教育王國

標題: 昨天確疹ASD 中度，好唔開心 [打印本頁]

作者: p_ma 時間: 16-3-19 00:05 標題: 昨天確疹ASD 中度，好唔開心

純粹想分享心中不快，囡囡快兩歲九個月，自從18 個月去完健康院check up 完話佢冇乜眼神接觸，語言發展慢，要再返去檢查後，便一直帶著忐忑心情。一直到兩歳仍然覺得她和其他小朋友有分別，又入左PN 班，再返去檢查也不合格。其間已經找私人兒科醫生做評估，但是説她只是語言發展慢，冇其他autistic features, 轉介左去links 做ST.

作者: p_ma 時間: 16-3-19 00:11 標題: 回覆：p_ma 的帖子

後來係links 做左一兩堂個別訓練後，ST 姑娘話佢溝通意慾低，似有autism 症狀，推介上密集式訓練。PN 班主任又話佢對自己名字冇反應，眼神接觸軟弱，又唔係好専注及不聽指令，語言也發展遲緩。令我也有這個懷疑，最終還是上了密集式訓練，再等CAC 評估。

作者: p_ma 時間: 16-3-19 00:22 標題: 回覆：p_ma 的帖子

上完密集訓練後明顯進步了，但治療師還是建議我盡快做評估。結果兩歲半去健康院，再向姑娘表示我的憂慮，姑娘就話要等CAC 排隊，叫我send 份問卷去學校填左先。結果安排了囡囡接近兩歲九做評估，醫生評佢ASD 中等，要排S 位，我真的接受唔到要入特殊幼兒中心。佢話 I 位都未必適合佢，我起初以為囡囡只是傾向或輕度，沒想過她那麼嚴重，我真是好唔開心，哭了很久，唔知仲可以做乜幫佢。

作者: p_ma 時間: 16-3-19 00:45 標題: 回覆：p_ma 的帖子

囡囡的特徵：
社交：肯比小朋友或親友攬、拖手及鍚面。對人友善、不會打人、大部分時間也很開心。會主動跟lift 內的陌生人打招呼，講hello, 叔叔，姐姐，姨姨，哥哥。
認到親人，例如主動叫婆婆、姑婆。離別時會表現不捨及比goodbye kiss.
語言：詞彙數量，形容詞+名詞(中英文加埋）應該有100 個或以上。大部分時間講單字，最近才多了用語言表達自己，最常用是抱我、陪我、比我、我食，已經很努力教她講一整句，例如媽媽抱我、我食包，可惜通常都是要提示下才可講到。
另外最近開口多講了四個字，如唔返屋企、bye bye 爸爸/媽媽/姨姨，我又食、拖住手等。
醫生評佢語言理解＋表達大概只有一歳九至兩歲的程度，另外也咬字不清。
ST 甚至話計佢自發性＋frequency 來做準則，她大概只有一歲半程度。

作者: newsky 時間: 16-3-19 08:47

不要太擔心！我仔仔都係中度自閉！只識講幾個單字！你囡囡其實能力唔差！不要太著重評估結果！S位有全面的訓練對我地小朋友很有幫助！如果你囡囡識講甘多嘢！很有機會讀返主流小學！見左醫務社工未？見左會安心啲！有咩喺度同大家傾！呢度好多同路人！

作者: KCHK 時間: 16-3-19 10:02 標題: 回覆：昨天確疹ASD 中度，好唔開心

樓主，睇你女能力應該幾好，可能係評估當日表現比較差，所以就算入左S位, 老師覺得佢無事都會問下你會唔會轉返出I 位。S 位資源好, 會好大幫助。唔好聽到S 位就唔開心, 努力吧！

作者: piglet0529 時間: 16-3-19 10:12 標題: 引用：純粹想分享心中不快，囡囡快兩歲九個月，自

原帖由 p_ma 於 16-03-19 發表
純粹想分享心中不快，囡囡快兩歲九個月，自從18 個月去完健康院check up 完話佢冇乜眼神接觸，語言發展慢， ...

其實S位資源好好, 如果進度ok那K3轉主流吧！

作者: sheung1126 時間: 16-3-19 13:27 標題: 回覆：昨天確疹ASD 中度，好唔開心

我仔2歲10個月，你囡囡比我仔好好多
我仔連招呼都唔會同人打
有意思的單字十個都唔夠，片又未戒到
評估時冇講輕定重，初初當然希望佢輕
但而家覺得佢應該都幾嚴重，但又未去到重度咁誇張
我仔仲有過度活躍症狀，周圍跑，不停跳
所以連幼稚園都未揾到
而家唯有上住2日密集班先，見步行步

作者: newsky 時間: 16-3-19 17:13

回覆 sheung1126 的帖子

排緊S位嗎？我仔仔剛三歲！有意義的單字五個左右！有時真係急都無用！共勉之

作者: p_ma 時間: 16-3-19 18:43 標題: 引用：不要太擔心！我仔仔都係中度自閉！只識講幾

原帖由 newsky 於 16-03-19 發表
不要太擔心！我仔仔都係中度自閉！只識講幾個單字！你囡囡其實能力唔差！不要太著重評估結果！S位有全面的 ...

多謝你，佢雖然識得講好多字，但佢語言表達同理解應該很差，同埋比同齡小朋友少用語言表達自己。佢只是name 佢識既物件，完全冇request 同分享，應對都缺乏，最多只表達抱我、陪我、我食、vivi, 冇乜用手指指佢想要既嘢，可能因為咁就評為中等。大家多D傾下偈。

作者: DENNIS201 時間: 16-3-19 20:21

小朋友識講咁多野情況唔太嚴重吧
係唔係評估當日唔理醫生,無比反應
會否相當沈迷玩某一件玩具或有重覆行為?

作者: p_ma 時間: 16-3-19 20:56 標題: 引用：小朋友識講咁多野情況唔太嚴重吧係唔係評估

原帖由 DENNIS201 於 16-03-19 發表
小朋友識講咁多野情況唔太嚴重吧
係唔係評估當日唔理醫生,無比反應
會否相當沈迷玩某一件玩具或有重覆行為? ...

我真係唔知，佢當日表現乖，有啲問題識也不肯答，我們又不可以幫口。醫生問左我好多問題，我諗最主要係佢對於我同我先生叫佢個名也冇反應（當天表現）。醫生又叫我地指向一個方向叫佢望，佢又唔理。護士同我攞資料時曾經提過除了當天表現，仲會考慮埋學校問卷、照顧者比的資料、健康院紀錄。我諗計埋得出一個這樣的結果。我對於這個評級真的很傷心。

作者: p_ma 時間: 16-3-19 20:59 標題: 引用：小朋友識講咁多野情況唔太嚴重吧係唔係評估

原帖由 DENNIS201 於 16-03-19 發表
小朋友識講咁多野情況唔太嚴重吧
係唔係評估當日唔理醫生,無比反應
會否相當沈迷玩某一件玩具或有重覆行為? ...

佢冇重覆性行為，興趣也不狹窄，佢一樣玩具玩幾玩就唔玩，我反而覺得她專注力不足。

作者: YANMA0724 時間: 16-3-19 22:23

唔好灰心，我個女都一樣2歲半時CAC評為中級，我當時都有唔開心，但自己應該係最了解自己個小朋友既能力，醫生只係睇2個幾鐘都未必準，而且小朋友進步可以好快，同佢做多D眼神練習，佢要乜都要望咗你先比佢，其實你個女都算幾好識講咁多字，又無乜重複行為，你做密集嗰度有無得做感統治療？我覺得亞女做咗應人反應好咗，或者你可以多D同佢去遊樂場玩，刺激下個前庭都有幫助

另外可以試下佢想去邊度玩拉你去時要捉實佢唔行，等佢望你先比佢拖住你行或放手比佢自己行，等佢多d望你，我個女同你個女既問題好似，都係眼神弱，多D同佢練會有進步

加油呀，大家一齊努力

作者: p_ma 時間: 16-3-19 23:34 標題: 引用：樓主，+睇你女能力應該幾好，+可能係評估當

原帖由 KCHK 於 16-03-19 發表
樓主，睇你女能力應該幾好，可能係評估當日表現比較差，所以就算入左S位, 老師覺得佢無事都會問下你會唔 ...

多謝你，想請教假設入左S位一個學期，老師覺得佢ok，一定可以調返I 位嗎？我同幾個朋友丶親戚講過，佢地都一致認為盡量唔好比佢入S位，因為驚入第日入唔到好的小學。

作者: p_ma 時間: 16-3-19 23:37 標題: 引用：Quote:原帖由+p_ma+於+16-03-19+發表純粹想

原帖由 piglet0529 於 16-03-19 發表
其實S位資源好好, 如果進度ok那K3轉主流吧！

想請教S位轉返主流k3, 也有學校收嗎？還是醫生會幫手寫紙，一定入得返？

作者: p_ma 時間: 16-3-19 23:56 標題: 引用：我仔2歲10個月，你囡囡比我仔好好多我仔連

原帖由 sheung1126 於 16-03-19 發表
我仔2歲10個月，你囡囡比我仔好好多
我仔連招呼都唔會同人打
有意思的單字十個都唔夠，片又未戒到

請問你排緊乜嘢位？加油啊！

作者: llam1210 時間: 16-3-19 23:58 標題: 回覆：p_ma 的帖子

老實講，現在情況，你是希望他可入主流小學和跟得上，唔係考慮什麼好小學。小朋友叻在k3可轉回I, 甘咪冇人理是否曾讀s位。我唔知你講的好學校是否直資私小。如是官津，除了最後叩門，唔係根本不用去考。是抽籤的。直資私小，好多時都係面試表現。

作者: p_ma 時間: 16-3-19 23:58 標題: 引用：回覆+sheung1126+的帖子排緊S位嗎？我仔

原帖由 newsky 於 16-03-19 發表
回覆 sheung1126 的帖子

排緊S位嗎？我仔仔剛三歲！有意義的單字五個左右！有時真係急都無用！共勉之 ...

你有冇同佢做密集訓練？你幾時發現他有自閉特徵？

作者: dragonbaby1202 時間: 16-3-20 00:13

本帖最後由 dragonbaby1202 於 16-3-20 00:16 編輯

回覆 p_ma 的帖子

不用太灰心，我都係過來人，阿仔26個月評估自閉譜係，語言落後9個月，都覺得做人無希望咁，如今佢四歲，口齒伶俐，讀主流，老師話學野，自理唔使擔心，不過好霸道，好多家長見到都話佢好叻講野，成個小大人咁，好喜歡同小朋友玩，話自閉都無人信。三歲已評估語言正常，推理超齡。不過我唔覺得佢有咩特長。小朋友有兒童發展障礙，做家長唯有做多少少。你囡囡仲細個，好好教，阿媽係最好的老師！

作者: p_ma 時間: 16-3-20 00:26 標題: 引用：唔好灰心，我個女都一樣2歲半時CAC評為中級

原帖由 YANMA0724 於 16-03-19 發表
唔好灰心，我個女都一樣2歲半時CAC評為中級，我當時都有唔開心，但自己應該係最了解自己個小朋友既能力，醫 ...

多謝你，你個女而家幾大呢？讀邊種幼稚園？
我女做訓練有齊社交、語言、感統、大小肌、專注等，最近加埋音樂治療，一星期二次每次兩小時。而家諗緊加多一日社交班比佢。其實我屋企樓下有會所同公園，自bb 七八個月時，幾乎每日也帶她落去又走又爬，夠曬感統訓練。她身手靈活，不過到而家跳起仲係未好夠力彈得唔高。OT 也有話佢大丶小肌也發展落後，我也百思不得其解，可能真係天生。

作者: p_ma 時間: 16-3-20 00:42 標題: 引用：老實講，現在情況，你是希望他可入主流小學

原帖由 llam1210 於 16-03-19 發表
老實講，現在情況，你是希望他可入主流小學和跟得上，唔係考慮什麼好小學。小朋友叻在k3可轉回I, 甘咪冇人 ...

你講得也有道理，醫生也講過S位一定不可能報直資同私小。我而家希望佢做完密集式訓練，過多年半可以ok ，去I位都可以。

作者: p_ma 時間: 16-3-20 00:45 標題: 引用：+本帖最後由+dragonbaby1202+於+16-3-20+00

原帖由 dragonbaby1202 於 16-03-20 發表
本帖最後由 dragonbaby1202 於 16-3-20 00:16 編輯

回覆 p_ma 的帖子

多謝你，咁你個仔評為乜程度？又入主流定I or S 位？比佢做左密集式訓練幾耐？你這個例子真的很令人鼓舞！

作者: p_ma 時間: 16-3-20 00:47 標題: 回覆：dragonbaby1202 的帖子

我女也是所有項目也落後九個月。

作者: p_ma 時間: 16-3-20 00:51 標題: 引用：小朋友識講咁多野情況唔太嚴重吧係唔係評估

原帖由 DENNIS201 於 16-03-19 發表
小朋友識講咁多野情況唔太嚴重吧
係唔係評估當日唔理醫生,無比反應
會否相當沈迷玩某一件玩具或有重覆行為? ...

我女仲講bb話，有時自言自語。又會成日望燈，我起初以為依D係BB發展過度期，會慢慢甩。點知ST 話依D屬於冇意義的重複性行為來尋求自我刺激。

作者: dragonbaby1202 時間: 16-3-20 01:01

本帖最後由 dragonbaby1202 於 16-3-20 01:05 編輯

回覆 p_ma 的帖子

佢當時評估俾E 位，醫生問有無學校收，我話有，所以醫生俾E 位。現在仲未排到，就算排到都未必俾佢返。佢評估完我都好緊張搵訓練俾佢，上過十幾堂小組，八堂個別訓練，言語治療七堂，主要是糾正發音。

作者: KCHK 時間: 16-3-20 10:57 標題: 引用：Quote:原帖由+KCHK+於+16-03-19+發表樓主，

原帖由 p_ma 於 16-03-19 發表
多謝你，想請教假設入左S位一個學期，老師覺得佢ok，一定可以調返I 位嗎？我同幾個朋友丶親戚講過，佢地都 ...

由於現在派S 位需要排隊, 到時你參觀過學校可以reject 的。不過、如果你覺得小朋友情況有改善，你可以叫跟你地的社工問下醫生轉I 位的。唉！我仔評估當日是delay 了1年3個月, 唔通佢係嚴重?

作者: KCHK 時間: 16-3-20 11:02 標題: 回覆：昨天確疹ASD 中度，好唔開心

你女的情況唔一樣, 所以我都唔知見意你女讀定唔讀S 位好, 我只知道家長要選擇最合適的教育給仔女, 唔好令小朋友放棄學習。再觀察下再決定吧！

作者: p_ma 時間: 16-3-20 23:23 標題: 引用：Quote:原帖由+p_ma+於+16-03-19+發表多謝你

原帖由 KCHK 於 16-03-20 發表
由於現在派S 位需要排隊, 到時你參觀過學校可以reject 的。不過、如果你覺得小朋友情況有改善，你可以叫跟 ...

我女各方面delay 九個月，語言理解好似delay 成年。而家plan 再比多D密集訓練佢，希望一年後有好進展，可以apply I 位都得。我女有時會講外星話，唔知佢想表達D乜，你小朋友有冇咁嘅情況？

作者: p_ma 時間: 16-3-20 23:25 標題: 回覆：KCHK 的帖子

我也認同你的意見，佢能力唔得迫佢也沒用。

作者: p_ma 時間: 16-3-20 23:26 標題: 引用：+本帖最後由+dragonbaby1202+於+16-3-20+01

原帖由 dragonbaby1202 於 16-03-20 發表
本帖最後由 dragonbaby1202 於 16-3-20 01:05 編輯

回覆 p_ma 的帖子

咁你小朋友當時應該唔太差。

作者: KCHK 時間: 16-3-21 13:09 標題: 引用：Quote:原帖由+KCHK+於+16-03-20+發表由於現

原帖由 p_ma 於 16-03-20 發表
我女各方面delay 九個月，語言理解好似delay 成年。而家plan 再比多D密集訓練佢，希望一年後有好進展，可以 ...

我仔當時2歲, 做私人評估, 個report 差到無人有, 心理學家直頭係話佢仲係'肛門期'無進化到去下一步的口腔期，即當時只係停留在6個幾月大咁，咁我就好似傻左咁周圍找治療堂比佢, 又硬起心場唔比佢講BB 話, 一定要佢指或者講佢需要咩野先幫佢做, 過左半年到就見CAC 醫生, 都同意我仔有自閉加遲緩, 不過就無咁差, 可能係我地有同佢治療, 所以進步左, 醫生講到明希望快d 排到S 位, 因為照佢地睇會進步多d 。當時佢係無講我仔係中度定嚴重的, 我諗係怕hurt 到我地。現在亞仔已經就來5歲了，上年九月大派位時入到S 位, 開左學2個月到就由自閉班轉左去遲緩班，現在的課程應該係K1 的程度。

作者: Linchu 時間: 16-3-21 17:17 標題: 回覆：昨天確疹ASD 中度，好唔開心

我仔3歲2個月仲係講緊 Bb 話，排緊 I 位！講真都幾擔心

作者: p_ma 時間: 16-3-21 18:28 標題: 引用：我仔3歲2個月仲係講緊+Bb+話，排緊+I+位+！

原帖由 Linchu 於 16-03-21 發表
我仔3歲2個月仲係講緊 Bb 話，排緊 I 位！講真都幾擔心

你仔有冇讀PN 班？有冇統計過識幾多個字？我唔係好明我個女講到大概100個字（當中係認到物件，唔係亂講，形容詞也表達正確，雖然有D字講得唔清），表達也懂有限運用兩個字，如我食、比我、陪我、飲水，自理也ok, 也被建議去S位，搞到我喊左幾日。而家應該要花多D錢再比多D密集訓練佢，希望年半後佢ok, 可以去返主流or I 位。

作者: YANMA0724 時間: 16-3-21 22:04

回覆 p_ma 的帖子

我個女依家2歲7個月返緊上午PN，出年報咗另一間幼稚園K1，依家佢上午返幼稚園下午一三五返密集班，嗰時醫生都建議我地排S位因為話亞女無言語，但我地只係排咗E位，睇下亞女K1間學校接唔接受，如果OK會KEEP住比佢咁返學，一來多接觸返主流學校群體生活，另外亦都有訓練比到佢
其實你囡囡聽唔聽指令？可唔可以坐定定？依家有無返幼稚園？

作者: p_ma 時間: 16-3-21 23:11 標題: 回覆：YANMA0724 的帖子

佢好飄忽，心情好的時候就跟指令，或者有嘢利誘到佢就乖，很講多D嘢表達。坐定定方面，PN 班老師話佢好快lose focus, 又話比如人地肯坐定30 mins, 佢只可以坐定10 mins. 又話好難draw 佢attention. 係屋企教佢亦有相同感覺，我都覺得比較難同佢溝通，醫生話佢咁樣好難係主流學校學嘢，所以建議佢去S 位。佢返學應該冇滋擾他人行為，所以so far 未收過投訴，冇被勸退學。

作者: a328 時間: 16-3-21 23:35 標題: 回覆：昨天確疹ASD 中度，好唔開心

我大仔3歲時私人評估有中度，去大口環時輕度，傷心了一星期就收拾心情幫佢報私人社交班，因唔知政府排幾耐，end up I wait for 2 years, 到k3 才安排到去watchdog, 但之前做了兩年，好大進步，佢都係識好多詞字，但long sentence 較差，而家都係，但有大進步。係有時會詞不達意.

你唔好理個label, 佢乜差就補個樣，當興趣班。我仔今年小一，也可入讀主流，只不過will keep 報EQ 班

作者: Linchu 時間: 16-3-22 01:33 標題: 引用：Quote:原帖由+Linchu+於+16-03-21+發表我仔

原帖由 p_ma 於 16-03-21 發表
你仔有冇讀PN 班？有冇統計過識幾多個字？我唔係好明我個女講到大概100個字（當中係認到物件，唔係亂講，形 ...

我仔係全 Bb 話 ... 返緊 pn 班，黎緊 9月返主流 K1 ~

作者: Linchu 時間: 16-3-22 01:38 標題: 引用：回覆+p_ma+的帖子我個女依家2歲7個月返緊

原帖由 YANMA0724 於 16-03-21 發表
回覆 p_ma 的帖子

我個女依家2歲7個月返緊上午PN，出年報咗另一間幼稚園K1，依家佢上午返幼稚園下午一三五 ...

返密集你覺得有無幫助？我都 1516 緊～好唔好上午密集，下午返主流！上 3T 或者幼稚園老都話佢好聰明，好醒目，係唔肯講野 ... 我都唔知點算

作者: p_ma 時間: 16-3-22 09:20 標題: 引用：我大仔3歲時私人評估有中度，去大口環時輕

原帖由 a328 於 16-03-21 發表
我大仔3歲時私人評估有中度，去大口環時輕度，傷心了一星期就收拾心情幫佢報私人社交班，因唔知政府排幾耐 ...

乜嘢係watchdog? 其實我地由佢兩歳兩個月開始比佢去私家training, 而家兩歲九個月確疹，醫生話佢落後較大的是social skill 同語言。

作者: p_ma 時間: 16-3-22 09:23 標題: 引用：Quote:原帖由+p_ma+於+16-03-21+發表你仔有

原帖由 Linchu 於 16-03-22 發表
我仔係全 Bb 話 ... 返緊 pn 班，黎緊 9月返主流 K1 ~

全bb 話？有冇一D係有意義的naming ? 識叫爸媽未？除左語言落後有冇其他問題？例如冇eye contact 唔應人？

作者: Linchu 時間: 16-3-22 11:25 標題: 引用：Quote:原帖由+Linchu+於+16-03-22+發表我仔

原帖由 p_ma 於 16-03-22 發表
全bb 話？有冇一D係有意義的naming ? 識叫爸媽未？除左語言落後有冇其他問題？例如冇eye contact 唔應人？

...

爸媽都唔係次次肯叫～有 eye contact , 無固執行為，叫佢名會應呀！係都唔肯開聲講野

作者: a328 時間: 16-3-22 13:27 標題: 回覆：p_ma 的帖子

政府比既training, 有其他中心選擇。我選擇watchdog, 我要港島區的

作者: p_ma 時間: 16-3-22 16:38 標題: 引用：Quote:原帖由+p_ma+於+16-03-22+發表全bb+

原帖由 Linchu 於 16-03-22 發表
爸媽都唔係次次肯叫～有 eye contact , 無固執行為，叫佢名會應呀！係都唔肯開聲講野

...

咁奇怪？醫生評左佢乜野？

作者: p_ma 時間: 16-3-22 16:42 標題: 引用：政府比既training,+有其他中心選擇。我選擇

原帖由 a328 於 16-03-22 發表
政府比既training, 有其他中心選擇。我選擇watchdog, 我要港島區的

咁你這幾年有冇比私人ST, OT 訓練佢做？上小一係私人/直資定政府津小？

作者: a328 時間: 16-3-22 17:09 標題: 回覆：p_ma 的帖子

有去step 及健苖軒上堂，足兩年，自行入咗一間學校，係我地target

作者: Linchu 時間: 16-3-22 17:42 標題: 引用：Quote:原帖由+Linchu+於+16-03-22+發表爸媽

原帖由 p_ma 於 16-03-22 發表
咁奇怪？醫生評左佢乜野？

懷疑自閉傾向

作者: vincelo29 時間: 16-3-22 20:13 標題: 引用：Quote:原帖由+p_ma+於+16-03-22+發表咁奇怪

原帖由 Linchu 於 16-03-22 發表
懷疑自閉傾向

會有覆診？覆診唔知會否再評估一下？

作者: YANMA0724 時間: 16-3-22 21:24

回覆 p_ma 的帖子

我個女同你個女真係好似，老師都係發覺佢上堂唔留心，經常周圍望，到依家下學期開始有少少進步，有次老師話佢都開始望住講英文故事既老師，同會聽班主任講野，唔知係咪做多咗感統既關係，依家一個星期比佢返多半小時感統，睇下有無大幫助，你返邊間密集有咁多治療？唔介意可以PM我，THANKS

作者: josumjo 時間: 16-3-23 00:14 標題: 回覆：p_ma 的帖子

我仔27months..自閉傾向嚴重..........到依家都未識講野....一知道已經上單對單OT and ST....上左2.5半月...有進步.......黎緊會返links午間學堂

作者: sheung1126 時間: 16-3-23 14:35 標題: 引用：Quote:原帖由+sheung1126+於+16-03-19+發表

原帖由 p_ma 於 16-03-19 發表
請問你排緊乜嘢位？加油啊！

我仔排緊s位

作者: sharonho98 時間: 16-3-23 16:26 標題: 引用：Quote:原帖由+p_ma+於+16-03-19+發表請問你

原帖由 sheung1126 於 16-03-23 發表
我仔排緊s位

請問有沒有人知道排S位等多久？

作者: KCHK 時間: 16-3-23 19:14 標題: 回覆：sharonho98 的帖子

你要上網睇下你選擇左的中心派到咩年份月份, 通常4月份大派位完左之後比較容易掌握大約幾時派到。每間輪候時間都唔同

作者: p_ma 時間: 16-3-24 09:53 標題: 引用：有去step+及健苖軒上堂，足兩年，自行入咗

原帖由 a328 於 16-03-22 發表
有去step 及健苖軒上堂，足兩年，自行入咗一間學校，係我地target

Thanks for sharing, 請問一星期上幾堂，每次大概幾小時？

作者: p_ma 時間: 16-3-24 09:55 標題: 回覆：YANMA0724 的帖子

你女幾大？講得多唔多嘢？已經pm 了你。

作者: p_ma 時間: 16-3-24 10:01 標題: 引用：我仔27months..自閉傾向嚴重..........到依

原帖由 josumjo 於 16-03-23 發表
我仔27months..自閉傾向嚴重..........到依家都未識講野....一知道已經上單對單OT and ST....上左2.5半月.. ...

評估左未，姑娘也提議我返下午學堂，不過佢返緊下晏班所以會搵D training 係星期六做的。

作者: a328 時間: 16-3-24 14:22 標題: 回覆：p_ma 的帖子

Step 3 小時, 健苗軒每堂45 mins

作者: josumjo 時間: 16-3-24 17:19 標題: 回覆：p_ma 的帖子

評估左...自閉傾向嚴重....
上左單對單training 2⃣️個月
有進步

作者: YANMA0724 時間: 16-3-24 20:14

回覆 p_ma 的帖子

健苗軒要足3歲先可以報，佢話1/4會出新季刊，你可以上網睇下，STEP灣仔嗰間我都有睇過星期六有3小時班，不過又覺得好似上太耐，所以諗緊報唔報

作者: p_ma 時間: 16-3-24 21:16 標題: 引用：Step+3+小時,+健苗軒每堂45+mins +

原帖由 a328 於 16-03-24 發表
Step 3 小時, 健苗軒每堂45 mins

Step 同健苗軒各自返多少日？返兩年發展跟到實際歲數？

作者: p_ma 時間: 16-3-24 21:18 標題: 引用：回覆+p_ma+的帖子健苗軒要足3歲先可以報

原帖由 YANMA0724 於 16-03-24 發表
回覆 p_ma 的帖子

健苗軒要足3歲先可以報，佢話1/4會出新季刊，你可以上網睇下，STEP灣仔嗰間我都有睇過星 ...

Step 星期六三小時班包乜？

作者: a328 時間: 16-3-25 00:18 標題: 引用：Quote:原帖由+a328+於+16-03-24+發表Step+3

原帖由 p_ma 於 16-03-24 發表
Step 同健苗軒各自返多少日？返兩年發展跟到實際歲數？

Step 返星期六，星期六返三小時係ok, 每一次上完堂都會同家長傾進度，佢有唔同種類嘅班幫你編排。健苗軒我上感統及言語的

作者: a328 時間: 16-3-25 00:20 標題: 回覆：昨天確疹ASD 中度，好唔開心

健苗軒我返平日一星期一堂. 我盡量安排同一日唔洗去兩次,我後來停咗因為等到watchdog

作者: carmenlau11182 時間: 16-3-27 13:01 標題: 回覆：a328 的帖子

上星期細仔評估完(2歲半)
醫生話佢自閉症，唔係自閉譜系，排緊S位。
語言差，只得1.5 歲能力，有小小固執行為。

作者: daibolam 時間: 16-4-2 15:23 標題: 回覆：昨天確疹ASD 中度，好唔開心

加油! 我囡囡20個月評估懷疑中度至嚴重。23個月上密集到而家。而家31個月大,叻左好多。竟然年初考到普通k1後補位。初時同老公日日喊,諗番起佢有一日識用手指,指住條魚,講個“魚”字,仲識擰轉個頭望住我,諗番都好感動。每日誇張到好似做戲嘅教導係有幫助的。唔好理其他人點睇。加油。

作者: Yukiruirui888 時間: 16-4-3 21:54 標題: 引用：加油!+我囡囡20個月評估懷疑中度至嚴重。23

原帖由 daibolam 於 16-04-02 發表
加油! 我囡囡20個月評估懷疑中度至嚴重。23個月上密集到而家。而家31個月大,叻左好多。竟然年初考到普通k1 ...

你有去做評估嗎？我好1516 去私家評估，因經濟困難，但等政府的cac又唔知等幾耐

作者: p_ma 時間: 16-4-13 18:38 標題: 引用：上星期細仔評估完(2歲半) 醫生話佢自閉症，

原帖由 carmenlau11182 於 16-03-27 發表
上星期細仔評估完(2歲半)
醫生話佢自閉症，唔係自閉譜系，排緊S位。
語言差，只得1.5 歲能力，有小小固 ...

自閉症同自閉症譜系有乜分別？

作者: p_ma 時間: 16-4-13 18:40 標題: 引用：加油!+我囡囡20個月評估懷疑中度至嚴重。23

原帖由 daibolam 於 16-04-02 發表
加油! 我囡囡20個月評估懷疑中度至嚴重。23個月上密集到而家。而家31個月大,叻左好多。竟然年初考到普通k1 ...

請問你做左乜嘢密集訓練？

作者: p_ma 時間: 16-4-13 18:43 標題: 引用：Quote:原帖由+daibolam+於+16-04-02+發表加

原帖由 Yukiruirui888 於 16-04-03 發表
你有去做評估嗎？我好1516 去私家評估，因經濟困難，但等政府的cac又唔知等幾耐

...

你小朋友有返PN 嗎？同健康院講佢好擔心叫佢快D比你去CAC, 有埋學校comment 仲好，可以加速(如學校也覺得小朋友有問題。）

作者: Yukiruirui888 時間: 16-4-13 23:48 標題: 引用：Quote:原帖由+Yukiruirui888+於+16-04-03+

原帖由 p_ma 於 16-04-13 發表
你小朋友有返PN 嗎？同健康院講佢好擔心叫佢快D比你去CAC, 有埋學校comment 仲好，可以加速(如學校也覺得小 ...

無返pn，已經排緊協康的評估，cac要排9個月至1年都排緊，宜家都唔知點好

作者: Baby豬1209 時間: 16-4-16 07:28 標題: 引用：Quote:原帖由+carmenlau11182+於+16-03-27+

原帖由 p_ma 於 16-04-13 發表
自閉症同自閉症譜系有乜分別？

同問？

作者: p_ma 時間: 16-4-18 08:52 標題: 引用：Quote:原帖由+p_ma+於+16-04-13+發表你小朋

原帖由 Yukiruirui888 於 16-04-13 發表
無返pn，已經排緊協康的評估，cac要排9個月至1年都排緊，宜家都唔知點好

...

在等待的期間做下密集訓練先，我那時都係咁，因為你有懷疑，不要甚麼也不做錯過了治療的時間。

作者: peonybibi 時間: 16-4-18 13:35 標題: 引用：Quote:原帖由+Yukiruirui888+於+16-04-13+

原帖由 p_ma 於 16-04-18 發表
在等待的期間做下密集訓練先，我那時都係咁，因為你有懷疑，不要甚麼也不做錯過了治療的時間。

...

你覺得密集喺咩部份令小朋友進步最大？

作者: 星星baby 時間: 16-4-18 14:28 標題: 回覆：peonybibi 的帖子

其實要點講即使唔做訓練小朋友同自己比較都會有進步不過進展好慢上訓練都係嘗試成效因人而異但係小朋友尼個時間係黃金干預期如果乜都唔做既話擔心追唔返自己唔夠膽去搏

作者: Yukiruirui888 時間: 16-4-18 15:52 標題: 引用：Quote:原帖由+Yukiruirui888+於+16-04-13+

原帖由 p_ma 於 16-04-18 發表
在等待的期間做下密集訓練先，我那時都係咁，因為你有懷疑，不要甚麼也不做錯過了治療的時間。

...

我有搵資料，聽講座，自己學下，密集訓練我負擔唔起，有資助的要評估左先可以申請

作者: p_ma 時間: 16-4-18 19:08 標題: 引用：Quote:原帖由+p_ma+於+16-04-18+發表在等待

原帖由 peonybibi 於 16-04-18 發表
你覺得密集喺咩部份令小朋友進步最大？

其實我女做緊小組密集，OT, ST 大小肌、社交，我覺得全部也有幫助，好難話邊個項目幫助最大。

作者: p_ma 時間: 16-4-18 19:11 標題: 引用：其實要點講+即使唔做訓練+小朋友同自己比較

原帖由 星星baby 於 16-04-18 發表
其實要點講即使唔做訓練小朋友同自己比較都會有進步不過進展好慢上訓練都係嘗試成效因人而異但係小朋 ...

絕對同意，我想比佢再做多D 訓練Tim.

作者: p_ma 時間: 16-4-18 19:49 標題: 引用：其實要點講+即使唔做訓練+小朋友同自己比較

原帖由 星星baby 於 16-04-18 發表
其實要點講即使唔做訓練小朋友同自己比較都會有進步不過進展好慢上訓練都係嘗試成效因人而異但係小朋 ...

絕對同意，我想比佢再做多D 訓練Tim.

作者: p_ma 時間: 16-4-18 23:35 標題: 引用：Quote:原帖由+p_ma+於+16-04-18+發表在等待

原帖由 Yukiruirui888 於 16-04-18 發表
我有搵資料，聽講座，自己學下，密集訓練我負擔唔起，有資助的要評估左先可以申請

...

排緊CAC 未？嘈下佢，講嚴重D，如果唔係政府唔會同你急。

作者: Yukiruirui888 時間: 16-4-19 00:51 標題: 引用：Quote:原帖由+Yukiruirui888+於+16-04-18+

原帖由 p_ma 於 16-04-18 發表
排緊CAC 未？嘈下佢，講嚴重D，如果唔係政府唔會同你急。

排左，但姑娘話無咁快

作者: daibolam 時間: 16-4-19 01:20 標題: 引用：Quote:原帖由+p_ma+於+16-04-18+發表在等待

原帖由 Yukiruirui888 於 16-04-18 發表
我有搵資料，聽講座，自己學下，密集訓練我負擔唔起，有資助的要評估左先可以申請

...

圖書館有書借。協康出好多本都有

作者: daibolam 時間: 16-4-19 01:27 標題: 引用：Quote:原帖由+daibolam+於+16-04-02+發表加

原帖由 p_ma 於 16-04-13 發表
請問你做左乜嘢密集訓練？

一星期五日。每天3小時。課程個名叫密集班。幾個人睇幾個小朋友。佢地每日做唔同野。感統就類似體育堂。口肌堂。唱歌勞作。角色扮演。排洗。較多用圖卡

作者: pollybell 時間: 16-4-19 13:43

咁細評估可以天同地，只要小朋友智力正常，唔需要擔心，智力會補足佢D不足，特別語言要追可以好快。

作者: lawwct 時間: 16-4-28 16:44

回覆 p_ma 的帖子

請問你安排了什麼training比小朋友?我個囝囝4月初評估自閉症譜系,我而家周圍搵training比佢,但度度都要排幾個月,有點焦急,邊間training center好?

作者: p_ma 時間: 16-4-30 23:50 標題: 引用：Quote:原帖由+p_ma+於+16-04-13+發表請問你

原帖由 daibolam 於 16-04-19 發表
一星期五日。每天3小時。課程個名叫密集班。幾個人睇幾個小朋友。佢地每日做唔同野。感統就類似體育堂。口 ...

你在那兒上？

作者: p_ma 時間: 16-4-30 23:51 標題: 引用：咁細評估可以天同地，只要小朋友智力正常，

原帖由 pollybell 於 16-04-19 發表
咁細評估可以天同地，只要小朋友智力正常，唔需要擔心，智力會補足佢D不足，特別語言要追可以好快。 ...

點先知佢智力正常？醫生話咁細未評到。

作者: p_ma 時間: 16-4-30 23:52 標題: 引用：回覆+p_ma+的帖子請問你安排了什麼traini

原帖由 lawwct 於 16-04-28 發表
回覆 p_ma 的帖子

請問你安排了什麼training比小朋友?我個囝囝4月初評估自閉症譜系,我而家周圍搵training ...

已pm 你

作者: pollybell 時間: 16-5-1 01:02

回覆 p_ma 的帖子

做父母應該感覺到，佢平時表現除語言表達外，身體語言或者行為反應都略知一二，教佢認圖例如蘋果，橙，物品認知如何都大概知道。

歡迎光臨教育王國 (/)