民生書院交流

Bonnie

原帖由 crabcrab 於 11-12-9 09:53 發表
請問你們的仔仔女女平均每天幾點睡覺呢,像這個星期天天功課多測驗多project多放學遲????

平均訓 7-8 個鐘......晚上最遲11 pm一定要訓....
第2 朝 6:30am 起身

Him-ma

請問你們的仔仔女女平均每天幾點睡覺呢,像這個星期天天功課多測驗多project多放學遲????

crabcrab,

自從升中一後, 我覺得學校的要求比小學更嚴. 功課量時多時少,不過真係好多小測, 有時測左我才知 但我盡量跟緊他一些, 中英默都係背默為主, 都幾"啃", 你覺得呢? 我見呀仔都有留校和同學討論

我個通常10點許便睡覺啦, 盡量不希望超過10:15pm.

Bonnie

各位交咗表未 ?

CINDYC

回復 crabcrab 的帖子

您好 各位,
我囡現讀F.2, 由幼稚園到現在, 她對學校很有歸屬感
F.1A班主任Miss Cheung係難得好老師, 非常關心學生

citylady

回復 Bonnie 的帖子

Hi !  Bonnie 你講得啱 ，大家都想升上民中 ，但對細路嚟講，係咪真係好事？？ 勉強讀落去成績進唔上，只會越讀越冇心機，自己激氣細路辛苦跟唔上，又何必呢？？ Bonnie 你唔雖要太擔心，我都冇選擇民中，微調下好多中中都開多咗英文班，民小的學生有一定水平，編入英文班應不太難。

smallfoothk

回復 kaayee 的帖子

民小上民中有8成幾,你可放心,深的是外來生,將成績拉高,現多要補一補

Bonnie

自問呀仔英文程度一般...讀民中佢一定好辛苦..況且上咗中學..父母可以幫嘅機會唔多(學術上)..真係要靠佢自己..睇吓幾時開竅 ...

除自己努力外 ..依家仲要睇個天... 彩數...運氣 ....

smallfoothk

回復 Bonnie 的帖子

無話可說,非常同意

Bonnie

呀仔話呢排老師教書教得超快...一堂就已經教完一課 Science ....
係咪趕咗 D 呀 ?  下個月嘅呈分試 ...即係會考好多嘢啦咁

菲媽

CINDYC, crabcrab, 各位家長,

無意中又click到babykingdom, 又見到民生書院呢個topic, 入黎睇下, 好有歸屬感, 回憶起惜日chatchat的日子, 我好掛住大家呀!

睇見各位家長子女的問題, 我已經經歷過, 其實好多時都要靠學生的努力, 再加上天資, 又時唔可以強求, 唉.....家長在旁只可以作提點及鼓勵.

sunniema

Hi, 菲媽, 各位家長,

我又係無意中過路經過見到, 我囡足足讀咗15年, 已經last day 咗, 唔好話個囡唔捨得, 我都唔捨得, 惜別周會, 佢地拿住盒tissue入hall....

大家勞力, 高中d老師真係好好!

mscma

--deleted--

Him-ma

菲媽 發表於 12-2-21 12:58
CINDYC, crabcrab, 各位家長,

無意中又click到babykingdom, 又見到民生書院呢個topic, 入黎睇下, 好有歸 ...

菲媽，Sunnie 媽,久違了，你們好。菲菲讀中幾了？Sunnie 是否忙於備戰文憑試？上次12月中一家長會聽校長講，我們有幾位最top的中六生被大學邀請去參加面試，好"口力"呀。我呀仔剛升上中一，同小學完全兩回事，真要加倍努力!

sunniema

Hi,

mscma, 民生畢竟係間大校, 樹大有枯枝, 有d老師真係好好, 有d真係等退休咁款,睇你好唔好彩, 不過呢d老師都唔算好多. 你話d老師好young, 係呀, 呢幾年都有好多新老師, 你知la, 校長05年上任, 同以前莫校長作風好唔同, 所以都走咗好多老師, 不過d老師好唔好, 又唔可以用年紀作準, 我囡d老師大佢冇幾多, 同佢地好似朋友咁,  教起書上黎, 好有補習天皇feel.上堂冇咁易訓著覺.
him-ma, Sunnie 正忙應戰, 結果係點, 真係唔敢諗! 我囡話中六有五十quota去mock interview, 唔係幾個呀!
都想趁此機會, 講下對民生既comment, 佢唔係一間好top 既學校, 但校風真係好到冇得彈. 由於佢地由細玩到大, 佢地心入面已認定邊個係第一, 自己既位置係邊就係邊, 冇乜鬥心, 呢個開頭以為係我囡自己既問題, 但今年老師都話係MSC 學生都係咁, 希望你地初中既媽媽,可以睇下 點樣去令佢地agressive d!
中學六年好快就過, 好好享受呀!

sunniema

答漏咗mscma tim, 中學英文深唔深, 不如等菲媽答la, 因msc這幾年變化好大, 我囡年代, 由幼稚園到初中, 都係愉快學習, 一d壓力都冇, 據聞依家幼稚園開始已要做鴨仔:
至於英文通識, 就真係好唔著數, 莫講話msc, 就算一d好top 學校既朋友, 佢地都冇乜信心,不過, 我囡話不停咁做essay, 英文又寫得順暢好多. 惟有好阿q咁, 自己安慰自己, 事事有得必有失la!

IssacwuMa

各位媽咪你好, 見到你地啲小朋友已經長大, 真係開心.  我仔仔其實只得3歲, 現在要選幼稚園, 民生同根德園都收咗, 現在心大心細, 剛好見到呢個討論, 想請教各位有經驗之媽咪如何選擇.  我都知道此兩個幼稚園係唔同性質, 但就係各有好處, 先難選.  我放棄唔到根德園之嚴格訓練, 民生之一條龍. 其實民小同民中好唔好, 又係Brand 幾.  如果要你地再選, 會點選呢? 可否分享下.  謝謝!

sowasabe

回復 sunniema 的帖子

Hi 大家好,
我又係路過,無意中發現,我又講吓少少啦. 我囡中五係第二屇334,由小學升上去,點講呢?我囡成續在中學部算係中上,但都係Hea住讀書,不見緊張,不見有壓力,究竟是好是壞要等考完DSE之後才知道,佢地真係大多數都開心,輕鬆甘讀,成績又幾好喔,當然是與校內同學相比較啦,如果甘樣讀法而公開試得既,甘又真係一間極品學校,因民生同學男男女女不論成續好興壞,品格都不會壞,大部份都乖既.
又想問吓什麼是MOCK INTERVIEW,有50+人數?我囡因中五,未到佢地,但她說中六有同學被提名去中大INTERVIEW.
是不是你講既MOCK INTERVIEW呢.

sowasabe

回復 IssacwuMa 的帖子

Issacwuma,
你要考慮是小學是私校,要交學費而且不平,你在乎嗎? 小學的程度,課程,老師...等,當年囡讀緊時我就絕對滿意.而且升上中學亦沒有感覺吃力,亦輕鬆甘讀,當年囡同學由考第一至第xxx都留在原校升讀,佢地既歸屬感你可想己知.校風又真係非常之好.
民生是band 1 中吧 , 我囡讀緊我都吾知點評自己間學校是band幾,與同區華英,旅港...相比邊間成績較好都難下定論,民生是由band 1+band 2學生組成的.
但我都係會選一條龍學校,因你現在未知3years小朋友,9年後是龍是鳳,一條龍進可攻,退可守.你有沒有把握找到一間一條龍津校讀,你需考慮此點.

Him-ma

sunniema 發表於 12-2-26 19:53
Hi,

mscma, 民生畢竟係間大校, 樹大有枯枝, 有d老師真係好好, 有d真係等退休咁款,睇你好唔好彩, 不過呢d老 ...

Sunnie 媽, 好多謝也很贊同你的分享. 其實不單是民生, 我想每所學校都有不同類型的老師. 年輕的可能教學經驗沒那麼豐富,但他們用的方法或者會新穎點, 比較接近現今學生的思想, 正如你說和同學們相處亦師亦友般. 無論是甚麼年紀的老師, 只要他們還有教學熱忱,那就是學生的福氣. 每次聽校長講話(包括上星期六那次家長會, 你在場嗎?), 都頗感動的, 她真是好緊張學生.
啊,原來應邀去大學參加面試有50多位, 可能我上次聽得不清楚, 真令人振奮!

我都成日鼓勵我個仔要用心及用功讀書,正如校長話:不能”hea”住讀.

Mscma, 英文深架. 其中一套針對新高中文憑試的教材Developing Skill 是F. 4程度的,我不知其他學校中一是否已用這套教材.

菲媽

Sunnie 媽,  好開心又再在bk見到你出現, 又好耐冇見, 得閒call下我飲茶呀; 我好明白你既心情, 15年既感情真係唔捨得, 民生其中一個優點就係學生及家長對學校都好有歸屬感, 而且學生與學生之間, 家長與家長之間感情都非常深厚, 到離別時, 總有傷感, 好難想像三年後到我女離開時的心情.