點解香港小學要轉哂全日制！！

chunheimama

ic07 發表於 13-12-8 00:38
好吸引！請問一體一藝你點搞掂？中有每州默書？中有ongoing project?
指教下大家？



  ...

不敢指教, 我的情況是 : 我間小學冇要求一體一藝, 黙書並不是毎星期有, 小一時會幫佢, 因佢來自一間冇黙書的KG, K2下學期先至教寫字, 但佢有看書的習慣, KG時有外出學拼音, 4年 KG 主要忙於主題探索, 話劇. 跳舞, catwalk社區表演, 大時大節有時會去長者中心表演和送小禮物, 而背台詞, 企位, 背舞步是他的強項.  小二開始慢慢放手黙書, 但要忍受初期下跌. 現在黙書是他自己的.

做 Project 是用得最多時間, 而電腦是等我放工才開, 但好彩暫時並不是太多 Project.

小朋友只是在一間普通小學唸書,  考頭 3/5 有中學直上, 所以我個 case 不用擔心升中.

我要求不高, 小朋友暫時學校生活愉快.

samima

原帖由 chunheimama 於 13-12-08 發表
不敢指教, 我的情況是 : 我間小學冇要求一體一藝, 黙書並不是毎星期有, 小一時會幫佢, 因佢來自一間冇黙書 ...

那麼你小朋友讀邊間學校？

小曳人

我30年前間小學因為收生不足，要轉全日班
印象中，係由半日7堂，改為遲一個鐘上課同埋變全日8堂
多咗一個星期一個下午嘅課外活動
功課都係返屋企做，唔係好似依家會有班主任堂，小朋友可以做功課

辛苦咩？我自己就幾響受响學校嘅時間，可能因為我放學都要返工廠幫手，無得玩啦~
感覺上，呢代比我幸福得多喇！

chunheimama

samima 發表於 13-12-8 10:52
那麼你小朋友讀邊間學校？

只是一間適合他的學校, 我本著條條大路通羅馬的心態, 吾想因讀書而破壞親子關係, 最緊要係品德好.

MrBeast

最Support 周公搞的興趣班

nillnill

最弊適合你小朋友的學校往往你不收小朋友,反而不適合的小學最後派中要6年讀完
根本是學校選人
如此錯配
大量失敗者產生了

魚兒小寶貝

如果功課唔繁重，小朋友又冇被迫放學番d乜班物班，學校安排下午時段為PE堂音樂堂課外活動+功課堂，我支持番全日

daisylhn

大陸小學全日但中間午休時間好長，可以返屋企食飯瞓覺再返學。香港好似仲差

cherrieshum

我喜歡全日制，世界各地大多全日制，方便雙職父母，又不怕小孩回家沈迷電腦。

溋溋

ic07 發表於 13-12-8 00:38
好吸引！請問一體一藝你點搞掂？中有每州默書？中有ongoing project?
指教下大家？



  ...

我可回答你部分問題，我小朋友的時間表跟樓上差不多，也是跨區返學。

體育我女揀左學校的體操班&游水班，這是小朋友自己喜歡的，體操在星期一放學後，游水在星期六。

另外還有溜冰，在星期四，好像學得多，但她喜歡就願意犠牲玩樂時間。

佢而家小一，就讀41 區一間出名多功課的學校，有中學，同樣KEEP頭2/3 名次就OK。

佢每天功課堂可完成三樣功課，大約每天有八樣功課，回家後約一小時可完成。

另加英文網上功課，約十五分鐘左右完成，跟住便是自由時間。

學樂器方面，我女學她喜歡的UKULELE，佢會自發練習，我亦唔需要勞氣。

我間唔中會俾啲練習佢做，出啲試卷俾佢，等佢知自己唔識啲乜，佢自己溫。

默書中英文每星期各一次，同樣，我叫佢自己溫，我再幫佢默。

ANChan59

原帖由 daisylhn 於 13-12-08 發表
大陸小學全日但中間午休時間好長，可以返屋企食飯瞓覺再返學。香港好似仲差



  ...

你道出了真實一面。

ANChan59

雙職父母較多喜歡全日制。

samima

原帖由 溋溋 於 13-12-08 發表
我可回答你部分問題，我小朋友的時間表跟樓上差不多，也是跨區返學。

體育我女揀左學校的體操班&游水班， ...

真想知道你小朋友讀邊間學校？

hadwinboy

原帖由 ic07 於 13-12-08 發表
好吸引！請問一體一藝你點搞掂？中有每州默書？中有ongoing project?
指教下大家？



  ...

我又搭下傘先。一體我選了星期六中午，之後沒有安排任何活動；一藝是 cello在星期五下午, 我個仔逢星期四練15分鐘。佢本身有學琴(但學校唔 count), 所以cello 我隨他處置。至於默書，一星期中、英各一次，你只要求合格的話是不辛苦的。課外活動班在家附近，個零鐘來回，以 oral 居多，沒有家課。功課每天15-20分鐘完成，但你不要要求完美。所以我個仔每天保持8點半上床睡覺。小朋友生活如何，完全取決於父母心態。

hadwinboy

原帖由 hadwinboy 於 13-12-08 發表
我又搭下傘先。一體我選了星期六中午，之後沒有安排任何活動；一藝是 cello在星期五下午, 我個仔逢星期四練 ...

更正：係15-30分鐘

溋溋

samima 發表於 13-12-8 18:57
真想知道你小朋友讀邊間學校？

知道讀邊間學校重要嗎?

為何想知?

可告訴你不是瑪記，拔小最TOP 果啲~~~

溋溋

hadwinboy 發表於 13-12-8 19:49
我又搭下傘先。一體我選了星期六中午，之後沒有安排任何活動；一藝是 cello在星期五下午, 我個仔逢星期四練 ...

無錯，我但求個女別衰到貼地就可以(當然不會告訴她)，相反我比較著重佢學習態度，

我希望佢上課時留心聽講，自動自覺做好自己的事，我也沒有要求她事事九十分以上，

盡左力就ok，即使一時成績不好，我有信心高小時佢可似好似我細個咁開竅~~

samima

原帖由 溋溋 於 13-12-08 發表
無錯，我但求個女別衰到貼地就可以(當然不會告訴她)，相反我比較著重佢學習態度，

我希望佢上課時留心聽 ...

我都唔要求我小朋友嘅！但求佢用心去做唔好做到媽媽呼呼！多啲休息同自由時間就可以！
依家佢返幼稚園！做功課呀！興趣活動多是一至五睡完午睡先去開始！星期六日係家庭樂！但到了小學我估佢冇得瞓啦！請教一吓你地小朋友幾時開始解午睡習慣呢？

溋溋

samima 發表於 13-12-8 23:11
我都唔要求我小朋友嘅！但求佢用心去做唔好做到媽媽呼呼！多啲休息同自由時間就可以！
依家佢返幼稚園！做 ...

k2有時會唔使瞓，到左k3佢間唔中要午睡，可能上課比較累~~

到升小一那個暑假完全無再午睡了，開左學亦都無在學校恰眼瞓~~

佢係十月細b~~~

咁佢而家返學既日子我要佢九點就瞓，七點起身，放假就自然醒，有時八點有時九點幾

幸好默書佢不用花太多時間溫~~

HKTHK

我覺得最大問題系冇得揀！全日制有全日制嘅擁躉,半日制有半日制嘅擁躉,有得揀當然冇問題,但係冇得揀就係教育局既錯!