持，呢種感覺要經歷才知道甜苦之味在心頭。

cckalex

各位家長不應太注重名牌,像今年dse學校成績,以我所知如英華名校只有二十多人取得21分以上成績,相對大埔孫方中都有兩至三位有27分成績.聖道26分都有幾位同學,最重要選適合學校.

小時了了

lu-ka 發表於 14-8-1 18:20
冇錯，我都係選擇咗直資，考自己實力好過大抽獎，我仔一向冇抽獎運，一個唔覺意入咗b3，你叫我点好……



  ...

前日星期六, 我同 C6又傾阿女幾年後升中選校事宜, 我向佢表達我對阿女升中選校的睇法.


我好記得阿女升小學選校時, 我由阿女K1時已去小學開放日, 因為好多小學開放日會堆埋9月撞期, 我想去多幾間認真了解吓, 故我一早計劃用兩,三年去小學開放日. 當年C6佢話忙唔肯去, 第一階段時我報榮真, 填表時佢先至係咁問我點解唔報 XX 又或者 XX, 然後佢又不斷疲勞轟炸話奶奶話邊間邊間好, 不如報邊間. 當時我好炆佢, 好唔開心同埋好大壓力, 同佢嘈過及我都喊過幾次. C6佢一早又唔參予開放日參觀, 之後竟然又聽奶奶晨運阿婆講邊間邊間好.



咁前日星期六, 我好認真咁同C6講, 阿女升中選校事宜你唔好再咁多意見及咁多野講(其實屋企係負擔到直資學費, 但佢一直唔係好想阿女考直資, 因為佢覺得點解要無啦啦要俾學費, 覺得唔抵). 我問佢若果阿女派得唔好, 我同C6佢邊個去整 Profile? 邊個請假去扣門? 扣門要去邊間中學?.....佢眼光光望住我, 一粒聲都無出, 因為佢都知會係我做, 唔係佢囉! 我同佢講我已經唔係好承受到好大壓力(因為我有情緒X), 若果有啲事情自己可以掌握及安排的, 我好需要安全感, 由自己去安排. 佢開始明白我憂慮及感受, 對我對阿女升中選校事宜暫時無異議.



其實, 另一方面我都有兩手準備, 如真係參加大抽獎, 我呢幾年亦計劃咗11月及12月去北區, 大埔及沙田的 band 1 & 2中學開放日. 其實最重要最重要個點係C6 唔好再次係阿女選校時指指點點, 但漫長過程中卻無理會過!

little_yolky

小時了了 發表於 14-8-1 09:38
唉! little_yolky 老友, 我都有啲感歎! 之前今年升中派位時聽新聞講, 今年之後幾年都升中人數持續下降, 而 ...

小時了了, 你就心諗, 你都係五萬七, 我囡囡係70000, 咁樣諗, 可能心裡會舒服啲。
同埋, 你回想一下, 囡囡考小學時戰況如何? 當時慘唔慘烈? 應該差唔多的。

小時了了

little_yolky 發表於 14-8-4 15:10
小時了了, 你就心諗, 你都係五萬七, 我囡囡係70000, 咁樣諗, 可能心裡會舒服啲。
同埋, 你回想一下, 囡囡考 ...

唳! 換角度睇, 原來我女好幸福呢! 原來五萬七比 70,000還好.您都積極面對及無怨言, 咁我都唔無有咩講了. (但我心底仍然很擔憂呢)

little_yolky

小時了了 發表於 14-8-4 17:53
唳! 換角度睇, 原來我女好幸福呢! 原來五萬七比 70,000還好.您都積極面對及無怨言, 咁我都唔無有 ...

我好阿Q 的, 好似大女2007比2006多了五千幾人, 2008又比2007多八千幾人, 到妹妹2009時, 只比2008多了千幾人, 我就會好開心, 心諗：都好喎, 多得千幾人, 但我就唔會諗, 其實妹妹比家姐時多了差唔多一萬人。做人阿Q 的, 可能會開心啲。

lu-ka

原帖由 小時了了 於 14-08-04 發表
本帖最後由 小時了了 於 14-8-4 11:33 編輯

我都好明白你心情，我老公都係唔理，但佢好啲唔會問呢樣問果樣。當時我做咗2個方案比佢揀，1)阿仔有B2以上我們決定抽獎，2)B2以下唔抽，考直資，因為就算派到都有機唔會係你杯茶，叩門成績又唔夠同人fight。加上現今教學制度我地非常唔認同，我唔想我小朋友做讀書機器，小學小朋友已經好慘，小五小六勁大壓力，又唔係讀書材料，最後我地一心考直資，俾唔俾錢讀唔係一個問題，問題係小朋友適唔適合讀，我情願俾錢買一個優資教育設備，令我小朋友讀得開心快樂。上唔上到大學真係對我地嚟講唔係咁重要，最重要小朋友開心上學，品行良好，冇咩壓力下地學習已足夠。

lu-ka

原帖由 小時了了 於 14-08-04 發表
本帖最後由 小時了了 於 14-8-4 11:33 編輯

Profile 我老公都冇份做，亦都冇睇過，但我地睇中2-3間直資佢一定要去簡介會，佢一定要知。 仲有我地一齊坐低傾每間直資係心目中既非位，到時大家思路清晰，當然都會有迷忙時，但有咗策略，真係冇惶恐冇幫，跟老公傾下啦，佢都有責任架。

tht125

我聽過好多家長只選第一志願，第二唔選，就係驚入唔到第一會比你入第二。即係例如我第一選甲寅年，第二唔想降level就一係留空佢嗎？多謝你解答

mrs.so

回覆 tht125 的帖子

應係指首輪兩個選擇, 好多家長只是心儀一間, 亦對子女絕對有信心, 唔甘心比第二間收左, 所以首輪只揀一間

大抽獎時才填上所有志願

tht125

回覆 mrs.so 的帖子

多謝你意見，其實我想報大埔迦密柏雨同北區甲寅年的，但兩間都相當大競爭，咁即係可能兩間只可放棄一間呢....

kk6767

HELLO 各位! 小女15年升中, 現正煩惱簡咩學校, 有網友講小學有分強弱, 咁係北區邊D小學係強係弱呢?? THANKS!!