教育王國

標題: 非常嫲嫲舞刀教孫被捕助留級孫女凌晨特訓壓力爆煲 [打印本頁]

作者: JWKun 時間: 14-7-26 10:08 標題: 非常嫲嫲舞刀教孫被捕助留級孫女凌晨特訓壓力爆煲

非常嫲嫲舞刀教孫被捕
助留級孫女凌晨特訓壓力爆煲
2014年7月26日

【明報專訊】何文田邨昨發生「非常嫲嫲」舞刀教孫虐兒案。疑有舞刀前科的69歲祖母，為管教一對孫仔孫女勞心勞力，由於9歲孫女今年留班，被嚴父要求在暑假加緊溫習，祖母昨凌晨4時許督促孫女起牀溫習時，疑壓力「爆煲」，拿菜刀拍枱揮舞，又向家中安裝的「天眼」怒吼。正駕的士開工的兒子透過手機目睹母親揮刀後大驚報警，祖母最後涉虐兒被捕，但警方初步相信她並無傷人意圖。

作者: NKPA 時間: 14-7-26 10:16

高壓長久無用

作者: Jane1983 時間: 14-7-26 10:56

有睇單新聞。一日24個小時，幾時搵吾得？放暑假，要小朋友早上4點幾起身溫習...你怪佢吾專心，攞刀嚇佢話斬佢，點講都係大人痴線。

小朋友讀書吾掂係好煩，但要分清楚你係幫佢，定係折磨佢、懲罰佢。

作者: awah112 時間: 14-7-26 11:07 標題: 回覆：非常嫲嫲舞刀教孫被捕助留級孫女凌晨特訓壓力爆煲

提示: 作者被禁止或刪除內容自動屏蔽

作者: Laiyuet3434 時間: 14-7-26 11:33 標題: 回覆：非常嫲嫲舞刀教孫被捕助留級孫女凌晨特訓壓力爆煲

唉, 依家香港嘅教育制度，家長、教師、學生全部都係受害者！

作者: zhuzhu 時間: 14-7-26 12:44

【太陽報專訊】任職的士司機「直升機爸爸」，雖然在外奔波賺錢養家，但在何文田寓所安裝攝錄鏡頭，透過手機應用程式（Apps）全天候監察九歲女兒做功課，更安排六旬母親陪孫女讀書。昨日被罰抄的女童因未完成任務做「通頂」，期間，嫲嫲疑不滿家用少又「超時工作」，加上心痛孫女捱夜，竟在鏡頭前擸刀拍枱及玻璃杯指摘孫兒，司機以為母親「揸刀教孫」報警，結果嫲嫲涉嫌虐兒被捕，並送院治理。
「直升機家長」即形容為全天候監控子女的父母，今次教女教出火的父親姓黃（四十五歲），可謂「直升機爸爸」。他與年老父母、妻子、長女及讀幼稚園低班的五歲幼子，同住在何文田邨采文樓一單位。據悉，黃父為家庭經濟支柱，主要揸通宵更的士，惟試過做足二十四小時。就讀小三的黃女，獲校方通知若分數不達標會被踢出校，其父得悉後大為緊張，不滿女兒健忘，放暑假亦不敢鬆懈，罰她每日抄寫「我每天一定會寫我會忘記的事情」及溫習功課，才可吃飯及睡覺。
「家用唔夠仲要幫教女」
黃更吩咐姓黃（六十九歲）母親陪讀，更在書枱前安裝攝錄鏡頭，方便他隨時隨地監視，防止女兒偷懶。昨凌晨四時許，黃女因未完成罰抄，徹夜未眠，嫲嫲一直在旁督促，其母及胞弟在房間睡覺。期間，黃父使用手機Apps遙遠監察。身心疲憊的嫲嫲發現後，得知黃父正在看影像畫面，不滿情緒爆發，突取出一把利刀在鏡頭前揮舞，並用刀拍打書枱及玻璃杯，怒斥兒子：「畀咁多嘢個女做，呢排成日做到凌晨!生活又差，家用又畀唔夠，仲要幫你教女，冇得瞓!」由於鏡頭無收音功能，黃父誤以為她揸刀教訓女兒，立即趕回寓所阻止及報警求助。
未抄完唔准瞓無飯食
警方到場調查，以涉嫌虐兒拘捕涉案嫲嫲，案件交由九龍城警區刑事調查隊跟進，事件中無人受傷，惟嫲嫲因患高血壓，且情緒不穩，報稱身體不適，由救護車送院檢查，正留院觀察。女童經警方勸喻後，終可以睡覺休息。據其胞弟透露﹕「家姐尋日冇瞓，今日冇瞓，啱啱先瞓。」他又稱胞姐要完成罰抄才可吃飯，坦言：「個個食完飯，佢先有得食。」鄰居方婆婆表示，平日有與嫲嫲打招呼，她為人不錯，甚少聽到吵架聲。

作者: nintendo 時間: 14-7-26 13:42 標題: 引用：有睇單新聞。一日24個小時，幾時搵吾得？放

原帖由 Jane1983 於 14-07-26 發表
有睇單新聞。一日24個小時，幾時搵吾得？放暑假，要小朋友早上4點幾起身溫習...你怪佢吾專心，攞刀嚇佢話斬 ...

唉，真係陰公，放假都咁，平時可能更慘。

作者: Jane1983 時間: 14-7-26 14:16

回覆 nintendo 的帖子

係慘，無啖好食、無覺好訓、又比人鬧，甘樣的生活真係幾苦。

作者: shadeslayer 時間: 14-7-26 15:07 標題: 引用：唉,+依家香港嘅教育制度，家長、教師、學生

原帖由 Laiyuet3434 於 14-07-26 發表
唉, 依家香港嘅教育制度，家長、教師、學生全部都係受害者！

家長拿刀教女都係教育制度錯，社會的錯，和家長無錯？

作者: 洋蔥頭媽咪 時間: 14-7-26 22:08 標題: 回覆：非常嫲嫲舞刀教孫被捕助留級孫女凌晨特訓壓力爆煲

睇完我覺得好似唔似係非常嫲嫲，係非常問題父母至真，有乜理由個老豆比咁多野個女做又唔比食又唔比訓，仲要個老人家冇得訓幫佢教女，迫死個老人家咩！佢老婆就同個仔訓覺 (唔知有冇理解錯)，總之完全唔合理！個小朋友好慘，佢老豆都有病！

作者: annie40 時間: 14-7-27 09:36

一個養五個，關心孩子學業，必然是非常顧家的好男人，各位親友，請合作合作，比條路佢行好喎。

如果識佢，真系想分享下閱讀親子大法！

作者: notcool 時間: 14-7-27 09:43

Love in a wrong way.

作者: MrBeast 時間: 14-7-27 09:45

有其子必有其母(or 其父）

作者: Yanamami 時間: 14-7-27 09:51

过两年就離家出走。

作者: NKPA 時間: 14-7-27 13:11

袓父母幫到照顧孩子，但幫唔到教佢地。爸爸要做十幾個鐘養家，媽咪一定要留返三兩個鐘教仔女。

歡迎光臨教育王國 (/)