教育王國

標題: 如讀一般幼稚園，點增強小朋友的英語能力？ [打印本頁]

作者: Imjanety 時間: 14-8-29 22:22 標題: 如讀一般幼稚園，點增強小朋友的英語能力？

我本身英文普通，不是native speaker。如果小朋友讀一般學卷幼稚園，你地會點培訓小朋友的英語能力？我想佢英文好，可以有native accent, 但學卷幼稚園一般語景無咁好，單靠一星期上一兩次的英文興趣班怕好難維繫到小朋友的英語學習環境。我小朋友其實係讀緊私校的英普n班，英語環境好好，但學費貴，我諗緊k1好唔好讀返學卷慳d錢，你地點揀/點做？

作者: 小燕子2011 時間: 14-8-29 22:45 標題: 回覆：Imjanety 的帖子

No way! Wanna have better English learning environment but without paying fees! There are no free lunch. Think carefully before ask this question.

作者: BabyLi2010 時間: 14-8-29 22:49 標題: 回覆：如讀一般幼稚園，點增強小朋友的英語能力？

我個 case 一樣，我今年幫小朋友由私幼 N 轉學卷 K1，我打算比佢 K2 開始出去讀下英文同埋睇多 d 英文故事書/ DVD。。

作者: Imjanety 時間: 14-8-29 23:06 標題: 引用：No+way!+Wanna+have+better+English+learni

原帖由 小燕子2011 於 14-08-29 發表
No way! Wanna have better English learning environment but without paying fees! There are no free lu ...

Just want to get more advices on how to improve children's eng ability, I am not asking how to make it at free. Pls pay attention to my q and give some constructive advice if you have any! Thanks a lot!

作者: ricchlosc 時間: 14-8-30 02:25

請菲傭

作者: Linuslouis 時間: 14-8-30 07:16 標題: 回覆：ricchlosc 的帖子

都睇外傭的發音，現請了位態度好，無成日入房，玩手機，好肯做野…但發音麻麻，亞仔仲跟足哂，煩惱

作者: Linuslouis 時間: 14-8-30 07:21 標題: 回覆：Linuslouis 的帖子

其實我都諗點加強英語，試過讀同聽(有
cd)的英文故事書，亞仔好喜歡喎，因係亞仔喜歡的McQueen卡通，每日都要聽同cd睇書, 幾日後要開始自己跟住讀，我覺得都唔錯，但就要家長花d心機啦

作者: tantanmama 時間: 14-8-30 10:51 標題: 回覆：如讀一般幼稚園，點增強小朋友的英語能力？

我會繼續讀英普班，有好的語境係最有效方法。讀學券當俾少3千學費，但每星期上兩個鐘英文都要千幾二千啦，一來一回唔差好遠。
讀英普班都有人再喺外要上，但可能係朗誦，phonics，考試班，幫小朋友更上一層樓用。

作者: pokey 時間: 14-8-30 10:59 標題: 引用：其實我都諗點加強英語，試過讀同聽(有 cd)

原帖由 Linuslouis 於 14-08-30 發表
其實我都諗點加強英語，試過讀同聽(有
cd)的英文故事書，亞仔好喜歡喎，因係亞仔喜歡的McQueen卡通，每日都 ...

我都打算係咁，靠cd, dvd幫助啦！點讀筆唔知聽得清唔清楚發音，所以都仲考慮當中。

當然有經濟能力，我都會繼續讀國際班

作者: babyhk 時間: 14-8-30 15:01 標題: 引用：我本身英文普通，不是native+speaker。如果

原帖由 Imjanety 於 14-08-29 發表
我本身英文普通，不是native speaker。如果小朋友讀一般學卷幼稚園，你地會點培訓小朋友的英語能力？我想佢 ...

係啦，有相同問題，良好正音英語環境其實好緊要，不過學費真係差很遠。。

作者: galaxybag 時間: 14-8-30 15:24 標題: 引用：No+way!+Wanna+have+better+English+learni

提示: 作者被禁止或刪除內容自動屏蔽

作者: Bonbonita 時間: 14-8-30 16:58

我同你有同一個煩惱，唔知應唔應該讀有學卷幼稚園...
但又怕出去俾錢學英文成效無咁好加埋條數都係度.......
但又有人話幼稚園都係得三個鐘(包埋食茶點同排洗)其實唔可以只靠幼稚園....
所以我都係唔知點好 >.<

作者: qq1218 時間: 14-8-30 19:08 標題: 引用：我同你有同一個煩惱，唔知應唔應該讀有學卷

原帖由 Bonbonita 於 14-08-30 發表
我同你有同一個煩惱，唔知應唔應該讀有學卷幼稚園...
但又怕出去俾錢學英文成效無咁好加埋條數都係度...... ...

我今年九月升K2就是從學卷學校轉了去英普國際班，雖然學費貴D，但在外面補也需要錢，我相信每日用三小時嘅課程效果一定比外出補好些，所以最終也決定轉校了。

作者: Evachau 時間: 14-8-30 20:07 標題: 引用：我本身英文普通，不是native+speaker。如果

原帖由 Imjanety 於 14-08-29 發表
我本身英文普通，不是native speaker。如果小朋友讀一般學卷幼稚園，你地會點培訓小朋友的英語能力？我想佢 ...

㨂了間有學券而每日有Net教英文嘅幼稚園，放學回家再抽時間同佢睇flash card /DVD 聽英文歌學習英文！

作者: Vickyblah 時間: 14-8-30 21:44 標題: 回覆：如讀一般幼稚園，點增強小朋友的英語能力？

我可以話一般幼稚園係好難同無學劵比。真係一分錢一分貨。所接觸教過的小朋友，唔係話無學劵一定個個英文native，但有學劵的除非屋企有人講英文，我所見過的無小朋友可以去到
native level。加上以家出面補英文都唔平，上多幾堂同無學劵唔會差太多。聽過好多家長後悔，估唔到出面學咁貴。而且出面師資好參差。。所以你考慮清楚。如真係吃力，咁唯有俾佢睇多啲英文dvd，聽多啲英文，去多啲有外國人嘅地方玩等佢習慣講唔同語言嘅人。我小朋友未返學，我地喺屋企只會睇英文台，兩歲佢都無睇過tvb（所以佢喺人地屋企見到講中文嘅台佢唔會睇會走左去）。都有英文dvd，佢都好鍾意，聽英文兒歌，另外我都會俾佢聽普通話歌。佢以家唔怕英文人，有時會跟電視入面嘅人講一啲英文字，而咬字發音係有埋尾音的。我一心打算讀無學劵，另外自己教。唔想出去補英文。。。。

作者: Vickyblah 時間: 14-8-30 21:45 標題: 引用：Quote:原帖由+Imjanety+於+14-08-29+發表我

原帖由 Evachau 於 14-08-30 發表
㨂了間有學券而每日有Net教英文嘅幼稚園，放學回家再抽時間同佢睇flash card /DVD 聽英文歌學習英文！

...

哩個方法都可行，但哩啲幼稚園比較少。。。

作者: Imjanety 時間: 14-8-30 22:00 標題: 引用：我可以話一般幼稚園係好難同無學劵比。真係

原帖由 Vickyblah 於 14-08-30 發表
我可以話一般幼稚園係好難同無學劵比。真係一分錢一分貨。所接觸教過的小朋友，唔係話無學劵一定個個英文na ...

我明你所講的，我都相信學校學英文會比興趣球果d成效高，我會好好再考慮下。始終語言好，理解力高自然讀其它科都會稱心d,所以我中英文都想佢好！

作者: Angelafyfy 時間: 14-8-30 22:42 標題: 引用：Quote:原帖由+小燕子2011+於+14-08-29+發表

原帖由 galaxybag 於 14-08-30 發表
其實楼主上得黎問都係想聽下大家意見啫，唔洗咁冇品嘅！你都唔係advice人，似想聊交囉！不如你反醒下做人嘅 ...

係囉，樓主只係問下人地意見，唔駛咁rude去質問人地問問題既動機。

有好多人英文好好，都係靠背字典，睇西片，追英文字幕，去練返嚟，唔一定要俾$㗎。世上學野既方法好多，只要集各家之所長，就慢慢搵到適合自己既方法。

我覚得樓主既問題係好問題，魚與熊掌，當然想兩者兼得。而且尼個反而值得思考既問題。

我都準備俾囡囡讀學券幼稚園，但我買左Oxford path ，學習進度都幾好，so far 佢都識到二，三百個生字，都肯講英文。另外，我會係Kl，搵D平平地，free talk 既堂俾佢，可能一星期上一次，等佢接觸下外國人，改善下口音。每日都開明珠台新聞，聽下聽下，希望可以彌補語境不足既問題。

作者: huggiesbb 時間: 14-8-30 23:23 標題: 引用：我本身英文普通，不是native+speaker。如果

原帖由 Imjanety 於 14-08-29 發表
我本身英文普通，不是native speaker。如果小朋友讀一般學卷幼稚園，你地會點培訓小朋友的英語能力？我想佢 ...

可否分享下你小朋友讀邊間n班？
因我都係覺得讀間貴啲但有好嘅英語環境的學校好啲
學其他人講另外出去補英文其實價錢唔平
同搵間冇學券的價錢差唔多
而且佢放學仲可有點free time relax下

同埋我想問大家英普班有中文堂上嘛？
我問過好多學校英普班都好似冇中文字學
所以都在矛盾中擔心中文跟不上
想參考下大家心目中好的英普班有咩學校揀

作者: jade_h 時間: 14-8-31 02:20

本帖最後由 jade_h 於 14-8-31 03:16 編輯

小兒今年k3，k1-k2上學期讀屋村幼稚園。本來以為課後再多看英語書/dvd可以補救到，但結果是我一拿出那些英語教材他就發脾氣，不准我講英文。但因為想考直資，唔理佢中唔中意，同佢轉了國際幼稚園。返了幾個月，係屋企會主動同我講英文。不過我仍然後悔太遲轉校。
朋友個仔剛好調轉，由國際班轉學卷校，朋友話個仔的英語明顯退步。

作者: Imjanety 時間: 14-8-31 03:32 標題: 引用：Quote:原帖由+Imjanety+於+14-08-29+發表我

原帖由 huggiesbb 於 14-08-30 發表
可否分享下你小朋友讀邊間n班？
因我都係覺得讀間貴啲但有好嘅英語環境的學校好啲
學其他人講另外出去補 ...

讀邊間唔講了，不算是重點，半日學費約$4k x12, 咁讀4年用20萬，貴過自己讀大學，諗起就覺得肉赤。不過佢其實有雙班主任，全英授課，每星期有普通話，應該會教少少中文（N班者），我都打算自己幫佢加強中文，學校係happy school! 有時真係好矛盾，想佢有愉快童年，唔想谷佢，但又想佢有競爭力，真係魚與熊掌！

作者: Imjanety 時間: 14-8-31 03:39 標題: 引用：+本帖最後由+jade_h+於+14-8-31+03:16+編輯

原帖由 jade_h 於 14-08-31 發表
本帖最後由 jade_h 於 14-8-31 03:16 編輯

小兒今年k3，k1-k2上學期讀屋村幼稚園。本來以為課後再多看英 ...

我都怕轉環境英文會退步，其實只係返左三星期，已經同我講「I want water」，以前唔會無端端講英文句子的。我同佢讀英文故事，問佢簡單問題，佢又突然用英文答我（以前我用英文問佢，佢多數用中文答返我），所以我覺得成效都好高！聽完大家咁講，我都可能會偏向讀返私幼

作者: Evachau 時間: 14-8-31 05:40 標題: 引用：Quote:原帖由+Evachau+於+14-08-30+發表㨂

原帖由 Vickyblah 於 14-08-30 發表
哩個方法都可行，但哩啲幼稚園比較少。。。

係吖！一有offer已放棄了另外兩間跨區offer,但相對其他有學券的幼稚園學費也較貴！

作者: happyapple 時間: 14-8-31 07:51 標題: 回覆：如讀一般幼稚園，點增強小朋友的英語能力？

如果一心想上一般津校，幼稚園就算讀有好多net既，上到小學少了機會聽講，都會退步，這是我見朋友兒子的例子。所以除了幼稚園的語境，家庭的配合同之後小學的選擇都是重要。

作者: rugbyfan 時間: 14-8-31 12:56

喺屋企同佢講多D英文，睇英文書，語言要日日用，否則會退步

作者: muimui2012 時間: 14-8-31 13:50 標題: 引用：我本身英文普通，不是native+speaker。如果

原帖由 Imjanety 於 14-08-29 發表
我本身英文普通，不是native speaker。如果小朋友讀一般學卷幼稚園，你地會點培訓小朋友的英語能力？我想佢 ...

如果小朋友宜家讀得開心鍾意返學，而家長又負擔得起，好好考慮繼續英普k1或轉其他英粵K1，因我認同語境對外語學習的重要性。如選學卷幼稚園再外補英語，花的錢可能差不多，但亦需考慮小朋友放學後再去上課會否太累，和會否不夠自由玩嘅時間。

作者: twk005 時間: 14-8-31 14:43 標題: 回覆：Imjanety 的帖子

聽樓主甘講已經有了答案!!

作者: Herobear 時間: 14-8-31 23:10

我揀咗有學券嘅，因為平。我自己真係覺得唔值，我讀大學都唔駛咁貴
揀得有學券真係預咗學術上嘅野自己教，其實冇學券咪又係要自己跟返
每日要花多好多時間去同佢睇英文書
只要持之以恆，佢英文唔會差過讀冇學券
不過睇你有冇咁多時間

作者: Vickyblah 時間: 14-8-31 23:39 標題: 引用：如果一心想上一般津校，幼稚園就算讀有好多

原帖由 happyapple 於 14-08-31 發表
如果一心想上一般津校，幼稚園就算讀有好多net既，上到小學少了機會聽講，都會退步，這是我見朋友兒子的例 ...

係呀。哩樣都好緊要。樓主你打算讀津貼小學嗎？如果係都係考慮因素之一

作者: kuma_mama 時間: 14-9-1 08:16 標題: 引用：其實我都諗點加強英語，試過讀同聽(有 cd)

原帖由 Linuslouis 於 14-08-30 發表
其實我都諗點加強英語，試過讀同聽(有
cd)的英文故事書，亞仔好喜歡喎，因係亞仔喜歡的McQueen卡通，每日都 ...

請問邊到有得買？多少錢？

作者: cherryird 時間: 14-9-1 11:08

提示: 作者被禁止或刪除內容自動屏蔽

作者: megwong1 時間: 14-9-1 11:35

我個人既小小意見:
小朋友剛返村校N班, 估唔到有NET 一至五都30MINS 英文, (但國語只一星期一堂); 但始終大班, 25人, 須學校說分兩組上, 但覺得未必可以照顧到每個小朋友! 我細個日日上英文堂, 發夢多! 所有村校只可以提供最BASIC 既資源去學英文!

我打算亦問過專業人士, 在家最好每日同小朋友講5分鐘英文 (可以好簡單), 等佢地唔會抗拒! (大人唔叻咪都順便練習下/OR 搵D簡單英文書同佢每日講下). – 我就每日15MINS 同佢 English time.

我每個月比佢去學英文, 一星期一次 (因為已返全日, 唔想小朋友太累)! $160 個鐘, 一個月$640! 比起讀國際學校 5k-6k, 差好遠! 我本身勉強可以比小朋友讀5-6K 學校, 但對我黎講返全日學自理(同某D其他原因)緊要D, AND 5-6K 讀2-3 小時我覺得貴,所以最終揀村校!

作者: HaYi 時間: 14-9-1 12:52

我識比較多小朋友, 學劵的多說會出去補, 但有成效的較少,

我2個都是 "非學劵", 大的已英小, 細的上K1, 佢地會好習慣轉channel, 可能每日對開不同人(老師同小朋友) , 我都開支大辛苦的, 不過佢地上左小學辛苦小D.

作者: picture 時間: 14-9-1 12:55 標題: 引用：請菲傭

原帖由 ricchlosc 於 14-08-30 發表
請菲傭

Are you kidding?

作者: Linuslouis 時間: 14-9-1 14:05

回覆 kuma_mama 的帖子

Kuma_mama, 三聯有得買，但我在圖書館借的，諗住俾佢習慣看書，借書，其實隻CD 好悶，但亞仔好喜歡跟住讀，你可以試試吧！

作者: feipow 時間: 14-9-2 10:45 標題: 回覆：如讀一般幼稚園，點增強小朋友的英語能力？

提示: 作者被禁止或刪除內容自動屏蔽

作者: jannychan 時間: 14-9-2 15:50 標題: 引用：我識比較多小朋友,+學劵的多說會出去補,+但

提示: 作者被禁止或刪除內容自動屏蔽

作者: luckygirl2011 時間: 14-9-2 19:03 標題: 回覆：如讀一般幼稚園，點增強小朋友的英語能力？

我都有爭扎過讀國際幼稚園還是本地幼稚園，你們一心著重英語能力，但我反而覺得中文執筆寫字認字更難

作者: loverbear 時間: 14-9-2 19:20 標題: 回覆：如讀一般幼稚園，點增強小朋友的英語能力？

K1我小朋友都有私幼同學卷offer, 最後都係私幼,每月成5k,我都有付擔,不過諗真下,為左3年後小一之戰, 都冇辦法,當然啦,冇話讀私幼就一定有好小學收,但最少小朋友可以接觸普英,對佢一定冇壞,而自己最多都係洗少d,好過小朋友上到小學辛苦而後悔,因為我都buy呢句嘢"3-6歲係小朋友發展的重要階段",係會有人覺得我傻,幼稚園咋麻,洗乜呀,所以呢d真係好睇個人歡喜,冇話對錯!

作者: twllc 時間: 14-9-2 21:30 標題: 回覆：如讀一般幼稚園，點增強小朋友的英語能力？

我仔3年前讀私校n班，到k1時轉了有學卷幼稚園，讀左大半年發覺語境真係幾重要，單靠每星期1.5小時英文課真係唔夠，勁後悔（果間學校出名好有愛心，但中英都教得好淺好慢），結果k2我幫仔仔轉番私校英普班…

我鄰居仔仔讀有學卷學校，再另外一星期三堂（每堂2小時）讀英文黎keep，淨英文課學費都5k一個月…

作者: Winnie3q 時間: 14-9-2 23:13 標題: 回覆：如讀一般幼稚園，點增強小朋友的英語能力？

我係私校pn 轉k1學卷。我有少少後悔。原因英文同普通話一定要出外補，一個月最少都2千㡬以上啦。仲未計多花在補習的時喎。如果平時巳在英普學校讀，只要家長平時多加練習就可以，而且課餘時可以花在興趣班上。但學卷班小孩本身對英普慨諗巳經少自己教一定要花大量時間，課餘可能花比較多時間上英文普通話。除非你係唔太擔心學業，比較喜歡happy school.

作者: Winnie3q 時間: 14-9-2 23:15 標題: 引用：Quote:ricchlosc+發表於+14-8-30+02:25+請

原帖由 cherryird 於 14-09-01 發表
我聽過好多講座, 好多老師都話不要叫菲傭教英文, 好多音戒不到, 小學面試一聽便知, 話唔好 ...

千萬不要靠姐姐呀呀呀。。。

作者: 天使CHUBB 時間: 14-9-2 23:30 標題: 回覆：如讀一般幼稚園，點增強小朋友的英語能力？

咁如果打算小學係大抽獎，係咪讀有學卷會好D?? 再自己比心機教+phonics

作者: feifei_baby 時間: 14-9-3 02:26 標題: 回覆：如讀一般幼稚園，點增強小朋友的英語能力？

我姐姐啲英文口音唔錯，又肯教佢，我返咗工睇cam見姐姐成日陪阿女睇書，讀普通n，未升k1已經識轉channel，我同佢講英就答英，講中就答中。私幼真係好貴，連雜費6六七萬一年，連興趣班咪over 10萬一年？！！所以，唯有量力而為讀學劵幼稚園……

作者: cherryird 時間: 14-9-3 09:00

提示: 作者被禁止或刪除內容自動屏蔽

作者: picture 時間: 14-9-3 09:40

feifei_baby 發表於 14-9-3 02:26
我姐姐啲英文口音唔錯，又肯教佢，我返咗工睇cam見姐姐成日陪阿女睇書，讀普通n，未升k1已經識轉channel， ...

But are you sure your maid's English is correct?
my old maid likes to say
1. " play to " your friends and not "play with"",
2. a lot of "ok la",
3. put your things in your "bug" and not "bag"

Not only do they not pronounce properly, they can't spell, their expressions are wrong, their grammar is wrong, and the tone of voice when speaking English is also wrong.

Just visit Bumps to Babes and you get a good idea of what I mean by the tone of voice is wrong.

作者: picture 時間: 14-9-3 09:41

天使CHUBB 發表於 14-9-2 23:30
咁如果打算小學係大抽獎，係咪讀有學卷會好D?? 再自己比心機教+phonics

...

I would rather my child pick up my Chinese accent English then picking up Filipino accent English.

作者: wing214 時間: 14-9-3 11:33 標題: 回覆：Imjanety 的帖子

我仔讀學卷幼稚園，每天有net教英文，學費$1000咋，近屋企，步行5分鐘到，我另外同佢報讀abc pathways cambridge(2歲9個月開始讀喇$1300)，再報海天游泳課程(3歲開始$700)，畫畫班(2歲半始於學校內讀$560)，田徑課程(間中跑$300)，我一個月仔仔學費約$3860，維持星期六下午及星期日family day, 但係唔需要搭校車慳好多時間讀興趣班，我住黃埔有好多興趣班選擇。屋企姐姐全英，我間中都會全英，仔4個月大開始亦有用disney world of english(姐姐做家務時睇)，其實小朋友中英文同樣重要，除非家長只選擇國際小學或到海外升學，我除咗教仔仔英文，亦著重教佢用廣東話看圖說故事，同埋寫中文字，其實寫中文比寫英文難好多呀

作者: TeriAnla 時間: 14-9-3 11:59 標題: 回覆：如讀一般幼稚園，點增強小朋友的英語能力？

我囝囝都剛由私立英文幼稚園轉學卷，一星期兩堂英文只有其中一堂係NET. 唔肯定囝囝英文會唔會退步，不過我有信心keep到。囝囝已經養成每日睇英文書，聽CD嘅習慣和興趣。開咗學每日回家都仍然睇兩至3個鐘書。姐姐全英，自己全英。

作者: Bonbonita 時間: 14-9-3 12:11

回覆 TeriAnla 的帖子

你囝囝好乖呀，可否推介一些英文書和CD？因我都想今年幫囝囝報有學卷幼稚園, 謝謝

作者: miss_siu88 時間: 14-9-3 13:27

本帖最後由 miss_siu88 於 14-9-3 13:28 編輯

Angelafyfy 發表於 14-8-30 22:42
係囉，樓主只係問下人地意見，唔駛咁rude去質問人地問問題既動機。

有好多人英文好好，都係靠背字典，睇西 ...

請問您的囡囡多大了？認識200～300個字很不錯呀。
我也買了Oxford reading tree,把錄音放在手機裡面播，仔仔很喜歡聽一些有音樂的故事。等他再大些，想帶他和native speaker 在公園、遊樂場一起玩。因為我本身是普通話老師，所以應該相對容易些找到人language exchange。

作者: ricchlosc 時間: 14-9-3 13:39

回覆 picture 的帖子

冇講笑。雖然菲傭發音唔准，再者唔係咁啱文法，但係從小比佢一個用英文語境，會對小朋友幫助好大。其實發音唔係大問題，小朋友只會跟到D捲舌音，其他同我哋冇分別，文法就返學會學番。

作者: ricchlosc 時間: 14-9-3 13:44

回覆 cherryird 的帖子

唔係要姐姐教英文，而係響溝通過程中，令小朋友唔怕講。

作者: feifei_baby 時間: 14-9-3 14:53 標題: 引用：Quote:feifei_baby+發表於+14-9-3+02:26+我

原帖由 cherryird 於 14-09-03 發表
唔好怪我直, 其實請姐姐用意係照顧, 若要教英文, 其實應該請英文老師

我冇主動叫姐姐教英文，咁平日得佢兩個喺屋企，唔通唔講嘢？姐姐好錫我女，會陪佢玩，我女鍾意睇書，姐姐咪陪佢，唔通我唔俾姐姐咁做？我返到屋企，會自己湊+陪阿女，我啲口音和英語水平都未到native speaker水平，係咪又唔教得？

作者: cherryird 時間: 14-9-3 14:59

提示: 作者被禁止或刪除內容自動屏蔽

作者: tiggeryyw 時間: 14-9-3 15:59

回覆 feifei_baby 的帖子

絕對和你處境一樣.... 我女都是讀學卷, 而且又要請姐姐睇女........ 份人工搬來搬去都是咁細....

我呢D夾心階層, 又冇D政X 幫爭取呢樣那樣, 做下調查....

"夾心階層讀學卷的仔女欠缺正式英語會話訓練. 情況危急和憂慮, 促請政府資助"

作者: kaman710 時間: 14-9-3 16:01

Herobear 發表於 14-8-31 23:10
我揀咗有學券嘅，因為平。我自己真係覺得唔值，我讀大學都唔駛咁貴
揀得有學券真係預咗學術上嘅野自己教， ...

真心請教點同小朋友睇英文書?
我都係翻譯返做中文同佢講ONLY.

作者: tiggeryyw 時間: 14-9-3 16:10

回覆 kaman710 的帖子

我和你做法相似...但都盡量讀一些簡單英文俾佢聽..... 讀音不致太遠...... 我仲俾女睇英文卡通..
mr men and little miss, little einstein , Peppa pig , mickey mouse club house ..佢真係跟住講

從未看過無記D日本卡通.....

作者: fabsum 時間: 14-9-3 16:17

jade_h 發表於 14-8-31 02:20
小兒今年k3，k1-k2上學期讀屋村幼稚園。本來以為課後再多看英語書/dvd可以補救到，但結果是我一拿出那些英 ...

唉!

一分金錢，一分收穫！　

作者: feifei_baby 時間: 14-9-3 17:05 標題: 引用：回覆+feifei_baby+的帖子絕對和你處境一

原帖由 tiggeryyw 於 14-09-03 發表
回覆 feifei_baby 的帖子

係啦，我夠知讀名幼英文好，請英文老師教英文好，唔係人人俾得起，唔通為咗呢啲節衣縮食咩…… 我又要返工，而家請到個好嘅姐姐我已經好感恩！

作者: tiggeryyw 時間: 14-9-3 18:05

回覆 feifei_baby 的帖子

完全同意。大家係同路人。唯有撑撑撑！我不是要女超晒班。只是其他同齡小朋友已開始跑，我都要安排起碼開始學走。

作者: saibei 時間: 14-9-3 21:11 標題: 回覆：如讀一般幼稚園，點增強小朋友的英語能力？

我女讀有学卷学校K1, 每日有NET 30 min 英文堂, 屋企有菲姐姐, 另上英語班一星期兩堂, 一堂一对四, 一堂一对一, 逢Sat 有教會bible 班, NET 教, 我自己80%同佢英語, so far 佢英語溝通理想, 我揀学卷学校係因為呢间德育宗教好, 每個月減学卷后 $41x 学費咋, 好抵!

作者: Linuslouis 時間: 14-9-3 21:20 標題: 回覆：saibei 的帖子

saibei, 可否分享是那間學校？

作者: lizwai2003 時間: 14-9-4 09:49

本帖最後由 lizwai2003 於 14-9-4 09:50 編輯

回覆 saibei 的帖子
請問邊間school?

作者: ssshk 時間: 14-9-4 11:47 標題: 回覆：如讀一般幼稚園，點增強小朋友的英語能力？

如果冇學券除了另外付出金錢搵人教之外，仲要小朋友付上額外嘅時間去學英文上堂，小朋友返幼稚園已經攰。同埋出去補又要夾時間，一星期一次到時又可能會嫌少。個人覺得如果offer到就比佢喺語境好些少嘅學校讀，放學仲可以玩吓同瞓晏覺

作者: ssshk 時間: 14-9-4 11:48 標題: 引用：我女讀有学卷学校K1,+每日有NET+30+min+英

原帖由 saibei 於 14-09-03 發表
我女讀有学卷学校K1, 每日有NET 30 min 英文堂, 屋企有菲姐姐, 另上英語班一星期兩堂, 一堂一对四, 一堂一 ...

請問咩區？

作者: megwong1 時間: 14-9-4 14:31

查實咁細個D英文有幾深吖! 我小朋友果間學卷村校都係每日30MINS 英文NET教! 出名好多私校都唔係五日有NET! 最緊要睇自己情況, 同自己比時間心機! 大把錢咪國際學校再加一對一補習都仲得! 絕對唔係有錢但又未窮得可以攞各種資助如我, 咪每晚同佢有15 MINS -30 MINS 全英語, 平時得閒又多D教英文生字/短句…………..夠錢咪再上下D英文PG/興趣班………..無錢咪去圖書館借英文書/發聲書…………自己英文唔叻咪順便一齊學埋! 手機/屋企有得上網既, 大把website 教英文, 有得聽有得睇……….

作者: fishchow 時間: 14-9-5 02:14 標題: 引用：Quote:原帖由+ricchlosc+於+14-08-30+發表

原帖由 picture 於 14-09-01 發表
Are you kidding?

我有一個朋友，年紀算軽，生了2個小孩，加國移民。佢本身學歷算高，有在香港的大學有教part time. 佢就係用菲傭的standard rate 加1千，揀咗一個大學生兼英語發音正確的菲傭，我覺得佢好醒！

作者: DevilPig 時間: 14-9-5 10:36 標題: 引用：我係私校pn+轉k1學卷。我有少少後悔。原因

原帖由 Winnie3q 於 14-09-02 發表
我係私校pn 轉k1學卷。我有少少後悔。原因英文同普通話一定要出外補，一個月最少都2千㡬以上啦。仲未計多花 ...

咁如果轉龍校學券呢？會後悔？

作者: Winnie3q 時間: 14-9-5 19:41 標題: 引用：Quote:原帖由+Winnie3q+於+14-09-02+發表我

原帖由 DevilPig 於 14-09-05 發表
咁如果轉龍校學券呢？會後悔？

如果培正我不後悔。因為有小1 and 中學backup冇咁大壓力.我完全因為怕考小1所以擔心。

作者: Winnie3q 時間: 14-9-5 19:45 標題: 引用：如果冇學券除了另外付出金錢搵人教之外，仲

原帖由 ssshk 於 14-09-04 發表
如果冇學券除了另外付出金錢搵人教之外，仲要小朋友付上額外嘅時間去學英文上堂，小朋友返幼稚園已經攰。同 ...

Can not agree more, 慳時去玩和上興趣班好過。

作者: Angelafyfy 時間: 14-9-8 21:10 標題: 引用：+本帖最後由+miss_siu88+於+14-9-3+13:28+

原帖由 miss_siu88 於 14-09-03 發表
本帖最後由 miss_siu88 於 14-9-3 13:28 編輯

我囡囡未夠三歲，計下計下，應該識三百幾個英文字或句型，當中二百幾個字係由Oxford path 到學的，其餘係我日常生活同埋其他故事書，DvD學既。

作者: MELODY430 時間: 14-9-9 08:23 標題: 回覆：Angelafyfy 的帖子

對，我女兩歲半，中英字也識很多，平時在家是爺爺同工人溝通番釋，廣東話我放工教，英文主要dvd 同工人教下，生活上學習最重要

作者: Helloladies 時間: 14-9-16 02:52

回覆 wing214 的帖子

我都係住黃埔，想知道你講緊邊間有學卷幼稚園呀？幫小朋友揀學校煩惱中

作者: pigmcmug 時間: 14-9-16 09:41 標題: 回覆：wing214 的帖子

我都系系黃埔,又系讀學券學校$ 1000加abc pathway
我覺得甘樣幾好,全部屋企步程,

作者: sissysze 時間: 14-9-16 23:13 標題: 回覆：如讀一般幼稚園，點增強小朋友的英語能力？

黃埔嗰間譚歐陽咪日曰講eng 囉，重大把外國人同學tim

歡迎光臨教育王國 (/)