中大9大書院點樣選擇

khmama

星期二中午前要決定入邊個書院, 究竟各大書院有咩特色, 有咩優點缺點?

ANChan59

Khmama

I am not sure you read this link or not, if not may shed some light for her choice.

http://www.cuhk.edu.hk/chinese/college/system.html

panbaby

貴千金是否有宗教信仰?

khmama

望過下，朋友有以下嘅comment，加埋網上少少討論資料，所以想知多啲:

新亞:窮啲，funding少，所以exchange機會會少咗，讀文商比較近上堂地方，似乎活動比較多。

崇基:主要係基督教，週會活動非常多，最近火車站。

聯合:活動都多，讀文商比較近上堂地方。

逸夫:比較新，似乎活動好少，唔使做final year project。比較遠。

另有五間新書院，據聞有兩間未入得伙。新書院好處係可能四年都有宿位，而舊書院最多一年，仲要睇你住得遠唔遠。舊書院嘅舊生connection 係新書院冇嘅。

最唔明final year project係跟書院嘅咩？阿女唔想做project有咩選擇？

khmama

阿女冇宗教信仰，我自己就基督教。

ANChan59

回復 khmama 的帖子

我對中大書院制認識不深，所以較難提供有用建議。
兩星期前，我們有嘗試研究劍橋的學院制，29間重難選。研究後，我們會選一定有三年宿位，書院教授強於小兒的學科，例如某書院有兩名諾貝爾經濟學獎得主，另一間的經濟學教學是劍橋之冠，接近上課地點或及巿中心，設施，話動，費用多少........ 劍橋著名書院的競爭又會考更激烈。

希望唔會另你更亂。

我在其他網站，他們認為書院只需要少少時間適應，任何一間都冇問題，好快識多了朋友，適應作息，就沒有問題。

panbaby

其實書院特色近幾年己淡了許多, 因為有些是有錢人捐的, 和最初的創校三間書院的過程理念不同.  最舊的是崇基, 新亞, 聯合.  其實到現在讀邊間書院最有影響之一是宿舍.  因住舍是跟書院. 學科的影子己沒有以前咁强 (除非有些特別系只跟某一書院). 因為同一堂如果其他書院有同學修, 咪一樣上同一課, 做同一樣卷.  

上堂好多時是四圍去, 行又得, 坐校車又得.  你好難唔四處去, 雖然有些科目會多响某一書院上, 但讀四年實有其他嘢上要走來走去.


崇基最方便, 面積較大, 羊腸小徑, 幽幽小道, 近池塘, 有運動場, 有一間好正的教堂, 所以我問貴千金是否教徒.  出大埔沙田太方便.  踩單車出去都掂...

新亞聯合在山頂上, 吐露港景色值幾千萬, 面積較崇基細 (因响山頂位置), 去本部(總部)就向下去, 唔駛向上行...

逸夫不是較遠, 是唔就腳.

我小小的意見, 講環境方便我會選崇基, 但宿舍是好重要的一個考慮因素, 新的宿舍真的可以給四年?

至於書院跟將來connection, 可能冇咁重要, 都是中大人...

cowboymama

khmama,
  
識得有個後生女升year 3，揀書院時不敢揀崇基，因為當時聽啲師兄姐講，非常搶手，可能近火車站地利關係。最終揀了聯合，亦入住咗兩年。揀聯合，好像是宿舍都算新淨，chance亦大些掛，但她去了旅行，不在港，問不到多些資料了。希望有少少用啦。
   

BallBallMaMa

Final year project 唔係睇你讀咩系架咩？如果俾我揀，我會揀聯合，因近文商上堂地點，而且返宿舍實大揪細揪野，一定搭校巴，崇基近火車站都冇咩著數。反而上堂在本部／新亞／聯合，由宿舍行去新亞，或行落本部，總好過由崇基行上本部／新亞／聯合。而聯合D宿舍新D，應好過新亞的學思／志文樓。

khmama

回復 BallBallMaMa 的帖子

我諗呢個final year project唔係跟個系既. 阿女問咗人, 新亞同逸夫都唔使做, 聯合要做, 所以佢唔會放首選, 依家只係選逸夫定新亞行先. 睇番個地圖, 其實由新亞/逸夫行去火車站要幾耐?
http://www.osa.cuhk.edu.hk/cuhk/news/show.php?id=15

khmama

回復 ANChan59 的帖子

我上年都有揀, 不過冇你咁好心機研究, 我覺得overseas考生考牛津好似易入過劍橋, 識o的人有conditional offer既都係牛津, 反而劍橋local考生易入o的.

ANChan59

khmama 發表於 12-8-18 22:57
回復 ANChan59 的帖子

我上年都有揀, 不過冇你咁好心機研究, 我覺得overseas考生考牛津好似易入過劍橋, 識 ...

I will do the same for Oxford, thanks.
He may have more classmates go for Cambridge.

khmama

回復 ANChan59 的帖子

經ucas唔係只可以揀是但一間咩?

ANChan59

回復 khmama 的帖子

I know that, but we did nothing about Oxford, we are single-minded...... Get more info before the final decision.

wilsonmun

khmama 發表於 12-8-18 22:52
回復 BallBallMaMa 的帖子

我諗呢個final year project唔係跟個系既. 阿女問咗人, 新亞同逸夫都唔使做, 聯 ...

上堂地點係跟讀嗰科而唔係跟書院，書院分別只係宿舍，交通，獎學金多少。
至於新亞定逸夫行去火車站，呢個新亞會近d，而且咁早，新亞會安全d，我諗都要20到30分鐘，（好耐冇返去，大概咁上下。）逸夫較偏遠，印像中嗰條路好長，好辛苦！我諗比新亞多15到25分鐘，我覺得女仔咁早會危險d囉。以前嗰附近都發生過風化案，你如果有時間，實地去評估下。
崇基近火車站，有錢又多船，呢個似乎啱你個女多d喎，你諗諗佢啦。

wilsonmun

khmama 發表於 12-8-18 22:52
回復 BallBallMaMa 的帖子

我諗呢個final year project唔係跟個系既. 阿女問咗人, 新亞同逸夫都唔使做, 聯 ...

呢度有條link，雖然out out哋(2009)，可以參考下：http://www.discuss.com.hk/archiver/?tid-9727409.html

BallBallMaMa

回復 khmama 的帖子

Khmama,我細個都係逸夫，屈過一年蛇&住過一年宿舍，每朝上堂要趕校巴，否則就要上斜，勁辛苦。後來屈蛇屈新亞學思，上堂落斜去本部，舒服好多。就算落火車站，唔行捷徑（小橋流水）行大路，落斜冇咁辛苦。
而逸夫經赤徑出大埔道，好危險，有蛇，有賊，仲有非禮犯，千祈咪試。

HY412

回復 khmama 的帖子

外甥女剛剛今年中大畢業, 昨天問了她, 意見如下, 希望幫到妳:

中大的書院制度, 就正如劍橋、牛津, 是書院聯邦制大學。簡單一點去想, 就像哈利波特一樣, 哈利波特雖然跟同學未必是同屬一個書院, 依然會一起上課, 中大的同學也一樣。

除特定學系屬某一書院, 一般上課地點都分佈大學各處, 以下會較詳細分析;

有關交流機會, 一般同學均參加大學中央籌辦的交流生機會, 由於學位較多, 所以交流與書院基本上沒什麼大關係。

書院簡介

書院可分成: 傳統書院(崇基/新亞/聯合/逸夫) // 新書院 (善衡/晨興/ 伍宜孫/敬文/ 和聲 )

祟基學院(CC): 10幢宿舍(每幢較少宿位), 宿位總數最多,男、女、男女宿均有, 舍堂氣氛好。 由於資金充足, 獎學金較多(但競爭亦較多)。同時,CC 為基督教書院, 每學期要出席7次書院週會, 相比其他書院較多。而CC 有FINAL YEAR PROJECT, 即最後一年, 要求全部學生各自或以小組完成一份報告, 對於本身有FINAL YEAR PROJECT的學系(如電腦、工程) 的同學造成學業上一定的負荷。

地理位置 : 最近火車站, 山腳位置, 教近位於火車站的商科教學大樓, 上本部須乘校巴。音樂系、地理資源、社會學大本營。


新亞書院(NA): 成立於1949年, 創校校長錢穆先生為中國最為著名的國學大師, 因此NA亦給人帶有推動中國文化的感覺。書院宿舍4幢, 正準備建第5幢, 男、女、男女宿均有, 其中一幢男宿為大部3人房。。獎學金較崇基、聯合少, 交流機會算是中上, 暑假交流團可以去牛津大學交流; 每一學期參與3次週會及沒有FINAL YEAR PROJECT。

新亞書院其中一個特點是畢業生可以於書院內的圓型廣場刻名, 相當有意思。

地理位置: 山頂位置, 宿舍風景最優美(不少不少人會到NA的天人合一湖拍婚紗相), 大部份校巴直達。藝術系、人類學系、新聞與傳播學系大本營。到大學本部下山行5-10分鐘。


聯合書院(UC): 書院宿舍4幢全為男女生宿舍, 其中一幢男女生宿舍為全部3人房。獎學金較多, 次於崇基學院。聯合書院也有書院週會, 但每次時間不一樣。跟崇基一樣, 需要完成FINAL YEAR PROJECT。也有暑期交流學習機會。

地位位置: 近山頂位置, 毗連新亞書院, 大部份校巴直達。為政政、社工等系大本營, 到大學本部下山行5-10分鐘。


逸夫書院(SC): 書院位置較遠, 須乘特別校巴。亦因自成一閣, 書院舍堂生活氣氛融洽。沒有FINAL YEAR PROJECT, 須參加書院週會或通識學程。2幢大宿舍, 全為男女生宿舍。獎學金較少, 暑期交流機會亦有 。

地理位置: 要乘特別前往逸夫的校巴, 遠離所有教學大樓, 但校巴亦算多, 一小時有好幾班次, 是唯一一所沒有圖書館的傳統書院。亦沒有學系大本營。



新書院: 新書院 (善衡/晨興/ 伍宜孫/敬文/ 和聲 )
頭兩間書院已入伙, 新書院有別傳統書院, 規模一般較細, 沒有自己的體育設施或圖書館等, 亦沒有上課地點。善衡/晨興較近山腳, 而伍宜孫/敬文/ 和聲書院則位於鄰近逸夫的後山位置, 因此, 須乘特別校巴前往。

值得留意的是, 部份新書院採取「全宿共饍」制度, 亦是人數少的書院, 會要求9成或以上學生住宿, 及一星期須有至少3天一同晚饍。部份同學很喜歡, 覺得保障住宿; 亦有部份覺得太過綑綁式。

書院資金一般不特別多, 始終是新書院; 但可以參考以下網址, 了解每個新書院更多!

http://www.cuhk.edu.hk/chinese/college/info.html


**傳統書院每間每年收800-1000人左; 而新書院就視乎大細, 如最細的晨興, 全書院只有300人, 每年收生不足100人

***部份新書院要求面試, 而傳統書院全部不需要面試

khmama

唔該晒HY412嘅詳細解釋，睇嚟新亞最適合阿女。亦都多謝其他家長嘅回覆，EK家長真係好helpful

khmama

deleted