教育王國

標題: 天主教祟德書院 [打印本頁]

作者: 妹妹頭 時間: 15-1-13 08:18 標題: 天主教祟德書院

幫朋友問, 朋友仔仔B1頭, 自行第一係依間, 想知面試會用咩方式? 個別面試定係小組? 英文之外, 會唔會用普通話面試? 請各位師兄/姐指教

作者: blee427 時間: 15-1-13 10:19 標題: 回覆：天主教祟德書院

group discuss,奧數，英文interview

作者: 妹妹頭 時間: 15-1-13 12:00

多謝回覆, 但小朋友冇讀奧數, 不過數學科成績優秀, 希望佢ok

作者: hkpapa852 時間: 15-1-13 12:11

妹妹頭發表於 15-1-13 08:18
幫朋友問, 朋友仔仔B1頭, 自行第一係依間, 想知面試會用咩方式? 個別面試定係小組? 英文之外, 會唔會用普通 ...

諗清楚認唔認同校長既政治取向先, 如果唔認同就唔好考啦!

作者: 王家爸爸 時間: 15-1-13 13:10

hkpapa852 發表於 15-1-13 12:11
諗清楚認唔認同校長既政治取向先, 如果唔認同就唔好考啦!

香港教區學校的校長竟然寫低質素馬屁文章確實有點怪。
馬屁拍足，資料不足，論據不佳，混淆視聽。
有不同的看法不是問題，但請做好資料收集和理清論據，文筆要似個識字的校長。

作者: 妹妹頭 時間: 15-1-13 13:11

回覆王家爸爸的帖子

哎呀, 我朋友交左表喇!!!!!

作者: 王家爸爸 時間: 15-1-13 13:23

妹妹頭發表於 15-1-13 13:11
回覆王家爸爸的帖子

哎呀, 我朋友交左表喇!!!!!

問題只發生在校長身上，學校仍然是好學校，希望教區可以快點換校長。

作者: hkpapa852 時間: 15-1-13 13:31

王家爸爸發表於 15-1-13 13:23
問題只發生在校長身上，學校仍然是好學校，希望教區可以快點換校長。

單憑個篇偉論, 加埋睇閉路電視紀錄然後將掛上我要真普選Banner個學生記過個件事, 已經足夠令我係呢個校長在位之年Blacklist咗間學校了.

作者: wing~ 時間: 15-1-13 13:35

小組.中英都有.唔難的

作者: 妹妹頭 時間: 15-1-13 13:48

回覆 wing~ 的帖子

唔該晒你地既寶貴意見, 我個人好鍾意依間中學, 但唔知校長原來係咁, 仲諗住我個女升中時(依家三年級), 都會自行依一間中學

作者: 王家爸爸 時間: 15-1-13 13:54

妹妹頭發表於 15-1-13 13:48
回覆 wing~ 的帖子

唔該晒你地既寶貴意見, 我個人好鍾意依間中學, 但唔知校長原來係咁, 仲諗住我個女升中 ...

無須擔心，三年之後可能已經換校長。

作者: 妹妹頭 時間: 15-1-13 14:30

回覆王家爸爸的帖子

唯有咁望喇, 因同住所很近, 可以步行番學, 家人很希望小女可以入讀此間中學, 而且此中學跟小女小學有聯繫, 可以每屆推薦不多於3位同學

作者: @@ 時間: 15-1-13 15:23 標題: 回覆：天主教祟德書院

個人認為撇除政治取向，呢個不失為一間好學校。傳媒係無求正下報導學校將掛banner 處分記過，但其實學校聲稱無處罰該學生。

係咪一時嘅失言就抹殺之前所有做得好嘅事呢？即係你小朋友同你政治立場不同你就要趕佢出街嗎？佢做錯一件事你永遠唔原諒佢嗎？

敢問有邊間學校全部老師都係黃絲帶？

之前選校已經開始留意崇德，睇住佢轉校長後越來越進步。我小朋友現在係崇德學校，我反而非常唔想轉校長。

作者: 妹妹頭 時間: 15-1-13 15:33

回覆 @@ 的帖子

咁, 自行面試你記唔記得係問D咩架, 比多D tips我朋友丫, 佢個小朋友自行揀左依間呀!

作者: 王家爸爸 時間: 15-1-13 15:34

@@ 發表於 15-1-13 15:23
個人認為撇除政治取向，呢個不失為一間好學校。傳媒係無求正下報導學校將掛banner 處分記過，但其實學校聲 ...

事實上政治取向（或其它取向）不是問題，任何人都可以有自己的取向，也應該得到尊重。但校長寫文章要有似校長的水平，文章思路論據要有水準，水平不能比中學生低。

作者: blee427 時間: 15-1-13 15:40 標題: 回覆：天主教祟德書院

我反而因校長對佔中的立場而多注意崇德，但因小女性格及意向而沒有選為自行中。但以校長政治取態而否決一間好學校。這又對子女是好事

作者: @@ 時間: 15-1-13 15:41 標題: 回覆：妹妹頭的帖子

面試考中英數。

中：小組討論，題目佢已經抛諸腦後，我隱約佢係話個topic 似係如果處理壓力。。。但就唔係時事

英：都係小組討論

數：奥數型問題

我小朋友唔係名列前茅所以肯定係派入去嘅。佢自己都覺得面試表現唔太好

作者: 妹妹頭 時間: 15-1-13 15:42

回覆 @@ 的帖子

中文依部份, 係用廣東話, 定係普通話架?

作者: @@ 時間: 15-1-13 15:47 標題: 引用：Quote:@@+發表於+15-1-13+15:23+個人認為撇

原帖由 王家爸爸 於 15-01-13 發表
事實上政治取向（或其它取向）不是問題，任何人都可以有自己的取向，也應該得到尊重。但校長寫文章要有似校 ...

記得在其他forum 都有人指出該篇文章有別校長一向文筆。但因本人無『追隨』校長文章所以不能比較。

當時選校我只睇校風及學校成績。事實依家我小朋友都讀得開心，那就夠了

作者: wing~ 時間: 15-1-13 15:48

其實間間都係睇成績收生,唔洗太擔心面試.

政治我唔識,但覺得學校校風不錯.小朋友讀得開心

作者: @@ 時間: 15-1-13 15:48 標題: 回覆：妹妹頭的帖子

廣東話。

作者: @@ 時間: 15-1-13 15:58 標題: 回覆：天主教祟德書院

亦有人指既然沒有處罰學生，學校何不澄清？換角度看，指控→ 澄清→反駁→再澄清，會否沒完沒了呢？

舊生/學生在學校附近貼/派傳單唱衰學校，學校又應該點做呢？沉默=懦弱和逃避嗎？要不事事張鑼打鼓澄清反駁，到時又會否有人話學校唔能夠接受其他意見，執意要學生認同學校？

做得唔好就換咗佢，咁你能否肯定下任會做得更好呢？

作者: 王家爸爸 時間: 15-1-13 15:58

@@ 發表於 15-1-13 15:47
記得在其他forum 都有人指出該篇文章有別校長一向文筆。但因本人無『追隨』校長文章所以不能比較。

當時 ...

校風及成績幾十年來都很好，不用擔心。

作者: @@ 時間: 15-1-13 16:00 標題: 回覆：王家爸爸的帖子

唔係㗎, 考HKAL 時代崇德成績差過信義㗎

作者: 王家爸爸 時間: 15-1-13 16:16

@@ 發表於 15-1-13 16:00
唔係㗎, 考HKAL 時代崇德成績差過信義㗎

我讀書年代，信義（當時在元朗廣場旁邊）並不太好，鄉中和崇德（當時崇德在元朗水邊圍邨）比較好。

作者: kefjbl 時間: 15-1-13 18:19 標題: 回覆：妹妹頭的帖子

呢度有的人真搞笑，三個月之前，吹噓崇德天上有，元朗頂呱呱。知道校長係藍屍之後又不停踩崇德。:;pppp::;pppp::;pppp:

作者: tiantiangood 時間: 15-1-13 20:22

其實校長对同學是好的,佔中期間一樣讓學生戴黃絲帶,每年六四也會唱自由花,也不觉对師生言論有限制,況且天主教学校也常换校長。

作者: hkangel89 時間: 15-1-13 22:24

與其擔心校長的政治取向，例不如看看整間學校的校風及成績，我仔係度讀，學校的學習氣氛很好，師生關係十分融洽。

作者: blee427 時間: 15-1-14 09:34 標題: 回覆：hkangel89 的帖子

絕對正確

最重要是校風及成績，當然小朋友性格是否適合學校的風格也很重要。校長政治取向絕對唔係考慮的條件

作者: 王家爸爸 時間: 15-1-14 09:48

其實元朗B1頭學生只有三個好選擇：信義，鄉中和崇德。每間在不同的時間也出過不同的事，你也只可以三選二。

作者: 妹妹頭 時間: 15-1-14 10:16

回覆王家爸爸的帖子

我是住洪水橋, 所以我個女三年後(現在小三)會選崇德, 但學校網係荃灣網, 所以自行至會選崇德, 大抽獎會用番荃灣網

作者: 王家爸爸 時間: 15-1-14 10:22

妹妹頭發表於 15-1-14 10:16
回覆王家爸爸的帖子

我是住洪水橋, 所以我個女三年後(現在小三)會選崇德, 但學校網係荃灣網, 所以自行至 ...

大抽獎荃灣網比元朗網略好

作者: silvia_ng 時間: 15-1-14 10:22

妹妹頭發表於 15-1-13 08:18
幫朋友問, 朋友仔仔B1頭, 自行第一係依間, 想知面試會用咩方式? 個別面試定係小組? 英文之外, 會唔會用普通 ...

想請教你朋友仔仔除了係B1頭外，有否其他特異功能? 唔知崇德有冇PREFER 申請者有邊類特異功能咁呢?!

作者: KCWO 時間: 15-1-14 10:34

我看過祟德校長給學生的公開信，我十分認同他的想法和見解，情理兼備，敢言理性，處處為學生的福祉著想，絕對是一位好校長

作者: lmcvgood 時間: 15-1-14 10:57

王家爸爸發表於 15-1-13 16:16
我讀書年代，信義（當時在元朗廣場旁邊）並不太好，鄉中和崇德（當時崇德在元朗水邊圍邨）比較好。 ...

以前是鄉中和趙中排頭的

作者: silvia_ng 時間: 15-1-14 11:42

妹妹頭佢游水叻, 有獎, 校際朗誦個人, 發表於 3 分鐘前

係學界游水? 校際朗誦係中定英? 冠軍?

作者: 妹妹頭 時間: 15-1-14 12:11

回覆 silvia_ng 的帖子

游水學界, 不過唔係冠軍, 仲有其他游水獎, 朗誦係普通話, 不過都唔係冠軍

作者: @@ 時間: 15-1-14 12:20 標題: 回覆：天主教祟德書院

想當年為我家小孩張羅升中選校事宜，毫無頭緒，於是只有從學生公開考試成績(HKAL & DSE) 篩選。由於依家唔會考A level, 所以只講DSE 成績。

如果計DSE core subject (中英數通識) 學生達四級以上成績，排位如下：

2012 : (1) 崇德 (2) 鄉中 (3) 信義 (4) 商中 (5) 趙中
2013: (1) 崇德 (2) 鄉中 (3) 趙中 (4) 信義
2014: (1) 鄉中 (2) 崇德 (3) 趙中 (4) 信義

作者: silvia_ng 時間: 15-1-14 13:47

妹妹頭發表於 15-1-14 12:11
回覆 silvia_ng 的帖子

游水學界, 不過唔係冠軍, 仲有其他游水獎, 朗誦係普通話, 不過都唔係冠軍

ic, thanks! 我見佢地好似好推英文朗誦，係英文朗誦果part有獎唔知會否有優勢

作者: KCWO 時間: 15-1-14 15:27

@@ 發表於 15-1-14 12:20
想當年為我家小孩張羅升中選校事宜，毫無頭緒，於是只有從學生公開考試成績(HKAL & DSE) 篩選。由於依家唔 ...

信義是08年才轉全英，即是12至14年畢業的學生入讀時仍是band 2組別，學生入讀時質素肯定比其餘老牌band 1的學生差很多，但DSE出來的成績就增值不少，肯定是學校教學團隊的努力才有此成績，就算是08年後收的學生仍多屬band 1c，而鄉中、趙中和崇德一向收生多數是band 1a/b，比較起來，信義學生入學時的質素仍然較遜，可是，如果看學校以往的增值能力，加上今年新校長上任，學校因此也再進行一些改革，相信信義將來會更好。

作者: 王家爸爸 時間: 15-1-14 15:54

KCWO 發表於 15-1-14 15:27
信義是08年才轉全英，即是12至14年畢業的學生入讀時仍是band 2組別，學生入讀時質素肯定比其餘老牌band 1的 ...

我讀書年代無人想入信義，可能上任校長足家長式管理，雖然部分學生不太喜歡，但家長一樣，因為學業成績進步了很多。證明直升機家長式管理有用。

作者: 憫父 時間: 15-1-14 16:02

本帖最後由憫父於 15-1-14 16:07 編輯

王家爸爸發表於 15-1-14 15:54
我讀書年代無人想入信義，可能上任校長足家長式管理，雖然部分學生不太喜歡，但家長一樣，因為學業成績進步 ...

其實大部份人都有惰性，沒有人監察下，會 HEA 住做，所以學校督得夠實的話，普遍學生的成績一定比其他同水平的學校好。

如果相信子女有能力，但成日都好 HEA 的話，督得緊的學校是不錯的選擇。

作者: tsewaiyi 時間: 15-1-14 22:12

我覺得崇德絕對是一間好學校。學習風氣強。而且對英文十分注重，如果因為一些無謂因數而唔選祟德這是你的損失，而不是學校的損失。

作者: tiantiangood 時間: 15-1-15 00:15

本帖最後由 tiantiangood 於 15-1-15 00:16 編輯

如你想為自己的社會和國家多做一點事，記著：一顆無私的心、紮實的學問根基、開闊的眼界和胸襟、明察秋毫的分析力、平和的心境、冷靜的思考、和而不同的處事方式、謙虛學習的態度，一一都需要假以時日，細心栽培，才能發芽生長，欲速則不達。

校長對崇德人，永遠充滿期盼及給予支持。I love you, Shungtakians.

校長的政治立場我不置可否，但文章最後這幾句，作為家長，我是予以肯定，亦可看出校長對學生的愛護。

歡迎光臨教育王國 (/)