教育王國

標題: 做A仔家長真係好多煩惱 [打印本頁]

作者: Vivianb 時間: 14-7-31 12:03 標題: 做A仔家長真係好多煩惱

我個仔現在兩歲，講好少野，行得吾好﹐眼神接觸少，有臨床心理學家評為自閉。現在係領思上緊密集課程，協康有語言治療，睇緊林XX醫生做另類療法。
所有野做了一個月，成效一般，打算做埋針炙。

現在每個月洗多成兩萬蚊，太太有要日日帶佢去TRAINING，大人細路都好辛苦，A仔家庭真係好多煩惱，

有以下問題想請教大家:
(1) 佢行得吾好，成日亂衝亂撞，使吾使物理治療師 ?
(2) 排緊E位，仲使吾使去CAC ? 因為CAC 排到十一二月先有得睇。
(3) 針炙，我BOOK 左張雅X醫師同浸會大學，想問邊間好些 ? 我想選一個。

作者: apple~y 時間: 14-7-31 15:56

本帖最後由 apple~y 於 14-7-31 15:56 編輯

回覆 Vivianb 的帖子

你都識話太太,bb日日0甘多訓練巳經辛苦
個個月開支0甘大,你想玩大包圍試埋針灸
你都要理下太太,bb感受,甘辛苦仲加針灸?
張醫師出名多針,多針到嚇死你,針到bb喊到死死下,你接受到嗎?
訓練只係一個月,0甘心急,現在只係開始係要長期作戰
我都訓練五年啦,你只係一個月有排捱
老友巳經個個月開支2萬做訓練,真心認為真係收下手,唔好去到0甘盡
我唔知你仔大肌有幾差,我仔以前都大肌差做多d體能運動,

作者: Vivianb 時間: 14-7-31 18:09

我諗住吾睇林醫生，吾想排毒傷身。
轉睇針炙，想問下浸會大學的醫生好吾好

作者: Destination121 時間: 14-7-31 20:19 標題: 回覆：Vivianb 的帖子

他講嘢有幾少呀？

作者: 王王爸爸 時間: 14-7-31 21:21 標題: 回覆：Vivianb 的帖子

CAC都要排，會轉介精神科和可能寫傷殘金。
物理治療都有D用，排政府可以平D，又多是小組，九龍醫院物理治療都OK！
A仔係發展障礙，沒有單一有效治療，要長期作戰！

作者: Vivianb 時間: 14-8-1 09:33

回覆 Destination121 的帖子

單子十個以內，好少叫爸媽

作者: Vivianb 時間: 14-8-1 09:36

我想問下針炙，浸會張全明博士好，或是張雅菁醫師好?

作者: yicbc 時間: 14-8-1 15:19

回覆 Vivianb 的帖子

(1) 佢行得吾好，成日亂衝亂撞，使吾使物理治療師 ?

   亂衝亂撞---應該係感統出現問題, 你每日帶佢去公園玩, 千秋, 滑梯, 攀爬架.
   跳彈床都有幫助, 買張返屋企, $600 左右, 對言語發展有幫助.

(2) 排緊E位，仲使吾使去CAC ? 因為CAC 排到十一二月先有得睇。

   政府支援係冇咩用, 但係都唔可以斷, 因為唔知將來會發生咩事, 有政府 BACK UP 下D使費都好.

(3) 針炙，我BOOK 左張雅X醫師同浸會大學，想問邊間好些 ? 我想選一個。

    我最唔贊成, 成幾十支插頭插手通埋電, 痴線, 對小朋友係陰影.

作者: BKVIP 時間: 14-8-1 17:26 標題: 回覆：做A仔家長真係好多煩惱

每個月2萬

你做得好密要咁多錢?我個時最貴都係做髗骶骨一個月1500，其他靠政府，政府e is位好平，再自己出面搵d 社福機構開的社交班已好足夠，一個月都唔駛400喎。你樣樣都試，有無了解過個樣治療係乜嘢?邊樣真正需要? 大人bb 是否承受得了? A 仔嘅嘢無得快架。

作者: Destination121 時間: 14-8-1 17:58 標題: 回覆：Vivianb 的帖子

帶佢行下沙灘，剌激下。帶佢見多D人。佢皮氣好唔好？

作者: zhfl729 時間: 14-8-1 21:45 標題: 回覆：Vivianb 的帖子

我去过张某人的针灸，讲真，无咩用，浪费钱和时间。最有用是密集+家居训练。个人意见，仅供参考。希望帮到你

作者: Alam123 時間: 14-8-1 22:50 標題: 回覆：BKVIP 的帖子

政府服務要排一至二年才有位，私人密集每月最少都要8000~9000，加埋堂巳過萬。如果再加生物治療，真係要二萬。

作者: Kyle 時間: 14-8-1 22:51 標題: 回覆：做A仔家長真係好多煩惱

張醫師，好多人讚到佢天上有地下無，亦好多人媽义佢得好勁離開了。有做了百多次無效，自己醒覺離開了，有聽佢點做夠二百次會好返，真的二百次時離開了。

我見好多開始時讚，跟住就媽义。而我又開頭疑惑，到最後媽义，未曾讚過。對小朋友心理傷害實在太大，逐一行刑咁款，自己發晒茅找治療大把錢也要保持清醒。

作者: 琪寶 時間: 14-8-2 09:21 標題: 回覆：做A仔家長真係好多煩惱

而家密集訓練包d咩？如果已包3T訓練，其實已足夠，有時間就多d帶佢去公園、沙灘，俾多d不同的經驗他，讓他多接觸不同的人，我認為更有幫助。當然，家居訓練亦相當重要。

作者: Vichang 時間: 14-8-2 17:03 標題: 引用：張醫師，好多人讚到佢天上有地下無，亦好多

原帖由 Kyle 於 14-08-01 發表
張醫師，好多人讚到佢天上有地下無，亦好多人媽义佢得好勁離開了。有做了百多次無效，自己醒覺離開了，有聽 ...

請問這個浸會張醫師是男還是女？

作者: Kyle 時間: 14-8-2 17:04 標題: 回覆：Vichang 的帖子

銅鑼灣慶鈺堂張醫師，見到好走！

作者: Vivianb 時間: 14-8-3 16:11

本帖最後由 Vivianb 於 14-8-3 18:43 編輯

回覆 zhfl729 的帖子

指張雅x是女醫師

作者: Vivianb 時間: 14-8-3 16:14

本帖最後由 Vivianb 於 14-8-3 19:07 編輯

我想講清楚張雅菁是女的，張全明博士是男的。
你們講是那個？我下星期要決定了。

作者: Vivianb 時間: 14-8-3 18:44

回覆 Vichang 的帖子

張全明是男的

作者: zhfl729 時間: 14-8-5 09:17 標題: 引用：銅鑼灣慶鈺堂張醫師，見到好走！ +

原帖由 Kyle 於 14-08-02 發表
銅鑼灣慶鈺堂張醫師，見到好走！

非常同意

作者: Vivianb 時間: 14-8-6 10:16

我最後決定劉伍立醫師，睇完話比大家知怎樣

作者: jjcow 時間: 14-8-6 12:25

apple~y 發表於 14-7-31 15:56
回覆 Vivianb 的帖子

你都識話太太,bb日日0甘多訓練巳經辛苦

同意樓上所講...
另外補充，其實樓主咁細個發現，可以先用傳統有效的密集訓練，耐心訓練幾個月，覺得進度不如理想再試另類療法仍有時間。

我當年仔未夠 2 歲確診，醫生都叫我排住密集先，話佢仲細，家長首先要裝備好自己。於是我就報咗密集訓練，然後邊訓練邊學（記得上個別訓練時一定要跟上堂，學技巧），再花大量時間睇書睇資料，再根據自己仔情況篩選另類療法備用（記住，個個仔唔同，人地得唔代表你得）。

我給自己一年時間做觀察，結果原來仔接受傳統訓練已可以追番上嚟。將來條路好漫長，千萬不要藥石亂投，同埋都要留個錢，唔好洗得太盡。

作者: jjcow 時間: 14-8-6 12:29

Destination121 發表於 14-8-1 17:58
帶佢行下沙灘，剌激下。帶佢見多D人。佢皮氣好唔好？

同意，行草地都唔錯，仲有鵝卵石，唔知係咪腳板多神經反射，佢每次行完呢啲野，我都覺得佢醒咗唔同咗...
呢啲活動有益又親子，仲要唔駛點洗錢

作者: Alam123 時間: 14-8-6 15:14 標題: 引用：Quote:apple~y+發表於+14-7-31+15:56+回覆+

原帖由 jjcow 於 14-08-06 發表
同意樓上所講...
另外補充，其實樓主咁細個發現，可以先用傳統有效的密集訓練，耐心訓練幾個月，覺得進度不 ...

我case 同你差唔多，阿仔剛開始上密集，我想看他進度再考慮其它療法。請問你仔仔密集讀了多久，有冇上N 班?

作者: jjcow 時間: 14-8-6 15:51

Alam123 發表於 14-8-6 15:14
我case 同你差唔多，阿仔剛開始上密集，我想看他進度再考慮其它療法。請問你仔仔密集讀了多久，有冇上N 班? ...

上咗五個月，跟住返 N 班（歲半時考的，真好彩，當時老師只當佢 BB，收咗），然後一直每星期上一次私人個別 PST，同埋上醫院 OT。就咁樣，一直捱到 K1 有 E 位。

作者: Alam123 時間: 14-8-6 20:10 標題: 引用：Quote:Alam123+發表於+14-8-6+15:14+我case

原帖由 jjcow 於 14-08-06 發表
上咗五個月，跟住返 N 班（歲半時考的，真好彩，當時老師只當佢 BB，收咗），然後一直每星期上一次私人個別 ...

現正上私人密集，未識講嘢，煩緊9月都唔知好唔好上N班。你仔評估後有冇排S位？

作者: Destination121 時間: 14-8-6 23:25 標題: 引用：Quote:Destination121+發表於+14-8-1+17:58

原帖由 jjcow 於 14-08-06 發表
同意，行草地都唔錯，仲有鵝卵石，唔知係咪腳板多神經反射，佢每次行完呢啲野，我都覺得佢醒咗唔同咗...
呢 ...

請問那兒買鵝卵石行？

作者: jjcow 時間: 14-8-7 00:22

Alam123 發表於 14-8-6 20:10
現正上私人密集，未識講嘢，煩緊9月都唔知好唔好上N班。你仔評估後有冇排S位？

...

評估後排 E + S，但到差唔多派位時我見仔進步不少，係學校又無咩大問題，於是同社工講只排 E 位。
至於 N 班，我當時都係諗住試下咋，唔得咪讀番私人密集囉，得嘅咪可以慳下荷包。

你可以問下返開密集啲姑娘的意見。

佢返咗 N 班，我精神壓力無咁大，又可以休息下，準備下佢放學回家做嘅訓練。

不過你係全日定半日班？半日我又覺得作用不大，寧願繼續返私人密集。全日班對我地啲仔係最好的，當時 CAC 的醫生都係咁講。

作者: jjcow 時間: 14-8-7 00:25

Destination121 發表於 14-8-6 23:25
請問那兒買鵝卵石行？

唔駛買，屋邨公園啲婆婆伯伯做運動個度多數有。維園有個好大的石春池添，仔成日想去玩。
不過以前返密集，見過姑娘成日攞張石春墊出嚟俾佢地行，但其實我唔知係邊度買

作者: Alam123 時間: 14-8-7 18:21 標題: 引用：Quote:Alam123+發表於+14-8-6+20:10+現正上

原帖由 jjcow 於 14-08-07 發表
評估後排 E + S，但到差唔多派位時我見仔進步不少，係學校又無咩大問題，於是同社工講只排 E 位。
至於 N ...

未評估前已報了半曰國際幼兒園交晒錢，現剛評估完，上緊密集，所以都唔知好唔好試下N班，唔得再返去密集，但怕佢又要再重新適應過。

作者: DJ924 時間: 14-8-13 11:07 標題: 回覆：做A仔家長真係好多煩惱

我個囝27個月大，返緊全日N班，返學前後都有同過學校傾佢可能係自閉，學校都認同。年初去CAC登記，終於等到今個月尾見兒科醫生。佢少眼神接觸，未好認講野，返學時坐唔定。好想預先知道個流程，等月尾去CAC有所準備:

1. 係咪見完醫生會即時作出評估?還是要等，等幾耐?
2. 如果要排E I S位，係咪當日申請埋?
3. 除咗E I S位，其他訓練係咪排好耐?除咗政府，有邊啲社福機構(港島)有? 如果淨係週末先上，而平日繼續返全日N班，會ok嗎？

作者: funghon 時間: 14-8-13 16:48 標題: 回覆：做A仔家長真係好多煩惱

見兒科醫生係即時評估，同埋見埋社工幫你排期E/S/I位。到時如果社工見議你排S位，我覺得你應該即時找私人S位，好過讀N班。

作者: Vichang 時間: 14-8-13 23:28 標題: 引用：我個囝27個月大，返緊全日N班，返學前後都

原帖由 DJ924 於 14-08-13 發表
我個囝27個月大，返緊全日N班，返學前後都有同過學校傾佢可能係自閉，學校都認同。年初去CAC登記，終於等到 ...

同意另外Jm 講應該立刻排付費密集課程。協康、耀能、基督教家庭服務處、循道衞理都有。大包圍，其實未証實係咪A字都已經可以排。

作者: Vichang 時間: 14-8-13 23:28 標題: 引用：我個囝27個月大，返緊全日N班，返學前後都

原帖由 DJ924 於 14-08-13 發表
我個囝27個月大，返緊全日N班，返學前後都有同過學校傾佢可能係自閉，學校都認同。年初去CAC登記，終於等到 ...

同意另外Jm 講應該立刻排付費密集課程。協康、耀能、基督教家庭服務處、循道衞理都有。大包圍，其實未証實係咪A字都已經可以排。

作者: armoimama 時間: 14-8-26 13:35

大家好！我個仔三歲剛被評估為自閉症群譜marginal case, 黎緊會返k1上午班, 今日剛開始了協康第一堂語言治療, 亦有同佢排緊其他機構既職業治療, 但聽大家講好似密集比較有成效, 係咪呢? 同埋Vichang 介紹基督教家庭服務處都有密集訓練, 但我上佢地網頁搵唔到, 請問係邊個分部門呢? 謝謝!

作者: clingy 時間: 14-8-26 15:42 標題: 回覆：armoimama 的帖子

基督教心橋計劃。其實好多機構提供密集训练，去實地睇下，同負責人傾下，計算下路程，差唔多心中就有答案了。

作者: funghon 時間: 14-8-26 18:29 標題: 引用：大家好！我個仔三歲剛被評估為自閉症群譜ma

原帖由 armoimama 於 14-08-26 發表
大家好！我個仔三歲剛被評估為自閉症群譜marginal case, 黎緊會返k1上午班, 今日剛開始了協康第一堂語言治 ...

密集係包括職業治療、言語治療、幼兒導師訓練，還有自理訓練，平時都係一班小朋友一齊上堂，當然好d啦

作者: bbqiu 時間: 14-8-26 21:46

回覆 zhfl729 的帖子

我仔針了她有改善，可能有dA仔真系夾佢，我識得有A媽真系好多謝佢，so各位A媽自己判斷。最多睇一個療程，48次無野睇，甚或20次冇野好走，太影響小朋友情緒也要考慮。

作者: myanyan 時間: 15-1-7 17:00

提示: 作者被禁止或刪除內容自動屏蔽

作者: monkeidance 時間: 15-4-8 15:36

您好，

2及3我沒有太多認知，不過關於1的手腳協調及平衡，絕對可以落公園玩、學踩單車、游水等平衡和協調運動改善，不用花過多金錢去做感統訓練。

不過若果真的沒時間帶小朋友到公園玩或做運動，那家長也可自行考慮坊間訓練，但我不太贊成。

不是家長的MO

(利申：我沒有自閉症的孩子，也不是家長，只是一名教學助理)

作者: LeeCC 時間: 15-4-8 16:16

monkeidance 發表於 15-4-8 15:36
您好，

2及3我沒有太多認知，不過關於1的手腳協調及平衡，絕對可以落公園玩、學踩單車、游水等平衡和協調 ...

如果孩子在公園肯落地踏軟當然可以自行去公園啦，但有些小朋友連這一步都做不到，不去訓練可以點做？我個仔去了感統訓練幾個月才可以去公園沙灘落地，不尖叫
真的你所講得那麼容易嗎？

作者: monkeidance 時間: 15-4-8 16:49

你誤會了, 我從不覺得這是"容易"的~ 不過若你見過感統訓練的用具, 其實很多跟我小時候到公園玩的是差不多的~

當然按個別小朋友情況, 不過因為之前也聽過一些媽媽說做運動對平衡及協調有幫助~

另也介紹你看這個台灣爸爸的經歷, 可能有一些啟發~
https://zh-cn.facebook.com/tsaijey

做家長從來都不是"容易"的, 細個我也是阿媽打大的, 不過後來阿媽上了親子班, 才沒有再用"沒效果"的方法~ 知道很多家庭為訓練而花了不少錢, 所以想說也有這樣自行訓練而成功的例子, 可供家長參考~

無論如何, 也恭喜仔仔開始願意到公園沙灘玩, 父母繼續加油~

作者: 5941 時間: 15-5-7 14:10

回覆 jjcow 的帖子

非常同意，進步不會一夜間發生。况且2歲負荷唔到咁頻繁生活，sen小孩都好需要愉快生活。

歡迎光臨教育王國 (/)