教育王國

標題: 會唔會俾中一男生跟同學去街 [打印本頁]

作者: Woomingling 時間: 15-2-14 15:58 標題: 會唔會俾中一男生跟同學去街

我仔同我講聽日要同同學去睇戲，我一口答佢唔可以。我解釋佢知中一生仲細，更何況我唔識佢d同學，暫時唔可以。我心想怕去得一次又有第二次。其實亦想知其他家長會唔會批准任由中一仔女自己去街?

作者: awah112 時間: 15-2-14 17:07

提示: 作者被禁止或刪除內容自動屏蔽

作者: bb560 時間: 15-2-14 17:33 標題: 引用：我仔同我講聽日要同同學去睇戲，+我一口答

原帖由 Woomingling 於 15-02-14 發表
我仔同我講聽日要同同學去睇戲，我一口答佢唔可以。我解釋佢知中一生仲細，更何況我唔識佢d同學，暫時唔 ...

我個係囡，都係中一，唔只䏲戲，主題樂園都同同學去過喎！佢去之前同佢訂D規矩，佢跟得到就有下次囉！

作者: longlokma 時間: 15-2-14 21:44 標題: 回覆：會唔會俾中一男生跟同學去街

会比。中一已經自己返学放学了，只要知道他們出街会去边，隨時又可以电話联络到就唔駛担心啦！

作者: Yanamami 時間: 15-2-14 21:48

拒絶青春期既人要有d技巧，—口拒絕应該係最差嘅方法，下次佢可能乱编藉囗甚至講大話呃你，因為佢覚得你—定無商量。

我女F1時，都以為自己係中学生好大个，开学無耐同我講同学約佢去“哈囉喂”｡我面都青哂滴哂汗，一出就去夜街？諗左幾分鈡点拒絶佢，話：如果你问我就12万个唔願意俾你去，但如果同学約你成日唔俾你去，又怕人地以後唔约你。禁啦~我九点係金鈡MTR接你……佢當然呱呱嘈话边有人接之類，我話take it or leave it, 想去就唯有接受我方案｡結果可能其他家長都唔俾去，不了了之。

平日有約小学同学去睇戲，但因為我識佢地/佢地家長，所以Ok.我同女講，你要俾d時间我去適应，事关由細都係我点对点送出送入，—下子我会唔慣会担心，若然你講明幾点就幾点番，番唔到都有电話到，就好｡而且你越想要自由就要表現俾我睇你好成熟有交带，你越令我安心你就越有多d自由｡

作者: bogie888 時間: 15-2-14 22:11

唉！妳對自己個仔咁無信心既？上左中學囉…連和同學去睇場戲都唔俾？咁佢又點樣長大哩？妳會唔會太過緊張了啊？

作者: bb560 時間: 15-2-14 22:12 標題: 回覆：會唔會俾中一男生跟同學去街

其中一個我定嘅規矩就係唔可以天黑先返，“哈囉喂“當然唔洗問啦！

另外一齊去D同學嘅電話号碼一定要寫底俾我，依個方法非常有用！起碼我幾時都可以联络到佢。佢要去玩，就一定要跟規矩啦！

作者: yovin 時間: 15-2-14 23:47 標題: 引用：我仔同我講聽日要同同學去睇戲，+我一口答

原帖由 Woomingling 於 15-02-14 發表
我仔同我講聽日要同同學去睇戲，我一口答佢唔可以。我解釋佢知中一生仲細，更何況我唔識佢d同學，暫時唔 ...

會

作者: Yanamami 時間: 15-2-14 23:49

本帖最後由 Yanamami 於 15-2-14 23:50 編輯

F1時俾与唔俾出街，会唔会太紧張，每个家庭準則唔同既，就好似話上到中学放唔放手俾佢地顧自己学業—样，都係好睇仔女既性格同自制力｡初初紧dd唔係好有問題既，定d規矩，佢表現好令媽咪有信心逐步放鬆都係好既~~但溝通上就要有技巧d,話哂大个仔大个女，大家講道理囉｡

作者: Sindy 時間: 15-2-15 11:42

會比, 而家都比佢去啦, 不過我仔懶, 我會車佢去, 車佢返... 係人地屋企玩, 講左幾點返, 佢想玩耐D, 佢會打電話比我, 有時我會比佢, 有時我都覺得太夜, 打擾到人, 我會叫佢唔好再玩喇, 佢都聽的, 最緊要有溝通, 哈囉喂都係主題公園玩啫, 所以我會比的, 咁夜唔方便走我會去接佢, 好多時我D細路費事行, 都鐘意我接佢, 仲順便接埋佢D同學, 佢地都好開心有司機車, 所以都熟佢D同學.. 我又唔囉唆佢地, 所以佢地都幾鐘意我, 無話唔想大人出現咁..

作者: IRON 時間: 15-2-15 11:49

仔中一時我常問/聽他講某些同學名, 基本上都知道某某是什麼性格行為, 到仔生日時我主動叫佢邀請認為老友的幾個去睇戲+pizza hut, 當然是我訂飛訂位, 他會覺得阿媽認為自己大了好開心, 每到一處都電話通知我做緊乜, 亦不怕同學仔笑. 其後每次想去街(多是長假期前或考試最後一日)都會同我商量, 行街想買貴東西時亦會先電我同意.

作者: 喧嘩 時間: 15-2-15 12:05 標題: 回覆：會唔會俾中一男生跟同學去街

我女六年級，我都俾喎，但講明做咩都要一齊，尤其去廁所，我女d 同學成日自己黎我屋企玩，ok喎，不過我地識晒家長，同學嘅

作者: beaclem 時間: 15-2-15 13:15 標題: 回覆：bb560 的帖子

有，我老公去接佢，重要車埋佢D 同學

作者: beaclem 時間: 15-2-15 13:17 標題: 回覆：beaclem 的帖子

我仔有D 宅，千同老公重鼓勵佢多D 約同學，費事佢成日係屋企打機

作者: 王家爸爸 時間: 15-2-15 17:06

好多時唔到你話唔俾

作者: wbmom 時間: 15-2-15 17:25

我俾，但會話定幾點要返到屋企，如果中途改變行程，一定要問過我先。

作者: Yanamami 時間: 15-2-15 17:40

王家爸爸發表於 15-2-15 17:06
好多時唔到你話唔俾

係~~家下有毛有翼，只係通知声就算！

好在都算有交帶，正正經經，但已経無得say no!

作者: Yanamami 時間: 15-2-15 17:43

Sindy 發表於 15-2-15 11:42
會比, 而家都比佢去啦, 不過我仔懶, 我會車佢去, 車佢返... 係人地屋企玩, 講左幾點返, 佢想玩耐D, 佢會打 ...

真係好~~阿女F1—开学已經要求自己番学放学，仲唔俾我係学校方圆1K出現！

作者: longlokma 時間: 15-2-15 21:21 標題: 回覆：會唔會俾中一男生跟同學去街

我仔中一時同同學出去做project, 印象中係去博物館之類，仲要全部係男仔，阿仔回來告訴我有一位同學的爸爸是全程跟住個仔

作者: MariaTsui 時間: 15-2-15 22:12 標題: 回覆：會唔會俾中一男生跟同學去街

我都有俾囝囝跟同學睇戲，囝囝只去過一次，沒有再提出。

作者: YDLFATHER 時間: 15-2-15 22:12

要支持他多出外同同學活動!

作者: Sindy 時間: 15-2-15 22:59

Yanamami 發表於 15-2-15 17:43
真係好~~阿女F1—开学已經要求自己番学放学，仲唔俾我係学校方圆1K出現！ ...

呢個係我既禁忌... 絕對唔可以禁止我親近佢地, 不過我唔會比個錯覺佢地, 以為我係去監視佢, 咁就梗係有hard feeling, 同埋唔比我埋身. 我同佢地D同學都好FD, 大女中六七時, 佢D同學黎玩, 係同我玩, 因為我會同佢地打牌, 見佢地講野粗老又無EE哦哦... 出街有時又唔收佢地錢, 如果想知道自己小朋友做咩, 最好係融入佢地既圈子, 自己就可以睇得清清楚楚, 同埋亦多份信任, 因為好多時父母都唔知佢地出街玩乜野, 所以唔比去, 但係佢地都無咩野既

作者: Yanamami 時間: 15-2-15 23:07

Sindy 發表於 15-2-15 22:59
呢個係我既禁忌... 絕對唔可以禁止我親近佢地, 不過我唔會比個錯覺佢地, 以為我係去監視佢, 咁就梗係有hard ...

真好~~

我d女P3已經叫我唔好跟去學校picnic，唔好跟去運動會、X'mas Party.....無得埋身。

作者: TwinWong 時間: 15-2-16 00:07

有, 但要講好几點回家, 暫時只可以考試最后个日, 比佢約同學LUNCH玩耐小小,
只係間唔使, 學校放半日, 食完LUNCH就要反屋企
其實我都有少少怪獸, 當年佢家姐讀中四時, 寫信比我再加10个PROMISE,
只係提出要求一个月一次街(最迟會9点前回到家), 我就一口應成佢

姐姐到大個時至夠胆同我講, 覺得自己好傻, 我就話佢實在太乖

作者: 喧嘩 時間: 15-2-16 00:10 標題: 引用：Quote:Sindy+發表於+15-2-15+11:42+會比,+

原帖由 Yanamami 於 15-02-15 發表
真係好~~阿女F1—开学已經要求自己番学放学，仲唔俾我係学校方圆1K出現！ ...

我女6年級好多時要額外返學校幫手，補課等，所以冇校車，開頭好興奮約同學齊齊返學，返多幾次就米攪啦，連佢同學都打黎一齊求我車佢地返學，因為佢地出地鐵仲要行15至20分鐘先返到學校

作者: Sindy 時間: 15-2-16 02:11

TwinWong 發表於 15-2-16 00:07
有, 但要講好几點回家, 暫時只可以考試最后个日, 比佢約同學LUNCH玩耐小小,
只係間唔使, 學校放半日, 食完L ...

我大女好鬼守規則, 中四時仲問我出唔出得街.. 我話唔好喇, 佢真係唔去

細女就中三時通知聲我要去邊, 我都由得佢, 因為我知佢同邊個去, 又唔係成日去, 又無去到無尾發駝咁, 又唔會突登搵街去唔痴家, 所以我都無理佢, 不過阿仔就心野D, 成日想同同學玩, 不過佢同學要考呈分試, 我都怕玩得太多會影响人溫習, 第三次我都拒絕佢
我其實都有講過, 再講多一次比其他D媽咪聽下, 有D屋企管得好嚴, 連放左學食下野都唔得, 我女話, 佢地就成日呃阿媽要留校呀, 比老師罰留堂呀... 總之就唔老實, 佢問我點解佢地唔老實同阿媽講... 係呢兩個情況, 我情願佢老老實同我講, 放左學去食野, 去行一陣街.. 都唔情願佢呃我, 自我感覺良好個小朋友好乖.. 有次我返大陸, 佢同學呃阿媽, 話同學校去... 點知係同我地去, 好在係同我咋, 如果係同街外人去既話, 比人溶左都似... 有次有機會同佢阿媽去旅行, 佢阿媽覺得佢女好乖..我又唔敢講太多.. 因為我講左比佢聽都無用, 阿媽一日唔變, 一日都有咁既事發生...唉

作者: bb560 時間: 15-2-16 09:49 標題: 回覆：會唔會俾中一男生跟同學去街

本帖最後由 bb560 於 15-2-16 09:53 編輯

其實樓主你可以成機揾位入嗎！

依樣野我好叻架，佢想要一D野，我會要求佢做到某一D野先俾佢、、、我係你我會同佢講:你平時唔好咁大頭蝦啦！如果你去街，手機同電話都唔見，我点救你呀。、、、、我囡五、六年班嘅時候，我已經同佢打定底:唔好得把口自己話自己大個，要行為上都做得到先好話自己大個囉！要父母信任你，你一定要行為上令人信任先得囉！所以今次攞成績表嘅時候，老師都話佢比其他同學成熟。

作者: Happy_miffy 時間: 15-2-16 10:25

提示: 作者被禁止或刪除內容自動屏蔽

作者: Woomingling 時間: 15-2-16 12:18 標題: 回覆：會唔會俾中一男生跟同學去街

多謝咁多位的回覆，我仔正是很心野，又冇機心，順人意及唔識保護自己的人。點解我會咁強烈唔俾佢同同學睇戲，正因為我見佢facebook的女同學成日講埋d情情愛愛嘅野，又好想拍拖咁款，所以一口拒絕我仔唔俾佢去，我知那女同學是睇戲其中一人。如果同那女同學friend 咗，我怕唔知有咩後果。而照facebook內容，那女同學成績退步咗，又成日send埋些好無聊嘅status。

作者: Woomingling 時間: 15-2-16 12:20 標題: 回覆：會唔會俾中一男生跟同學去街

如果我仔是同正正經經的同學去，及有交帶，我會俾佢去的

作者: bb560 時間: 15-2-16 14:57 標題: 引用：多謝咁多位的回覆，+我仔正是很心野，+又冇

原帖由 Woomingling 於 15-02-16 發表
多謝咁多位的回覆，我仔正是很心野，又冇機心，順人意及唔識保護自己的人。點解我會咁強烈唔俾佢同同學 ...

“冇機心，順人意及唔識保護自己“係自我形象低，需要朋輩認同，你要快D教個囝啦！如果唔係，佢遇到D壞同學會帶壞佢呀！我成日同我囡講:媽咪無可能成日係你身邊，你要識得保護自己，有需要時，就jai媽咪上抬，話媽咪唔比，甚至可以講大話，話忘記咗媽咪要我買野，所以要早D走。我教囡嘅時候會講得好白:嘩！你同學咁古怪嘅！屋企無人理架！咁想拍拖嘅、(講一倫我既道理、、、、、、、)咁、咪又有位入囉！

作者: 萬樂公主 時間: 15-2-16 15:31 標題: 回覆：會唔會俾中一男生跟同學去街

會俾、但要知道同甚麼同學去、去哪兒、定時定候要打電話給家長。始終中學生，要給他應有的自由和自己的朋友嘅。

作者: Yanamami 時間: 15-2-16 15:41

本帖最後由 Yanamami 於 15-2-16 15:41 編輯

Woomingling 發表於 15-2-16 12:18
多謝咁多位的回覆，我仔正是很心野，又冇機心，順人意及唔識保護自己的人。點解我會咁強烈唔俾佢同同學 ...

而家d女仔都好狼死㗎，係要“保護”下个仔｡

但要俾个仔明你諗乜，而唔係無情講乜都唔俾~我係你都可以俾仔去，但散場就要同你—齐去tea下囉。俾位女同学知，咪埋我仔身呀！

作者: Woomingling 時間: 15-2-16 16:04 標題: 回覆：Yanamami 的帖子

宜家d女仔真係好主動架，費事睇睇下戲話我個仔抽佢水，到時水洗都唔清。始終去到果d地步，多數男仔蝕底。但我都會好好灌輸我個仔:

同女仔不易太close，亦唔可以再咁純情架喇

作者: eytben 時間: 15-2-16 18:21 標題: 回覆：Woomingling 的帖子

會比，但要他有交帯，好像我仔等車，上車，下車，見到朋友，同學，家人到要電話報到，所以他由元朗往王大仙，中央圖書管，會展都比他自己一個人去，只中兒女開始大了，要適應長大的過情。

作者: YDLFATHER 時間: 15-2-17 01:07

Woomingling 發表於 15-2-16 16:04
宜家d女仔真係好主動架，費事睇睇下戲話我個仔抽佢水，到時水洗都唔清。始終去到果d地步，多數男仔蝕底 ...

你仔永遠長吾大

作者: silvia_ng 時間: 15-2-17 13:39 標題: 回覆：會唔會俾中一男生跟同學去街

我都比p6既仔仔同同學去主題公園了，但我地接佢走囉，佢都ok呀，仲玩得好開心添。
好認同樓上有家長講，我對你信任越大，你既自由就越大。呢句我要同兩個細路講下先，多謝賜教！

作者: 樂恩媽 時間: 15-2-17 14:41

升中難免要做group project, 自然會約出街, ,無得唔俾, 唯有要他定時報告行踪, 建立互信關係, 其他活動, 就看他之前有無交帶才決定。

作者: Sindy 時間: 15-2-17 19:21

丸媽媽你真係諗多咗發表於 5 小時前

完全無諗多到, 我仔二年班都比人話非禮佢女同學呀...激死我呀, 我有幫手湊佢架, 佢自己同我仔玩到郁手郁腳, 有身體碰撞唔出奇, 我仔得到教訓, 跟住都好小心同女仔玩, 都應該要教定佢架, 唔知幾時預到呢D人, 保護下自己

作者: waiwai1224 時間: 15-2-18 12:06 標題: 回覆：會唔會俾中一男生跟同學去街

提示: 作者被禁止或刪除內容自動屏蔽

作者: 濛查查 時間: 15-2-18 14:05 標題: 回覆：會唔會俾中一男生跟同學去街

會，但限定時間返屋企，如果唔係，冇下次

作者: 星運教授 時間: 15-2-18 15:21

Woomingling 發表於 15-2-14 15:58
我仔同我講聽日要同同學去睇戲，我一口答佢唔可以。我解釋佢知中一生仲細，更何況我唔識佢d同學，暫時唔 ...

我雖然已貴為一條麻甩, 但都做過仔, 小一已經自己同同學約樓下玩, 小六已經約埋去離開屋企30公里外地方. 中一就更加係週圍去添啦. 乜你細個果陣唔係咁既咩?

中學都唔放手, 你諗住幾時至放手?
(p.s. 女既話就話驚遮, 仔既話總要俾佢見下世面, 唔係好易裙腳.)

作者: HeiHei_Baby 時間: 15-2-18 15:49

會。佢暫時都係同返小學同學。

作者: awah112 時間: 15-2-18 17:31 標題: 引用：Quote:Woomingling+發表於+15-2-14+15:58+

提示: 作者被禁止或刪除內容自動屏蔽

作者: heayman 時間: 15-2-20 23:51

Woomingling 發表於 15-2-14 15:58
我仔同我講聽日要同同學去睇戲，我一口答佢唔可以。我解釋佢知中一生仲細，更何況我唔識佢d同學，暫時唔 ...

會呀，只要唔係成日去，都會俾佢去

作者: 咸蛋三寶飯 時間: 15-2-21 22:09

Woomingling 發表於 15-2-14 15:58
我仔同我講聽日要同同學去睇戲，我一口答佢唔可以。我解釋佢知中一生仲細，更何況我唔識佢d同學，暫時唔 ...

咁你覺得幾歲先可以俾佢去？

其實中一都開始大，可以俾佢試下同同學仔去街。

作者: AJIM 時間: 15-2-24 14:24

Woomingling 發表於 15-2-14 15:58
我仔同我講聽日要同同學去睇戲，我一口答佢唔可以。我解釋佢知中一生仲細，更何況我唔識佢d同學，暫時唔 ...

其實你係擔心d 咩呢? 睇戲又唔係咩壞嗜好.....

作者: ericby 時間: 15-2-24 14:58

唔會俾中一男生跟同學去街

作者: awah112 時間: 15-2-24 16:34 標題: 回覆：會唔會俾中一男生跟同學去街

提示: 作者被禁止或刪除內容自動屏蔽

作者: ngkwaiyee 時間: 15-2-25 00:05 標題: 引用：Quote:Woomingling+發表於+15-2-14+15:58+

原帖由 星運教授 於 15-02-18 發表
我雖然已貴為一條麻甩, 但都做過仔, 小一已經自己同同學約樓下玩, 小六已經約埋去離開屋企30公里外地方. 中 ...

認同

因返工我們一直做自閉家長，直至細仔升唔到心儀中學，所以大家一齊叩門先開始認佢小學同學，而家間唔中都會嚟我屋企聚下，男仔相處好特別(可能我係媽媽唔太清楚)，我見有同學除人褲，圍埋郁手郁腳甚至講粗口，但我冇話佢地，只係同佢地一齊玩card/board game。爸爸話男仔係咁架喎

呢個世界乜人都有，我教阿仔去睇每一個朋友嘅優點同缺點，等佢自己分析下好壞處，反而佢更識得觀察同思考

作者: gloria2347 時間: 15-4-1 19:57

會，要有正常社交

作者: naughtybj 時間: 15-4-4 07:28 標題: 引用：我仔同我講聽日要同同學去睇戲，+我一口答

提示: 作者被禁止或刪除內容自動屏蔽

作者: naughtybj 時間: 15-4-4 07:29 標題: 引用：Quote:原帖由+星運教授+於+15-02-18+發表我

提示: 作者被禁止或刪除內容自動屏蔽

作者: ngkwaiyee 時間: 15-4-9 23:59 標題: 回覆：naughtybj 的帖子

見到條底底邊，又未至於成條褲除晒
我始終覺得佢係你面前做，好過佢瞞住我靜靜雞做

作者: 小伊 時間: 15-4-11 18:46 標題: 回覆：Woomingling 的帖子

會, 與其好事變壞事, 不如將壞事變好事。

作者: ernestchow 時間: 15-4-11 19:32

本帖最後由 ernestchow 於 15-4-11 19:52 編輯

naughtybj 發表於 15-4-4 07:29
同學除人褲⋯

會,我老公話係男仔的浪漫,邊個男生未玩過?男校仲玩得 din,兄弟情的一部份回憶,女生識條鐵咩?

作者: naughtybj 時間: 15-4-12 07:54 標題: 引用：+本帖最後由+ernestchow+於+15-4-11+19:52+

提示: 作者被禁止或刪除內容自動屏蔽

作者: awah112 時間: 15-4-12 11:18 標題: 回覆：會唔會俾中一男生跟同學去街

提示: 作者被禁止或刪除內容自動屏蔽

作者: mamee 時間: 15-4-12 12:33 標題: 回覆：會唔會俾中一男生跟同學去街

會；eg 有時做project要幾個同學參觀博物館，我無理由同佢去。

作者: 化骨龍太太 時間: 15-4-16 21:56 標題: 回覆：會唔會俾中一男生跟同學去街

提示: 作者被禁止或刪除內容自動屏蔽

作者: tintinlam 時間: 15-4-17 13:24

Woomingling 發表於 15-2-14 15:58
我仔同我講聽日要同同學去睇戲，我一口答佢唔可以。我解釋佢知中一生仲細，更何況我唔識佢d同學，暫時唔 ...

會, 小四已經開始自己搭車返學放學, 小五同同學去玩.

作者: vickichan 時間: 15-4-24 15:28

我仔六年級都自己同同學去街，不過轉地點要同我報到，我打比佢一定要聽我電話

作者: 華之里 時間: 15-4-26 10:53

回覆 Woomingling 的帖子

比，要同我交代去邊，做D乜，大概幾時返，要學下放手

作者: summichalle 時間: 15-4-26 12:05 標題: 回覆：會唔會俾中一男生跟同學去街

提示: 作者被禁止或刪除內容自動屏蔽

作者: BOSKERMA 時間: 15-5-22 14:26 標題: 回覆：Woomingling 的帖子

我仔P.6時都有比佢同d 同學去睇過戲，睇完戲食下緊就返屋企，我覺得冇問題，最緊要係有目的，唔好好似街童咁，係公園遊手好閒就得啦，

作者: samsam123321 時間: 15-5-25 09:34

我仔每星期日都可以在下午約同學去街。

作者: Yauchung11 時間: 15-5-27 02:43 標題: 回覆：會唔會俾中一男生跟同學去街

提示: 作者被禁止或刪除內容自動屏蔽

作者: HinMa 時間: 15-6-26 00:39

咁幾耐去一次度呀?

作者: mrgeeba 時間: 15-6-26 18:46 標題: 引用：Quote:原帖由+星運教授+於+15-02-18+發表我

原帖由 ngkwaiyee 於 15-02-25 發表
認同
因返工我們一直做自閉家長，直至細仔升唔到心儀中學，所以大家一齊叩門先開始認佢小學同學，而 ...

讀男校的男仔鐘意除人褲，渣人何B仔

作者: angelfan07 時間: 15-6-26 18:56

我囡小六開始自己搭車返學放學和有跟同學一齊睇戲和做報告,行花市(中午)~~

作者: 波板糖yeah 時間: 15-6-27 11:15

提示: 作者被禁止或刪除內容自動屏蔽

作者: 嬌媽baby 時間: 15-6-30 13:12

提示: 作者被禁止或刪除內容自動屏蔽

作者: 樂恩媽 時間: 15-7-5 08:07

中學好多group project要用額外時間約出來做, 無得唔俾出街。訓練他交待, 誠實, 建立互信好時機。

歡迎光臨教育王國 (/)