教育王國
標題: 你對取消小三TSA有何意見? [打印本頁]
作者: 中央情報員 時間: 15-10-30 16:28 標題: 你對取消小三TSA有何意見?
小學三年級及六年級生需要接受「全港性系統評估」(TSA)。有學校為加強學生應試能力,增加每星期補課次數;亦有家長誤以為TSA會影響升中,都督促子女操練試題,有部分家長及教師都對小三生要應考TSA有保留。你又對小三TSA有何意見?
作者: macylee115 時間: 15-11-4 10:58
作者: pandakwan 時間: 15-11-4 21:11
只要TSA存在,操練是不會停止的!
作者: snowpeace 時間: 15-11-6 14:47
有冇TSA,學校都會操練。學校想升branding會想盡方法去操d學生。
應該禁止學校及家長操練學生仲好。
作者: SONIALAI 時間: 15-11-10 14:59
問題不在TSA, 問題是辦學者及家長, 沒有組織須小朋友要十項全能, 琴棋書畫, 能操多國語言, 結果又如何 ?
制度必須有, 難道返回升中試, 只是大家如何應對
作者: k20s 時間: 15-11-17 00:24
回覆 SONIALAI 的帖子
TSA對家長和學生都不好,除了應付上堂的功課外還要應付額外的練習對一個小學生來說太辛苦了,返學目的是要小孩學習知識學習群體生活喜歡返學而不是害怕返學,現今社會風氣令到學生透不過氣造成情緒不穩感到太大壓力就不能面對所以除消TSA是一件好事對家長和學生都非常之好不用每日都擔心自己成績不好會給父母責怪減低她們的不安有多好支持支持
作者: kat0318 時間: 15-11-18 08:30
SONIALAI 發表於 15-11-10 14:59
問題不在TSA, 問題是辦學者及家長, 沒有組織須小朋友要十項全能, 琴棋書畫, 能操多國語言, 結果又如何 ?
...
沒了TSA, 只會更多時間參加十項全能活能, 操練鋼琴樂器,
因沒了TSA, 怕升中時, 比下去, 所以要改考其他試.
問題癥結不是那樣死物, 而是持份者各人.
作者: babypig2017 時間: 15-11-24 13:02
kat0318 發表於 15-11-18 08:30
沒了TSA, 只會更多時間參加十項全能活能, 操練鋼琴樂器,
因沒了TSA, 怕升中時, 比下去, 所以要改考其他試 ...
咁我是否能自行決家比唔比我小朋友做TSA的習作?我唔比我小朋友做,會否比學校標纖?
作者: long0 時間: 15-11-25 10:20
其實生仔一開始可能已經係錯
社會共識係未來發展機會一定比而家少
(因為而今已比上一代少機會)
當而家所有野都話要發展
那麼可以留給下一代的是什麼?
當大家意識到他們一定要比現在的人
更加優勢 更強 他日才可有一席之地
TSA就是因為這樣走出來的
TSA成績優秀就代表他日有能力接未來的棒
因為他們會比我們優秀
他日我們亦會甘命抵讓路給年青人
取消TSA只會給籍口
一班他日老人 不肯讓位
說年青的未受磨練難登大任
的黑暗未來
所以如果唔想小朋友辛苦
一開始係唔生
作者: 龍井 時間: 15-11-30 08:54
校內評核試已經足夠。何況學生根本不知自己成績。
教育局見到TSA數據唔掂既學校。可以點幫手丫?
學生成績唔掂學校都唔會係主要原因丫。
作者: kat0318 時間: 15-11-30 22:05
babypig2017 發表於 15-11-24 13:02
咁我是否能自行決家比唔比我小朋友做TSA的習作?我唔比我小朋友做,會否比學校標纖?
...
如全校大部份家長不想太操練, 那就跟家教會講, 同學校講,
這是最直接的.
若校政不變, 學校理念已不是我杯茶, 為了孩子, 一不想他辛苦, 二不想被標籤, 那麼我會想想轉校.
作者: babypig2017 時間: 15-12-1 13:31
kat0318 發表於 15-11-30 22:05
如全校大部份家長不想太操練, 那就跟家教會講, 同學校講,
這是最直接的.
若校政不變, 學校理念已不是我杯 ...
那麼,有沒有資料可以知道邊間有操?邊間沒有操?
作者: ssks227 時間: 15-12-1 15:25
:dadday:
作者: amandalampw36 時間: 15-12-2 08:45
作者: chanbebe 時間: 15-12-2 12:55 標題: 回覆:你對取消小三TSA有何意見?
「取消TSA」只是政客反政府的伎倆。
要鞏固知識,難免要做練習,我的小朋友做練習也不為TSA,參加吾參加一個TSA考試,結果對學生無關痛癢。做吾做練習對學生對知識掌握的熟練程度肯定有區別。
無論中英數練習有無TSA3個字母,練習還是那些內容。
取消了TSA,那些練習還是要做的。做多做少就視乎各小朋友的領悟力了。吾識就要做,掌握了咪吾使再做囉!
作者: chanbebe 時間: 15-12-2 13:04 標題: 回覆:你對取消小三TSA有何意見?
問題的關鍵不是有無TSA,而是做練習的數量。老師應根據學生個別情況度身訂做。部分學生已經掌握了知識,還要被迫跟大圍去做練習是浪費生命。
作者: Belanger333 時間: 15-12-13 22:11
提示: 作者被禁止或刪除 內容自動屏蔽
作者: passerbyaa 時間: 15-12-14 19:22
我又唔係咁諗啦!難得依家教署肯勒令各中小學禁止對 TSA 停止操練同補習,俾各莘莘學子可以鬆一口氣,教協又忽然走出嚟反對,話教署試圖挑撥家長同學校,仲倡議各學校集體杯葛嚟緊一屆嘅 TSA.........
老實講,現時又無乜嘢升中試之流,單靠校內成績去釐定小學生派位,如果無埋 TSA 呢類試,點樣衡量各校之間嘅成績差異呢?!
唔通教協想取消 TSA 之後恢復返用升中試乎?
到底係邊個做緊挑撥同分化呢?我反而覺得係教協喎!好似唯恐天下不亂一樣!!
作者: passerbyaa 時間: 15-12-14 19:25
其實,我覺得乜嘢背景原因導致今日嘅景況已經唔太重要了,反而點樣去拆解今日嘅困局先至最重要!
而教育局今天所做嘅決定,縱然只係治標不治本都好,已經係喺一個垂危嘅制度上作出咗正確嘅一步!
禁止操練,即係將呢個悪性循環緊急煞停嘅重要一著!隨後再對 TSA 嘅存廢作更深入嘅探討,先係負責任嘅態度………
其實,我不太認為廢除 TSA 係一個治本之法,因為我哋始終不能否認由小六升中係有需要有一個篩算制度,除非我哋有無限嘅學額可以配對吧!
如果勉強取消 TSA, 咁係咪想還原返從前一試定生死嘅升中試制度呢?定還是意味住換湯不換藥的替 TSA 換過另外一個名稱去暗渡陳倉呢?
香港也好,台灣、南韓、星加波、日本…………亦然,只要一日教育制度仲係有淘汰性(源於大學支助學額與學生數目嘅懸殊),我相信學子點樣都無法走出填鴨式催谷嘅命運!
就好像星島日報今日嘅社論咁,建議取消明年嘅 TSA, 押後一年以求爭取多一年時間俾各方持份者去商討 TSA 嘅存廢問題,再研究下有無可能開展另一套不對學生構成壓力的能力測試……………
我敢斷言,除非純粹係抽簽,否則你用乜嘢制度,都絶無可能「不對學生構成壓力」!
其實我覺得目前嘅以校內評分去評核小學生已經係比較無咁大壓力嘅方案,只要能夠逼令校方別再要學生「為校爭光」而催谷學生,問題已經解決了大半!至於餘下來,怎才能夠讓教署釐定校與校之間嘅水平,就留待佢哋自己傷腦筋好了!
作者: passerbyaa 時間: 15-12-14 19:33
呢,話口未完,又聽見有另一個津貼小學議會同埋香港資助小學校長會發公開信表達不滿「唔得掂」發通告禁止小學操練 TSA,話會破壞雙方關係云云………
首先,究竟乜嘢為之「 破壞雙方關係」呢?好曖昧啊?!佢哋嘅「雙方關係」嘅重要性尤凌駕於學生福祉之上嗎?
其次,一班校長為乜嘢不滿教署勒令禁止小學操練 TSA呢?因為佢哋覺得俾人屈?定係佢哋認為操練係必需的,不能放棄??
如果係前者,佢哋唔係更應配合「禁止操練」指令嗎?
因為唯有咁樣先可以証明佢哋並非促成地獄式操練學生嘅元兇,而只是無奈被動地為勢所逼!
如今既然全港所有學校都要劃一停操,咁大家都可以由呢個「六道輪迴」中超脫吖!?
但假如係後者嘅話,即係佢哋認為操練係必需的,不能放棄嘅,咁就唔係被人所屈,而係佢哋根本就係親手推班「鴨仔」落鑊嘅劊子手啦!!
校長團喎!?唔該俾啲邏輯思維能力出嚟睇下啦!真係丟人現眼!
作者: passerbyaa 時間: 15-12-16 08:24
據聞,網上組織「爭取小三TSA」今日又有行動,於報章刋登公開信,要求教育局取消明年 TSA,否則不排除明年罷考或亂考云云……………
辜勿論動機如何,罷考也還罷了,但身為家長,居然想到煽動子女亂考,這真的好麼?真的是洽當的身教??就不怕立下一個極壞嘅榜樣嗎?
將來子女面對任何不滿嘅情況,就一概以搗亂嘅手法去抗衡?甚至對應家長嘅管教亦可能如此啵!?
再說,輕言取消 TSA,這的確可以立刻解除操練之苦,但往後又如何呢?應以何為基準作升中派位嘅法碼呢?(儘管教署一直都沒有承認TSA嘅呢個目的,但已經是人儘皆知嘅公開秘密啊!否則校方何用如此緊張TSA成績?)
還是説,要恢復一戰定江山嘅升中試嗎?到時,又會不會埋怨對小學生構成極大壓力之餘,一樣免除不了無休止嘅操練??
作者: passerbyaa 時間: 15-12-16 18:05
我前帖手民之誤將「爭取取消小三 TSA」錯寫成「爭取小三 TSA」,怎麼連自己貼的帖也無權編輯呢?
作者: ppatzhu05 時間: 15-12-17 08:45
想問是否全部直資或私校一條龍學校或大部分都不參加TSA?原因是什麽?如果TSA評核是一個正常小三不需要操練又可以做的評核,為何不都參與?
作者: passerbyaa 時間: 15-12-17 18:07
回覆 ppatzhu05 的帖子
大部份都唔參加咩?好似今年先聽見有一兩間直資小學宣佈不參與 TSA 咋啵?!
作者: Hinfather 時間: 16-1-16 22:35
反對TSA,無得
作者: kelvintam0105 時間: 16-2-4 12:32
唉.... 正苦
作者: Hihababy 時間: 16-2-4 12:53
回覆 中央情報員 的帖子
Good
作者: yoyo712 時間: 16-2-19 12:26
不會
作者: Rickylama 時間: 16-3-22 13:30 標題: 回覆:中央情報員 的帖子
今年應即時煞停,不該要50間小學的小三生去考。
作者: kazuyukipomi21 時間: 16-3-24 00:19 標題: 回覆:你對取消小三TSA有何意見?
作者: laabc 時間: 16-12-27 03:58
中央情報員 發表於 15-10-30 16:28
小學三年級及六年級生需要接受「全港性系統評估」(TSA)。有學校為加強學生應試能力,增加每星期補課次數; ...
舉腳贊成不要TSA. 當然沒有了TSA 不代表沒有了怪獸家長,但至少不怪獸的那羣可選擇不操練,而喜歡[迫啪」小朋友的可羣可繼續「迫啪」或更自我陶醉地向迫小朋友到癲峯。
作者: fishis2gd087 時間: 17-4-1 15:12
提示: 該帖被管理員或版主屏蔽
作者: cherrieshum 時間: 17-4-17 19:15
chanbebe 發表於 15-12-2 12:55
「取消TSA」只是政客反政府的伎倆。
要鞏固知識,難免要做練習,我的小朋友做練習也不為TSA,參加吾參加一 ...
認同!
作者: jenntang 時間: 17-10-13 16:00
作者: ALARMCLOCK 時間: 18-2-21 22:38
提示: 作者被禁止或刪除 內容自動屏蔽
歡迎光臨 教育王國 (/) |
Powered by Discuz! X1.5 |