臨老學吹野打分享區

ada1812

有冇家長和我一樣, 細個冇機會學樂器(因父母說學來冇用, 家境也負擔不起), 成年後才由零開始學音樂?
再加上現在子女學校又話乜野一體育一藝術(類似咁既野), 激發起我又學埋一份, 順便還一還兒時心願

總算, 鋼琴考了三級, 長笛考了五級, 樂理又考了五級

我個女仲厲害, 上面三樣都考晒八級, 我就手指硬晒, 要認老

我的困難是
1.看譜慢, 尤其是鋼琴, 視奏真的不能和後生比較
2, 手指不夠快
3. 我對古典音樂仍然覺得好悶, 唔似得個女咁有心機研究, 尤其是巴哈音樂, 成群十六分音符, 彈左都唔知自己彈乜

長笛和樂理我反而覺得容易, 鋼琴就真係唔多掂

其實我想知其他成年人學音樂又會遇上什麼困難?交流一下好嗎?

PeppermintPatty

可以分享一下學鋼琴考和長笛是和女兒同一個老師嗎?女兒叻叻，幾多歲可以考到八級呢?由幾大開始學?而你又學了幾耐有咁好成績呢?
不好意思，太多問題，覺得能和女兒一齊學習是很sweet的一件事

ada1812

我和女兒都是跟同一個鋼琴和長笛老師的, 教長笛的老師兼教埋樂理
她小五時開始學長笛, 中二時考了八級, 中一才開始學琴, 中六考了八級了, 我覺得長笛比鋼琴掌握得快好多

我本來和她一同起步, 一同上課, 整整下我們要分開上.......唉, 你明點解架啦

cheapbombom

回復 ada1812 的帖子

Hi Ada1812,

好佩服你的毅力!

我都係臨老學吹D Da...
不過我係初哥, 學左8個月長笛咋, 諗住搵樣易D的學器陪自己到老,

約踏入第二, 三個月開始接觸高音時, 唔係好掌握到,
遇到一個很大的平台,
好彩我無放棄,
在這個骨子裡反複嘗試了幾個月,
現在已基本克服了, 但就將進度遠遠拖慢了

我差不多吹完A New Tune a Day 及A Tune a Day 兩本書
幸好我對拍子及看譜是可以的, 老師說我克服了高音, 之後學上去會快番

我覺得每樣樂器都有挑戰的地方,
只要喜歡便有動力去面對困難

ada1812

cheapbombom 發表於 13-2-3 00:21
回復 ada1812 的帖子

Hi Ada1812,

你現在仍有學嗎?
要堅持真的不易, 早前老師就說我處於樽頸位, 停滯不前(指音色和音樂感上), 幸好現在叫做解決了, 信心也回復了, 我覺得自己又升了"呢", 都開心.

cheapbombom

ada1812 發表於 13-2-3 21:40
你現在仍有學嗎?
要堅持真的不易, 早前老師就說我處於樽頸位, 停滯不前(指音色和音樂感上), 幸好現在叫做解 ...

Hi Ada,

有啊, 我E家跟左一位私人老師學左7個月,
坦白講, 之前真係幾氣餒的,
但老師很耐心教導, 掌握了就好開心,
相信未來日子會出現不同挑戰

你用什麼笛? 我是Yamaha 211,
比個目標自己, 上了3級換笛

ada1812

回復 cheapbombom 的帖子

我都係私人跟老師學
我是用Yamaha 481, 貪佢全枝純銀

我呀sir果枝係684H, 成萬幾銀, 佢話只係教學生時粗用

吹賬!

cheapbombom

原帖由 ada1812 於 13-02-04 發表
回復 cheapbombom 的帖子

我都係私人跟老師學

ada,

介唔介意講下你幾多級換笛的？

如果我target學多一年半就換，會5會太花費？到時應該有三級掛。純粹比個目標自己，奬勵下咁。

我以前跟工聯會學過初班，老師支笛2萬幾，都係話用黎粗用。佢借過我吹，又唔覺特別好聲，好可能我當時跟本冇能力分辨，加上自己技巧又未得。

我平時盡量一個星期練到四次-五次，那管每次大半個鐘。我覺得睇譜暫時係易，可能只是每次一粒音。唔知學上去會否另一回事，見步行步！

有時間希望你可跟我這位新丁分享學笛樂趣！

ada1812

回復 cheapbombom 的帖子

我好似學到三級左右就換左依家呢枝
不過, 我個呀sir話, 樂器就好似攝影器材, 唔好以為有貴野就代表會做得好, 反而, 應該等自己技術進步到一定水平, 你手頭上的那件不能再滿足你, 這時才去換

佢真係好多金句

banhung

Hello!
我都是陪阿仔學琴, 自己跟住學, 學了兩年, 都是龜速前進, 準備今年考3級, 但是信心及技巧,真的是...
只希望努力可以彌補細個時想彈琴, 但是環境唔許可的遺憾!
有時想放棄時, 又不想做壞榜樣...
但是人老了, 轉數慢, 反應慢, 手腳唔協調...

cheapbombom

原帖由 ada1812 於 13-02-08 發表
回復 cheapbombom 的帖子

我好似學到三級左右就換左依家呢枝

Ada,

我知大人學野比細路慢，但點都冇預可以差咁遠！

長笛我學左8個月，好慢咁學，暫時吹左約25個音。

我姪仔中一，佢學校有長笛班，group上，去年10月先正式上第一堂，聽姪仔講，一星期一堂，逢測驗周及考試也會停課，實際只上了十堂左右，佢已經學曬所有音。

唉，冇得同姪仔比。聽佢講，好多人三年已可考八級，我希望2015年三級，慢慢來！

wister

我想學小提琴，不過無咩時間

xanax1mg

我都係囡囡學琴我先学，佢学左兩年幾，不過佢唔想考試，我學左差唔多一年，下個月考三級。小提琴一樣，囡囡學左半年，我岩岩開始學。
不過大人同小朋友真係唔同，佢練幾次就okay,我要練幾十次丶

louis媽

因為我囝囝學緊, 我本身係音樂白痴, 但因聽得多囝囝彈, 我發現自己都好喜歡 , 之後囝囝教我彈小小 , 雖然我睇譜慢...我幾中意練琴個種安靜感覺 , 之後我自己上年年尾學埋一份, 而家同囝囝多左個話題. 幾開心.

唔知有冇家長同我一樣學緊豎琴呢?

xanax1mg ,你好叻,學唔夠一年可以考三級

cyk2009

我覺得大人學琴最難刻服係冇時間練琴，而家同囡囡一齊學，私人教，佢初級，今年先學，我就唉斷斷續續學左三年，將考三級，本來唔想考試，想只為培養一種興趣，但老師鼓勵我考因為會有些目標喎！

xanax1mg

louis媽 發表於 13-4-8 18:13
因為我囝囝學緊, 我本身係音樂白痴, 但因聽得多囝囝彈, 我發現自己都好喜歡 , 之後囝囝教我彈小小 , 雖然我 ...

如果我屋企夠位我都想學HARP KA

npMaMa

我都係臨老先學琴, 唉, 我睇譜超慢, 要在心中數"FACE"後先知係咩音....

你地學了一兩年就可以考3級, 好叻呀, 每天要練幾耐琴先有咁嘅成績?

ada1812

我初學時，每日都勤力練半小時，唔想輸比個女嘛，但唔認老都唔得，我跑輸比佢，我現在仍間中約老師上課

npMaMa

ada1812 發表於 13-5-10 12:25
我初學時，每日都勤力練半小時，唔想輸比個女嘛，但唔認老都唔得，我跑輸比佢，我現在仍間中約老師上課 ...

但你好叻呀, 除鋼琴外, 仲學長笛同樂理。
我而家先train緊自己睇譜快些, 冒求一望就講得出係咩音, 但記得高音時, 就記唔到低音

ada1812

回復 npMaMa 的帖子

當年我老師介紹左個免費軟件比我download，好似細路仔咁玩遊戲，認五線譜嘅音。