北區Band 1中 田家炳 / 恩主教 / 王肇枝 如何選擇

Wennita

如題，請賜教﹗

YuYuMother

Wennita 發表於 14-1-4 12:30
如題，請賜教﹗

你要比多少少資料其他人先可以比意見你啊！例如小朋友讀邊區小學？北區定大埔？成績如何？想選邊類型學校？
就咁提出問題，無詳細資料，其他人又點可以詳細客觀咁比意見你呢？

Wennita

謝謝YuYuMother提點﹗囝囝讀北區小學，屬Band 1 中，性格活潑。囝囝喜歡田家炳，不喜歡甲寅、陳融及李嘉誠，又不敢高攀鄧顯，所以另一選擇就要跨區，曾聽大埔恩主教講座，覺得不錯。聽聞王肇枝也不錯，但冇去聽講座，所以想大家俾意見，謝謝﹗

Wennita

elbar,  請問可否講吓點解建議王筆枝而唔建議恩主教﹖謝謝﹗

Wennita

民房 民房, 積分 9, 距離下一級還需 22 積分

elbar,  請問可否講吓點解建議王肇枝而唔建議恩主教﹖謝謝﹗

Wennita

謝謝elbar, 可否講吓恩記及王有何不同﹖

mrs.so

王肇枝首輪只會揀約二百人或者三份一申請者作面試, 如果有份面試次第名單排名唔差及學術方面有唔錯既表現, 面試會有小組形式討論, 閱讀英文書後老師問答全英語環節

恩主教兩年文憑試成績不俗, 面試形式小組全英語討論及老師與家長面談, 熱門問題係問學生恩主教英文校名點讀, 校徽象徵既意思

王及恩兩間都係好平均既中學, 王肇枝收四班開五班教, 恩主教開四班中一33-34人一班

至於田家炳係北區算係B1最平均既選擇及無宗教, 相等於王肇枝位置, 兩間既學生有活力不遜色成績, 另外, 田家炳及李嘉誠係北區五間英中內最遲兩間轉做全英語中學, 不過經過微調之後馬錦明及風采都有兩班至三班英語班又未全面英中課程, 馬/風算是B1生既水泡中學

恩主教係天主教, 有家長考慮係宗教問題, 王肇枝係基督教, 都係考慮因素之一

Wennita

Mrs So, 唔該晒{:1_1:}

cckalex

大埔區

迦密柏雨中學
http://www.cpu.edu.hk/file/plans ... 213schoolreport.pdf

恩主教書院
Annual School Report (2012-2013)http://www.valtorta.edu.hk/documents/valtorta.php?pid=42

莫壽增中學
http://www2.mst.edu.hk/schdoc/schrpt_1213.pdf (不明學生人數只得177人比別的少15人)

王肇枝中學Wong shiu chi secondary school
http://www.wscss.edu.hk/96docs/p ... ualReport1213ch.pdf

沐恩中學
http://www.ilc.edu.hk/administra ... hoolReport12-13.pdf

羅定邦中學
LAW TING PONG SECONDARY SCHOOL
http://www.ltpss.edu.hk/CustomPa ... _Report_2012-13.pdf

cckalex

恩很重視面試表覡,其次最好有宗教同學術(數)

BigMomMom

阿女讀北區一線小學家住大埔，屬Band 1C，活躍好動， 喜歡視藝同跳舞。
參觀完沐恩開放日， 阿女好鍾意，所以自行會㨂， 但早前冇去恩主教講座，對呢間完全唔熟悉， 1516中， 自行揀1定2間， 最大原因阿囡唔想自行㨂大埔救恩。

希望大家比d意見，謝謝﹗

YuYuMother

BigMomMom 發表於 14-1-5 15:19
阿女讀北區一線小學家住大埔，屬Band 1C，活躍好動， 喜歡視藝同跳舞。
參觀完沐恩開放日， 阿女好鍾意，所 ...

Band 1C 自行唔需要填救恩啊，咁快填好大機會自行已經入左，到時就無得大抽變再搏其他 Band 1 學校啦。

如果 Band 1C 報沐恩同恩主教都適合呀，想試高一線可試王肇枝。

BigMomMom

唔該你！
就係因為阿女參觀完救恩， 佢突然轉軚話唔鍾意同第二次呈分試有進步， 所以自行第二間完全冇頭緖。
王肇枝好似好多功課， 是嗎？  阿女係個活躍小朋友， 所以要㨂間合適嘅學校頗難。
請問恩主教嘅學業同活動平衡嗎？

YuYuMother

BigMomMom 發表於 14-1-5 15:44
唔該你！
就係因為阿女參觀完救恩， 佢突然轉軚話唔鍾意同第二次呈分試有進步， 所以自行第二間完全冇頭緖 ...

其實好睇你同囡囡既取向，想入合適程度自然係揀沐恩同恩主教。想試高一線先揀王肇枝啦！
小女都有朋友讀呢幾間學校，聽講都讀得開心。

王肇枝就真係多功課，小女朋友比過手冊佢睇，功課日日寫滿。不過咁，又好睇小朋友能力既，另外亦好多活動比學生參加。

詳情睇下有無小朋友讀緊既家長可以分享一下啦。

cckalex

在大埔區,論歡迎程度.王,沐都高過恩.
但以教學同公開試,恩一定高於這兩校(可從DSE的成績得知)
而且恩有一班 Band 2 生(五班時期)

rainysunny

北區Band 1 B 選甲寅會否太進取? 大埔王肇枝是Band 1 B 嗎？如何評價這兩間學校? 請給意見，謝謝！

rainysunny

cckalex, 請問你說恩的教學高於王、沐是指甚麼? 可否具體說明? 又既然恩的教學及DSE成績高於王、沐，為何受歡迎程度不及王、沐（除了恩校舍細這個原因），請賜教，謝謝！

mrs.so

當年恩主教係大埔五間英中最後轉為全英中既一間, 恩主教係我90年代升中派位係主力收B2學生, 過去一直因為轉換校長及社會爭議問題影響家長對學校, 但兩三年前葉校長上場之後情況已經不同了

如果講成績, 恩主教係至兩年既文憑試跑嬴莫壽增, 但唔代表一直既成績高於其他學校, 至於沐恩近幾年真係唔見起色, 今年副校長上任希望有一番新景象

rainysunny

謝謝mrs. so. 另想請問北區Band 1 中有何建議? 本想試田中及大埔恩主教，但老師說可看高一線，試甲寅或王肇枝，會否太進取?

mrs.so

回覆 rainysunny 的帖子

你要睇下中學既教科目, 校風, 辦學形式是否適合自己仔女

B1中要可以所謂高難度莫壽增/柏雨/鄧顯/甲寅, 我心態係大抽獎時人人平等, 係B1都會係優先派校, 無分成績頭中尾, 所以所謂B1尾去到大抽獎同樣機會派鄧顯...等, 好公平既遊戲, 所以我唔覺得入得鄧顯/柏雨等所謂龍頭中學會100%B1頭學生, 不過比例可能會較多及程度是否合適等考慮因素.