34校網

jeffzhang

問題是收唔收貨？覺得滿意就得。不過，乙一有咁多好選擇，一放就放二線上去，一擊即中，求穩陣，亦無可厚非，不過未必甘心。

melodymabb

回覆 jeffzhang 的帖子

我都係甘想.....但都一樣唔知點排好像!!煩惱!!

tsesuki

原帖由 pakyin1108 於 14-01-16 發表
我自己覺得係二線，呢兩間好谷，特別舊獻主會，好睇重成績同攞獎，小一已經要分班，成績唔好老師會要求家長 ...

我讀緊聖馬，的確好谷，入得此校要予了！小一入學試開始分精英班，講到明A班就是，班人數會多d.如13-14就有32人，其他班大約25，資源分配就差不多分。但2A 開始分別會大d. 班中有同學是扣門入，好難爭。所以有心就要選第一，否則機會不大。

anteater

請問點谷法？

tsesuki

每天六份以上功課已是平常事，中英默每星期或隔星期一次，但份量好夠，英默是書的三頁，例如今次就默晒11-20的串法和生果，uncle victor has a farm 全篇默，當中的生字都好深。 中默就好d ,上星期默第十五、十六課，全篇默而非只是生字。今星期中默是背默弟子規兩篇，三字經及文言文，我都唔明南亞裔學生點讀。

每次考試前的進評都幾深，亦計分，所以家長無可能偷懶，默書亦計分，加加埋埋無時停。如果是A班，中英數是各多一本練習，好深下。英文課全英教，要回家同他們溫下。聽囡講，有同學成績好好，但每科都唔會滿分，亦有成績差的只的20-40分，variations 好大，我估有些人仍未慣自學法，較蝕底。

tsesuki

再上高年班d 聽前輩講仲多及深，家中電視機輪為裝飾品，要85分學以上才算合格。但聽囡講，他們好有責任感和自學態度，如果小一已培養到，小二開始會習慣好多。他們鬥心強，同學間會競爭，對功課十分著緊，因為無交要記手冊。早上返學仲緊張，遲到三次一個缺點，不過我估間間都係咁。但學校亦有可愛一面，聖誕慶祝會有表演及抽獎，二月份會去教區的安老院探訪，亦有中國文化日，之前邀請家長講故事，家校合作亦緊密，同學質素高，無咩欺凌，老師亦愛他們，所以雖然功課多，但亦為他們著想，他日入到好中學及大學，就要感謝小學啦！

pcf0319

獻主會我好鐘意, 但我怕我自己頂唔住多過個仔 因本人要返工, 回家都7點.... 功課溫書, 食飯沖涼, 都唔知點分配好....... ,

yyy8182

tsesuki 發表於 14-1-20 08:35
每天六份以上功課已是平常事，中英默每星期或隔星期一次，但份量好夠，英默是書的三頁，例如今次就默晒11-2 ...

哇, 聽聞轉左新校長, 你地個校長仲谷. 我地舊校就無聖馬咁誇, 要背弟子規,三字經果d.
但係就由一年級開始學成語, 每學期五句咁. 默書就係幾十年都無變, 逢二英文, 四中文.
一年級串英文真係氣都咳, 每次兩頁書. 中文就每次兩課, 但下次的範圍其中一課係上次的.
二年級上左手就好好多.  我小朋友都係唔敢偷懶同欠交, 驚老師鬧.
不過家校合作都幾好, 每學期有唔同的參觀同埋學習遊戲日. 小朋友都讀得好開心.

tsesuki

我初時都頂不順，有埋怨過點解要讀，反而囡囡適應叻過我。到而家就好d.一切已成定局，亦無謂離開，功課上了軌道，囡囡而家自己做先，等我放工check 從無打算補習。

tsesuki

我囡是請病假都怕，試過一次，明天上課時會派病假當天的所有工作紙及功課，加埋當天功課，共做了十幾樣，仲要樣樣都唔淺，做了幾個鐘才完。如果不是發燒，她也會頂硬上。

whychan777

tsesuki 發表於 14-1-20 08:44
再上高年班d 聽前輩講仲多及深，家中電視機輪為裝飾品，要85分學以上才算合格。但聽囡講，他們好有責任感和 ...

請問升中成績如何?
入邊間比例最多?

THX

conniemar

原帖由 elainetam 於 14-01-17 發表
請問合一堂放乙1 ，穩陣嗎？

應該好穩陣

enidchiu

請問聖羅撒超難入嗎？聖和兩間官校邊間較難入？