兒子申請入讀幼兒班(2010年度)受到挫折

parknshop

而家好多幼兒園都係希望收大B, 最好乖D唔使煩, 錢就收到足, 教就最好唔使.  

跟住重可以話個BB係佢地教到甘醒甘勁...其他D家長見到仲唔錘個頭去報名?

惡性循環....

算把啦....

Miracle2007

100% Agreed. 我同個仔interview, 個老師問我個仔自己食飯定要餵, 我話要人餵, 佢又問戒咗片未, 我個仔先22個月, 所以兩樣都未得, 個老師就已經用訓話嘅口吻話要學啦, 仲有半年要番學, 唔可以唔識, 我心諗,佢好似驚死收咗我個仔會增加佢工作量咁, 最後只收我亞仔做後補生, 我都無所謂, 反正因為呢個老師, 我對間學校都無乜好感, 鬼叫今年多人爭咩, 如果出生率低, d學校就無咁招積啦.

原帖由 parknshop 於 09-12-18 22:50 發表
而家好多幼兒園都係希望收大B, 最好乖D唔使煩, 錢就收到足, 教就最好唔使.  

跟住重可以話個BB係佢地教到甘醒甘勁...其他D家長見到仲唔錘個頭去報名?

惡性循環....

算把啦.... :igiv ...

babydada

我又係. 上個月同BB 去見幼兒班. 見到老師係咁扭計. 話要走，平時係屋企同我地對答如流. 未夠兩歲一至十. 中文英文都識數. 又已經可以自己食飯. 又戒左片. 但一世人第一次面試. 係老師面前一句野都唔講. 個老師都IN 到好冇癮咁樣.我做佢阿媽當時都覺得好大打擊. 好冇面. 點解隔離個個小朋友都坐定定. 係得我小朋友扭計? 係咪我管教有問題?係屋企唔夠惡?太放縱佢....後來諗通左. 係阿女同呢間學校冇緣者. 仲有大把學校啦. 而且事實上我沒有為阿女好好盡備. 例如面試前佢已經叫肚餓但我冇比奶佢. 諗住面完試先. 而且個日面試前. 佢係學校校園玩滑梯, 車仔等. 玩得太耐. 見老師時根本成頭濕哂. 一下子要佢坐定定同個陌生人講野. 梗係唔慣啦.

wongyld

唔知你想報邊區呢? 如果東區我極力推薦北角衞理堂!我上年囡囡初時只報victoria一間,最後唔收,本來都諗住冇n1讀,不過好彩北角衞理堂當時仲有位,雖然係下午班.囡囡依家喺北角衞理堂讀得好開心,老師又好有愛心,學校環境同設施都好好!同埋會預留k1學位畀小朋友ga!你可以考慮一下!

原帖由 vailon 於 09-12-11 02:21 發表
兒子申請入讀幼兒班(2010年度)受到挫折
我個仔係屬於好活躍O個種
面試O個日, 老師叫家長同小朋友玩玩具
佢地在旁觀察, 所有小朋友都靜靜地玩
但我個仔表現得好不耐煩, 坐唔定
有時仲會大叫媽媽, 我當時都知好大
件事 ...

queenmiffy

原帖由 wongyld 於 09-12-31 11:27 發表
唔知你想報邊區呢? 如果東區我極力推薦北角衞理堂!我上年囡囡初時只報victoria一間,最後唔收,本來都諗住冇n1讀,不過好彩北角衞理堂當時仲有位,雖然係下午班.囡囡依家喺北角衞理堂讀得好開心,老師又好有愛心,學校環境 ...

已經滿額啦~

wongyld

估唔到今年咁full!!

原帖由 queenmiffy 於 09-12-31 12:20 發表

已經滿額啦~

BabyHilary

同意, 年頭出世大b定d叻d好教d,
而且可以8/9月入學, 交足全年學費,
而家出生率高, 有d名氣嘅學校大約10個收1個,
一線名校就15-18個先收1個,
學校大把選擇, 大b細b, 家庭背景, 鍾意點揀都得﹗

其實都無可口非, 我地班家長都係咁,
冇得選擇就冇辦法啫,
如果有, 一定會從多方面考慮揀到最好先比小朋友讀﹗
我唯有慶幸囡囡係年頭出世,
同埋女仔講野叻d, 面試同老師有交流,
暫時佢比年尾出世哥哥考學校成績真係好d,
今年考左5間pn, 4間收am, 1間收pm；
不過我知道出年考k1都唔容易,
競爭一年比一年大, 即管碰下運氣啦﹗

原帖由 parknshop 於 09-12-18 22:50 發表
而家好多幼兒園都係希望收大B, 最好乖D唔使煩, 錢就收到足, 教就最好唔使.  

跟住重可以話個BB係佢地教到甘醒甘勁...其他D家長見到仲唔錘個頭去報名?

惡性循環....

算把啦.... :igiv ...

[ 本帖最後由 BabyHilary 於 10-1-1 19:17 編輯 ]