教育王國

標題: 官津校自行收咗，多唔多會俾暗示成功的家長？ [打印本頁]

作者: pcy307 時間: 15-2-14 17:56 標題: 官津校自行收咗，多唔多會俾暗示成功的家長？

理論上應該係違規，但大家都知最Top的學生好多會有直資的Offer，官津Band 1的學校會唔會以暗示方式鬥搶叻學生？若有暗示通常會以咩形式？家長若主動打去問會否有反效果？

作者: ykconniechan 時間: 15-2-14 18:18 標題: 回覆：pcy307 的帖子

我聽有其他家長講, 有人in九華時, in完後對學生講'遲啲九月見嘞!"之類嘅說話, 亦講定喺邊度做校服俾那學生知, 而最終那學生是被取錄的!

作者: 奥脫福 時間: 15-2-15 01:46

ykconniechan 發表於 15-2-14 18:18

我聽有其他家長講, 有人in九華時, in完後對學生講'遲啲九月見嘞!"之類嘅說話, 亦講定喺邊度做校服俾那學生 ...

請注意，九華並沒有指定的校服供應商；另外由去年開始面試成績亦只佔總
成績的一部份。

作者: ykconniechan 時間: 15-2-15 09:23 標題: 回覆：奥脫福的帖子

奧脫福, 謝謝你的意見! 面試後, 那位老師也只是説明到時收了, 校服可在那裡做, 並沒有説是什麼指定的校服供應商! 而且這個確是朋友的個䅁, 至於他孩子最終被取錄了是巧合, 還是別的原因, 當事人也不得而知了! 我亦只是想分享一點所知的給大家作參考. 每年每間學校的做法都不同和可改變的, 所以, 當然我的意見是不能代表任何學校的立場. 謝謝!

作者: 瑩瑩老豆 時間: 15-2-15 09:55

pcy307 發表於 15-2-14 17:56
理論上應該係違規，但大家都知最Top的學生好多會有直資的Offer，官津Band 1的學校會唔會以暗示方式鬥搶叻學 ...

沒聽過有, 面試老師也不一定即時可決定取錄該學生.
打去問相信只會有官腔答案"等7月", 你識校長另計.

作者: 王家爸爸 時間: 15-2-15 10:59

pcy307 發表於 15-2-14 17:56
理論上應該係違規，但大家都知最Top的學生好多會有直資的Offer，官津Band 1的學校會唔會以暗示方式鬥搶叻學 ...

違規唔違規睇下佢點暗示啦。
暗示形式：好似講「希望係九月見到你！」
但係要知道，唔同語氣有唔同意思。

作者: Sindy 時間: 15-2-15 11:33

都唔係咩特別事啦,成日聽到喇叭有提示比學生架啦... 有咩無可能發生啫... 不過係其他稍次既學校就小D聽到有提示收生

作者: sarali 時間: 15-2-15 12:28 標題: 引用：都唔係咩特別事啦,成日聽到喇叭有提示比學

原帖由 Sindy 於 15-02-15 發表
都唔係咩特別事啦,成日聽到喇叭有提示比學生架啦... 有咩無可能發生啫... 不過係其他稍次既學校就小D聽到有 ...

作者: 王家爸爸 時間: 15-2-15 16:54

Sindy 發表於 15-2-15 11:33
都唔係咩特別事啦,成日聽到喇叭有提示比學生架啦... 有咩無可能發生啫... 不過係其他稍次既學校就小D聽到有 ...

每年亦都有唔少收錯 Signal 既人，所以都係唔好全信暗示。

作者: SIYip 時間: 15-2-16 10:04

又或者甘分析，除非學生係勁到超班，所以唔駛考慮其他學生的表現，同時呢個資料係負責該學生的面試官所知道，仲要呢個面試官嘅地位係夠膽暗示學生。加晒甘多條件，我猜會暗示的絕對係非常少數。所以，無收到暗示的唔駛擔心，收到覺得係暗示嘅亦要諗清諗楚先做取捨。

作者: Mrsleaf 時間: 15-2-16 10:14

如果係校長in, 咁係咪話到事, 要留意佢有無暗示?

作者: SIYip 時間: 15-2-16 10:41

回覆 Mrsleaf 的帖子

甘佢點知之後嘅學生有幾叻？除非全部佢in / 面試係做戲/個學生叻到唔in 都一定收。

作者: bb560 時間: 15-2-16 11:17 標題: 回覆：官津校自行收咗，多唔多會俾暗示成功的家長？

我覺得官校唔會。老師都有機會做教育署官員，所以唔會。

作者: OK_下雨天 時間: 15-2-16 12:22

如果有家長係度承認等如報俾教署果間學校違規。
問同答果位都好有心。

作者: gingerale 時間: 15-2-16 12:51

OK_下雨天發表於 15-2-16 12:22
如果有家長係度承認等如報俾教署果間學校違規。
問同答果位都好有心。 ...

其實係唔係有明文規定學校不可作出喑示? 如果連家長都知那間會咁做，教育局又點會唔知？唔通佢地唔識上baby kingdom?

作者: timchow924 時間: 15-2-16 13:02

提示: 該帖被管理員或版主屏蔽

作者: 瑩瑩老豆 時間: 15-2-16 13:52

王家爸爸發表於 15-2-15 10:59
違規唔違規睇下佢點暗示啦。
暗示形式：好似講「希望係九月見到你！」
但係要知道，唔同語氣有唔同意思。

有可能係老師對每個面試同學都話 "希望係九月見到你！" , 咁會錯意就唔好啦, 唔通到時拿著這句話同學校講數話做乜唔收咩?

作者: pcy307 時間: 15-2-16 19:52 標題: 引用：如果有家長係度承認等如報俾教署果間學校違

原帖由 OK_下雨天 於 15-02-16 發表
如果有家長係度承認等如報俾教署果間學校違規。
問同答果位都好有心。 ...

我係問果個，不過沒有甚麽心計，只係覺得官津校好似在"捱打"，家長亦好慘，唔想被派位折磨，有時連次一級的直資offer都要接受

作者: OK_下雨天 時間: 15-2-16 21:42

pcy307 發表於 15-2-16 19:52
我覺得官津校好似在"捱打"，家長亦好慘，唔想被派位折磨，有時連次一級的直資offer都要接受

不論是申請直資或是派位，相信都没有學生會在面試時告知第二選擇的學校是其次選，因此没有學校可以肯定它收的學生一定會來讀，所以其實也没有提早公布的意義。

提早公布只是使不想多等的學生能早點決定，心急的只是家長的心情。

但就是神級學校也不一定是所有學生的首選，相信每年都有早收生的學校結果被人放棄。提早公布對其他人並無得益，反而可能要大家玩多幾轉音樂椅。

作者: ykconniechan 時間: 15-2-16 23:36 標題: 引用：如果有家長係度承認等如報俾教署果間學校違

原帖由 OK_下雨天 於 15-02-16 發表
如果有家長係度承認等如報俾教署果間學校違規。
問同答果位都好有心。 ...

可能我是新手, 一時大意, 我並非有什麼用意和用心! 只是見到有家長發問這問題, 我便把我所聽到過的資料分享出來, 一心希望幫到那些如我般, 為著仔女升中而煩惱的家長! 不過, 我以後會謹慎一點了, 避免再引起不必要的誤會. 其實, 到底那學生被取錄是否跟之前面試時老師講的說話有關聯, 就不得而知了!

歡迎光臨教育王國 (/)