教育王國
標題: 老師唔鍾意小朋友帶口罩!!! >< [打印本頁]
作者: mosmosma 時間: 16-5-17 18:16 標題: 老師唔鍾意小朋友帶口罩!!! ><
因為仔仔好易病, 一返N班已經成日病. 自己習慣佢一唔舒服都會同佢帶口罩返學. 知道佢係學校會食茶點會除, 特登提老師麻煩佢地食完茶點幫佢換一個新的.呢間學校D老師好似唔鍾意小朋友帶口罩, 之前已經提出過話, 佢好似好焗喎.
咁我個仔自己都習慣帶住, 又有咩問題呢?
仲要我接放學時成日見到D小朋友兩行鼻涕咁行出黎.
點解佢地成日幫佢除左個口罩!??????
試過好多次差不多病好, 一返學又病返! 又係放學見到無帶口罩.
真心嬲~~~(完)
作者: MarcusMaC9 時間: 16-5-17 18:47 標題: 引用：因為仔仔好易病,+一返N班已經成日病.+自己
原帖由 mosmosma 於 16-05-17 發表
因為仔仔好易病, 一返N班已經成日病. 自己習慣佢一唔舒服都會同佢帶口罩返學. 知道佢係學校會食茶點會除, ...
作者: Chan343 時間: 16-5-17 19:06 標題: 引用：因為仔仔好易病,+一返N班已經成日病.+自己
原帖由 mosmosma 於 16-05-17 發表
因為仔仔好易病, 一返N班已經成日病. 自己習慣佢一唔舒服都會同佢帶口罩返學. 知道佢係學校會食茶點會除, ...
作者: 99dogdog 時間: 16-5-17 19:15 標題: 回覆：老師唔鍾意小朋友帶口罩!!! ><
我都知有間名幼（非九龍塘校）直頭唔俾帶口罩，如帶住口罩就當生病, 會叫返家屋企休息直至完全痊癒！有啲家長為咗小朋友可以返學，咳住流住鼻涕都照返；如果好嚴重，老師發覺會通知家長接走，但如果幾聲咳而老師唔發覺就隨時散播病菌！我朋友話咁樣真係好無奈，自己想避吓人，保障自己都唔戴得！
作者: 貝珠 時間: 16-5-17 22:52 標題: 回覆：老師唔鍾意小朋友帶口罩!!! ><
我都知有間international school 係一樣，唔俾帶mask , 覺得小朋友有病才帶mask, 有病就唔好返學。明白樓主的情況，但我自己唔會咁做，我覺得長期帶mask 有點怪，唔知會否影響社交
作者: 大埔之友 時間: 16-5-18 02:52 標題: 回覆：老師唔鍾意小朋友帶口罩!!! ><
樓主叫小朋友戴口罩已很負責任, 但真係仲咳仲流鼻水又點解唔休息吓. 好多人都話PN 或 K1 係返一半放一半, 樓主應有此心理準備.
作者: Ammeyogi 時間: 16-5-18 08:49 標題: 回覆：貝珠 的帖子
贊成，小朋友長期帶口罩對社交和上課表現有影響。同學仔和老師聽唔清楚佢講野，試諗下一班25小朋友，每個都話食完茶點要老師幫手换口罩，你覺得好簡單，但如果同時都要求老師咁做就一d都唔簡單。
作者: bbbb2013 時間: 16-5-18 16:35 標題: 回覆：老師唔鍾意小朋友帶口罩!!! ><
我完全明白樓主情況。可能帶口罩無疑對小朋友上堂時帶來不便，或影響了其他人對學校嘅印象。其實小朋友都唔想。
但對於年紀小及容易染病的小朋友，是必須的。因為有d小朋友有病期間仍然上學，又沒有帶口罩，這樣，對本來無病但抵抗力差嘅小朋友，就會造成影響。
希望大家明白。大家做人父母，都希望仔女健康成長。
作者: bbbb2013 時間: 16-5-18 16:41 標題: 引用：我完全明白樓主情況。可能帶口罩無疑對小朋
原帖由 bbbb2013 於 16-05-18 發表
我完全明白樓主情況。可能帶口罩無疑對小朋友上堂時帶來不便，或影響了其他人對學校嘅印象。其實小朋友都唔 ...
所以我都好希望大家嘅小朋友萬一有唔舒服，一係在家休息，一係帶口罩。而家只係幼稚園，唔返幾日學休息好才返學校，唔會有太大issue.
作者: milk_milk 時間: 16-5-18 23:35 標題: 回覆：bbbb2013 的帖子
其實小朋友長期帶口罩，抵抗力會差d，始終週圍都有菌，唔避得咁多，要比佢習慣下，成日處於無菌狀態，到一接觸少少就會生病，是好正常的
作者: Stellaysy 時間: 16-5-19 15:40
提示: 作者被禁止或刪除 內容自動屏蔽
作者: bboo1 時間: 16-5-19 16:00
milk_milk 發表於 16-5-18 23:35 
其實小朋友長期帶口罩，抵抗力會差d，始終週圍都有菌，唔避得咁多，要比佢習慣下，成日處於無菌狀態，到一 ...
作者: Jane1983 時間: 16-5-19 17:37
明白父母擔心，又真係吾少小朋友病都照返學。但成日帶住口罩，真係好難有效地上堂學習，以及和同學仔交流。好似讀書，小朋友細細聲，又睇吾到個嘴，真係吾知讀得正吾正確....
作者: mosmosma 時間: 16-5-20 00:48
我好明白小病是福呢個道理, 可能我講得唔清楚, 如果我個仔病, 我會同佢睇醫生唔返學, 通常抖一兩日啦. 我意思係到差不多好返咁都要返學啦, 不過我會俾佢戴多一兩日口罩, 保諼自己又好 , 唔好有菌惹到其他人都好.
我唔係長期俾個仔戴口罩, 因為我都知辛苦既。
N班我都慣左真係返一個星期又抖一兩日咁架喇. 唉.
只係覺得, 戴口罩係一份公德心. 起碼我小朋友而家識講, 咳咳要帶口罩返學架.
作者: mosmosma 時間: 16-5-20 00:49
回覆 Ammeyogi 的帖子
我個仔間學校係新校, 佢班得8個人架咋...............
作者: MrBeast 時間: 16-5-20 08:54
本帖最後由 MrBeast 於 16-5-20 08:57 編輯
mosmosma 發表於 16-5-20 00:48
我好明白小病是福呢個道理, 可能我講得唔清楚, 如果我個仔病, 我會同佢睇醫生唔返學, 通常抖一兩日啦. 我意 ...
有鼻涕都未必一定係傳染病，可能只是鼻敏感之類，當然我不清楚實況，但既然老師覺得ok，何必咁執著呢，況且父母和老師不一至，會令小朋友無所適從。
作者: 貝珠 時間: 16-5-20 09:31 標題: 引用：+本帖最後由+MrBeast+於+16-5-20+08:57+編
原帖由 MrBeast 於 16-05-20 發表
本帖最後由 MrBeast 於 16-5-20 08:57 編輯
作者: 964000 時間: 16-5-20 09:32 標題: 回覆：老師唔鍾意小朋友帶口罩!!! ><
我地學校都吾戴得口罩，但我覺得都吾算病得太多，可以接受。
作者: cpychung 時間: 16-5-28 17:08
如果只係因氣管敏感引起而咳，其實係唔需要帶口罩，氣管敏感呢啲唔係傳染病，係天生，學習用手遮住黎咳就可以，好多小朋友一轉天氣都會出現，唔適當帶口罩其實對小朋友既心理上亦有影響，如果係有發燒真係病既話，其實係真係唔應該返學...所以帶口罩某程度上確係冇需要...
作者: feifei2015 時間: 16-5-28 21:34
我自己係係醫院工作，眼見近年D病菌病毒變左，小朋友病完康復期比以前耐，要小朋友等一兩星期完全好番晒先返學，好多家長會好爭扎。我小朋友都係經常病果種，流感高峰期，學校係高危地方，我要佢日日帶口罩，就好似我返工一樣。如果佢熱熱地踩界未到發燒，有些少感冒徵狀，我就唔俾佢返學。要佢飲好多水，休息，晒太陽。到而家我小朋友仍有帶口罩返學習慣，到學校門口就問我攞口罩。
之前學校同班有很多小朋友病請假，校方出通告，提醒家長每日量身溫，發燒唔好番學，有傷風咳要戴口罩，家長擔心小朋友被傳染的亦可自行決定讓小朋友戴口罩的需要，重提醒家長帶多個口罩放入書包。試過送番學時，有一小朋友既工人姐姐拿走佢戴住既口罩，一入校門小朋友就咳，守門口既老師即刻問工人姐姐攞番個口罩。有一次觀課日，有小朋友跌咗口罩落地，老師就幫佢掉左，拎個新口罩。我覺得校方做得好好。
So far我沒教我小朋友係學校咳既時候用手遮住咀，因為我諗唔通佢咳完後點做。因為用手遮住咀咳就滿手都是口水細菌，佢唔會即刻有得洗手，只會周圍摸，周圍散播病菌；又或者小朋友周圍摸完玩完之後，掂口或鼻，就會容易受感染，所以都係戴口罩好D。
也有擔心長期戴口罩會影響社交，但另一方面，若因病經常缺課也會影響在學校的社交發展。
樓主無須被老師或他人影響，最清楚自己小朋友身體狀況既係自己，你覺得有需要帶就帶啦。
作者: mosmosma 時間: 16-5-29 00:35
回覆 feifei2015 的帖子
你小朋友學校配合得好好. 真係唔係個個都咁識諗.
我只可以講, 而家唔知點解好多時係病既人唔帶口罩, 無病既反而會帶住去保護自己。
我幫仔仔帶口罩返學就係後者.
又隔左一個星期, 因為阿仔無病無痛, 已經無帶口罩返學。
有一日放學前見到個同學仔喊住好似唔舒服同埋見到老師幫佢探熱, 我已經心感不妙.
OK, 個晚阿仔已經開始流鼻水, 又傷風感冒.
好彩就快完結呢個學期, 下年轉另一間學校了.
| 歡迎光臨 教育王國 (/) |
Powered by Discuz! X1.5 |