會為細佬妹放棄直資/私小嗎?

大懶貓堂

唔知有細佬妹跟尾的媽咪, 大家係選校時會為細佬妹必然選津校而放棄好的/合適自己大仔女的私小/直資?
自行即將放榜了, 雖然未知結果, 但呢個問題一直糾結, 大家可以分享下自己的經驗或者諗法嗎?

ytbb

我都係唸緊同一個問題，放棄咗驚後悔對大的唔公平，為個細的犧牲大，唉！都好矛盾!過兩年考小學會更難，請問你私校同直資都有offer嗎？

大懶貓堂

有私小係手.都係好好的學校,學術又好, 中學校網派位又唔差, 又有直屬學校做BACKUP...都叫幾好的選擇...如果無細佬跟尾, 我一早唔使諗咁多

JHsbb

去年我仔考到私校, 亦有自行分配到的學位, 但私校講了大讀緊細必收, 所以仔讀私校, 今年妹妹都考到哥哥的私校了

大懶貓堂

邊間私校咁好可以必收?而家家姐0個間都係話優先考慮咋

ytbb

有私校墊底唔怕喇!中咗大抽獎再唸過，我宜家係收到offer既直資的學校比私校心儀，如果選直資就必須放棄大抽獎，細的就要自己再考過，宜家直資私校都係話有優先考慮，唔係一定收喇

hoching2011

每個小朋友都係獨立個體，早年小女考到私校亦抽到校網第一志願，有細佬跟尾，雖然係咁，我覺得私小比較適合佢，最後無為左細佬而選擇津校，我當時相信細佬有能力去應考適合佢既學校，當然，一般希望兩個一齊入埋同一間，最好一條龍，但選擇既時候真係要想清楚，我當年都放棄左幾間一條龍既學校，原因只為選擇最適合你小朋友既學校

kongman

回覆 hoching2011 的帖子

今時唔同往日。以前人口少，競爭無咁大，揀學校時可以少啲顧慮，鍾意嗰間揀嗰間。依家人多競爭大，為咗搶佔有利位置，戰線已經提前在幼稚園開始，唔係點解啲龍校會咁受歡迎？

MrBeast

咁都要睇邊間和自己係what type，很多私校直資弟妹都有分加or different pool的, 有時要睇overall picture, 少了考小一壓力，多些時間比大個個，又未必一定係犧牲。

cherrieshum

如果考到很好的私校或直資，我應該不考慮細佬問題，讓家姐就讀。

catcc2000

依家太多私立，直資都唔一定收細佬妹，我今年大仔玩了一次，出年細女又要玩，搵一間可接受嘅津校收晒兩個真係不錯嘅選擇，尤其我呢d一間私立直資offer都冇嘅人。未想到中學咁遠，依家自行分配呢間小學男女，中學只有聯系女校，係有少少犠牲了亞哥，但出年會再嘗試同佢小二插下班。

Cowbit

如果係兩姊妹或者係兩兄弟，你地都係會一樣讀唔同學校？
我個人覺得要睇情況，尤其係大定細嘅戰鬥力強。如果細嘅唔夠醒，我真係唔敢亂博。除非間津校好差啦。

piyohk

C6強烈要求分開處理，其他我話事。3年后，再驚「喜」多一次。

Valy

回覆 大懶貓堂 的帖子

我就是一個人版，大囡考到直資時無想細佬，而且佢個時好細，睇唔到D乜。最後，而家家姐間要等人放棄才可能有位，自行十五分又衰左，又排煩

YuYuMother

我當年都係呢個原因放棄左私校/直資 offer，比囡囡讀津校（自行已入），等細仔可以跟住入去讀。

我細仔係超細仔擔心唔夠人爭，面試私校直資唔夠競爭力，津校自行階段又無分，死路一條。當年都有爭扎過，覺得犧牲左大囡好似對佢唔公平咁。不過當時抽到間津校都好好，結果選擇讀津校。當然，我是自行階段已抽到心儀津校，否則一定會註冊私校直資的。

幸好大囡成績一直不錯，到現在中學亦成功入讀心儀學校。諗番轉頭其實無話岩定錯既，選擇係因應當時既條件因素而決定。

picture

对每一個孩子公平點……給予他們每一個最好的機會……不要為一個末知的因素局限小朋友的發展。


家長會辛苦多一次不過你一世都不會懷疑或抱憾曾經末盡力栽培。

catiou627

我囡收的私校跟心儀的津貼學校都是傳統型的, 如果政府收, 我會選擇政府, 到細囡升小時, 不用再玩這種折磨人的"抽獎遊戲"

JHsbb

大懶貓堂 發表於 13-11-25 00:50
邊間私校咁好可以必收?而家家姐0個間都係話優先考慮咋

啟基

Marcus0718

我都有諗呢個問題，直資私校咁難考，如果考到唔讀好可惜，同埋學校收得個小朋友即係學校覺得佢適合，所以為咗咁，妹妹本來讀村校k1，下年幫佢插班有私小back up嘅幼稚園，雖然唔係百分之百收返，但都叫買多個保險

大懶貓堂

無得煩, 自行唔中.... 應該唔玩大抽獎, 唔想連私校位都放棄