普教中 vs 粵教中

lhw820

今年幫囡囡報幼稚園時，眼見很多人都希望入到英普的幼稚園，但到小學／中學去學習中文，好似寫文章，了解文章結構，意境....等等較深入的程度時，普教中對母語是粵語的小朋友有影響嗎？

bb363597

我覺得有,好似我仔,今年小四,剛轉返粵語教中,明顯了解字詞意思好D.另一問題係,如果跟嘅老師發音唔正確就........

lhw820

原帖由 bb363597 於 12-12-28 發表
我覺得有,好似我仔,今年小四,剛轉返粵語教中,明顯了解字詞意思好D.另一問題係,如果跟嘅老師發音唔正確就... ...

即系理解課文上粵教中好d?但又見人話普教中對小朋友作文好d?

samuel89

bookreader 發表於 12-12-28 16:54
普教中不是好東西，因為：
1. 大部份香港老師的普通話水平不太好，
2. 沒有研究支持普教中可提高中文水準， ...

其實我手寫我口, 普通話 vs 粵語之所以普通話為正規中文只因普通話全中國適用......在香港, 香港網上發言,我都系比較喜歡用粵語, 始終都覺得比較親切,地道.....

frenchfries

試想想，自己要向人講解一件事情時，用廣東話或普通話會表達得好些便知道了。

lhw820

多謝大家意見!
其實我同先生都系偏向粵教中,只系身邊媽媽朋友成日話普教中有優勢,可能我自己普通話唔好,真系好難想象要用普通話去理解中文課....但系學bookreader講,呢個真系一個收生gimmick...好似普教中優秀D咁,要'對抗'呢個想法真系要自己夠堅持先得呢

samuel89

frenchfries 發表於 12-12-28 18:03
試想想，自己要向人講解一件事情時，用廣東話或普通話會表達得好些便知道了。
...

問題系粵語只能在香港,廣東省表達俾"廣東人"聽, 外省人就會覺得你表達得唔好啦.......普通話之所以甘通用, 就正正因為它夠普通......

bb363597

原帖由 lhw820 於 12-12-28 發表
即系理解課文上粵教中好d?但又見人話普教中對小朋友作文好d?

我問過一位係中學教普通話的老師，點解佢會反對普教中，佢答左我一句：因為香港嘅中文教科書跟本就係唔適合用普通話教。假如想普教中，中文教科書應該轉用大陸出版。

vincher

我儿...普教中，由小一至中二，不見得可以提升写作能力!始終是多讀多写

Stillgood2

普通話教中文, 我想有以下意見

1) 普通話教中文,不是靈丹妙藥去改善中文作文水平.

2) 普通話教中文,可發揮中文普通話. 聆聽和說話增強

  如果只有普通話課才吸收普通話的 聆聽和說話部份.
   確實十分不足. 字識寫, 但不善聽講. 絕對不足夠將來社會上的應用.
   可以應用, 水平不高....(即係唔咸唔淡國語)

3) 普通話教中文, 師資水平十分重要.
     不是說用普通話不適合來教學, 或者普通話教中文成效不大.

就我兩個囝(中一和中六), 學校用普通話教中文.

寫作能力改善不大 (仍然是看個人的讀寫能力, 但, 寫作中一些口語錯別可改善)

而聽講能力絕對有得著. 電視中的普通話新聞, 話劇, 旁白, 聆聽沒有任何困難.


---------------------------------------------
PS.
過往曾特首每次用普通話演說, 我總覺有點"羞家" 和"可憐"

現在, 梁特首好多了,......但, 仍未合格. (以領導標準)
可見梁特首學普通話的努力, 但不能順暢自由, 其中, 看不見語調.
希望梁特首演說前, 找專家修補一下.

jollyma

原帖由 Stillgood2 於 12-12-28 發表
本帖最後由 Stillgood2 於 12-12-29 00:07 編輯

普通話教中文, 我想有以下意見

啱，小兒由小二開始慢慢開始普教中，確實在口語方面，發音準好多，學語言始終由小開始係較易掌握。

Yanamami

Stillgood2 發表於 12-12-28 23:58
普通話教中文, 我想有以下意見

1) 普通話教中文,不是靈丹妙藥去改善中文作文水平.

Agree.

大女小一開始接受普教中, 細女K1開始英普班. 屋企無人講PTH, 但好明顯細女的PTH發音標準得多, 听力亦較好. 早三年學少左d廣東話accent. 對寫方面真係影響唔大.

kittytyl

有個問題想請教，小兒2歲，近排買了中文生字咭教他中文字，一面是圖畫，一面是中文字上面有普通話拼音，我平時是用廣東話教，但發覺兒子每次教完，佢只讀上面的普通話拼音，當然他不懂普通話，佢英文拼音天份比較好，佢當英文咁讀，例如＂花＂，佢自己拼英＂H"音，不是正確普通話音，變左我覺得好難教佢廣東話中文字，坊間好多中文也有普拼音，咁我應該點教？

FattyDaddy

bookreader 發表於 13-1-2 16:18
「我手寫我口」是一句很空洞的口號

You think so? Look at most of the major languages in the world (including Mandarin), they are all 我手寫我口.

annie40

回復 bb363597 的帖子

我問過一位係中學教普通話的老師，點解佢會反對普教中，佢答左我一句：因為香港嘅中文教科書跟本就係唔適合用普通話教。假如想普教中，中文教科書應該轉用大陸出版。
*****    *****    *****
香港的中文教科书, 内涵字词有语病的不少, 讲普通话的人根本念不出口的, 因为意识意义很不一样了.  

annie40

回復 bookreader 的帖子

普教中不是好東西，因為： 1. 大部份香港老師的普通話水平不太好， 2. 沒有研究支持普教中可提高中文水準，所謂好處都是以訛傳訛 3. 和電子教學一樣，很多校長將這些 gimmick 當作招生手段吧

****    *****    *****
1. 大部份香港老師的普通話水平不太好，
- 寻找优秀普通話老師,是家长, 和学校的责任, 并非因为香港老師的水平不合格, 而成为'普教中不是好東西，的理由

2. 沒有研究支持普教中可提高中文水準，所謂好處都是以訛傳訛
- 或许已有学者着手研究, 只是未公开报告而已.
- 所謂好處都是以訛傳訛 ???   多年所见, 普通话是母语的同学, 中文科一般是同级的top 1 %, 是美丽的巧合乎?

3. 和電子教學一樣，很多校長將這些 gimmick 當作招生手段吧
- 超级名校不少用普通話教中文, 校長不需弄招生手段的,连校工都想避开D家长

喜欢普教中文或广东话教中文, 任父母挑吧!  我自己就百分之二百会挑普通話来学中文的.